至尊重慶雞煲 (創興廣場)

營業中

休息中

我和男友2人點了一個雞煲小辣，很失敗湯底十分甜之餘亦很鹹，完全無雞煲的味道，到點了其他食物，首先肥牛竟然可以有骨，豬肉丸1個字難食，到粟米可以硬到咬唔到，雖說有超過50款食物選擇，但其實好多野都無！枝竹無，新鮮牛肉無，連最基本火鍋首選響鈴都無，無話可說，到最尾已為有甜品點知得番個紅豆雪糕，又係無得揀，下次一定不會幫襯

重慶雞煲越開越多間分店,我由第一間元朗店開始食起,但最旺場嘅旺角就算訂左位都要等一陣,而且食個半鐘時間真係好緊張,急到後期完全忘記影相連雪糕都未食就俾收枱種類選擇得2張紙,唔算多但有即包餃子3款,我試勻比較喜歡羊肉餃,雖然騷小小但有肉汁香料夠重手又夠特別,洋蔥牛肉餃入面肉碎好奇怪味道又咸,豬肉餃落太多生粉餡滑 潺潺口感奇怪因為本人唔食得太辣但又好鐘意麻痺感覺,重慶雞煲小辣好岩我食可以食到尾但味道就好濃肥牛開頭叫就唔新鮮變左啡色後期再點都可以,羊肉好鞋可以不試,魚肚剛剛食正有沙而且太碎凍豆腐不可不食吸飽汁超正年糕係韓國式好食過上海,鯪魚滑打得唔夠肉好梅,脆鯇點3次都唔到放棄左下次再食都係唔揀旺角店人太多,地方嘈雜坐隔離都要好大聲講先聽到

由７點直接入座等了35分鐘才上菜，雞還是不熟的向負責人反映問題，負責人在５分鐘後幫我們換了一煲，限時２小時，花了半小時有多先可以食之後職員跟我們說補回時間，由7:40食到9:40，在手寫單上也幫我們寫了在9點多埋單後一位非燈衫的淺色短髮職員跟我們說我們夠鐘要走向我們催了幾次，我們跟她說補時間是計7:40，單上也寫了她說「肯定」是7點，已經給我們食多15分鐘了仲拿住張「機單」跟我們嘈，態度極差我們叫她拿回手寫單對質，跟她們自己的職員先溝通一下再來，堅持不拿出來一直拿住張機單趕我們走一間營運較大的餐廳竟然可以那麼不老實我認為態度差點好吃都無用

朋友提議食雞煲，於是BK了位於旺角創興廣場既至尊重慶雞煲，貪係MK地點方便。雞煲份量都足料，都有一隻雞既份量，雞肉都算滑嫩，只係雞味唔夠!~雞煲上檯煮多十分鐘就有得食了~~點了小辣既雞煲，辣度剛剛，但就缺少左麻既感覺!~雞煲味道偏重，愈食愈口渴~配料既選擇都幾多元化，但入左ORDER紙之後都要等幾耐下先有~同埋侍應好似唔願做咁，服務態度有待改善~

是日酷熱警告生效，四個傻瓜竟然35度高溫下強戰雞煲……😰怕多人排隊，有人先到。可幸是工作日，不用等位，後來我們吃時餐廳經已滿座了。小辣雞煲辣勁輕微，完全感受不到麻味，湯汁越煮越杰，痴底是必然的事。除了雞之外，就只見到整個整個的大洋蔥，煲料不算多。雞肉：滑未至於爛，不夠味，很多肥膏。洋蔥：已煮到沒有洋蔥味，又吸不到湯汁，就知道是洋蔥囉。炸魚皮：炸粉算薄，亦不太油，但不是很脆，是擱得久了嗎？炸枝竹：一點也不油，但卻是完全不脆的，失敗。羊肉、肥牛：普通貨色，肉味一般，有些牛更有筋。牛柏葉：不夠爽身，要咬很久才可吞下。龍蝦丸、牛筋丸、芝士魚蛋：放入煲內，我們要從其外形才能分辨出是甚麼丸，就像吃著有湯的盤菜，反正味道都是一樣的，發揮不出本身的肉味。魷魚：又是一樣味的，有人更吃到腥味！午餐肉、腸仔：反而是最美味的，午餐肉肉質綿密，腸仔的腸衣很脆，咬下去更咇出肉汁，是最受歡迎的食材！唐生菜：未放入煲都覺得不夠鮮爽，果然一放了入去之後，不消數分鐘已變成爛布一般，已沒有人想動筷了。問問店員，原來這店子是沒有甜品的，只有雪糕任攞，眾人難免掃興。雖然餐廳冷氣充足，但畢竟人多，有些擠迫的感覺。二小時的雞煲放題

明白好多店鋪生意好左就好難保持水準都來過好幾次，食落不過不失，所以久唔久都會來幫親下。今日係平日，每位$118今次客人唔算太多，但今次個雞煲好大份，我地簡左微辣，辣度適合，今次個雞煲有d苦澀味，唔夠川味，平時食開，麻中帶辣，今次就苦澀中帶澀，未知問題出0係邊炸魚皮最好食，脆卜卜，無油憶味，雞煲中的雞有d莓，無鮮味，雞唔夠滑，丸類都唔錯，無雪氣，彈口肥牛片，較肥，魚皮餃好味，鮮味，皮爽，新鮮。鮮魷好唔掂，好唔新鮮，食左都唔知食緊麥！可改善

夜晚發雞煲相🐔，喺創興搭lift 既時候最香（雞煲）味既層數就係16樓呢間啦，呢度兩小時任食，食完一個雞煲之後都係打邊爐咁啦。呢度麻辣雞煲食落好惹味，啲麻辣汁浸透喺雞入面，幾濃郁，會有食完一舊想再食既感覺。打邊爐環節有我至愛既韓國麵🍜，麵質彈身唔錯，另外有樂天既野飲任飲。不過任食加埋成班人傾下計覺得兩小時嫌未夠喉😂

好開心，一班姐妹四個人去食雞煲，點知俾左一張點野食張紙成20mins先到，但係唔齊野食，還要唔停叫員工睇點解咁耐都未嚟，一個推一個，服務態度又差，唉，食到火都嚟，食來食去好似無咩野食，雞又小，真失望，等下食下，好似無咩到肚，嚟左三碟野食時已吹我地埋單，但還有半個鐘先夠鐘，我地好似無咩到肚，咁就要埋單，搞錯，結果我地唔夠飽，去左第二到食，然後無第二次

今日諗住搵啲刺激少少既野食同班朋友聚下,我地一行10個人就揀左黎呢間雞煲喇!一上到黎創興中心16樓就會見到呢度有好多櫈仔比啲客人等位.不過雖然今日係公眾假期,但係都冇咩人等位.可能因為已經9:00啦.而我地本身驚要等位,所以就一早訂左位, 一去到講返啲資料再等佢安排一下執下枱就可以入座.(訂位資訊: 每日下午3:30先可以打去訂, 不過只可以訂7:00前 或 9:00後)今日係星期六, 所以$168一個人全包一坐底侍應已經好快手咁將個兩個雞煲放上爐上.我地因為有10個人, 所以就有兩個雞煲. (4人一個)因為我啲朋友仔唔係好食得辣,我地最後就叫左一個中辣 同 一個小辣我本身就比較食得辣既,所以對我黎講中辣其實唔辣,如果我下次黎應該會叫大辣.5個餓鬼食,啲雞眨下眼就冇曬.不過幾入味就真既,對我黎講最好味既一定食雞,只可惜太少呢張圖可能影得唔太清楚,不過坐既環境有少少迫,坐得唔太舒服.但係如果3-5個人早啲黎既話,就可以坐卡位, 個度就坐得舒服好多.****因為我地每人都帶左個袋又有啲外套啊,所以呢度既姐姐教我地可以拉開坐墊個個位入面有個少少既空間但係足以放到書包同埋外套架啦下次大家去可以

安排坐位既阿姐態度差到極度惡劣，趕客走，嫌錢腥唔做我生意話："咁唔好食喇，唔食就算！"一入到去見到帶位阿姐已經黑口黑面，仲要講野串到爆。我入到去我想request 坐枱既一邊，點知換黎阿姐發晒癲大叫唔得，又喺度鬧我話咁樣唔得，我繼續企左係度，我感覺已經好反感同憤怒，我示意唔中意，佢就向我發脾氣話：咁唔好食喇，唔食就算！態度非常惡劣，我唔會再食呢間野，再去受氣！😤😤😤😡😡😡😤😤😤😡😡😡

價錢相宜的至尊雞煲星期六跟朋友慶祝生日，走到了旺角的至尊雞煲，夜晚在創興廣場樓下已經是人頭湧湧，很多人。安排座位後大約要等十五分鐘才有那個雞煲，雞煲弄得很濃味，又不辣，微辣，中辣，大辣選擇。分量大概是半隻雞左右，配合那特製的配菜味道，這個雞煲算是弄得很好，吃下去會令人有口水流出來的感覺，很想繼續吃，很野味，雖然是重味，但一點也不喊，不用不斷地喝飲品。吃過雞煲後，其他打邊爐用的配菜也是普通質素，款式也不是很多，較為特別的是有牛骨髓和花膠，其他餐廳比較少見。但大部份本身的食材是淡而無味的，一定要放到雞煲很久，讓雞煲留下來的味道吸入去才夠好吃，整體的食材一般，來這裏主打吃他的雞好了。飲品方面，有很多選擇，有jolly sandy, 3款味道，啤酒，普通韓國的罐裝果汁，讚！最後，他有雪糕提供，很滑很好吃，我吃了兩杯，值回票價了。他已這樣的食材配合這樣的價錢算是非常合理，在晚上只是168元，很抵食了！

一班人聚會, 最好是火鍋, 可以一邊吃一邊傾談。朋友說吃雞煲之後可火鍋, 價錢159, 非常吸引, 於是接納朋友意見吃雞煲。原味雞煲, 雞份量也頗多, 雞味濃而滑, 味道咸了一點, 但汁非常濃郁, 待會火鍋應該會剛剛好。吃完了雞煲便可放湯開始火鍋。和平常火鍋一樣點了丸, 菜, 粟米, 肥牛。凍豆腐吸收了雞煲精華非常好吃, 每口也爆出雞汁, 口感非常。 肥牛真的太肥, 根太多, 真為失敗之作。龍蝦丸比較特別, 中間有八爪魚條, 增加了口感。店員服務欠佳, 態度非常差。除了這樣今餐算是ok.

朋友話好耐冇食過雞煲,見到好多人推介所以就來左呢間食我地2個人6點半左右就去到,貪佢早唔洗等位,一入去就食得我地揀左BB辣,不過唔辣既,係香香地~岩哂唔食辣既朋友啦!佢有好多野揀,例如花膠,青口,韓國年糕,紅薯粉呢類其他地方比較少會有既食物.整體來講呢個價錢食咁多野都幾抵.

天氣凍決定食雞煲，聽講至尊唔錯。我地一行六人，個雞煲好大煲，其實極之重口味，但唔知點解食下食下食左大半煲，仲未開始加湯打邊爐，大家已開始覺得飽雖然係較濃味，但啲雞好嫩滑，所以唔覺唔覺食左好多。飲品選擇超級多，各式汽水，韓國罐裝飲品，啤酒，涼茶........仲有雪糕，但每人只可要一杯。肥牛，豬腩肉，雖然不是貴價質素，但呢個價錢可以任食，已算唔錯，絕對可接受。丸類選擇亦不少，彈牙好吃，不是又腍又粉既平價貨色。仲有豬紅，魷魚，花膠，豆腐等等，全部都新鮮無雪味蘿蔔鮮甜無根，追加了多次呢！芋頭預先炸過，特別香口，又夠粉，好好味啊！打到尾唔少得一個公仔麵，吸哂啲湯汁精華，無得彈仲要係韓國公仔麵原包上，正

這次是我第二次來至尊吃雞煲了。說起雞煲,好像是高中時突然興起的食物 , 但是我高中的時侯一次都沒有吃過, 因為聽了雞煲, 幻想成為白煮的雞肉加湯, 聽起上來毫不吸引。但原來真正的雞煲是雞肉加了醬汁一起熬製令到雞肉有本身有更香的味道的食物, 吃完雞肉後, 更會把整個煲化身成火鍋。  來入正題了, 是次吃雞煲於即日~18:00才訂位, 說9:30PM入座立即有位了。我們入座的時侯都沒有人等位, 因此我們一到就可以馬上入座。 被安排到整間店最入的位置, 可是一張檯被分為兩面, 旁邊已有3位食客都是剛入座, 我們一行五人坐下時有點迫的感覺, 並不舒適, 加上一坐下就差點跣倒了, 但不難想像吧! 一整晚每人都在吃雞煲, 地上有油又不能立即清理, 只可以在關門後才清理, 所以地面整潔度 可說是0分。先說說吃雞煲的主角, 就是那個雞煲吧! 我們坐下整整25分鐘一直都沒有雞煲, 我們旁邊的3位食客早我們少許入座都一樣還沒有雞煲, 覺得也算過份的, 因為入座還要限時, 況且覺得欠食材都還可以, 但是吃雞煲就連雞煲都要等了25分鐘有點生氣。  等了25分鐘雞煲終於出現了, 想說一說那個煲的安全性, 其實比