胡爐 (已結業)

難得一班人一齊食飯，緊係要搵啲好味道、坐得舒服、又可以傾計傾得耐嘅餐廳啦，打邊爐都最適合不過喇😛。今日又有高質嘅火鍋推介💪🏻，今次就黎到尖沙咀。-喱度嘅湯底選擇非常多，有唔少都係好有特色嘅，例如係火熖龍蝦海鮮鍋、鮮椰青雞鍋、四川麻辣九官格等等，今次就試左佢嘅四格鍋。四格分别係四川麻辣、沙嗲、芫荽皮蛋同埋鮮茄牛腩鍋，平時嘅火鍋通常都只係鴛鴦鍋，但係喱個鍋就一次過可以試哂四種唔同嘅口味，都真係幾有特色嫁。其中我最喜歡入面嘅四川麻辣。四川麻辣夠麻夠香，辣度適中，唔會過辣而令到食物嘅味被覆蓋哂。-飛驒和牛肉眼，淨係睇賣相都知道脂肪分布十分平均，牛味好濃厚，肉質鮮嫩而且有彈性，同急凍肥牛完全冇得比，幾有驚喜！-自家製炸魚皮，魚皮即叫即炸，係出面從來冇食過咁大塊完整嘅炸魚皮，真係好有特色。咬落去金黃酥脆，仲好香口添。-另外仲有好多配料都做得唔錯，例如自家製韮菜餃、麻辣牛肉餃、手打芝心牛肉丸、廣島蠔等等，用料好新鮮，整體水準幾高，我覺得性價比算係幾高嫁。

四格火鍋🍲-司令唔理春夏秋冬都要去打邊爐😂，今次仲要有四格鍋揀，岩晒司令呢啲成日心思思咩湯底都想試既人啦😎！今次四格鍋除左有司令最愛既麻辣外🌶，仲有番茄🍅、芫茜皮蛋豆腐同沙嗲，全部都勁足料，特別中意佢既番茄湯底👏🏻，食得出用上鮮番茄熬製，仲有豬骨同薯仔一齊煲添！-自家製炸魚皮🐟 ($68)上枱熱辣辣，真係即叫即炸喎🤔！都係第一次食到咁大塊既炸魚皮，原來係師傅每次收到order後會原條魚成塊魚皮咁起出黎再即炸😦。入口極脆口，點少少湯底食一流👍🏻！-炸芋頭💥 ($58)份量都唔少喎，同樣即叫即做，上枱仲係新鮮既！放入鍋煮一分鐘⏰，吸晒鍋入面既精華再食就岩晒。-飛驒和牛A5肉眼🐂 ($298)估唔到係香港既火鍋都可以食到黎自日本飛驒極出名既和牛🙀！肉質嫩滑，油脂滿滿。司令覺得最岩就係放入番茄同沙嗲湯底滾兩滾😚，岩岩熟就放入口，正到呢！-蟶子🐚 ($192)除左小食同肉類唔錯之外，海鮮亦係一個好既選擇👍🏻。今次侍應推薦左聖子，夠新鮮，食落爽口鮮甜。不過$192只得四隻，性價比唔夠高呢🤔。

夏天吃火鍋，一點也不稀奇，因為有很好的冷氣系統嘛！朋友聚會今晚選擇了胡爐，是醉胡爐同系，所以給了我們信心！上到H8見到胡爐裝潢古色古香，有點宮庭的味道，氣氛特別。醬料應有盡有，而且新鮮備製，調出自己喜歡的味道。四格鍋$238揀湯底時發覺有這四格鍋，一般只有雙拼，四格可以滿足更多願望，沙嗲、皮蛋芫茜、蕃茄、麻辣，各有特色，當中沙嗲最惹味，最適合配肉類，海鮮和菜就用皮蛋芫茜同蕃茄較夾，麻辣就不是我杯茶，食到最後麻辣似乎攻佔過了對面的沙嗲，沙嗲越食越辣。竹庶茅根水$38胡爐形狀的飲品容器，配合餐廳名字，一杯有500ml幾抵飲，不用再叫第二杯，竹庶茅根水味道似某包裝飲品，冰涼解渴。基圍蝦98原來現在沒有海中蝦，只有基圍蝦，蝦隻以竹簽串起，方便滾灼時可以直接拿起，不用在鍋裡尋找，吃得也方便，蝦隻超級鮮甜，肉質緊實，新鮮的味道口感！飛驒和牛肉眼A5$298因見本地肥牛跟和牛價錢差不多，我們就想試一試和牛，店員提醒和牛份量會比較少，也沒問題啦，貴精不貴多嘛。和牛呈上，眼見脂肪比例合理，而且分佈均勻。輕輕灼一灼至無血水出，已可以吃，和牛沒令我們失望，牛味香濃，脂香十足，軟嫩程度達入口即溶，配上蛋汁及醬

聽說教難訂枱，終於給我在星期三食到了。現在出邊食肆很多所謂椰青雞煲，其實都係冰鮮雞，所謂的椰青到時罐頭椰青水。兩個人不能吃太多只選擇了手切牛肉，黑毛豬豚肉。但足以令我10分滿意，食材新鮮湯底美味，雖然價錢貴了點但是一分錢一分貨是值得

第一次去尖沙咀h8食胡爐打邊爐！！環境似番左去古時宫廷感覺！！帶點fusion vintage圍左好幾間房！方面一班朋友一齊談天說地私隱度比較高員工服務態度亦幾好食材菜單選擇都幾多！！店員介配左呢款比我地！！一鍋有4隻唔味滿足哂唔同人口味既不同有沙0爺，皮蛋芫茜，麻辣，蕃茄！！我款款都食過沙0爺最入味惹味麻辣相對比較辣，夠哂刺激聖子，長長粗粗夠哂大條放入滾湯分半鐘就岩岩好夠哂爽口超鮮味又唔dry好味！飛驒和牛肉眼a5~~~外來貨好好味~牛味香濃又軟又淋油脂分怖好平均無得輸既牛肉桶蠔勁勁大隻熟左之後都唔縮水架！！蠔肚位非常飽滿蠔汁甘香唔乾身一碟有成7大隻！！very good叫左個$15粒既炸榴槤！！外層炸到好脆卜卜入面半溶既榴槤超濃超滑！！好滿足

椰子雞鍋，鄉下仔第一次見，用咗新鮮椰青加上燉雞湯，同埋半隻新鮮雞。侍應會首先 煮熱啲雞，再加上少少燒酒加火，就有火焰嘅效果，睇落效果不錯，最後加上椰青水同埋雞湯煮熟佢。做完椰子雞鍋嘅烹調，侍應千叮要試試雞湯嘅味道之後再打邊爐，果然雞湯嘅味好濃、好好味，我哋各人都飲到兩碗以上。調味料都值得一提係因為沙爹醬同埋麻辣醬 味道都好濃郁、好味，加上火鍋料味道好配。其他火煱料未來，先食個冰鎮鮑魚刺身，冰凍鮮甜，好好味。牛肉雜錦盤，一碟裏面有幾款唔同類型嘅牛，呢個都係好少有嘅，分別有牛肉粒、牛展、A5和牛， 每一款嘅質素都唔錯。花膠一碟大約有6-7舊，每一舊都有2隻手指咁大，都幾抵食。海鮮叫咗聖子同埋桶蠔。聖子都新鮮同埋洗得乾淨，唔需要淥得好耐，大約兩至三分鐘就可以。桶蠔大約四至五隻味道鮮甜。蔬菜有一個蔬菜籃再加萵筍，菜籃同萵筍睇落個様都好新鮮。炸魚皮最初都冇嗌，但係見到隔離左右都有嗌，所以就後加多一碟。果然冇錯，呢度嘅炸魚皮係一片片，炸得好鬆化、面再加咗啲 淮鹽，好好味呀，可以即食、又可以淥一淥先食，正。一揸竹蔗茅根水，真材實料少少甜味，道唔錯。

打邊爐就係將生的食物放入湯中滾熟，所以最重要的當然係食材同湯底，只要呢兩樣野都係高質，咁成件事就衰極都有限其次的就係環境同服務，環境來說，胡爐係古時宮廷式的裝潢，無論燈飾、椅子、碗，都仿佛想將客人帶回古時的宮殿，就等我地做一晚皇帝皇后啦湯底有好多款選擇，有名貴的湯，亦有價錢較相宜的，可因應自己預算來選擇，有一些平日較少見到的特別食材，例如牛舌芯、牛胸爽同牛骨髓椰青 ($48)採用左新鮮椰青，打邊爐用黎下火一流，喜歡生果自然的清甜味冬瓜花膠雞翅鍋 ($368)我而家一路打呢篇食評，再睇番D相，又好想食想次呢個鍋啦~~湯用左大大舊冬瓜墊底，上面再放有半隻雞的雞件，仲有見到好多魚翅，充滿氣派的一個鍋，第一次用咁多上級材料的湯底打邊爐，睇黎我今晚真係做左皇后了店員等我地相機食完之後，就幫我地將冬瓜切件方便食用，因為雞件係全生咁上檯先煮，唔怕一早已經滾到鞋晒，雞肉食落好滑湯底全無味精，唔單止無味精，簡直就係充滿住精華，有濃濃的金華火腿味，湯中有唔少花膠，雖然用的是花膠筒，但份量好多，除左面頭睇到的翅，估唔到湯入面藏住左排翅，我地幾個都好驚訝用左咁上乘的材料，我地4個打邊爐之前差唔多飲晒成鍋湯順帶

難得齊人一起出街火煱因而找個夠特色的火煱好地方。位於尖沙咀的”胡爐”地合我們的選擇，胡爐是一間樓上店，正合適我們幾個靜靜的聚餐。”胡爐”的室內裝潢具有中國色彩，內部照明較暗，店內空間不多，氣氛較合小聚會傾談。“胡爐”火煱店是偏向以四川式火煱為主，由於為了適應不同需要，店員推介了我們選用四式湯底，四式口味各據特色，當中有鮮番茄茸牛腩、芫荽皮蛋、潮汕沙嗲以及辛口麻辣。在等待湯底加熱時，我們先來調配各人心宜的醬料，當中少不了我很喜歡的炸蒜粒及生蔥。點菜方面我們選了一些手工食品，包括”黃金墨魚丸、芝心蝦丸、手打蝦滑、北海道帶子片、自家製西洋菜餃及自家製韮菜餃…，而即食食品就選上了很喜歡的椒鹽鮮魷、椒鹽豆腐以及特別的頂級牛肉刺身…“黃金墨魚丸”和”芝心蝦丸”可說是手工很好作品，由於製作用心，丸的肉質十分彈牙，芝心融化了出來的較果絕佳。“手打蝦滑”相比之下比較鬆散，可能由於小弟功夫一般，批下湯的方法影響吧，還是覺得製成的丸類好一些。“北海道帶子片”非常新鮮，帶子片有著點點鮮甜味，但還不得不提醒一下，若選用辛口麻辣湯底就不要太介意食品沒有甚麼味道吧!至於”自家製西洋菜餃”及”自家製韮菜餃”味道偏向清

尖沙咀H8一向都多好野食，之前聽聞呢度有間邊爐係有即開新鮮龍蝦做打邊爐湯底，聽到都心心眼，一於相約姐妹黎大策一餐餐廳佈置好有中國懷舊風，打邊爐黎講呢度既環境好清靜，而且坐得好舒服，餐廳員工好nice，我地就決定整返個龍蝦湯底龍蝦新鮮撈起，店員會即場烹調，煮既時候隻蝦都仲識郁架，勁新鮮。煮好之後既龍蝦湯好鮮甜，龍蝦啖啖肉，正呀！和牛刺身，和牛好嫩滑好新鮮，推介首選芝士牛丸同黑松露丸，好特別好好味花甲，都算新鮮，不過食落就有d沙珊瑚蚌聖子，大大隻好新鮮帶子鮑魚片肥牛中自家製魚皮，好好味甜品只有兩款，炸榴槤同炸香蕉，兩款都好好味，味道唔會太甜

這夜來到試試，一進去已發現裝修很中式。湯底我們選了胡爐四格鍋 $238當中有麻辣，莞茜，蕃茄，沙爹因為我很喜歡辣，而男朋友不能吃辣，所以選了這個很適合不同口味的朋友，我覺得實在是太貼心了！然後說說這四個湯底，莞茜因為放了大量，所以莞茜湯很香，而且還發現有新鮮馬啼，非常清甜！沙爹很濃味惹味！不錯！蕃茄湯感覺似是真的用蕃茄煲出來的湯，不是味精，吃完不口渴。說到麻辣也不錯，雖然未算很麻，但放的香料也很香，有模有樣！結果我很忙，因為輪住吃這四個鍋。這個醬料店員會端上來自己加喜歡的口味。青檸梳打 1L $68非常解渴，飲得出放了很多青檸，夠我飲整晚，所以很超值！芝心墨魚丸 $98每粒雖然小小的，但墨魚丸很多墨魚肉，爽口彈牙，加上芝士，不錯不錯。飛驒A5和牛（小）$298這個肉質都還可以的，但就未去到驚艷。午餐肉 $58份量很多，足足有一整罐。豬紅 $48份量很多，最後都吃不完，但還可以的。廣島蠔 $68這個我非常喜歡，價錢超值啊，而且熟了之後完全不縮細，肉仍然是脹卜廿卜，很鮮甜！蟶子 $48/1隻很大隻厚肉，而且很鮮甜。最後太飽了，其實兩個人來說我們點太多了, 下次會減兩，三個配料就應該會剛剛好

踏入五月，天氣開始熱，夏天靜靜的一步一步來臨，朋友的大伙兒聚會，也開始選擇商場的餐廳，因為真的「踏出門口一步也嫌多」。今日慶祝朋友生日，食飯既野，當然要做，而揀餐廳既重任亦都好順理成章地落在壽星公之上。唔知點解，壽星公竟然係云云既餐廳之中揀佐一間最火辣辣既餐廳。。。餐廳，係位於商場既，但係就係一個餐廳商場，位於尖沙咀厚福街既H8，大家都唔會陌生，而食物選擇竟然係「打邊爐」，大家聽到呆了一呆，唔好玩啦，咁夜，仲打邊爐，但係冇辦法，生日那個係大哂既，大家雖然唔係好想，但係都要尊重主人家，而反正呢個餐廳我又未食過，試下都無壞既。步入餐廳，那裝潢和環境令人耳目一新。首先，冷氣夠凍，呢個對火鍋來說，係非常重要既，就算出面幾熱流幾多汗都好，假如室內夠凍，俾到我地冬天既感覺，打邊爐一樣會好正。第二，餐廳既裝潢好高級，古典得黎有一點皇宮的感覺，古式古香，已經不足以形容。因為係平日既緣故，所以客人不算多，我們坐了一會也只有5成滿，所以我地食得幾舒服，即便講野大聲少少，都唔會有大問題。餐具也帶俾我一種帝皇式的感覺。呢個火鍋勺可算係餐廳既特式之一，一方面可以勺湯飲，另一方面又可以在尋找食物既時候「西」走d湯

圍爐緣由都係想同朋友聚一聚，但今次食依間胡爐令我對圍爐有新一定義，就係為其湯底。一開始我地對揀湯底都摸不著頭腦，因為真係五花八門，好多款令我地1516。之後就向店員求助，最後選了佢推介既其中一款，火焰海鮮龍蝦。一開始上枱時龍蝦先用牛油爆一爆炒一炒。甘樣一來會令材料更香更惹味。之後就點火最後再淋上極濃龍蝦湯，就一功告成。一邊睇住店員擦槍走火甘炒火紅紅既龍蝦底，真係令我垂涎三尺。待湯一滾，我地就先飲其湯，濃稠到好似西湯既龍蝦湯。吾知道個龍蝦湯係用左幾重料去熬呢。之後就食龍蝦肉，一隻龍蝦如果多人就未必分得到，3至4人share最好！但湯底有一點吾好就係龍蝦湯再加要收費因為真係比較成本高，所以加了普通骨湯，真係沖淡了啲濃味，但無礙，涮火鍋配料都ok另外火鍋配料都好多選擇，其中最驚訝係有A4飛驒牛。上枱時肉色吾算好吸睛，但入口真係好香嫩，即溶化既感覺，油脂均稱，所以吾會覺得好油膩，反而想一食再食。只可惜價格比較高，所以要忍手吾好再encore。另外豬拼盤都有4款豬，其中豬頸肉都幾爽口，原汁原味。海鮮佢地真係做得幾好，特別係我地點左既大蟶子，只係45蚊一隻，卻大大隻無花假，食落都爽而鮮。仲有桂花蚌

邊爐真係百打不厭，返工傾傾下放工諗唔到食咩，所以打算又去打邊爐~即上Openrice一下尖咀有咩新選擇，揾到間胡爐，原來係由黃栢高Paco開的，咁就更值得試下，訂埋位，放工等食飯。 一行5人晚飯時間8點現身，餐廳都未算滿，裝修裝修係古色古香的，包括吊燈，碗碟和枱櫈。地方不算大，但都冇2間獨立包房。 餐牌上的湯底選擇有10幾款，而且都幾特別，菜乾豬肺、花膠雪耳大眼雞、鰹魚汁昆布鮑魚鍋，出面比較少見的。我地點左個火焰龍蝦湯底。 龍蝦湯底係以原隻龍蝦上，先用猛火加入二鍋鍋炒到成個鍋著火，好震憾的場面但又令大家好興奮，然後再加入一整壺龍蝦湯去煲。侍應叫我地先食龍蝦肉，爽口又彈牙。個湯真係不得了，龍蝦味好濃郁，橙黃色的湯底，充滿住龍蝦的鮮味，飄著淡淡酒香，好正。 先黎係海鮮，巨型蟶子$48一隻，好抵食，肉質爽甜又新鮮~馬刀貝肥美飽滿，;而且無沙!!竹笙份量頗多，夠晒爽口。牛脷薄切，但爽口非常。我杝食食下牛脷仲見到韓瑪莉都黎打邊爐!!!1中場黎左個小食，雞脆骨其實就係雞軟骨，一啲都唔乾，好好食，新鮮熱辣辣，送酒一流，但我地無叫酒，叫左jar竹蔗茅根，甜甜地，夠潤喉。 去到重點飛驒牛，好少打邊爐有