興記茶餐廳 (已搬遷) 新店位置

說好了要一試豬扒多士,終於騰出時間過來一趟,和有興趣一起來的友人相約好在家附近坐巴士,一坐便坐了至少一小時.五時多才來到,幸好還趕得上下午茶時段.做了功課知道除豬扒以外,炸雞脾也被讚好,告要一份,飲品就當然少不了至愛的茶走吧.炸雞脾搶先登場,外層炸至金黃色,又不會太燶,斯文的我用了刀叉,不及友人用手吃的那種豪放.雞皮炸得香脆可口,巴不得一口將它吃掉;雞肉保留了肉汁之餘雞肉亦很嫩滑,真的叫人吃上癮來.豬扒多士娓娓而來,心中很是焦急.多士比想像中的厚身,而且沒有被豬扒的油弄得油淋淋.豬扒則一如眾食友所言,入口鬆化,而且腌得極之惹味,不用加茄汁已極盡完美.兩人都覺得有點不夠喉,雖然只是第一站但它的豬拱確令人再三回味.另外散點了一份豬扒包. 豬扒包所用的包不是豬仔包而是牛油味極重的餐包.烘熱了的餐包配上豬扒和蕃茄又是另一番風味,但個人認為如用上香脆的豬仔包,口感會不佳.茶走一如之前所說茶香濃而滑,遠道而來也沒有失望.沒有留意到它會不會在其它地方再開業,希望還有機會再品嚐吧.

牛頭角下邨清拆在即,為食團一眾團友通過將這個項目列為優先處理,在港鐵站跟團友們集合後,向一天橋之隔的牛頭角下邨出發。在四通八達的樓宇中穿梭來回,在學校旁邊找到了今次的重頭戲之一--興記茶餐廳。避開很多台單鏡反光機後,跟一眾食客在門外排隊等候入座,順便研究一下餐牌。不消一會,我們被安排坐在室內某個卡位,在我們四週是牛下各街坊在店舖裡所拍的照片,相當有趣!!在豬扒福麵和火腿意粉午餐中選了後者,因為不想吃豬扒後將食力減低,誰知看到團友那片煎得金黃香口的豬扒後,真的有點後悔!自己的火腿燴意粉碟頭細細,份量看似不多,其實也不算太少的!意粉是一貫港式餐廳水準,這裡的不算淋得太過份,可以接受;所配蕃茄汁卻是少有的偏酸,有愈吃愈開胃的感覺! 以一撮粉紅色的火腿絲作伴,味道不算很佳但風味搭夠。午餐所配的方包一塊較乾,有著一點吃多士感覺;牛油抹得重手,只是沒甚牛油香,稍為失色;火腿奄列表面看來有點乾, 其實內裡還有蛋汁的,雞蛋也有點蛋香,同是配上粉紅色火腿絲,愛吃火腿的朋友,這款午餐一定能夠滿足的了。凍奶茶不算十分香濃,相信熱飲會濃香得多;團友所點的茶走,顏色較深,似乎對辦得多。團友的煎豬扒福麵,豬扒煎得

集體回憶，近年常聽到的四字詞語，不知若干年後牛頭角下村會否成為一個集體回憶，但肯定的是九龍灣區會因為這平民美食國度消失人世而變得暗淡無光。這次介紹的是牛下十座興記茶餐廳，或者大家會覺得茶餐廳比比皆是，沒了一間興記，還有千千萬萬冰室可取代，但只要細心看看興記的環境裝修，七八十年代的老港式快餐格局，加上地上的格仔階磚，你便清楚其背後的意義了。說回食物，點了豬扒煎蛋飯配鮮茄汁，興記的豬扒素來有名，連骨豬扒帶點肉汁，入口細嚼相當好味，茄汁亦十分開胃，但如果跟豉油汁懷舊一下可能更好呢。常餐照舊包括簡單直接的火腿腸仔蛋，要求走牛油的牛油多士，還有一碗沙爹牛肉通粉，頗為豐富，值得一提是這裡的沙爹湯底不是將一大匙沙爹醬放在通粉上這麼求其，而是將醬料放入湯底內煮成，入口先淡後濃夠味道，製作相當有誠意，只是牛肉數量少了點．．．食飽飯後，見侍應正為忙著椅子貼上花紙，花紙上是牛頭角下村的面貌，為餐廳添加了多一份牛下色彩。 聞說興記老闆表示會先搬走再計畫開新鋪，但由於鋪位還未有定案，一切只能 "to be confirmed"。小弟認為既然將來的事誰也不清楚，倒不如趁牛下未清拆前，盡快去鄰鋪源發試食蝴蝶腩至實際

星期日如果自己一個人食嘢，好多時都係去興記，再加上佢就嚟拆，咁又去吓啦！其實食物不過不失，佢D豬扒係幾好食嘅，不過我本身唔係太鍾意豬肉，所以都係食過一兩次就算！今次就係食常餐，沙爹牛肉通，火腿、腸、蛋，餐包加$3改奶醬多，熱奶茶多奶！

今日放學 路過牛頭角下邨 特登去搵興記黎食 好彩都俾我搵到..聽人講就黎拆 睇落食評又唔係差 今次黎食 都幾滿足~嗌左個常餐 有雪菜肉絲米粉 餐包同炒蛋(本身係煎雙蛋, 但係老細(定係伙記呢?)話可以轉炒蛋) 野飲要左熱朱古力首先黎左個炒蛋同餐包 見個炒蛋都差唔多熟晒..食落味道都ok用左少少夾落個餐包度食 雖然個包凍左d 放左少少炒蛋落去都唔錯既杯朱古力幾滑 正 之後等到雪菜肉絲米粉黎到..初初佢放落黎我張檯度見到無乜雪菜係面..之後先發覺原來係晒底~d米粉唔會痴埋1舊 因為出面有時會見佢未熟 1舊1舊咁唔好食..中上貨色食完飲埋杯朱古力 記起開飯好多人都話炸脾好食 要左隻外賣雖然耐左少少 不過即炸 等多陣有咩所謂個伙記俾我果陣仲叫我快d食 凍左唔好食不過趕住上車番屋企 最後趁架車armarm係總站開出黎無咁多人食左半隻未拎出黎已經聞到陣香味 食落真係皮脆肉滑無花無假早知堂食完先走啦!!就算落車食埋果半隻都未凍得晒..唔錯~~極力推介!!食既野雖然普通但係好食 見到伙記同老顧客有講有笑 計埋街坊既情懷 抵俾笑面啦下次趁牛下未拆1定約埋朋友1齊黎 等我試下d豬扒係咪真係咁正

今日去到專程試下佢個豬扒包，果然係幾好味既。包本身可以啦，最正係件豬扒，好軟好好味，加上一件薄薄既蕃茄，再加蕃茄汁，夠清新。今日去都好多人拍照呀，老闆娘都見慣不怪囉。叫左杯凍檸水，加豬扒包=$18

近日, 來牛下探戈的人數不勝數, 我亦不例外, 星期日早茶後, 問父母下午有沒有地方去. 沒有之餘. 黎牛頭角, 行下淘大, 行下牛頭角下邨. 便一起成行, 美孚有巴士直達, 不用轉車, 老爸更贊成.在淘大下車, 是否因為太多人前來探戈, 順道把淘大一併帶旺, 人流比平常多左. 過了天橋. 進入牛下, 由第九座開始, 慢慢探索. 看見走廊有通告, 希望拍照者不要滋擾居民, 這個守則當然要遵守吧. 食完興記時, 行去買雞蛋仔, 有一位開唔知乜乜檔既大嬸說, D人連我個鹽樽都影一通, 都唔知有乜好影.......這算是滋擾吧.行了, 穿插了幾座牛下, 是時候找個地方坐坐. 看見麵檔, 爸覺得不好. 便繼續找, 一見興記人山人海, 心知不俗, 便入黎找個位, 坐底食個下邨常餐. 是懷舊風味變杷令食物變得好味定根本水準不錯. 其實極普通的一個茶餐, 在這一刻, 仿似是一種將消失的情懷, 每一碟叉燒湯意, 每一隻豬扒包, 也許會陪著下邨離去, 心理上, 會令到奶茶的味道, 特別的濃香.說過點常餐, 不外乎見雪菜湯米, 叉燒湯意, 加牛油餐包. 以最簡單大眾的茶記美食, 去告別這個不屬於我的年代.

睇openrice，先知道牛頭角下邨於今年上半年要拆卸，一啲有特式嘅地道小吃可能因搵唔到舖位要被迫結業。趁今日假期，筆者與太座趕潮流，到牛下嚟一次集體回憶。一進入牛下，已經發覺不少攝影發燒友响各處用影像記錄底這一段香港房屋史。筆者對攝影冇深究，唯有用筆記錄好味嘅食物。第一站去到一間港式茶餐廳，享受一吓港式小食及絲襪奶茶。餐廳頗簡陋，部份樓面僭建而成。筆者與太座點了西多士、豬扒多士、菠蘿油、炸雞脾及奶茶。菠蘿油不是新鮮出爐，所以唔夠熱，而且牛油唔夠厚，沒有什麼特別之處。相反，炸雞脾皮脆肉滑，肉汁豐富但唔肥膩。雞肉炸得鬆化，唔會話炸得死實，十分精彩。西多士雖然蛋漿味唔香，但很奇怪多士很鬆軟；同樣地豬扒多士嘅多士很鬆軟，索了豬扒嘅肉汁，也是一件人間美食。豬扒用了數款醃料，炸完之後都幾香，不過豬扒用了梳打粉預先醃鬆，雖然醃料味濃厚，但隱隱然有少許梳打粉醃過嘅痕跡。奶茶是上乘之作，奶茶香滑，可以想像茶胆是經過歷練而成大器。以上咁多款食物，只耗掉五十七個半，雖然面臨清拆搬遷，都冇話坐地起價，只係取消下午茶套餐，稱得上是有良心嘅食肆。

今次去睇完戲就行黎牛頭角食飯上回講到我叫左個豬扒公仔麵同多士, 顧得一樣顧唔到第二樣故此我今日叫左叉燒通粉再次+$2 轉左多士. 多士一上場就即刻食, 因為再等多一陣好快就會唔脆牛油味香, 正!食完多士先食通粉, 通粉浸多陣都冇咁多林, 依然仲係夠咬口.叉燒都ok, 好夠味, 不過有少少筋同有d一大舊肥膏, 同埋切得唔夠靚今次既醃列比上次好, 仲有少少蛋漿o係入面.奶茶好夠茶味, 好滑.整體今次比上次既好, 雖然坐得多人但冇人等位, 人流唔多, 可以坐耐d我今日睇返佢個餐牌, 最抵食既午餐係11:30 後供應.搵日夜晚去試下叫個午餐食睇下得唔得XD

同大家一樣，因為就黎拆的關係，特別黎牛頭角搵食2點半去到雞蛋仔果邊，撲左個空...(之後3點幾都未開..)尋尋覓覓黎到興記豬扒麵 係福字...但個麵同豬扒都比較淋，雖然塊豬扒幾入味...但太冇咬口喇掛火腿奄列 一般，我食過滑D好食D既多士 轉多士要加2蚊....但又唔係特別好食...我食過整得好好食既...唔抵凍啡少甜好似冇少到甜...不過唔緊要...水準一般整體而言，我覺得只係OK....可能臨別在即，大家對佢太有感情....希望有機會黎試下大家勁讚既炸雞肶

在旁邊的源發吃蝴蝶腩,可以過來點奶茶咖啡的,十分方便.路過門口見下午茶餐只有平日才供應,又沒有在openrice仔細研究好吃之選,否則,quota定必留給這裏的豬扒多士.熱茶走($11) - 一直是凍奶茶fans的我,選了熱飲,覺得更能喝出奶茶的精綷.果然,這店的奶茶,茶味香濃且滑,唯奶的份量較多,甜了一點,但也不失美味.凍鴛鴦($12) - 很久沒有喝過鴛鴦,這裏不只奶茶好,咖啡也一流.鴛鴦喝得出咖啡的濃烈,味道上佳,配合奶茶,一絕.有機會會再來一試其豬扒多士,但看來我的行動要快.

上星期六來到快要清拆的牛頭角下村, 很多人也來這裡拍照。十二點左右，每張枱都坐了人，惟有搭枱，只吃了個常餐C，有火腿奄列、牛油餐包、豬扒福麵和咖啡。火腿奄列: 好好味，不全熟，內有蛋汁。牛油餐包: 有點乾，也沒牛油味，凍凍的，不好吃。豬扒福麵: 豬扒很入味，質地軟淋，也夠大塊，中上之作。咖啡: 普通，一般舊茶餐廳貨色。在這裡以這價錢賣套餐，真羨慕老闆。

在這裡~我深深體會到什麼叫作一山還有一山高~剛剛才在日月星吃過我至今認為最好的炸脾~不到一小時…”最好”已經被另一個”超好”打敗了…..吃罷炸脾就來到興記…這裡很有特色…很像我小時候石排灣的舊式餐室…下午茶時間…我和sheep就點選了炸脾(因為有食友推薦這裡的炸脾也很好吃…)和豬扒多士…..凍奶茶和凍朱古力~豬扒多士首先上場~另外配了一包茄汁…不過我和sheep都想先試原味…一口咬下大大塊的豬扒…很嫰…一點也不鞋…而且已經醃得很入味~多士上的牛油少了點…不過在剛烘過多士上面~散香出陣陣的牛油香…和豬扒一起~實在是人間美味…而最後我們都一致認為不需要加茄汁…主角炸脾等了一會兒才來…看上去和日月星的好像差不多…但一口咬下去…外皮脆肉質嫰…而且每一啖都有肉汁流出…而且外皮比日月星的夠味…在座剛剛吃過日月星的都一致認為這裡的更為出色~意猶未盡~再和食友分享一件鮮油多~相對地這個就沒什麼特別了…多士烘得不夠脆~而且牛油很薄而且很小塊….不夠每一啖都吃到牛油的味道~不過鮮油加上砂糖這種美味~是不會吃不出的了…吃罷我就決定了至少要再來多一次….

聽到牛下快要清拆, 於是今日來了這裡一試.中午到達時人也算多, 當中不少是像我們這些襯清拆前來吃東西, 或者是拿著相機拍照留回憶的人. 侍應著我們坐在角落的卡位, 然後很快手地拿了餐牌給我們, 一貫港式茶餐廳的服務 --勤快. 我們坐的雖然說是卡位, 但其實是位於店外的走廊搭建的"位子"! 地方雖然舊, 但尚算清潔又不太擠迫, 風味十足. 我們點了招牌菜豬扒麵茶餐和扒餐.豬扒麵茶餐的主角當然是豬扒! 這裡的豬扒頗大塊, 雖不太厚但又不o鞋, 味道頗濃, 老媽說比較鹹, 但我覺得還不錯, 以茶餐廳中的豬扒來說, 算做得不錯! 但麵就差一點, 較淋, 而且湯很少, 吃起來好像吃撈麵似的! 如果用一丁麵會好吃得多! 跟茶餐的火腿奄列配牛油餐飽則很一般, 牛油餐飽是凍的, 吃下去口感較差; 火腿奄列的火腿不少, 但奄列煎過了火, 變得又乾又o鞋. 扒餐好像平時吃西餐裡的雜扒餐, 不過換了材料. 除豬扒外, 還有火腿, 煎蛋, 和腸仔! 創意十足, 但味道只是一般而已. 最欣賞的還是餐茶-- 鴛鴦走糖! 因為這裡保留了傳統茶餐廳的做法: 用煉奶而不是用花奶! 煉奶雖然較肥, 但喝下去比花奶好味

２／２／２００９今日去完megabox睇戲，就決定黎度食野～以前放學都會成日去九龍灣行街，經過下村～但都冇入去食野，淨係記得食過雞蛋仔。入到條村，搵左一陣，就黎到黎到，個種一路食野一路望住下村D樓既感覺令我覺得好親切，舊式裝修，三葉風扇，開揚景觀，仲有果個o係你一邊食野一邊掃地既阿姐，都好似令我完全融入左果度，做左街坊。我嗌左豬扒多士、凍奶茶～豬扒細左D，有落鬆肉粉，加上有D硬，多士夠多牛油，岩我！！好少茶餐廳凍奶茶合我心意，因為茶味會比較濃，但呢度茶同奶份量岩岩好～～飲落好香又唔會畀茶蓋過奶！！！男友叫左午餐，豬扒麵，火腿奄列、餐包同凍檸茶～呢件豬扒好過我果件，可能薄身，冇鬆肉粉～好lum~麵係福字麵～我鍾意福字多過一丁～餐包果樣同出面四四方方既唔一樣，令到我有衝動想食我唔好既餐包～不過係凍既～～好想o係拆之前再黎～再做下村街坊。