臻麵饍 (已結業)

同媽咪支持小店🙋🏻‍♀️細細個睇住石門呢一個地方係一片爛地到而家係有住宅 學校 好多小店⋯⋯嘅地方呢間仲係一間好有誠意同埋健康嘅小店🤤湯底用心煲鮮甜地同湯麵融合配料 蟲草花 杞子 豌豆苗 木耳增添咀嚼時嘅口感最重要係 有營養！蝦🦐更係開邊 挑走埋蝦腸 又令佢更美觀麻醬茄子🍆呈粉紫色好靚😮❓認真問問大家：點樣唔泡油情況下令到茄子唔變啡色？仲要好靚嘅粉紫色😮😮😮❓雖然大家應該唔會無啦啦去石門㗎啦不過如果大家有機會去開馬鞍山嗰邊拍下拖同閨蜜去影吓相不妨支持下🤤佢令我諗起美孚間滄浪亭丫！

咁岩去石門試推養生湯面，重視養生既我緊係即去啦😍蟲草花雞絲豬肚湯面✔️個面係白色手工幼面，好中意果種質感，軟林林食落好入味，吸收左養生湯嘅精華。（但唔鍾意食林嘅要留意要食快啲，因好快淋）✔️勁足料， 啲材料仲多過啲面，豬肚夠晒淋✔️湯底好有養生嘅感覺，清得黎不淡，好好飲，無乜味精，食完唔頸渴架✅最好食係佢呢個安格斯牛柳粒，勁juicy ,個汁有酸美美的感覺，加上夾埋d菜食，唔太膩，加埋d面食一流✅呢個麻醬茄子🍆都好食，份量十足$18咋，食落口感啱啱好有咬口✔️服務態度好好細心幫你倒水，非常留意你嘅需要👍🏼👍🏼✔️見好多熟客會來識自動波就識搵位叫嘢食✔️店鋪細細坐得舒服價錢仲非常平民：呢碗野$44咋🤩🤩🤩勁大碗 食到好飽！#臻麵繕 🥇👍🏼👍🏼👍🏼👍🏼性價比高#石門美食 📍 臻麵繕 🥇人均消費：$40-60好味指數： 1️⃣2️⃣3️⃣4️⃣5️⃣6️⃣7️⃣8️⃣ 8.5/10分回頭指數：90%☺️地址：石門京瑞廣場二期1樓101a9 唔易搵呀，轉角再轉角

其實係京瑞廣場岩岩開業時已經黎過幾次呢間係我印象最深刻我又好想encore的食店好記得第一次去時係飽飽滯滯想是但搵間清淡野食咁當時京瑞都吾係好多間開左我地見到呢間冇咩人本來都吾想入但又想清淡點所以入左去職員態度好好佢地主打豬肚麵你知架啦豬肚洗吾乾淨真係好大獲果陣味真係一世麵吾想再聞到但我地係試左 點知好好食 好清甜 豬肚一d 麵吾腥今次再encore 麵係叫豬肚麵再加素菜撈麵食野有時除左味道 視覺享受都緊要碗麵顏色 五顏六色 好好吸引 好開胃 好想快快品嚐佢味道呢 豬肚湯香甜啦 撈麵會俾個辣汁你辣汁好好味最後冰震秋葵好爽甜

高質抵食湯麵👍🏻因為喉嚨勁痛所以專登叫個清清底，點知黎到真係🤤🤤🤤🤤湯底夠鮮唔油膩，而且睇得出佢足料，真係可以飲曬碗湯！呢隻麵身本身偏淋，個人黎講覺得質感Ok ，唔差，如果唔鍾意食淋身麵可以轉米線！另外佢仲可以免費加底，唔洗驚唔飽。見到都多人叫川味牛肉麵個個，叫到牛腩都大份唔會比好少你，應該試得過！.呢到鋪頭細細，一眼望曬間鋪，服務👍🏻👍🏻👍🏻👍🏻👍🏻會係咁自動幫你加水，超抵贊！.

今次開心大發現咗一間養生湯麵店 呢間餐廳之前我都留意唔到， 因為佢喺京瑞廣場2樓嘅一個角落入面。 今次經過留意到佢嘅餐牌嘅湯麵都好養生， 又係啱曬我呢個又想養生又要食湯麵嘅湯麵怪佢嘅湯麵有好多款， 我叫咗佢嘅招牌花膠蟲草花湯麵， 呢碗湯麵配料嘅擺法睇得出係有心思， 綠色有水耕豆苗， 紅色有蟲草花， 黑色有木耳， 白色有花膠 雖然湯底冇好濃嘅蟲草花味， 但係飲得出係冇味精， 有種清新脫俗嘅感覺 仲有佢啲面嘅質地好煙韌， 浸咗喺湯都唔會浸到淋， 應該類似係北京拉麵 有誠意嘅小店真係要多多支持

海蝦球麻辣撈麵🌶🌶🌶本身仲擔心海蝦球唔新鮮食落竟然好鮮甜爽口第一次食杞子的撈麵杞子好甜 係意想不到的夾👏🏻而且菜苗同木耳絲份量都不少完全配合呢家小店主打健康養生意念✅餐牌上其實仲有花膠蟲草撈麵有興趣的朋友可以一試麻辣醬同醬油其實係分開比你自己加落去愛吃辣的的我將成碟麻辣醬加曬落去覺得辣得好過癮好🈵足美中不足係覺得麵質太淋鍾意食爽口硬身麵質朋友就可能覺得未必甘岩食啦

石門京瑞廣場成為左我嘅覓食好去處。 呢到絕大部分都係小店，野食好味之餘，仲多份人情味。 店鋪位於角落，唔係好當眼，鋪面唔大， 但坐得都舒服。老細幾nice，會主動介紹有咩招牌菜。我地叫左兩個湯面，一個米網卷，同一碟上湯菜苗。黑豚腩肉湯面 $48湯底清，但夠味，相信係無落味精。黑豚肉幾爽，面底份量岩岩好， 枸紀幾甜。$48 好抵食！竹笙嫩雞湯面 $42蟲草花濃湯浸翡翠苗 $32呢個係麻辣醬，另上的。其實清湯底己經好好味。香炸米網卷 $18即叫炸，香脆可口， $18有4條真係好抵食。總括而言，非常推薦呢間面店，食完有陣舒服嘅感覺，會再幫襯！

小子今日去石門返工，其實小子第一次去石門咋🙈黎到一個陌生地方唔知有乜好食， 上左Openrice 搵下食先🤣見到依間小店好評較多， 就黎試一試佢到食Lunch 可能晏左作三點幾先到， 鋪內得我一個客☺️環境同坐位都舒服, 職員都好Nice , 不段幫我加水。小子睇下有乜食先❣️睇睇價錢唔貴，可接受小子叫左2樣美食蟲草花豬肚雞絲湯麵：湯底好味❣️有蟲草花、杞子、木耳、豬肚、雞絲、菜苗、 麵條， 麵條係用面粉整， 淡口味的， 成件事好有養生感覺職員仲比左小碟辣椒油比我， 正！ 香炸米網卷： 即叫即炸， 脆口好味

真心推介呢間餐廳！超級養生嘅麵食。你面前嘅一碗麵同menu入面幅相係一模一樣嘅，材料絕不吝嗇，又好新鮮喎。如果鍾意食辣嘅朋友一定要試佢嘅麻辣醬呀~好似話係老闆自己整嘅，雖然少少已經好辣，但佢入面係有一浸出面食唔到嘅香味，唔係一味得個辣字，而係會食得出其他香料。唔係好食到辣都唔怕，叫麻辣口味時個辣醬係分開上嘅，可以因住個人口味而調教。加上餐廳入面嘅裝修好古色古香，同食物好似融爲一體咁，老闆又超級好人。呢間餐廳係must-try之一，包唔會失望。我個人已經幫襯左好多次，食得最多嘅係蟲草花豬肚雞絲撈麵(麻辣)。

雖然呢間店係轉角位但都阻止唔到我去覓食第一次去食時 試左蝦球湯麵無諗到會有咁多粒蝦球平時出面食蝦球應該得佢一半湯底清清地又好飲仲有菜 腐竹 杞子等等配料鋪滿哂成碗麵上面杞子好甜 菜又幾新鮮今日再去食竹笙雞絲麵又係一樣超多厚雞絲同竹笙啖啖麵都有雞肉麵都唔錯 唔係個D會有梘水味的麵係今時今日的消費指數黎講真係大件抵食又好食感受到老闆對食物是有要求的下次要去試睇落好吸引的花膠麵！—-另外負責樓面的男店員好nice

一向懶寫po的我，今日四圍巡到一間隱世小店！不得不按讚！優點：1）真材實料，冇雪藏味（豆苗都唔平，雞肉豬肚又多）2）飲落唔覺有味精，我飲到見底3）亞健康的都市人既恩物4）供應紙巾暖水夠細心5）地方乾淨舒服唔太迫6）$44同等價錢與其他食物相比，絕對好高性價比，又夠飽！缺點：1）唔係地鋪開店冇人知，宣傳太少（廣告單張作用不大）純粹建議：1）擴大宣傳，可考慮送外賣（e.g. 網上外賣平台)2）增設單叫丶套餐價（e.g. 連精美小食或飲品等）供食客選擇3）花膠養顏一向受女性歡迎，另可考慮提供男性客群的健康需求！祝店鋪蒸蒸日上！

.竹笙蟲草花素菜撈麵 $44🍜入面有紀子, 竹笙, 葱, 蟲草花, 木耳,茶樹菇, 豆苗, 腐竹。.食評：▶️會附上2種醬，包括係普通豉油加小小油同辣油。醬係分開上，可以按自己想要幾多加幾多。我就只係加辣醬🙈有辣，但未去到話好誇張。▶️麵係似米線同米粉既結合所以要，麵本身唔多油，快D撈醬，如唔係就會一舊舊▶️餸既分量好多，其中加入杞子甜甜地，菜同木耳又爽口，加埋葱就香，唔錯！.評分：健康指數: 🌱🌱🌱🌱🌱（5分最高)好味指數: 🌱🌱🌱🌱(5分最高, 4分表示會想再去食)價錢指數: 🌱🌱🌱(5分最高）份量指數: 🌱🌱🌱(5分最高）.臻麵饍 (沙田)沙田安群街1號京瑞廣場二期1樓101A9-10號舖

-🦄臻麵饍-胡麻茄子 Hkd18Rating🌕🌕🌕🌕🌑燒汁秋葵 Hkd22Rating🌕🌕🌕🌕🌑黑豚腩肉湯麵 Hkd48Rating🌕🌕🌕🌗🌑花膠蟲草花撈麵 Hkd72Rating🌕🌕🌕🌗🌑-第三次食呢間主打健康。養生既麵店相隔左約半年冇食佢佢就出左幾款新款既麵今次叫左佢新既花膠撈麵價錢來講 其實我覺得會有少少貴但佢比既花膠既量都叫多 有5-6塊花膠比較薄身 食落係爽口既感覺同我平時食既有啲唔同平時個啲既膠質較豐富 會黏口同埋彈牙啲但呢個就爽口啲好易咬開所以都唔會有彈牙煙煙韌韌既感覺應該係好普通既花膠 如果唔係會更加貴😂😂😂😂但配埋佢啲配料 蟲草花 杞子 蔥一齊食係好滿足既 佢麵條比較幼身同埋都容易斷 個人建議可以提供啲粗身既麵條食落會煙韌啲咁配搭就一流啦-另外秋葵又係第二次食既上次食左冰鎮今次就配燒汁今次食佢會預先切好比你所以秋葵既黏液都已經流曬出來再淋上燒汁 味道其實唔錯因為燒汁淋咩食都好食haha再加左啲白芝麻感覺上香口啲係個幾健康既小食呀 呢個推介！-最後個黑豚肉湯麵同茄子🍆係我同行既朋友叫既 咁我就唔多介紹喇不過佢就話個麻醬好好食haha但啲茄子有啲奇怪 變左好淺色但整體上都

石門這邊開了很多食肆，而且很多小店，平日夜晚人不多。和老公結婚前一晚去了酒店drop off物資，之後過來這邊吃晚飯。我們一個要戒口一個要減肥，經過這間店就覺得「係呢間了」，因為它菜單上寫的那些蟲草花、杞子、木耳已感覺很養生。當然，也令我們擔心會不會很淡。我們兩人叫了一個湯麵一個撈麵，怎料兩個都有驚喜。牛肚絲撈麵，我們為了戒口所以沒點辣，但簡單的豉油撈麵，配上像是上海麵質地的幼麵，加上可能杞子釣起了丁點兒的甜味，這樣的配搭是出奇的搭（如果我們加丁點兒辣應更加好^^）至於另外那個牛肉湯麵（恕我忘了全名，每個菜名很長），也一樣令人印象深刻。湯底喝得出足料，安格斯牛肉也很淋很入味，煮到剛熟便上菜，不會過老。而且價錢算是十分相宜，是我很久沒遇過的高CP值餐廳！平日晚上整個商場也很少人，真心希望這間店可以做得住啦，絕對會是翻兜之選！

石門越來越多食肆 但唔係間間都有水準，直至食到臻麵饍這間良心小店！有日lunch 行過，見有麵食所以試下。佢地以健康麵為主，配合新鮮食材 食過真係翻尋味！價錢又合理，$45 一碗好味又唔落味精的麵出面邊到有， 真係有水準的良心小店！ 推薦食本菇安格斯牛肉湯麵或者雞絲豬肚冬蟲草湯麵！安格斯牛肉軟身有肉味，唔係d醃到無晒味的假牛肉。牛肉同d菇，豆苗一齊食真係覺得好好味雞絲豬肚麵都好好味 食落清爽，麵又好足料 有腐竹，豆苗，蟲草，雲耳，枸杞 好健康啊！本人覺得佢地d湯麵好味過撈麵 因為佢地做d雞湯都好飲 所以同麵一齊食 會更豐富