自助山

營業中

休息中

本應生日找一間以為價錢高D，會有質素的自助餐，可惜這間餐廳另我極之失望，比起三星酒店還差，可以吃不飽的自助餐，因為款式極小，食材又普通，座位又狹窄，唯一只有景觀，以這個價錢比客人這質素，極不合理

由細到大都憧憬住既一間餐廳🍴去旋轉餐廳食飯就聽得多，身邊有好多朋友都成日話去過食嘢，但今年終於自己都有機會過嚟試吓🥰Weeeee 整體嘅感覺都係好「good」阿因為疫情嘅影響要先喺轉升降機大堂度scan咗QR code先可以排隊上去，過程都需要啲時間。如果想準時開波嘅話，記得要預早10至15分鐘去排隊啦。🥹🥹🥹價錢方面，原來都唔平，每位為要差唔多$900😂埋單。但如果係一個初體驗嘅角度去睇，加上係一個咁高嘅環境下面用餐，其實都OK嘅🙈👍🏿食物方面：凍海鮮🦞有波龍、波龍鉗、麵包蟹、長腳蟹腳、蜆肉、凍蝦、帶子肉、翡翠螺。凍海鮮黎講，真係唔係主打，味道亦都麻麻🥲🦞波龍偏細，少少韌，味道正常。🙈🦞波龍鉗無食😂🦀麵包蟹，蟹膏份量適中，唔算好多，味道亦都唔錯。👌🏿ok 咁啦🦀長腳蟹腳，肉比較削，黐殼，但味道正常唔會太咸。🐚 蜆肉無咩味，但都正正常常🐚 翡翠螺都係冇乜味，都係正正常常咁🐚 白烚帶子肉算係比較好食啲，一粒粒原粒入口🦐 凍蝦結實爽口，係咁多款海鮮最好食嘅😂😂😂so sad 凍海鮮食左一輪就無再食啦🙈但都唔知點解咁多人去排隊攞🙈日本刺身🐡有三文魚、赤身、帶子、油甘魚、池魚、原隻甜蝦。日本刺

食午餐12:00開始去攞一件燒牛扒有肉味但係凍嘅！第二樣去攞天婦羅，而炸蝦天婦羅每一次出只係三隻（不如唔好叫自助餐叫限量供應），點心每一次出10多籠燒賣一粒一籠基本上唔排隊係冇得食（又係限量供應）三文魚基本上望落去都唔似係三文魚嘅品種，第一轉食嘅叉燒好好味之後食咗叉燒都係瘦到咬唔開，啲長腳蟹瘦到見到都唔開胃，結論真係得蝦餃燒賣好食！如果要真係食好嘅點心唔需要用$809兩位去食!去呢度真係食環境，完

由細到大都好想去自助山，因為覺得坐係餐廳到識轉轉轉，真係好得意。今次同友人食lunch buffet，見到今日係閒日都滿座！由於本人唔食海鮮唔食牛，所以就冇得可以好詳細介紹呢啲口味。不過今日食左既三文魚都係鮮甜好味既！仲有印象深刻係甜品。其實甜品area都幾大，入面羅列左不同種類。亦有得自己去整下朱古力噴泉，雞蛋仔咁。當中不得不提係佢既雪糕。雪糕係自己整既！咖啡味係鼓勵大家要去試吓！最後坐係入面食既感覺係staff都好有禮貌！同埋收餐碟速度快。用餐感覺愉快。

重開第二日去食，價錢$488加一，食物服務質素大概值$3xx，其他價錢就落左係個360度旋轉。當日其實係我嘅生日飯，帶埋老人家去食，但經歷的體驗令我覺得，年輕人去ok，長者就唔好啦先講唔好嘅前期體驗：老人家指定要掃「安心出行」，唔俾填紙仔！😰 （但打針記錄又可以照攞紙本🤯）我係去嘅之後一日翻查，政府網仲寫緊65歲以上「可用填妥指定表格替代」，唔知係個間餐廳嘅特殊安排定政府未更新網頁，而亦因為老人家平時係可以填紙…所以我booking時無特別問清楚(呢點我認衰…🥲真係應該問清楚嘅🥲)其實reserve 嘅時候如果佢可以問多句/講返句溫馨提醒，狀況已經完全唔同於是當時情況就極度尷尬同麻煩😡咁最後都自己搵到方法解決入左去嘅服務🤔：順便講埋呢部分，我打左兩次查詢電話，前一次問詳情，個男仔非常有禮貌；但真係book個時係另一個女仔聽電話，語氣好唔耐煩…當日服務ok嘅，收碟勤快，落餐茶、帶位都有禮貌，但有啲細微位會扣分，老人家帶住拐杖，放係枱跌左幾次，聽聲行近見唔係打爛野就行返開，唔會諗吓有無額外野可以做可能大家覺得我要求高，但我本身做開其他服務業service training，當日嘅服務係合乎

一月份生日去咗自助山食生日午餐! 呢間旋轉餐廳係唯一可以擁有360度景觀, 仲可以品嘗唔同國家嘅美食。餐廳有唔同各式各樣嘅冷盤海鮮, 明火燒烤,天婦羅女, 鐵板燒, 印度咖哩, 港式, 中國式, 粥粉麵飯樣樣齊。早啲book位仲可以坐到窗邊位, 我哋book咗第二輪嘅自助午餐, 食完仲可以慢慢欣賞日落! 刺身有好多款, 樣樣都好新鮮三文魚, 八爪魚, 赤貝, 章紅魚, 鰹魚等。。 仲有一啲日式漬物 , 壽司小卷。。冷盤沙律都有好多唔同嘅選擇, 沙律菜好新鮮仲有意大利醋比你選擇。。燒味檔度仲有得揀海南雞飯, 呢個海南雞飯好好食, 雖然細細碗, 貴精不貴多, 我細仔都encall咗三次粉麵類有清湯同喇沙湯。。甜品款式都唔少, 樣樣都好好食, 可惜個肚已經放唔落, 除咗有朱古力噴泉, 馬卡龍, 仲有一啲迷你嘅蛋糕件 , 窩夫格仔餅, 雪糕, 新鮮生果, 一定比你食到飽一飽! 海鮮都有好多不同款式, 大部分都很鮮甜新鮮, 龍蝦都有, 不過就冇生蠔。。。提提你, 如果想坐到窗口位就一定要起大約一個月前book定啦!

早一個月前網上訂位，個日天氣幾好，景色唔錯，可惜一早訂位都沒有窗口位。在最高的樓層要轉𨋢再上去，有人登記再分批帶入去，職員一個個帶領每一檯人入去，好特別的服務。自助餐食物種類繁多，相對其他的真係比較突出，可惜沒有生蠔，但應有的海鮮都有，而且refill得幾快，食左龍蝦、螺、蝦、全部都好新鮮啖啖肉。刺生方面選擇都正常，encore左幾次，熟食方面選擇又很多，牛肉同魚幾好食，特別係魚有驚喜。甜品種類超多，一件件細細地，好岩想試曬所有味既朋友，又有即整梳乎厘，仲有棉花糖連埋發光棒送，好多小朋友都好開心。整體來講雖然價錢唔平，但真係高質，至少食物種類味道同服務對得住呢個價錢。

Throw back my 2021 September birthday tea time! It was still a covid time but 4 person limited so three of us can still sit together! We all have to scan the Leave home safe app as a requirement before entering the main restaurant. The whole area was spacious, all tables are in the outer window side, the food area are in the inner circle. Various choices of food from salad to dessert. Sushi were fresh and even have Sakura shrimp and few uncommon buffet cold starter. definitely a seafood lover co

自助山以前已經有食過，今次係疫情後首次過嚟食作為旋轉餐廳嘅佢，呢個郁得嘅景就唔少得 座位喺日本嘢隔離，就先試試佢先 款式都係嗰啲standard嘢，個赤身都幾sharp 。帶子就最出色，鮮中帶甜 。有個蝦乾小食甜甜地好出色，食唔停口 。個小炙燒三文魚丼都唔錯架。 熱食又點少得牛排，有蒜鹽岩鹽之類俾你配返，味道都唔錯架 冬蔭功非常足料呀 ，酸辣恰當，飲完即刻好開胃呀嚟到海鮮部，今晚無生蠔只能夠講係遜色呀 ，啲龍蝦新鮮多糕，都係咁上下啦 嚟到中式檔，小籠包同鮑魚要排隊攞，燒味都唔錯甜品部嘅甜品都好精緻，仲有好熱情嘅店員招呼你，食得更加甜隨人頭附送一杯餐飲雖然無生蠔有點美中不足，但無論地方，環境美景，食物，補充速度都絕對係一流，閒日738加一絕對係對得住呢個價錢。而不可不再三一提嘅絕對係佢嘅帶子刺身，鮮甜嫩口！！

「自助山」是香港唯一擁有醉人景色的360度旋轉餐廳，除左可以品嘗到包羅萬有的國際特色美食，仲可以睇到不同角度的維港景色餐廳食品從新鮮活蝦到各種時令冷盤海鮮、明火燒烤、天婦羅到鐵板燒和印度咖喱，應有盡有今次終於可以預約到自助午餐，仲要唔算太多人，可以係窗邊位慢慢享用一次自助山食物方面 :冷盤有基本自助沙律，每款都用碗仔分開一份份，Cold cut 除左基本的凍肉及煙三文魚，仲有比較特別的鵝肝醬同牛油果醬煙鴨胸，美味的頭盤刺身午餐有五款，三文魚、八爪魚、赤貝、章紅魚及鰹魚，刺身新鮮、切片厚身，非常鮮味海鮮質量高，有鮮甜大蜆、藍青口、爆膏麵包蟹、翡翠螺、普通海蝦、彈牙大虎蝦及鱈場蟹腳熱食款式非常之多，難以盡錄，有印式咖哩、日式天婦羅、中式小菜、西式美食等等，當中不能錯過一定係肉味香濃的燒牛肉及烤羊鞍、仲有高質的蝦餃燒賣及其他點心甜品款式數量都不少仲要精緻美味，除左有朱古力噴泉、馬卡龍、迷你件裝蛋糕、原個蛋糕等，仲有窩夫、雞蛋仔及意大利雪糕及新鮮生果，甜品控一定可以吃到飽Ours Tips : 提早預訂較早時段，坐窗口位的機會較高

香港唯一一間360度旋轉餐廳，喺合和中心62樓嘅自助山，可以順便搭觀光電梯（喺17樓上到56樓然後再轉搭另一架𨋢到62樓），因為今次係食晚餐，所以搭𨋢時都好清楚望到維港夜景。大個女好少食自助餐，食量細咗🤪座位近窗邊，移動速度緩慢，唔望實個窗其實唔覺得轉緊，食物大部分都會喺中央位置（唔會轉㗎，所以每次去拎食物嘅距離都唔同，有次明明記得向左行兩步就到，但之後兜咗一大個圈先搵到）食物種類好多，冷盤有龍蝦、麵包蟹、長腳蟹等，生蠔好似唔覺有（因為冷盤要排隊，我冇去排，唔為意😛）。壽司/刺身有池魚、油甘魚、吞拿魚、帶子等。燒物有燒龍蝦、燒蠔、燒和牛、燒蔬菜、燒鵝肝多士等。中式食物仲有點心（小籠包同燒賣唔錯）、足料燉湯、燒味等。甜品特別一提，正值榴連當造季節，好多榴連甜品！榴連拿破崙、榴連奶凍、榴連糯米糍！All my fav🥰🥰🥰甜品好多唔同款，除咗朱古力噴泉，炒雪糕幾特別，自助餐好少見。鍾意焦糖macaron，所以特別留咗一張相嘅位比佢😹，不過雲呢嗱味可以跳過。普遍食物質素幾好，幾適合鍾意一次過食好多唔同種類食物嘅朋友。同埋真係太多款食物，唯一encore嘅就係鵝肝多士同埋焦糖macaron🤣冇

合和中心的66樓， 很多年沒有來， 對上一次來還是R66 旋轉餐廳，現在已經改成由澳門來的過'大海'龍， 自助山。服務很好， 由3及56樓轉lift 樓層直至到66樓的餐廳， 職員都很有禮。 平日的下午茶， 人客很少， 職員還主動問我想吃什麼，幫忙夾甜品。結帳速度快， 職員把手提的讀卡機帶過來， 就地完成付款。主菜選了兩款， 燒烤醬漢堡跟薯條及雪蟹肉碎蛋三文治。漢堡扒都厚身的， 燒烤醬的口味有點似將軍漢堡雪蟹肉碎蛋三文治， 比較幼身一點， 但蟹肉都多的， 還有一點蟹籽。自助餐部份全是甜品及少量生果， 如果有一些麵包、沙律及餐湯感覺會完整一點。現在有點單調。甜品方面， 麵包布丁好食，窩夫雞蛋仔也不錯。

會再嚟多次嘅餐廳。新年有乜好去處，就約朋友食buffet啦，呢一間唔錯，風景幾好，食物水平OK，但係3.3開始淨係食得兩個鐘真係唔係太足夠。不過我會下次再嚟！哈哈～

之前一直久仰自助山的大名，但在澳門分店關閉之前亦未有機會去試，在一個月前排waiting list，難得在平安夜有位，但平安夜當天分兩個時段，每個時段的用餐時間大約2小時15分鐘，用餐時間有點趕，還是建議在平日的時間。這個餐廳的特別之處在於其旋轉的座位，在用餐的不同時段可以飽覽360度的景色，平安夜當天餐廳亦安排聖誕老人與不同的食客合照，而且枱上亦有聖誕裝飾供食客拍照，而每一台聖誕老人亦會派一個聖誕樹形狀的薑餅。食物方面的選擇有很多，冷盤有麵包蟹、龍蝦、帶子、青口，可惜沒有即開生蠔，冷盤海鮮亦非常新鮮。刺身方面有我最喜愛的帶子和牡丹蝦，帶子非常大粒，是很有質素的那種，不過刺身選擇大約只有五種，如增加類別會較好。熟食海鮮亦是非常推介，有芝士焗蠔，芝士焗龍蝦，鵝肝多士，煎和牛，鵝肝多士是即煎，入口即溶。另外點心類也十分搶手，帶子松露燒賣、蟹粉小籠包和迷你佛跳牆也需要排隊等候。而且每人只限點心選兩樣，佛跳牆每次只可拿一個。本人比較喜歡帶子松露燒賣，它是一籠只有一件的那種，所以燒賣特別大粒，感覺下了很多黑松露，所以吃起來同時有帶子和松露的香味，燒賣的口感亦不錯。佛跳牆裏面的花膠也挺大塊，亦推薦

自助山自助餐@25/12 ($888/person)主食🍣🥘🍱🍗種類：🐧🐧🐧🐧🐧賣相：🐧🐧🐧味道：🐧🐧🐧🐧主食種類繁多，中式點心、西式扒類火雞、日式刺身天婦羅串燒、泰式冬陰公、馬來西亞式叻沙、印度咖喱等應有盡有，各國佳餚都能一嘗，大滿足。味道方面，特別推薦中式燉鮑魚花膠鵝掌，入味又夠淋；日式刺身必食帆立貝，大大粒爽口又鮮味十足；燒龍蝦啖啖肉，鮮甜多汁又彈牙。唯一建議跳過的是西式扒類，太硬難以咬開。甜品🍡🍧🍨🍦🍮種類：🐧🐧🐧🐧🐧賣相：🐧🐧🐧🐧🐧味道：🐧🐧🐧🐧甜品包羅萬有，蛋糕、布甸、各式糕點、泡芙、馬卡龍、窩夫、朱古力噴泉等等一應俱全，更設有少見的炒雪糕和棉花糖，別具特色。賣相方面，各式蛋糕迎合聖誕主題進行擺設，裝飾精緻美觀。味道方面，特別推薦麵包布甸，表面香脆內裡嫩滑，內裡麵包口感鬆軟，布甸蛋味濃厚，甜度適中，配合雲呢拿汁食用加倍香滑。不推薦窩夫，由於預先準備好，拿取時已變乾變硬。環境：🐧🐧🐧🐧服務：🐧🐧🐧🐧位於62樓高的旋轉餐廳，望出窗外，能將香港的日夜美景一覽無遺。可惜夜景較難清楚拍攝，想打卡影靚相建議在日間時間光顧。餐廳座位桌面寬闊，走廊之間位置空礦，方便出入。有部分自助區位於高