船皇 (厚福街) (已結業)

呢掛好興食船麵，細細碗放曬成張檯上面，今次專登揀左呢間船皇食！由於太肚餓，所以揀左食大碗船麵，冇試細細碗。黎到剛好下午茶時間，可以平時食船麵加小食或者野飲。船麵湯麵即係乜都有啲，乜都可以試曬！有豬又有牛！牛腩牛肉片牛肉丸湯麵，啲牛腩好淋牛肉幾爽口，牛肉片就普通少少，加上個蛋麵同辣汁，好食！雖然個辣汁叫左中辣，但都唔係死辣，偏甜又香，真係幾好食！另外小食揀左豬肉丸同埋春卷，都ok唔錯！仲另外叫左一凍一熱嘅泰仔奶茶，奶味偏重，凍飲偏甜，熱飲本身唔落糖都有少少甜味！下次再飲凍飲要叫佢少甜！最後牛舌就比較普通，泰式辣汁唔夠入味！但下次我都係會黎encore，船麵實在太出色！

今次係第二次食船麵😝泰國嘅船麵我覺得和香港車仔麵都類同🤣可以有好多唔同嘅餸菜面底又可以有不同的選擇不過湯底就有D特別比較濃味和傾向甜甜地所以都好容易入口😆今次嘅鋪頭係尖沙咀門面好似好細原來入邊轉角勁大勁多位👍🏻✨服務都好周到👍🏻每張枱都有泰式嘅調味料，勁正！見餐牌都有好多選擇👍🏻船麵嘅特別之處，就係有大碗同細碗揀✨想食多啲唔同款式，細細碗，就要夜晚九點打後幫襯🤣牛肉、牛肉丸、牛腩河粉可以揀辣度👍🏻👍🏻👍🏻份量都好大碗，熱辣辣！所有材料都好入味，湯都好濃！雞翼雞絲撈麵可以加酸辣汁或者魚露真係勁好味！👍🏻鋪頭其中一個特色有燒烤！特別推介蘆筍！👍🏻好香，調味亦都惹味！

趁到尖沙咀做嘢，睇吓附近有咩好嘢食，跟住地圖嚟到船皇，試咗個下午茶，豬肉+豬肉丸，我要咗河粉，小辣，凍咖啡，再加多個炸豬皮，呢個下午茶認真豐富！船麵黎到，第一時間試吓啖湯，好香濃，有芫茜同青檸味道，所以又有少少清新感覺。河粉係用咗闊身嘅河粉，夠地道！豬肉有啲嚡，少少失望，但豬肉丸好好食，好似喺泰國食嘅一樣，每碗船麵都有2塊炸豬皮，對於我來講一定唔夠，所以小食我都係叫咗炸豬皮，咬落好脆，就咁食都可以，浸少少湯再食有種外脆內軟嘅感覺，好正！👍

我和朋友是星期五的晚餐時間去的，剛走進去，店面感覺不大，但轉入裡面原來還有空間，即使一班朋友來吃也有足夠位置。我們點了船皇湯河，我選了河粉，是泰式的那種寬厚的河粉，感覺挺少見的。另外有撈麵可以選擇，但我比較想吃些有湯的面條，所以點了湯河。船皇湯河的配料也挺多的，有炸魚皮，雞絲，貢丸魚蛋，雞翅等，而且加1蚊就可以升級和牛，於是我們都轉了和牛。湯底很濃厚，嘗起來帶甜味，原本我以為會是偏向清湯口味的，所以有點意外。河粉厚身，和湯底挺夾的，吃完一碗很滿足。我們也點了些串燒，燒章魚腳感覺最吸引，吃起來很棒，燒串的時候加了的醬汁令吃起來更香了，就是章魚腳有點難拔出來，吃得有些狼狽。飲品也很有特色，盛著飲品用的是有著東南亞風格的碗，相當精緻，青檸梳打喝起來很清爽，能解一解串燒和湯河的油膩，作為這一餐很好的完結。

同朋友係尖沙咀買完仔,佢話想食泰國野,但係無理由次次都冬陰功,蝦餅咁悶,所以就搵到呢間係尖沙咀既船麵店鋪 - 船皇!船皇既船麵感覺上係同香港車仔麵既特色MIX埋一齊,因為佢既麵係有勁多配料! 樣樣都好食,但係牛腩,雞翼,雞皮呢三樣野食過真係返唔到轉頭!撈麵加小小泰式酸辣汁,超級開胃惹味!試左一啖朋友點既湯麵,湯底同樣高質,完全飲唔出有味精既味,從而知道個湯底一定落足料去整!再分別點左D即叫即燒既串燒: 豬頸肉: 爽口多汁!燒得好香!牛柳粒: 每舊牛柳粒都好多汁,同豬頸肉一樣咁爽口!有成三舊大大舊！魚餅: 好香魚味,唔會太多粉或者有雪味,正!牛舌: 好香口,無"蘇"味,同沙嗲汁好爽!食咁多野每人都唔洗100蚊,抵食到爆!

厚福街咁多野食，今日就決定食船麵。鋪頭唔算好大，不過都幾闊落，坐得幾舒服。叫左佢個招牌船皇湯麵黎試吓，入面都有好多配料，有牛丸、雞翼、雞絲等等，面仲可以自己去揀。我就揀左金邊粉，再加一蚊加塊和牛。一送到黎，其實都見到幾足料，但唔知係d面太多定點，覺得d湯都偏少。湯底睇落好濃味，但飲落冇咩特別。想要水，點知話要收錢咁就叫左杯泰式奶茶，飲落偏甜，不過味道都okay，同埋隻杯幾得意。不過野飲要另加$8有d唔抵。

今日同朋友經過尖沙咀，我地都好鍾意食粉麵，上網見到呢間餐廳食評唔錯，於是同朋友一齊過嚟試吓。我哋都叫咗船皇湯麵（$58），有八種餸，咩都有得試😋😋一碗揀咗蛋麵，一碗揀咗金邊粉，個人覺得蛋麵爽口啲，比較鍾意蛋麵。每張枱都有menu同唔同調味料調味。然後叫咗杯泰式水果冰（$18）同埋凍檸檬茶（$15），泰式水果冰特別啲，味道剛剛好又唔會太甜。最後仲叫咗三串魷魚鬚串（$42），配泰式燒烤醬非常野味，又爽口，食到舔舔脷。

當日同朋友一齊去左船皇食野，鋪頭細細，但格局分明，一個人或者一班人都有足夠嘅位一齊坐。我叫左船皇湯面，配河粉，呢間鋪頭嘅河粉有別於一般嘅河粉，有平常河粉嘅四至五倍闊身，而且好夠滑同軟熟，船皇湯面有多款配料，牛腩，牛肉片，雞翼，豬肉丸等等，仲加左一蚊加和牛。 湯底十分濃郁，但唔會過鹹，而且湯或比較厚身，食河粉時都沾到湯底一齊品嘗。而魷魚鬚串配泰式燒烤醬，隻醬好惹味，魷魚鬚彈牙唔難咬。另外仲叫左雞，牛，豬沙嗲串燒各一。當中我最推薦沙嗲豬串燒，豬肉好juicy，一D都唔會覺得乾。而飲品方面，因為叫左嘅食物都比較重味，就選擇左泰色水果冰，佢地嘅飲品都係用碗裝，相當有得色，泰色水果冰有火龍果同菠蘿，而且唔算甜，味道清新，適合一路食一路飲解膩。

記得之前喺泰國曼谷食過船麵，不過食完覺得麻麻哋，因為個湯好鹹同埋有啲怪味。不過見厚福街呢一間船麵好多人食，同埋個friend話想試下，所以就俾啲機會佢😂餐廳選擇唔多只可以揀湯麵或者撈麵，同埋仲有串燒，嘢飲，一啲小食等等。我地叫左湯麵同撈麵，牛肉牛腩金邊粉味道唔錯，特別係牛腩超級林，好好味湯底唔會太咸。另外個雞翼雞絲撈米粉要左少辣，就會有少少辣汁。其實都幾惹味，不過略嫌有少少乾。但係我就覺得咁樣健康啲😂另外想推介牛脷串燒，因為超級好味又唔鞋！

最近先開始識食船麵。去過好多次泰國，有次食過之後就覺得幾特別。今日食呢間睇下正唔正宗。入到去見到原來餐廳已經開左有好耐歷史。最近先由曼谷開分行過黎香港。見到個餐單既圖都覺得好曼谷feel。叫左個船皇湯麵。好多材料。牛腩，牛丸，雞翼等等。好多肉。將個辣椒撈勻之後。湯底好濃好好味。呢間真係正宗野。雞翼入晒味。好軟好好味。湯底越飲越開胃。同埋好大碗。入邊好多送食。可以自己加辣粉，醬料。好泰國feel。加左辣粉更開胃。好抵食。之後叫左個泰妹雞翼。雞翼整得好脆好脆。表面脆。又夠味。入邊雞肉軟有水份。難怪呢個雞翼係有個thumbs up。好惹味既雞翼。一定要點埋酸辣醬。成個泰國既感覺返晒黎。食到咁上下再飲返杯泰仔奶茶。好舒服。用呢個泰國人好鍾意既碗黎裝飲品。真係好泰國。泰式奶茶既味道同泰國飲既一模一樣。今日食得超級滿足！

今晚我同老公去尖沙咀行街，見到厚福街新開左一間船麵餐廳，記得我哋喺泰國旅行嘅時候都試過船麵，很回味呀!首先，我哋叫咗第一款湯麵，以豬肉為主，有豬肉，豬肉丸和豬膶，以及炸魚皮，非常豐富。我很欣賞它的湯底，很濃郁，吸收了豬肉材料的精華! 另一款湯麵以雞肉為主，有雞絲和雞翼，同樣高質麵底方面，可以選擇金邊粉、河粉、米粉或蛋麵，我地選擇了河粉和金邊粉，因為比較有口感。然後我哋叫咗一碗撈麵，材料和湯麵一樣，都係以豬肉為主。我地淋上特式甜醬油，可以自己因應個人喜好決定淋幾多醬油，唔錯。飲品方面，我哋叫咗泰式紅豆冰以及泰式龍眼冰，兩款都好有泰國風味，紅豆冰的椰汁味重，啖啖甜甜的紅豆，女生至愛。而龍眼冰也有一顆顆龍眼肉，幾清甜我們都認為呢間餐廳可說是平、靚、正！

放工約咗朋友去尖沙咀食飯，去咗喺厚福街揾食，試咗新開嘅船皇，食物款式有湯麵同撈麵、小食同飲品，價錢親民。船皇湯麵非常吸引、而且有升級優惠，加一蚊就可升級和牛船皇湯麵，非常扺食。呢度嘅麵嘅款式有四種，可選蛋麵、米粉、金邊粉或河粉。我地加一蚊升級點咗和牛船皇湯麵，配料非常豐富，有和牛、牛丸、雞絲、雞翼、豬肉、豬肉丸和豬潤，很大碗，非常抵食。我個碗湯麵選咗我至愛嘅金邊粉，大大碗好抵食。朋友都加一蚊升級點咗和牛船皇湯麵，佢話未食過配蛋麵，話要試下。朋友喜歡食外型似豬皮嘅配料，脆卜卜。雞翼sizes 大大隻，很入味。泰式春卷泰式春卷剪開一半，食起上來非常方便。春卷外脆內軟。泰妹雞翼外層脆脆地，帶點微辣，很惹味。

今日約左舊同事派帖，諗住約個中間點方便大家，一個住元朗，一個住荃灣西，一個住沙田，所以揀左尖沙咀。尖沙咀都刃多野食，小店就吾多，搵到有間食船河，我本身以為佢係食港式嘅車仔面，點知原來係泰國好出名嘅一個野食，真心有眼不識泰山。 去到吾算多人，坐定定睇menu, 揀左粉底先，我揀左蛋麵，餸就貪心d，揀左個全餐，乜都有，一黎到，正，好香，湯底好濃好入味，係吾夠熱⋯小食都吾錯，不覺好好好細碟，嗌左個泰仔奶茶，都幾吾錯！

船皇湯麵 (大)咩都有既船皇湯麵，一嚟到最有驚喜就係炸豬皮，脆卜卜唔油又好食，個人覺得好食過油炸鬼添。今次揀咗蛋麵，同湯底都夾而且掛到少少湯汁。牛肉同埋雞翼都好高質，入味同埋唔會有隔夜既感覺。雞翼+雞絲湯麵(大)雞翼實在太好食，所以朋友直接食雞翼+雞絲，金邊粉同個湯都好夾，不過蛋麵個感覺夾啲。份量其實都夠，因為餸多既關係唔會似一般食到既船麵好細碗。牛柳，牛舌，雞柳串燒牛柳好淋同埋有3大舊，抵食肉味又濃，好出色既沙嗲醬加埋一齊食好滿足！牛舌係彈牙少少既，牛味同樣濃！雞柳食落口係仲滑唔鞋口！檸檬柚子梳打用碗上都幾特別，岩哂食完濃味野清一清喉嚨。

之前有朋友極力推薦我去食下來自泰國既特式船麵，今日終於比我係尖沙咀厚福街既「船皇」品嘗到!!~仲要係平，靚，正既推介!!船皇湯麵 (大碗/蛋麵/走辣) $59加$1 轉和牛 材料超級豐富，有和牛，牛丸，雞翼，雞絲，豬肉，豬肉丸，炸豬皮，配大大碗蛋麵，如果想食多d麵，仲可以加$8加大個麵底!! 炸豬皮入口非常香脆可口，和牛又鮮又嫰滑，加1蚊就可以食到和牛真係好超值，d蛋麵吸收曬濃郁既湯底，完全入灑味，但又吾會好咸好味精feel，佢地個湯底仲加入左d泰式香菜，充滿香料味!!船皇湯麵 (大碗/金邊粉/走辣) $59材料一樣甘豐富，有牛肉，牛腩，牛丸，雞翼，雞絲，豬肉，豬肉丸，炸豬皮，配入灑味既金邊粉，呢個金邊粉入口非常細滑，同湯底同材料好夾，份量好多，特別推介牛腩，又淋又入味，牛丸豬肉丸爽口彈牙，真心好食!!牛柳串3串配泰式燒烤醬 $48串燒即叫即燒，烤得非常好味，泰式燒烤醬汁不辣，但非常惹味香口魚餅串 $15一串有兩件魚餅，烤得惹味，魚肉好彈牙泰式炸春卷 $22即叫即炸，入口非常香脆，入面仲有d素菜饀料泰仔凍奶茶$18有泰式香料香味，奶茶香濃，而且好細滑，仲要係冇冰既奶茶!!呢個一定要試!