臻麵饍 (已結業)

今次開心大發現咗一間養生湯麵店 呢間餐廳之前我都留意唔到， 因為佢喺京瑞廣場2樓嘅一個角落入面。 今次經過留意到佢嘅餐牌嘅湯麵都好養生， 又係啱曬我呢個又想養生又要食湯麵嘅湯麵怪佢嘅湯麵有好多款， 我叫咗佢嘅招牌花膠蟲草花湯麵， 呢碗湯麵配料嘅擺法睇得出係有心思， 綠色有水耕豆苗， 紅色有蟲草花， 黑色有木耳， 白色有花膠 雖然湯底冇好濃嘅蟲草花味， 但係飲得出係冇味精， 有種清新脫俗嘅感覺 仲有佢啲面嘅質地好煙韌， 浸咗喺湯都唔會浸到淋， 應該類似係北京拉麵 有誠意嘅小店真係要多多支持