臻麵饍 (已結業)

叫咗個招牌撈麵，啲餸多到！有兩粒蝦、肥美唔油膩嘅豬肉片、少少菜苗、蟲草花、雞絲仲有魚肚，有豉油分開相俾你撈麵，仲有個傳統廣東麻辣醬。個人覺得麵靚，所有嘢都ok, 不過豉油撈麵個口味唔係好啱我、辣椒都唔夠麻辣、而雞絲同豬肚好似唔夠味，可能係我倒豉油個方法出錯😆但係朋友都叫咗個招牌湯麵，個湯底好好飲，雖然清但係夠味，會想一路飲落去！飲完仲要唔口渴添😍我覺得呢度個性價比一般就係招牌面都要60幾蚊一碗，石門好似有更多好嘅選擇，如果平$10我應該會翻斗

次次路過店鋪已經想試，今日終於搵到機會一試。叫咗一個雜錦撈麵，一個雜錦湯米。個湯看似清淡，但絕對夠味，加埋索哂湯嘅米粉，真係好好味。更藉得讚嘅係老細嘅細心同用心，佢好快就留意到我哋想要d咩（例如水，辣椒醬），跟住問我地要唔要多d。食完再吹水，發現老細真係好好人，聽下佢遇到嘅人同事，幫助過嘅例子。好人一生平安，希望老細長做長有

之前約咗朋友喺石門，因為大家本身都唔熟呢區，所以周圍行下。喺商場行到最入嘅轉角位，發現呢間麵店，大家都被門口海報上嘅美食圖片吸引😆見到蟲草花麵好吸引，不過當時大家都已經食咗嘢。門口店員姐姐好有禮貌，介紹美食，不過我哋同佢講已經食咗嘢喇😳店員就畀咗張外賣紙我哋，話下次可以來食。我同朋友都好有興趣🤣今日約咗朋友來石門食💗lunch time麵店都滿座，不斷有人來買外賣。不過店員都好有禮貌，等咗一陣就幫我哋安排到座位。見隔離枱撈麵都好吸引，好多配料，不過今日想食啲熱湯類嘅麵食。朋友就叫左蟲草花雞絲豬肚面，我就叫咗牛腩麵。食物好快到，朋友急不及待飲咗一啖湯💗朋友話好有家庭式老火湯嘅感覺😍湯底夠濃郁唔會過分油膩，感覺好清新✨牛腩麵麻辣另外上，隨自己嘅口味添加辣油😋牛腩麵充滿驚喜💗牛腩煮得好腍，而且加咗獨特嘅香料醃製，非常惹味😍見隔離枱點咗啲小食都好似幾吸引，下次會同朋友再嚟試埋其他美食✨p.s : 分量比較大，食量細嘅朋友可以叫少麵💗

▪️ 蟲草花豬肚雞絲湯麵 💲46最近腸胃都唔係咁好，朝早想食得清淡一點，就去左間主打養生健康路線，店員有心思殷勤介紹，仲話有得免費加麵，充滿人情味既小店😚呢個有蟲草花、好甜杞子、腐皮、豆苗、木耳絲、乾淨爽口既豬肚、似係手撕雞咁滑身而非乾嚡既雞絲🐔原本想要米粉，但係無返到貨，唯有要返麵，但係質地就比較軟腍糊口🙈本身見個湯咁透明，好驚會無味，不過原來有啖啖溫和雞湯味，加上蔥花，會不自覺飲曬成個湯，無咩味精食完唔會口渴🤣🔎 整體評分（7/10）

石門有很多不同類型的小店，今天就嘗試這一間小店。經過門口，全是玻璃，清楚看到內裡只有幾張小桌。內裡只有一位女侍應，一人負責多樣工作。進入店內，環境乾淨，感覺舒服。女侍應遞上餐牌，細看後，決定選擇本菇豬肚湯麵。送上湯麵，湯麵材料很豐富。急不及待品嚐第一口湯麵。我對於湯麵有點期待，可惜的是，湯麵口感不適合我的口味。至於，其他食材都是中規中矩，湯味道適合喜歡淡味的人士。

今日專登過嚟石門就係為咗試依間店雖然位置比較偏僻難搵 但係最後都俾我搵到舖頭唔大 但係裝修幾中式 用石牆同木枱木凳 幾有復古feel餐牌主要有撈麵同湯麵 款式繁多叫咗個竹笙嫩雞湯麵 ($42)落單一陣已經上菜 超快手可以揀要唔要蔥同辣椒醬賣相靚 顏色豐富 配料多有紀子 腐皮 小豆苗 竹笙 荀 紀子食落甜甜地 有養身嘅感覺小豆苗好清脆 好新鮮 一啲都唔老湯底超清 但係清得嚟有味 好在完全冇味精😋健康啲雞絲份量好足 食落好嫩滑 完全唔乾唔鞋 食材新鮮所以好有雞味🐓麵份量同樣極多 成2碗咁多 不過質感唔係彈牙煙韌嗰隻 比較淋身 少少易斷好在索汁入味 都幾好食-整體味道唔錯 清淡養生 材料豐富 食材新鮮 健康環境舒服服務超好！不得不提 老闆們超用心 勁细心 特登攞張凳俾我地擺袋 又多謝前多謝後 超好禮貌同好客氣👍🏻👍🏻👍🏻CP值ok $42咁大碗麵 咁足料 一定要支持下依啲民間小店啊真心好介紹 希望多啲人搵到佢地 去試吓啦！

同屋企人今日想食得清少少所以揀左臻麵膳食晚飯~~講下食左咩啦💁🏽‍♀️香炸米網卷 ($22@4條)新鮮即炸👍🏽 味道正常發揮! 蝦醬雞中翼 ($22@3隻)一樣咁熱辣辣 好香脆! 單骨雞翼咁樣處理 更香口!雞翼非常入味 無諗過蝦醬同雞翼咁夾~~想番屋企自己試下整🤣招牌湯麵 ($62)黑豚腩肉湯麵 ($52)竹笙嫩雞湯麵 ($42)湯頭味道清淡 但唔係淡而無味 無味精 所以我飲哂成碗都唔覺口渴~~每碗麵既都有好多配菜 有腐竹、溫室豆苗、木耳絲、杞子 豐富又好健康! 👍🏽好似我咁貪心 想咩都食就可以食招牌湯麵~~入面有雞絲、黑豚腩肉片、豬肚絲、蝦、同蟲草花!以為有個「腩」字就好肥 但原來唔係! 呢度既黑豚肉無肥膏架😯豬肚無咩異味 平時唔食既我 都清得哂~~蝦肉好爽口彈牙 蟲草花份量幾多😍無咩好挑剔!每枱客都會有一小碟自家制(?)既辣椒醬好香好香 點黑豚肉食 正! 🤤

除咗大圍嘅好湯好麵之外哩間都係我幾經常幫襯嘅麵店主打都係無味精湯 材料養生健康有素、花膠、雞、蝦、牛 幾款麵供選擇今次我叫咗雞絲豬肚麵（$46） 配料非常豐富 有好多木耳絲、豆苗、蟲草花、雞絲、豬肚佢嘅調味比較簡單 應該只有鹽吧所以佢哋會附上一碟好香嘅辣椒油比你點餸食湯底亦清淡溫和 好真實 很有家的味道至於麵是類似上海幼麵 質地偏淋一啲 聽店員講佢哋嘅麵係冇加鹼水、防腐劑 成份天然感覺成個麵都好健康 食得安心另外我仲叫左碟燒汁秋葵 爽脆清甜非常推介比啲鍾意食清淡健康嘅朋友❤️

石門的京瑞廣場，地下層早已經充滿了許多大餐廳，連鎖好店。隱藏在二、三樓，就是小店的天下。該日，有心機去找好東西吃，於是就走上了二期的二樓，目標就是一家小小的外省麵店。一間叫《臻麵饍》的小餐廳，幾乎日日都有人排隊等位的食店，且看看此小店的出品有幾好，幾巴閉。當日，我點的是一碗乾撈麵。配搭的佐料感覺上是健康的，因為有杞子，有木耳，腐皮，菜苗，同半點肥肉都沒有的豬肉。這個麵，正確的名字是黑豚腩肉撈麵，這一個，是真正的乾撈麵，沒有湯汁伴隨，食用時，輕輕地加上醬油已經夠可口。黑豚肉嫩滑，麵條是北方口味的白幼麵，入口腍香，沾上醬油後更能顯現這麵的好味道。我多點了一份四色丸，而四色就是龍蝦丸、魚腐、墨汁墨魚丸同花枝丸。味道上不錯，但吃起來就感覺到，這些丸就是凍肉店售賣的丸啊，味道上同口感上沒分別，唯一好的，是店子以炸的方式來煮熟，入口份外的香。小食店，小碗麵，輕輕一試原來是有滋味的，在石門要輕食一個午餐時，這一間《臻麵饍》係好選擇。

由於爸爸話唔知煮咩俾我帶飯,所以噚日(15-1-2020 Wed）冇飯帶,相約男同事FCP, RL,女同事ES一齊出去食晏,食咩好呢?想食上海嘢,上ORsearch到呢間,大家都話OK,咁就嚟食.點知嚟到,原來唔係食上海菜,我有啲失望.最後我就要咗$42.00嘅竹笙蟲草花素菜湯麵,叫多個$32.00嘅香脆豬頸肉share食.好快4個湯麵米粉到嚟,大大碗,我嘅食材全部都靚,杞子好甜,麵就腍咗少少,湯底清得嚟唔係冇味,唔錯.而香脆豬頸肉呢?份量唔多,但幾熱同外層真係脆口,味道又啱啱好,唔會太鹹太淡,亦唔錯嘅.味道係 4.5分服務:好有禮貌同殷勤,亦密密斟水.環境:舖位細,但仍坐得舒服.抵食:RL食嘅係$52.00海蝦球湯麵,佢話呢有5,6隻蝦,好抵;ES都話佢$52.00嘅黑豚腩肉湯麵嘅黑豚腩肉都唔少;而FCP就冇講$46.00嘅蟲草花豬肚雞絲湯米點.而呢喥嘅麵同米粉係可以免費添加.2.7分呢篇食評只計我食過嘅嘢.

一個打工仔自己食餐晏，求其食碗麵就算啦！諗住食碗麵，估唔到依間麵店又唔錯喎！麵店主打係養生麵食，確實感覺冇味精，每個人口味都唔同，個人覺得麵質比較容易有糊口，我自己個人喜歡吃爽口嘅麵，不過都值得繼續光顧嘅，喜歡冇味精嘅食店。👍🏻

早排嚟石門見完工後經過京瑞廣場，肚餓嘅我又出動睇下有咩好食！😛 記得好耐之前嚟個陣地鐵站附近乜都冇，不過而家有唔少吸引人嘅餐廳呢。搭扶手電梯上一樓之前，走到角落被呢間臻麵膳的餐牌吸引到，睇落好養生健康。🤤 啲食物望落去好清而且用的食材好吸引，所以就試下🧡我點的是海蝦球湯麵（$52）。湯底睇落係好清，而且材料豐富。除咗海蝦之外，還有雲耳、杞子和葱粒。🦐 味道方面，我覺得麵質淋咗啲，唔係彈牙質感。相反，蝦十分爽口好吃，加分！😆我覺得這間店舖值得推介給喜歡健康的人吃，材料新鮮份量足夠，唔鍾意食太濃味嘅人可以一試！

店舖開10點，我哋係第一台客入去，上菜嘅速度都幾快，不錯。上次試過撈麵幾好食，今次就試吓湯麵啦。叫咗一碗蟲草花雞絲豬肚湯麵($42)同埋一個竹笙蟲草花湯麵（ $48 ），店員問我地要唔要加面底，加面底唔需要加錢，我哋都選擇咗加底。雖然加咗底，但面嘅份量唔算太多，只屬正常，我諗只係好細食嘅女仔先唔需要加底。同上次一樣，每碗麵都好多配料，尤其欣賞個溫室豆苗同埋蟲草花，不過湯麵個湯底就有啲失色，係好似家X牌清雞湯咁，有點失望。店內飲品只有罐裝汽水，想飲杯凍檸茶就冇啦。

雞湯是自製的，無加味精，好好味，完勝其他旗艦米線店的味精湯，可以整碗湯飲完。米粉也是特別曲的，另外又爽又潤的竹笙加上超嫩雞肉，好有口感！每個月一定會來幾次！地方比較小，但岀餐速度算快。

石門京瑞廣場二期有好多小店，之前介紹過的芋圓、手卷都係呢到，今日就試吓同一層，位於角落位的小店。店內坐位不多，大約只有14個位，只有一排梳化位，其餘座椅無靠背，可能會坐得攰少少。不過檯與檯中間都夠空間唔會好壓迫。我哋點咗兩碗撈麵，無叫飲品，因為佢哋只有罐裝飲品。撈麵有驚喜，配料好多，醬汁和麻辣係另外分開上。可以按自己喜好落醬汁，唔會有太鹹或唔太淡的情況；醬汁帶有醋香、麻辣醬就好係麻辣辣椒油，都算香、夠辣。麵質睇落好似好林，但係唔會黐埋一舊，幾好食，口感雖未至於彈牙，但條條分明已經算好好啦。買單$90兩碗面，抵食！