興記茶餐廳 (已搬遷) 新店位置

次次補完習,都即刻坐小巴番觀塘.考完ce,終於有時間出去食下特色美食=)今日中午去左興記..各位伙記都好好人呢!因為我外賣..我只叫左三隻炸雞脾+2個菠羅包..超香..我買完迅速搭小巴番KT!佢地仲系超熱..真系即叫即炸!!雞脾皮脆肉”UN”..回味無窮好味到暈!!下星期揾日再食先想試下飯+麪xp

古時有劉備三顧草蘆才會到諸葛. 現今有譚美三顧興記才有幸一嚐美食. 看到餐牌寫著回鍋肉飯, 起初還以為是橙色的罐頭回鍋肉和白飯炒在一起, 所以點了來試一試. 當伙計拿著兩碟飯到面前時, 一手明顯地是西炒飯, 另一碟樣子極是為相似的. 他放下其中一碟, 那就是我所點的 "回鍋肉飯"?! 材料分別是沒有了香腸..........這碟飯味道有少少回鍋肉的辣, 每一口都有飯有餸, 越食越辣, 又沒有太咸, 恰到好處. 而且這裏的裝潢亦很牛頭角, 因為有部份的坐倚都貼上了下邨的相. 怪不得如此多人光顧, 若然不是下雨的話, 我亦不會冒著雨來這裡碰一碰運氣. 要不是這裏必定會其門如市, 坐無虛席呢~~http://hk.myblog.yahoo.com/tammy62/article?mid=3282

一年一度母親節，同媽買完新傢私之後自己一個人去左興記食特餐。一個特餐其實冇乜特別話好唔好食。只食得出兩種回憶: 一是下村就快清拆，基乎每一個地方都有小弟既腳毛，這些痕跡好快會被新的高樓大廈清洗得一乾二淨，人總是要接受新的事情﹔小時侯爸爸想帶我到下村足球場果面間冰室食野，我也忘了有否與他去過興記，在興記回憶起小時候和爸爸生活的點滴，才發現有爸爸在的冰室反是給我最暖心的地方。

第一次去牛下影左相就走，今次點都要食d野先得，等自己都有響牛下流過口水！揀左興記，可能無得揀，可能係自己熱愛茶記，2點幾左右join左alan同他gf去會rocky，都預左多人，多得rocky排隊先唔洗點等，都有十幾人排隊，都係有勞飲x男女同x果之前o既介紹，強烈加大左呢到吸引力點左豬排麵餐飲凍茶，因為同rocky都身附camera bag，嚴重擠迫的情況下減退左我嘆熱奶o既意欲，可惜.....呢個常餐最可取應該係件豬扒真係唔錯，醃得夠入味夠諗，煎得夠香口，好食！舊式茶記就係食classic常餐，不用太多要求，可能係我對茶記"偏見"，有時愈簡單就愈好。一路食一路可以感受舊港式茶餐廳風味，舊照片，餐牌，吊扇，圓鐘，美食燈箱，舊凍櫃，維他奶樽箱..........舊式的日漸被淘汰，取而代之的茶記，你想食乜都有，中式日式西式乜式樣樣都有，但偏偏無得揀舊式

牛下清拆在即，咪黎湊下熱鬧囉果然鬼死咁多人仲係門口排左陣隊先入到去。幾有特色既舊式茶記，迫迫夾夾囉，有天花三葉風扇。搵左一台卡位坐低左，嗌左個扒餐，豬扒多士，凍奶荼咁囉。扒餐不堪一擊，ｄ油四濺在碟邊，油膩油膩；腸蛋包普通到唔普通既貨色，絕對唔敢有意見。而杯奶茶普通囉未見突出之處，但味是較甜的豬扒多士幾精緻但未能得到我既欣賞，肉質奶滑入味但就唔鐘意食薑味喇我。而豬扒未乾身就放上多士，唔香口始終好難食既最值既係件炸雞脾囉，十蚊大大隻，雖然個樣黑ｄ唔太討好，但香脆可口，生炸都能留住肉汗和鮮味，我收貨喇！呢段時期ｄ單鏡機就出沒，周圍影；我就坐正個龍友前面，係咁係我背隻影影影，我食一啖佢影一下，果個龍友真係好滋擾我。事關佢部機又大喎，隊到我幾次背隻囉總括黎講，黎呢度食懷舊氣氛食污糟既環境，唔係就拆一定唔係咁多人黎食，可能人情味會值回唔少票價啦。

牛下清拆在即，如果唔係因為清拆，即起很多食家留意，小弟真不如道原來牛下有間咁正嘅茶記!!今日同朋友專程拜訪呢間風味十足的茶記，我們要了這裡最著名的豬排多士、西多士、炸雞脾、.凍奶茶和凍檸水。食物當中首推豬排多士，豬排真的很"淋"，很入味，真的找不到有其他茶記比這裡的豬排更正!!多士的面包則烘得剛剛好，香口得來不會硬，配合豬排味道一絕!!炸雞脾亦值得一讚，不會有厚厚的炸粉，味道亦醃得相當好；至於西多士、.凍奶茶和凍檸水則是一般貨式。望著舊牛下的相片，吃著超正的豬排多士，別有一番風味，可惜，夕陽無限好，只是近黃昏，這裡的一切歡笑聲將隨牛下的消失，留在每個人的集體回憶中!!

每次都說是最後一次，想不到相隔不足一個月，又再次偕太太重臨，不過是次的發起者是太座，全因她很想吃吃這裡的炸脾，看看跟同區日月星的有何分別。若不是太太的提議，自己也不會想過會重臨此地....在邨內四週走了數遍，望見滿地都是拍友，專業的、業餘的，可謂無處不在，真有點末世紀的情懷.....平常幫襯開的食肆人多得打蛇餅。看見炭爐格仔餅的等候人羣，實在令人卻步。好在小弟已吃過正式"N咁多次"，已對之不感興趣了。這裡同樣也是，不過應太座的要求，而且還沒有吃過她的豬扒，來多一次當成跟這裡作最後的告別，也未嘗不可....第一次看到這裡是要排隊入座的真是誇張。可幸碰巧有個二人座位，不然便要等上一陣子。一口氣叫了豬扒多士、炸脾、及西多，全是太太的摯愛自己例牌喝杯茶走，老店始終是老店，沖得茶味濃厚，又不失煉奶的香滑，兩者平衡得極佳，很有水準豬扒外層煎得微微焦黑，看上去很不"靚仔"，但醃得倒是很夠味的。聽說師傅用上薑汁、薑茸、洋葱及雙蒸酒等作醃料，怪不得吃時味道是如此的複雜。肉是沒有下鬆肉粉"剌"過的，但不失鬆軟，是一貫老店的做法。現在這店的生意是如此的多，但師傅對這肉的處理手法仍如此一絲不苟，值得一讚西多的

由於好友未去過牛下邨, 話想於在臨清拆前去一趟, 而我雖然去過食煲仔飯同牛什麵但從未試過坊間話好好味嘅興記豬扒。 本人甚少食豬扒, 因為一般都會一係"un", 一係無味。 但唔知點解心血來潮想特登來一趟試下 ~~~ 結果, 今午與好友來到興記各叫咗個午餐 : 火腿蛋奄列 + 餐包 + 豬扒湯麵 + 熱奶茶 ~~ 火腿蛋奄列 + 餐包火腿 OK / 蛋就比較老 ( 明顯係預早整定 ) / 餐包唔較熱, 後來叫佢叮熱 豬扒湯麵豬扒好入味, 咬落一D都唔"un", 真係好OK / 湯麵就係福麵, 同塊豬扒好夾 熱奶茶好濃同好有茶味, 襯埋隻舊嘅有耳杯, 真係有懷舊 feel 店員態度亦為 OK 總括, 如果興記會於另地方再開, 我定會去再幫襯。

乘著牛頭角下村就快清拆，就來到牛頭角下村遊覽一番。當然唔少得幫襯興記同雞蛋仔啦!可能呢排真係多左人去牛下，所以要等二十分鐘左右先至有位。坐底之後發現已經無得叫餐，只可以散叫。於是叫左豬扒包及奶茶。老實講，味道只算係一般，雖然唔太差，但都無乜特別之處。不過論風味則不俗，市區已很少這類舊式茶餐廳，而餐廳四周更貼滿牛頭角的舊相，感覺真的不錯。收銀處見到有post card賣，真係識做生意!

特地在這天向公司攞了半日假到這裡懷緬加盡情拍照一番印象中小時候的茶餐廳都是迫迫夾夾的很辛苦找到了這間茶餐廳伙計們看到我們的相機都習慣了拿了一個鐵的水壺跟我們說這是反光板真夠幽默食物方面，可惜地炸雞脾已經賣清但試了這裡的豬扒公仔麵實在很滿足豬扒是用薑汁去醃的很嫰，又入味公仔麵是久違的福麵，軟硬適中奶茶相信很多人讚過了的確不錯，很滑，很有茶味試問連鎖茶餐廳怎可跟這些數十年屹立不搖的街坊茶餐廳比?

今早獨自一人...假期內想試盡茶餐/冰室, 原本想去彩虹鑽石, 但呢度經營既日子不知還有多少, priority 當然是它!早上人不算太多, 但張張枱也佔了人, 於是伙計指示有卡位吉枱, 正正在微波爐後, 早餐選擇不多, 又不見麵包新鮮出爐, 於是叫了火腿通粉, 蛋治, 奶茶, $19! 蛋治先到, 麵包薄薄的, 算軟熟, 幸而蛋是煎得剛熟, 不太滑, 但吃得放心, 火腿不多, 碎碎的, 通粉太腍, 奶茶...奶味重, 茶與奶有點不夾, 算是還了心願! P.S. 每次有客人叫麵包, 侍應們都將它放入微波爐叮一叮...如果是即日新鮮, 我相信凍食比入叮叮爐熱食更美味!

4月4日（星期六）下午，難得女友是日不用上班，所以特意約了女友來「牛下」，趁未清拆前把握機會來試試這裡的美食。是日首站係「興記茶餐廳」，我和女友來到的時候，坐無虛席之外，還要排隊，雖然我祇來過“興記”幾次，但要排隊倒是第一次！幸好不用等太久就有位坐，這就是茶餐廳的其中一個好處，人流“去”得快，而且在短短幾分鐘的等候期間，我和女友已經想到吃甚麼，所以一坐底已經可以落單。我們叫左沙爹蛋牛麵、菠蘿油、炸雞脾、熱華田和熱咖啡各一杯。落單期間，四眠型男聽見我們想叫沙爹蛋牛麵就提議我們可改叫特餐，說價錢比較平，而且還有火腿、香腸（各一）和牛油麵包，但我不想吃這些，所以就婉拒了他的好意，四眠型男都笑笑口說尊重我們的決定。沙爹蛋牛麵：沙爹不夠香濃，牛肉尚算嫩滑不韌，蛋是“反蛋”，即叫即煎，麵是用“福麵”，整體來說，水準一般；菠蘿油：港式茶餐廳代表作之一，雖然不是新鮮出爐，但麵包總算鬆軟，再加上一塊厚牛油，倍加滋味，不過女友堅持不願意試一口，無奈；炸雞脾：今次可能因為太多人，所以製作上有點失水準，雞脾炸得過了火，外面很乾，幸而內裡雞肉依然嫩滑多汁，味道和口感都不錯，比一般坊間的好食；熱咖啡：不苦不澀，入

近期除了Laughing哥是近期熱話外，牛頭角下邨亦是大家談論話題，我也趁清折在即來湊熱鬧一番。在邨口已有不少人拍友不停舉機，也有藝術家聚精會神畫底牛下特色。幾經兜轉後終於來到目的地，餐廳佔地不少，門口有麵包櫃、木做枱発架位，每處也有茶餐廳文化。我要的午餐有火腿燴意、豬扒湯麵及叉燒湯意三選一，而我要求叉燒湯意轉燴意，需另加$2。上枱時那一刻十分驚喜，又多又大件的叉燒，雖然是來貨，但不似一般茶記只有薄薄的兩三塊作裝飾；燴汁多到滿瀉，可借"油"味很重，沒有茄汁或蕃茄醒胃。老公要的茶餐是沙爹牛肉麵，顏色淡淡還以為沒味道，輕試一口後，竟有充滿沙爹的香辣。每個餐也配有餐包加火腿奄列/煎蛋...，餐包硬硬似隔夜，火腿奄列出乎意料的滑滑有蛋汁。而茶記的靈魂-奶茶，是我今次告別牛下最期待的，先看色水已合格，再呷下時沒有香、滑、濃的三種要素，真是有點失望。食飽飽後，傳出陣陣煎香，原來廚房不停出豬扒麵，有點後侮沒有要，不過我不會為豬扒再來，如Yan所說，它沒有帶給我任何的回憶。

記得很早以前在牛頭角有同學住在此公屋內，所以會在此周圍找地方吃飯，自然小不免會到此茶餐廳吃東西，那裡的紙皮石地磚和窄窄的卡位，還有街坊們彼此像一家人的感覺，我想可能在其他茶餐廳很難再發現。星期天再到此地，但是同學已經搬離此處，枱頭望也見十室九空，距離牛下拆卸的日子越來越近，但是來拍攝牛下的人群越來越多，所以連帶來此吃東西的人也車水馬龍，我們只想趁她還在到來試試重拾舊日的感覺，看見旁邊的朋友拿起相機影那豬扒多士更令我想起第一次吃豬扒多士時已經是許久之前了，那種味道還試一樣。自己更記得那嗽口盅很容易打翻，所以要特別小心去拿刀叉。那一場一場的景象也許只能在他日看數碼相片才可以重溫。

見OPENRICE咁多人話好吃, 一行六人走去食下啦~我們6個人都叫同一樣野, 異口同聲吃過都說無咩特別, 仲有兩個人話杯凍奶茶唔好飲, 仲話唔係想像中咁抵食囉.......我食左個豬扒公仔麵, 豬扒比較香口, 鬆化, 都OK既, 不過沒什特別吧......麵用了福麵, 我本人比較想佢用公仔麵囉~太陽蛋, 腸仔咪又係普通茶餐廳貨色.......最難過莫過於杯好奶茶, 我杯熱既都好勉強接受到, 茶味,奶味不對稱, 仲有D苦..........講真, 出面D餐廳都好飲過佢.......D人係未人雲亦雲先話佢好飲咋????? 定佢地今次咁岩失手呀????仲有, 可能佢衛生唔多口, 又唔開冷氣, 真係食得幾辛苦, 6個人坐到野都無位放, 仲要出面小販D油煙攻晒入黎, 你都唔好話食得舒服..........