臻麵饍 (已結業)

來吃了兩次，口味清淡，真材實料。豬肚、牛肉都推薦，很多蔬菜和鴻喜菇。小菜茄子、秋葵、雞絲也都新鮮。夏天吃沒有負擔，還會推薦朋友來吃，希望這家店可以一直開下去。價格也都合理．

前排同媽媽經過，諗住試新野，點知身為中伏達人嘅我今次竟然冇中伏個湯好好飲 飲得出零味精，連媽媽都話好飲個胡麻茄子都唔錯個汁勁正好耐都冇出面食健康得黎又好味嘅野啦有下次

今日同同事黎到石門，俾一個寫住潮汕美食嘅易拉架吸引左，上到去之後發現E間更加吸引地方唔太大但裝修得幾靚，又望到入面個個食客都會清曬全碗麵，於是就入去食了叫左碗竹笙雞絲麵($38)，分量唔算太大，女士會夠食的。味道偏清，都好多餸~ 同埋我覺得個碗好有中國風，幾靚haha朋友叫左蟲草花雞絲豬肚麵($42)，都好食~另外叫左個秋葵($22)，凍食的，員工俾左支wasabi同日本鼓油我地點，係幾特別嘅嘗試，好味整體黎講係幾不錯的，到附近可以試下~

第一次去呢間。 呢間舖係轉角位, 有少少難搵。上電梯到一樓要睇水牌同地圖先知大約係邊。大約晚上8點幾去到, 不用等位。這是一間小店, 入面坐位大約有20個, 地方光猛, 用了中式裝修。枱放得唔密, 用餐環境不錯。侍應服務都好好, 坐底就比杯暖水比你飲。落order快, 仲問我使唔使加底。我點咗蟲草花雞絲豬肚湯麵。由於客人不多, 麵好快整好。湯麵上枱賣相幾好, 個麵又夠熱。麵同餸料係足分量既, 味道都好。湯同餸都係清清地無油, 我無加$2轉麻辣。鐘意健康養生清清地啲既朋友啱曬。

竹笙蟲草花素菜撈麵🍜Hkd40Rating🌕🌕🌕🌕🌑-又係呢間臻麵饍喇😂第二次來食事關朋友話上次食左湯麵今次想食下撈既😇我就叫左本菇竹笙撈素麵🙊🍜發現撈既菜苗比湯既菜苗多好多😬😬其實各配料既數量都好似有輕微增加😂唔知係咪因爲撈麵係比湯麵貴$2呢haha🤣🤷🏻‍♀️味道方面因爲係撈既 用左醬油去撈就更加更加惹味啦🤧🤧 另外仲可以簡麻辣口味 但我地怕太辣就唔簡喇 不過就算你簡咩味 店員都會問你要唔要辣椒🌶️TryTry😂-但食完呢個麵之後成個口都係啲生蔥味😭😭

之前行過見無乜人,店員落力介紹。不過我唔肚餓無試。今日試清湯安格斯牛肉麵，個湯底好好飲，好清甜，無味精，牛肉好淋，唔韌。有牛肉味，食得出係靚牛。（平時係茶仔食茄牛通D牛肉會韌）師傅淥得剛剛好，牛肉啱啱熟。麵係幼麵。菜係溫室豆苗。全碗麵我都好滿意，但如果係鍾意食濃味的人可能會覺得比較清淡，佢同譚仔/日式拉麵比較係清D.老公叫左 蟲草湯雞絲豬肚麵，豬肚無臭味同幾彈牙，都幾好味。如果想食辣，可以問佢攞辣椒油，店員拎外用碟仔俾你，我覺得咁樣幾好，可以就咁夾餸點辣油食，唔怕整到個湯好油。食完可以飲晒個湯。服務好好，可能新開業，店員同師傅都有同同客人溝通，收集意見，幾有誠意。我走的時候，都見好多客人飲晒碗湯。佢地鋪位係角落頭，都有少少難搵。所以我寫呢篇食評去支持一下佢地。

竹笙蟲草花素菜麵🍜Hkd38Rating🌕🌕🌕🌕🌑-石門呢個美食沙漠🏜️終於都新開左好多食店🤣商場似返個商場🙈有返啲人流👫Haha 呢間係新開既主打健康 養生既面館🍜 用料主要係蟲草花同杞子😉💕 叫左個蟲草花竹笙既素菜面🙈 有竹笙 蟲草花 杞子 本菇 木耳 豆苗 腐竹 面 蔥花🤭一碗麵都幾足料但份量對我來說就差咁啲啦 杞子意外地鮮甜比起平時食個啲甜好多 大愛杞子💕💕 湯底方面都叫做清淡 所以超符合養生既主題🤭-但可能新開張 安排有啲混亂 希望之後會有改善返🤧🤧😆-