至尊重慶雞煲 (創興廣場)

營業中

休息中

久唔久都會食下雞煲，至尊通常係我地既首選。因為價好抵，當然相對服務就緊係成正比啦😎😎😎但味道，食物，飲品都好合理今次一上雞煲已經有燶味要換啦～同要等…………不過食完，真係好口渴

15/1 同屋企人黎食，呢次經歷真係畢生難忘，先講佐服務質素先，小弟從未試過係旺角尖咀區食過一間食肆嘅態度可以如此地差，可能小弟見識淺薄。落單，啲啊姐個個無動於衷，叫多幾次，黑X曬面，我明白，通常餐飲業嘅員工多數都會扮睇唔到，我亦明白呢一行嘅苦況，但都唔使黑我面，我已經好聲好氣，家下我黎食嘢，唔係俾錢買難受。跟住我去裝嘢飲，左右手用杯裝住D涼茶，慢慢咁行返去自己嘅位，咁啱同個職員行到較為窄嘅位置，你眼望我眼咁對視佐1、2秒，完全冇考慮到我手上拎住2杯嘢，而距當時手上只係拎住隔離檯嘅order紙，ok fine. 我讓路俾你，啲職員果然係霸氣十足。雖然我知道顧客唔係大曬，咁嘅服務態度會唔會離譜佐D啊～ 其實我想講句，做得咁撈氣做黎做咩啊。到食物質素，只可以講一分價錢一分貨，各位諗住上OpenRice search 雞煲邊一間好食的話，而你亦諗住選擇哩一間，我建議各位請三思。

今日黎旺角揾個朋友食飯，跟住為左揾個地方好好坐低傾下偈，就費事周圍揾，一上openrice就見到呢邊有多間食野嘅舖頭，於是就去左簡下有邊間好食，行行下見到呢間雞煲舖，想食火鍋嘅我地，就簡左呢度開飯喇。雞煲入口都算已經令人滿足嘅。不過雞就真係太一般喇，雖然唔算貴，但點都應該整好啲俾人食喇，雞肉一啲雞味都無，雖然食完都好似唔錯，今次嘅體驗都算幾好嘅，但比起一般舖頭都有好多位應該做得更好更加到位，但係有小小失望囉希望有機會會再黎喇

星期六晚nosir睇完波才可以外出晚餐，將近11點，正好是優惠入座的時段，第一次光顧至尊重慶雞煲，走進電梯，超濃烈的雞煲味，光時撘𨋢衣服也盡吸所有味道，回家3兄弟一定要守我們身一段時間了～雖然已經是晚上11時，但人流依然暢旺，還好等候5分鐘就可以入座，環境尚可，有點擠逼，座位安排總是有「搭枱」的感覺，由於首次光顧，所以不知道原來有BB辣，我們點了小辣，可樂對我來說非常重要，飲品選擇也不少，其中有多款韓國罐裝飲品，但我獨愛可樂😌等了約十分鐘，至尊重慶雞煲終於送上，超級惹味，雞肉完全入味，而且越吃越辣，越吃越過癮😂吃完雞煲自己取湯加入然後打邊爐，點了花膠、丸、炸支竹、魚皮、豬膶等食物，響鈴可以到自助bar取，惟一最大缺陷相信是打邊爐的精髓:肥牛!!!雞煲再惹味也不能添食，想轉戰肥牛？可惜肥牛的質素太差了，還是吃多一點廚師腸好了😂整體感覺不錯，惟獨看不過眼是店員對肉片類毫不尊重，肥牛或五花腩豚肉質素雖然不高，但每次店員送餐都將肥牛墊低，將其他食物碗碟疊上面，有點擔心洗碗碟時有否洗碗碟底的感覺，不過出街食飯也不能想太多了，每位$128免加一，收費也很合理。

今天在旺角这家吃重庆鸡煲，也不晓得朋友是不是把三星手机放在306号台忘记带走！当发现的时候！已经过了一个小时！还记得在6:30分左右结账走的！打电话过去问！就直接说没有！也是服了！态度本身就很一般了

有朋友去過，覺得OK，今晚我哋又再去，而且我係提早收工為了去試一試係唔係真係好食，但非常的失望，今時今日仲有甘嘅服務態度，冇一個員工有笑容，全部都係阿姐都冇所謂，但你打一份工都要有D熱情掛，一個都冇，我哋都知係旺角寸土尺金，一夠鍾一分鍾都唔多俾就趕我哋走，從來都未試過去餐廳食野食到甘，簡直是不可理喻。

好差好差，個爐唔夠火，冇時間食又唔比返時間我地，d人態度好差。個電爐壞嘅，比我個gas爐冇火嘅，兩個鐘點食，你地都睇到啦，爐上爐初初叫佢換gas又唔換，個火細過火机，想點

#深宵放毒 😈 $128雞煲火鍋放題 性價比甚高🐥🙉三個90後吃貨最愛雞煲火鍋-#至尊重慶雞煲 👻小辣雞煲 雞份量足 入味 連洋蔥都好好食 爽口仲有食雞三部曲 先食雞 後加花膠 水魷魚 牛柏葉 再加湯打邊爐 超級正 另一邊爐享受😋仲有得打邊爐！#宵夜 時間每位$128 真係好抵食！性價比高😍😍

因為之前都同朋友黎過食三四次，見百幾蚊任食兩個鐘都幾抵，咁今次再同朋友黎食啦！其實成個食野過程都冇咩大問題，可能就舉好耐手都冇侍應理我地，而最大問題係最尾埋單啦，可能我地又自己衰掛住傾計冇留意時間，咁佢話last order我地咪再落多少少野食啦，因為我地食完煲雞都只係落咗一次單，咁又唔係落得多所以都唔係太多食，但last order啲野到咗五分鐘都冇就趕我地走，就直接話我地夠鐘，就執曬枱面啲碗同筷子仲有啲垃圾，我覺得咁做真係唔係應有既態度。如果明知我地張枱係夠鐘，埋單個陣就唔係幾應該話比我地知last order，我地又落咗野，啲野又拎咗出來食都未食過，一定又就咁放返落廚房啲食物度，咁樣好唔衛生。況且如果我地真係夠鐘，我覺得應該早少少比返啲提示話比我地知仲有幾耐要交枱或者叫我地準備交枱，而唔係一句就埋黎我地夠鐘叫我地唔好食同埋收曬枱面啲野，我覺得係你地態度同禮貌問題，如果有返少少提醒我會識做快啲食完快啲走。仲有你地係有分店既餐飲集團，白字黑紙寫明叫人唔係浪費食物，如果唔係要加錢，但我走個陣個煲仲有好多野未食，咁樣趕人走，我覺得你地先係浪費食物既個班人！

👎🏻👎🏻👎🏻👎🏻唔係好滿意嘅火鍋。第一次食咁小海鮮嘅火鍋放題，得我唔食嘅青口😭。醬料仲要得辣椒，辣椒醬，蒜蓉同䜴油。雞煲得個辣字又唔夠香。羊肉唔係好新鮮，唯一好食嘅係芝心丸😒😒😒。其他都係一般般，而且啲啊姐好惡☹️唔會有紙巾提供，位置都有啲逼，唔會再去。

食完一個月後我仲有心去打評論，大家就知呢間野有幾好廢話少講，去點：1. 食物質素非常一般，但價錢唔算平。2. 伙記態度差。成日扮睇唔落單，用極差態度趕人走。3. 雞煲坐底成15分鐘先黎。4. 衛生情況一般，地下經常有水同好滑。除左就腳同易有位之外，我諗唔到點解仲會有人幫襯⋯⋯

吃雞煲的話，我慣常會光顧創興這間至尊重慶雞煲。總括多次不管是大時大節，抑或是閒來沒事的光顧經驗，老實說，其實這家雞煲店沒有什麼特別好，就以主角雞煲為例。  食雞煲的動機當然是想食雞肉，更準確點來說是食沾有野味香濃醬汁的雞肉；但這家雞煲店卻老是食客人的「夾棍」。曾先後跟不同數量的圈子於此對食。從詢問店員、目測到舉筷於煲內打撈的經驗所得：要是你一個人的話，＄158 ，店方會給你半隻雞；若是你有兩個人的話，＄158 x 2  ，店方會給你一隻雞，這樣還算合理；但要是你有三個人的話，$158 X 3  ，店方聲稱會是隻半但實是只得一隻雞的份量。而且煲內的雞肉量非常小。不是那隻雞瘦得身無半兩肉，就是那些斬件放進煲內的，多是雞頸、雞腳、雞蘿柚等我不懂欣賞的部位。我知道有些人會懂得欣賞且對這些部位情有獨終，但那人不是我。老是在想，要是煲內雞肉及部位的比重也可以像辣度一樣選擇的話，我的雞煲體驗可會是美好得達到什麼境界啊？不過還是算了，我以為自己是何許人？還有一點很糟糕的想說，吃畢了雞煲後，緊隨其後的「打邊爐」材料選項中竟沒有嚮羚！！！怎麼可以沒有嚮羚的？！好吧～縱然我在這家雞煲總是因慾求未滿而滿腹嘮叨

至尊雞煲系經朋友介紹去幫襯的，158可以有兩個鐘頭任食尚算抵食，食物質素亦尚可，但令我最不滿意的是服務態度。話說我們一行兩人5點左右就到，當時餐廳裡面還很少人，大把吉位，但侍應卻安排我們坐在一張已經很擠逼既位度，一張由4,5張細檯組成的長檯已經有6個人坐系度，環顧四周全部系吉檯，我們要求轉檯，可惜很不禮貌地遭到拒絕，我們隨後的兩個人也被逼坐在我們旁邊，看得出大家都一臉不悅，在四周有無數吉位的同時我們很擁擠地咁逼埋一張檯，連袋都無位擺，我連行出去攞野飲都有問題，那種無奈的感覺，你明的……隔離的客人都嘗試要求換位，亦遭到不禮貌的拒絕。我真系唔明點解唔可以先安排分開坐，到之後有客到再慢慢地插位落去坐，咁大家都舒服，結果就系當我們埋單的時候間餐廳都未坐滿。再講下食物，牛肉有超過6成系肥肉，金菇下面切走得唔夠多，導致下面還有泥，衛生好一般。其他的食物尚可。總結就系食物一般，服務不善，我們滿懷期待早到，希望能舒服用餐，結果就懷住不好的印象離開。期望餐廳能做出改善。

一隻雞的份量得半隻雞，七成脂肪，兩成骨，肉呢呵呵。味道得甜同咸，上隻雞又上得慢，上成半個鐘。呢啲醬擺喺垃圾筒隔離，衛生到呢，又靜係得豉油，辣椒同辣椒仲有辣椒可以簡蔥蒜呢啲基本都冇，仲有通風又差，成間餐廳勁多煙。呢個其次，最火係“本店”又“支持“環保，食得吾好唗，我知遲咗過咗鐘，但係等嘅時間要成半個鐘，又吾計下？啲陪餚等勁耐，嘢食啱啱煮先黎就要人地執嘢走，想快手快腳吃埋走都吾得，勁浪費，仲要黑曬面冇啲禮貌，今時今日嘅服務態度係唔得㗎啵。我地吾岩，但可以俾啲禮貌？？ 大家吃呢間記得吃快啲，吾係被人趕

宵夜時段，呢到最低食。雞煲足料夠濃，食得麻辣嘅，會麻得你好過引。食完雞，就加水打邊爐，習慣唔落咁多水，等佢濃味D，落埋D肥牛，會變咗雞汁肥牛，好好味。呢度配料都算多，而且新鮮。飲品任飲，任食嚟講，真係好低。