船渦

營業中

休息中

朋友好中意食海鮮，去完泰國食完海鮮又再拉我食，於是帶咗我呢銅鑼灣呢一間蒸氣鍋lunch。抑情之前其實都會帶來港的海外客人去食蒸氣鍋，又有睇頭又好食！只係貴。 lunch time食咁貴都心理未準備好去到見到餐牌見到價錢好friendly，落單時好擔心嘢食質素會唔會好恐怖😭😭食物呢到買相好一般不過食落去又好鮮味噃望一望座位嘅右手邊有水缸，唔知我食緊嘅係咪真係新鮮呢😆😆我食咗最基本套餐， 蜆肉同蝦蒸完真係好好味再配上粥底好鮮甜。 喺咁凍嘅天氣食真係好美好最值得一讚係店員 好安靜咁畀我哋食成個餐廳淨返我哋一兩個客人都冇趕走我哋。多謝😁

今日經開銅鑼灣，天氣咁凍當然想打邊爐！不過又唔想咁肥，蒸氣火鍋就啱哂！估唔到哩間船渦主打一人一鍋，夠哂衛生，仲要私隱度好高，單拖都無問題👍🏻啱哂獨食嘅我😂套餐好多選擇，今晚我就揀左中價嘅餐，海鮮好豐富！有蝦，蟹，蜆，象拔蚌同鮑魚！超新鮮同鮮甜！套餐仲有豬牛雞，蔬菜拼盤，絕對夠食！仲有三點刺身，小食，同甜品tim, $288一位，性價比極高！！！而且所有料都好新鮮，食到尾仲會幫你加米煮粥，個粥勁鮮甜，無得輸！一定返食👍🏻👍🏻👍🏻

銅鑼灣地鐵站步行2分鐘，就有間近年非常流行嘅蒸海鮮鍋餐廳。海鮮種類應有盡有，鮮活生猛郁郁下咁放喺水缸入面養住🦞🦀🐟，性價比仲好高添👏！我哋一行二人👱🏻‍♀️👩‍🦳點咗一個套餐，再外加幾款海鮮蔬菜，大快朵頤😋八府巡按（$388）呢個套餐食物種類好豐富🥓🦐🦞🦀🥬🍨，有刺身、牛豬肉片、海鮮、肉丸、蔬菜，炸物同甜品🍨海鮮有蜆，龍蝦半隻、魚片、蝦、鮑魚、大元貝和大肉蟹半隻（或可叫蟶子皇）🤪🤪而蒸海鮮的控制面板有明確指示各款海鮮的蒸煮時間， 十分方便快捷😘😘1. 龍蝦：蝦身雪白無瑕，龍蝦腳仲會不時會動彈😂，非常新鮮，蒸出嚟蝦肉爽滑彈牙，蝦膏味道重，齒頰留香2. 大元貝：肉質彈牙，配上少量辣椒🌶️，蔥頭同埋生熟蒜，加埋少少豉油，簡直一流，一口咬落去好似食咗半碗飯咁，好滿足😚😚3. 蜆肉：本身就充滿肉汁，一咬落去就爆汁，香甜爽口，唔使點豉油都好好食👍🏻4. 大肉蟹：蟹肉一梳梳，雖是半隻但都好厚身🤪，而且肉質鮮甜，蟹黃仲好香甜5. 貴妃蚌：師父處理沙囊好乾淨，無咬到任何沙，上碟時仲係郁下郁下，好新鮮，加少量蒜油已經大滿足😜😜6. 而刺身、牛豬肉片、蝦🦐、三款肉丸同脆魚片雖然唔係主角，但都屬中上水平，好高質。

天氣最近越嚟越凍🥶前排聽完朋友講銅鑼灣總統戲院附近有間蒸氣海鮮火鍋！今日咁岩係總統戲院睇完戲就唔諗食咩直接上左去食！呢度主打一人蒸海鮮鍋～ 餐牌到有幾款海鮮套餐可以選擇🥰 有平有貴，我同朋友選擇左中間果級～288$ 內務總管套餐！ 原來都好豐富！ 超多野食～😍😋海鮮盤有蝦、蜆、蟹🦀️、鮑魚、帶子、大蜆！ 仲有3款肉可以自選2款，有雞牛豬！仲有刺身、炸雞、蔬菜拼盤！最後仲可以選擇粥底定麵底，真係超多野食🥰果然係主打蒸海鮮！ 呢度既海鮮好新鮮😍好多都係郁緊未死的！ 枱上有張蒸海鮮教學～寫晒蒸唔同海鮮要蒸幾耐咁～幾貼心🥰粒粒蜆都冇砂，而且好鮮甜！帶子都好大隻～ 隻蟹超多肉！ 真係每款海鮮都好滿意😋第一次用蒸既方式蒸肥牛🤣 原來都幾特別，會保留牛既味道，感覺同打邊爐既牛肉比較既話，蒸既味道會濃啲～ 食到最後同店員講聲就會幫你加粥落個鍋下面～ 再煮多3分鐘就有海鮮粥食！ 粥既味道係充滿晒岩岩蒸過既海鮮味！ 超好飲～想食蒸海鮮既朋友唔好錯過～

船渦位於銅鑼灣蒸海鮮 餐廳帶小小日式 一人一個蒸爐 蒸爐有timer 唔駛自己計時 而且坐位有私人空間可以散叫 亦有套餐 最後我地叫左八府巡按 $388QR cord order 好快就上枱 三款刺身芝麻雞翼雞軟骨餃子（各一）熱辣辣的 等緊蒸海鮮時就可以食喇白蜆 粒粒脹卜卜 唔會有沙蝦 彈牙 無嗅味鮮魚片 龍躉 小骨 而且仲有魚油味鮑魚大隻 又新鮮龍蝦(半隻）上枱時 腳仔仲郁緊 蒸熟後 仲發現有龍蝦膏 係鮮甜既 肉係一疏疏 非常欣賞元貝 大隻 又係有膏既 好小見蟶子皇 大隻 爽口 只要跟住時間set 實唔會過火 安格斯生肉 雞腿肉 三寶丸可以選擇火鍋或者蒸都得 只要同職員講聲 就會幫忙加魚湯 時蔬拼盤 菜新鮮 唔細嫁 因為已經好飽魚湯米粉 +$4麻辣（小）總結 海鮮新鮮 洗得乾淨 唔會有沙 唔會有黑邊滿意

天寒地凍 好想食啲熱嘢見到銅鑼灣有一間一人一鍋嘅蒸氣火鍋今晚一於搵朋友一齊食！行入去舖頭都幾大，座位相對夠闊，枱面有一個蒸鍋，仲有好多窗簾可以夾住唔同嘅座位，啱晒私隱度高嘅我哋❤️餐牌有幾款，我哋揀咗中間價位<<內務總管>> 已經有刺身、炸物、海鮮、肉類等等 非常豐富！醬料就可以喺出邊自己整，豉油芫荽蔥全部有晒❤️首先送上刺身 有甜蝦帶子同埋北寄貝 鮮甜美味炸雞三件 熱辣辣 又夠肉汁 好好食😚海鮮拼盤賣相一流 有白蜆、大蝦、鮑魚、元貝、同埋半隻蟹 有晒指示每樣嘢要蒸幾多分鐘 海鮮只要夠新鮮一定好食😋 加少少豉油點綴一下已經帶出個鮮味肉類我哋揀咗牛肉同豚肉片 唔會過肥 食落去啱啱好 丸類呢度啲肉丸真係要真心推介，每一款都超高質素 薑汁皮蛋牛丸超好食 只係得一粒稍嫌唔夠喉😫最後蒸埋啲蔬菜 蔬菜拼盤有粟米🌽、南瓜🎃、翠玉瓜等等 蒸完之後就咁食都好好食最後侍應幫我哋係蒸鍋下邊整咗碗精華海鮮粥 非常之甜 雖然超飽但係都忍唔住食晒！呢度價錢唔太貴 私隱度又好 非常適合同朋友知己嚟食飯💯

出街食海鮮最怕最怕就係海鮮唔新鮮特別係蒸海鮮 原汁原味清蒸稍為一點唔新鮮 真係點整都救唔返呢度嘅賣點唔單只係一人一鍋蒸海鮮個重點係啲海鮮真係鮮、甜、靚一個九品芝麻($218)一個內務總管套餐($288)一開波就先蒸白蜆和大蜆不論是前者或後者 蜆肉都非常飽滿、肥美、滑溜、多汁好耐冇食過咁正嘅蜆繼續貝殼類 - 鮑魚其實未蒸之前已經睇得出啲鮑魚係新鮮脹卜卜好立體完全唔扁踢踢蒸完之後一口咬落去係爽甜真係唔需要落蒜蓉或蔥去調味 已經夠鮮味元貝大隻咬落又juicy半隻肉蟹 多肉 夠甜 最緊要自己蒸得剛剛好絲絲蟹肉 一路食 啲汁一路滴出嚟蝦新鮮 不過蝦味略欠魚片都好鮮甜 不過蒸耐咗前菜有炸雞和章魚燒 仲有刺身配角們牛丸、貢丸和墨魚丸 都唔係求其貢丸爆汁 墨丸彈牙仲有雞肉、牛肉和豚肉片蒸鍋底下嘅主食 可以選粥底或者魚湯加面粥底嘅話會加入芋頭南瓜更綿滑魚湯都好香

船渦 (銅鑼灣)晚市有幾個套餐可以揀，豐儉由人～ 今次揀左八府巡按套餐 $388 同埋 九品芝麻套餐 $218～🍲九品芝麻套餐 $218🔅三點刺身今次有帶子、甜蝦同埋北寄貝～ 每款各一片，鮮甜同埋厚切～🔅章魚燒（2粒）呢款有章魚🐙燒😍😍 大大粒外脆入面唔係得粉漿～ 真係有章魚係入面～🔅白蜆🔆蝦🔅鮑魚🔅鮮魚片🔅大蜆🔅美國肥牛🔅雞腿肉🔅三寶丸丸類有墨魚🦑丸、牛丸同埋貢丸各一粒～ 每粒都大大粒～ 小編欣賞佢既貢丸加左薑蓉係入面，令豬肉味道更鮮甜😋🔅時蔬拼盤有南瓜🎃、冬菇、翠玉瓜、生菜🥬、金菇，都係放落去蒸～ 可以食到蔬菜既原汁原味～🔅魚湯烏冬最後係拎開個蒸隔，蒸隔下面加入魚湯，再淥烏冬，好鮮好甜😍 因為蒸海鮮既汁都係埋個湯入面❤️❤️🍲八府巡按套餐 $388 🔅三點刺身 同九品芝麻套餐相同-～🔆芝麻雞翼，雞軟骨餃子(各一）係即點即炸，所以真係做到熱騰騰同埋脆口既感覺😌😌🔅白蜆🔅蝦🔅鮮魚片🔅鮑魚🔅龍蝦(半隻）🔅元貝呢個餐多左龍蝦同埋元貝～～ 真材實料，原味已經好鮮甜～🔅時令海鮮🔅蟶子皇（每隻）🔅安格斯牛肉牛味濃郁😍😍 完全無肥膏，而且比烤肉健康唔會咁油膩～🔅雞腿肉肉質好滑溜，好多汁😌😌🔅三寶丸🔅時

✨八府巡按- 三點刺身（北奇貝;甘蝦帆立貝）* 炸物（芝麻雞翼 雞軟骨餃子各一）* 雖然係前菜，但係一啲都唔馬虎，雞翼幾多汁！- 海鲜：白蜆、蝦、鲜魚片、鮑魚、龍蝦（半隻）、元貝、時令海鲜、蝗子皇鮑魚同埋龍蝦超級新鮮，上菜嘅時候佢哋仲識得郁！整體來講海鮮都好高質素全部都唔係死貨，白蜆全部都識得開口而且冇沙！- 肉類：安格斯牛肉/豚肉片 - 三寶丸（牛骨濃汁牛丸、薑汁皮蛋頭丸、招牌墨魚丸）👍👍👍薑汁皮蛋頭丸真係第一次食，豬肉丸夠晒淋，而且皮蛋味好突出！- 蔬菜拼盤最後仲可以落埋米線或者米粉加上魚湯打埋邊路* 甜品（糯米糍）✨九品芝麻套餐-  三點刺身（北奇具,甘蝦,帆文县)- 炸物（章魚燒2粒）- 作為小食，一啲都唔失禮！章魚燒熱辣辣一定係即叫即做！- 海鮮：白蜆、蝦、鲍魚、鮮魚片、大蜆- 肉類：美國肥牛/豚肉片 /雞腿肉 （三選二)- - 三寶丸（牛骨濃汁牛丸、薑汁皮蛋頭丸、招牌墨魚丸）- 蔬菜拼盤- 甜品整體來講套餐性價比都幾高，幾個朋友可以叫唔同嘅套餐share！而且啲座位都算算坐得舒服！

平時去食蒸氣火鍋都係有人蒸埋比我就食得，今日去左呢間自助形式嘅蒸氣火鍋都幾得意，自己去計時，枱上有張貼紙提供每樣食材所需時間。今日我要左八府巡按套餐，套餐都幾多嘢食，食到好滿足。三點刺身（北寄貝，甘蝦，帆立貝）刺身新鮮鮮甜，食完我再加左單，好味。炸物芝麻雞翼炸到外脆內多汁，雞肉肉質嫩滑。海鮮白蜆粒粒都無沙，鮮甜；蝦爽口彈牙；鮮魚片無骨嫩滑；鮑魚肉質軟林；龍蝦勁甜肉質爽口；元貝貴妃蚌有咬口，鮮味十足；蟹味濃郁鮮甜。肉類我揀左安格斯牛肉同豚肉片，肉味濃肉質嫩滑，都幾大片。三寶丸牛骨濃汁牛丸，薑汁皮蛋貢丸，招牌墨魚丸，好特別平時好少見，三款都彈牙美味。粥底充滿海鮮汁十分鮮甜，加左芋頭南瓜口感綿密。

之前同朋友傾開偈，佢已經向我推介銅鑼灣有間一人一鍋嘅蒸氣鍋好正，今日過開銅鑼灣同老公嚟試下。 餐廳門口位置已經有一隻船🛶，又有船舵擺設⚓️，真係好似上咗架船咁。入到去每檯都會有竹簾分隔開，安全衛生，私隱度高，可以傾下密偈都唔驚俾人聽到。 呢度用手機落單，店員推介咗啲套餐俾我哋。最後我哋揀咗個內務總管嘅套餐，有三點刺身、炸物、海鮮、肉類🐮🐷、三寶丸🍡、蔬菜拼盤同埋甜品。 檯面有寫低每款食物需要蒸嘅時間，唔使驚整得唔熟或者過熟。 首先，刺身有北寄貝、甘蝦、帆立貝，全部都好鮮甜。 炸雞夠熱，夠香脆，咬落去嫩口多汁。 海鮮有白蜆、蝦🦐、鮑魚、蟹半隻🦀、元貝、大蜆。海鮮好新鮮，好鮮甜，就咁清蒸已經食到啲甜味。個蟹鉗又勁大隻喎。 肉類可以三選二，我就揀咗牛同豚肉，老公就揀咗牛同雞。啲肉都算幾嫩。 三寶丸有牛骨濃汁牛丸、薑汁皮蛋貢丸同埋招牌墨魚丸。特別一讚係薑汁皮蛋貢丸，一咬落去就必晒啲薑汁出嚟，不過咬嘅時候小心辣親個咀仔。 蔬菜拼盤有南瓜、粟米🌽、生菜、冬菇、金菇、翠玉瓜。 最後識揀嘅一定要揀粥底啦，個職員會喺你差不多食晒啲嘢嘅時候過嚟加入飯、南瓜同埋竽頭，而之前蒸嘢時嘅精華就全部滲晒落去啲粥度，令

同老婆一齊覓食，今次佢就帶咗我嚟呢間樓上鋪——船渦，話試吓蒸氣火鍋🍲入到去先知原來係一人一鍋，幾特別套餐方面有四款不同選擇：🔖九品芝麻🔖內務總管🔖八府巡按🔖九五至尊每個套餐單所包嘅海鮮都唔同，老婆減肥中，咁我一於就試吓貴啲嘅set☺️每個set都有包嘅「三點刺身」，有北寄貝、帶子、甜蝦🥢隨餐亦會跟餐前小食，志在比你填下肚八府巡按套餐基本海鮮全部有齊，有海蝦、鯇魚、蜆、沙白，八府巡按個餐單重點係有龍蝦🦞蒸果時仲郁緊，超新鮮，蟶子皇同蚌一樣夠哂鮮甜！主食揀左烏冬，放落吸哂海鮮鮮甜味嘅湯底，點煮都好食啦❗️價錢幾公道，2個人$600左右，重點用料新鮮對得住價錢😎可以再encore！

銅鑼灣覓食新去處😋唔好睇鋪面簡簡單單，其實內有乾坤☺️提供一人一鍋嘅蒸氣火鍋🍲用料一啲都唔馬虎架⚠️套餐方面有四大選項，分別係：🪧九品芝麻🪧內務總管🪧八府巡按🪧九五至尊單睇名銜都知有分別(睇價錢都知🤣)每個餐單所包嘅海鮮都唔同，豐儉由人～我自己減肥中，老公就增肥☺️一於嗌一貴一平試下有咩分別🥢每個套餐都包嘅「三點刺身」：北寄貝、帶子、甜蝦🥢隨餐會跟小食，填肚一流～九品芝麻套餐套餐內包咗基本海鮮，蝦三隻🦐蜆好多隻🤣重點係有鮑魚！時菜有南瓜🎃粟米🌽冬菇等等八府巡按套餐基本海鮮有齊，重點係有龍蝦🦞超級新鮮，而且蟶子皇同蚌同好鮮甜！我哋嗌咗2個set，包咗2份主食(烏冬另加$3)湯底有齊之前蒸嘅海鮮鮮甜味，配埋超索味嘅烏冬真係一流❗️總結：價錢公道，用料新鮮⭕️可以再encore嘅餐廳🍴

渦 (銅鑼灣)銅鑼灣謝斐道500號維安商業大廈3樓橫行無忌套餐- 大閘蟹（1公1乸）自己蒸大閘蟹十五分鐘，一公一乸，超新鮮，蟹肉鮮甜，蟹膏香滑，食到上顎癡下顎，超好食😋😋😋- 鮑魚大大隻鮑魚自己蒸，鮮甜爽口，正😄- 蝦大中蝦🦐鮮甜爽彈😊- 聖子皇（1隻）大大條聖子皇，爽，滑，鮮甜👍一 元貝（1隻）大元貝鮮甜美味，肉質鮮嫩可口😋- 大蜆大蜆肉厚味鮮，好正😄- 白蜆白蜆味鮮肉嫩😃- 鮮魚片厚切鮮魚片，鮮甜嫩滑，有口感🐟- 時令海鮮- 時蔬拼盤- 雞腿肉雞腿肉滑多汁，有🐔味，好食😋- 豚肉片豚肉片一滾即熟，肉香，鮮甜。- 三寶丸肉滑餡靚多汁，Q彈🥳🥳🥳- 粥底超鮮甜，好食到不得了，極力推介😋😋😋- 刺身(帆立貝、北寄貝、赤蝦)夠新鮮，帆立貝雪白透明，鮮甜爽滑，北寄貝爽甜，唔腥，赤蝦鮮甜肉嫩，🦐好食非常😋😋😋- 芒果🥭糯米糍餐後甜品，芒果糯米糍，夠冰凍，夠曬醒神，真係大滿足😃😃😃

天氣凍，當然又要去打吓邊爐啦，有朋友話想試吓蒸氣邊爐咁就陪佢試吓啦。去到見到就係門口有一架船入到去就有啲簾遮住，可以方便自己一個食又得同朋友食又得。見到佢有套餐同埋單點，我覺得288嘅內務總管套餐係最抵玩，所以就嗌呢個啦。入邊包刺身炸物海鮮，肉類，三寶丸蔬菜拼盤同甜品。用電話落單非常方便，仲可以自己睇吓想要烏冬，米線，定係要粥，唔怕落錯單。落咗單冇耐已經開始有店員過嚟開定蒸氣爐，順便上咗菜，例如刺身同埋炸雞咁就可以一齊等。刺身有甜蝦、帶子，北寄貝。刺身味道鮮甜，份量厚實，唔會太簿太細，北寄北亦唔會太韌，容易咬開。而炸雞非常熱辣辣，皮脆肉嫩，點埋啲沙律醬食就一流啦。見蒸氣開始有120度，就可以開始放嘢落去啦。首先我放咗蔬菜落去先，有粟米、南瓜、冬菇、生菜、翠玉瓜、金菇。然後就可以用控制器嘅計時器去幫我計時，枱上面會有齊晒指示，就唔使怕唔識煮，3分鐘就已經熟啦，比普通邊爐快熟之餘，蔬菜仲好鮮甜，唔會好似平時打邊爐比水流撞到爛晒。之後開始放丸類，有牛骨濃汁牛丸、墨魚丸同貢丸，入口軟熟彈牙，極力推薦牛丸，咬落去會爆汁，有啲意想不到。牛肉片同豬肉片都有足夠份量，味道正常，朋友話雞肉都唔錯，之後當