胡爐 (已結業)

我最鍾意開著冷氣打邊爐, 響屋企會比人鬧, 所以最鍾意出街打. 呢晚約左舊同事食飯, 揀左最愛既打邊爐.呢間餐廳新開唔係好耐, 裝修好新淨別緻, 明顯花過心思. 湯底有大眾化既芫西, 沙嗲, 麻辣, 豬骨鍋之外, 亦有材料十足既福袋鍋, 龍蝦鍋, 花甲鍋等等.揀選左較溫和既菜乾豬肺湯, 因為同行人平時少飲湯水, 見有呢D湯底就一邊打邊爐, 一邊飲湯.滾起一打開非常多料, 真係好似一煲湯, 先飲下個湯, 好清甜既菜乾味, 無咁易上火.先黎個龍蝦, 大大隻, 龍蝦肉色澤通透, 質感爽彈, 清甜鮮味, 食極唔覺濟.手切肥牛, 脂肪分怖平均, 手切按紋理, 所以咬落特別彈牙, 肉質軟嫩, 濃郁肉香.仲有較特別既自家製炸魚皮, 炸魚皮脆卜卜, 好香口唔油膩, 佐酒小食非常一流, 驚熱氣可以浸一浸湯, 同樣好味.呢度個湯底確實不錯, 因為食左成晚都唔覺口乾.

看到朋友Facebook 有朋友分享有幾張打邊爐的相片，好似同平時有啲唔同，勾起左我嘅好奇心同食慾，約埋幾個朋友去試試⋯上到去門口裝修幾特別，以為價錢會好貴，一睇餐牌自行尚算可以接受，首先侍應推介左個火焰龍蝦湯底，用上了波士頓龍蝦，大花甲，有啲與別不同原來湯底係用左西餐嘅龍蝦湯，飲完湯先再打邊爐，叫咗一碟本地手切特大肥牛，碟牛肉有，牛頸脊，抓邊位，牛手掌（侍應解釋手掌即牛腋下位）偏瘦但好重牛味，將牛肉落進龍蝦湯底內，食到牛肉有龍蝦味，出奇地好食，不知不覺間，我哋三個女仔已經食晒一碟特大肥牛⋯⋯之後我哋叫咗黑松露蟹肉餃子，鵝肝蝦丸，蔬菜拼盤等等⋯都非常不錯，最後侍應送咗一碟炸魚皮俾我哋，一食之下，香脆可口，絕非外面的魚皮可媲美，雖然10分邪惡但我哋都全部食晒⋯⋯希望下次可以約多幾個朋友一齊來試多啲呢度嘅食物

相約舊同事慶祝生日, 選址最多餐廳既H8, 不過好多餐廳一唔係食過, 一唔係時限太短, 睇左一輪選定呢間新開既火鍋"胡爐", 因為火鍋應該可以食耐少少, 慢慢傾.上到黎裝修好特別, 以中國式設計, 用屏風隔開幾間房, 一大班人飯聚都唔怕嘈親人. 睇睇點餐紙, 除左火鍋料之外, 仲有刺身, 小食等. 舊同事生日當然食好D, 所以先要左個刺身拼盤. 各種刺身新鮮有光澤, 帶子軟滑肥美, 海膽鮮甜, 甜蝦同花蚌彈牙且爽口, 越食越開胃.鍋底要左清酒花甲蟹鍋, 非常足料, 蟹同花甲大大隻, 肉漲卜卜, 食落啖啖肉, 湯底帶出鮮甜味. 酒味唔算太濃, 清清地易入口. 另外仲要左大蟶子做火鍋配料, 每條肥美肉厚, 滾熟更加鮮味突出, 夠爽彈.整體食物新鮮, 用料一絲不苟, 環境舒適, 生日同事好滿足.

打邊爐係我至愛，一年365日都可以打，有新火煱店開點都要試... 打邊爐除左個爐同個煲，湯底係好重要，哩到最出名就係"椰子雞" & "龍蝦湯底" 椰子雞佢地真係開一個椰青做湯底，而龍蝦湯底就係用原隻新鮮龍蝦加花甲做，正式打邊爐前一定要先飲返幾碗湯先，之後加雞湯就開始正式打邊爐，湯底之外肥牛又一重點，真係唔好講笑，d肥牛好味到不得了，有牛味又唔"un"一碟當然唔夠喉啦，其餘打邊爐好味配料仲有聖子，海蝦，大蜆，象拔蚌，豬潤，蠔，鱔片，黑松露餃.... 等等除此之外，仲有剌身，咁多野食既1火煱店真係唔講得小，要去多幾次先可以試晒佢地方d推介..