船皇 (厚福街) (已結業)

今晚我同老公去尖沙咀行街，見到厚福街新開左一間船麵餐廳，記得我哋喺泰國旅行嘅時候都試過船麵，很回味呀!首先，我哋叫咗第一款湯麵，以豬肉為主，有豬肉，豬肉丸和豬膶，以及炸魚皮，非常豐富。我很欣賞它的湯底，很濃郁，吸收了豬肉材料的精華! 另一款湯麵以雞肉為主，有雞絲和雞翼，同樣高質麵底方面，可以選擇金邊粉、河粉、米粉或蛋麵，我地選擇了河粉和金邊粉，因為比較有口感。然後我哋叫咗一碗撈麵，材料和湯麵一樣，都係以豬肉為主。我地淋上特式甜醬油，可以自己因應個人喜好決定淋幾多醬油，唔錯。飲品方面，我哋叫咗泰式紅豆冰以及泰式龍眼冰，兩款都好有泰國風味，紅豆冰的椰汁味重，啖啖甜甜的紅豆，女生至愛。而龍眼冰也有一顆顆龍眼肉，幾清甜我們都認為呢間餐廳可說是平、靚、正！