肯德基家鄉雞 (KFC)

營業中

休息中

今日唔想諗食咩，個人悶悶地，最終決定食快餐叫外賣，食kfc嚟呢間粉嶺kfc嘅原因係因為佢既點餐速度比起其他分店快，因為佢點餐既counter同派餐既counter係獨立分開，點完餐後會比張飞你，之後 等待顯示屏顯示你的號碼後去櫃枱拿餐!用100積分換了雞粒 太乾身同埋琳晒葡撻就保持一貫水準，夠熱好味!狂野燒雞味道唔錯不過就比較細件，營養不良薯格分量少得過份，而且又係琳晒除咗少人排隊同埋夠快外，其他只係勉強合格 不過嚟食預咗之前冇咩要求

因為這天行山諗住早上食飽D, 但呢個早餐只是預期中份量的一半, 都要$31架,先講主角: 鬆餅, 的確好鬆, 質地似間棉褸內嘅間棉咁鬆散, 就算睇照片都見到底嗰片鬆餅未切已經裂咗可想而知質地有幾不堪! 一淋糖漿當然即時吸引晒啦, 老麥的鬆餅雖說鬆但都未致咁, 呢度嘅鬆餅一定入全港最差鬆餅的三甲!雞扒係一件雞扒的1/4 , 唔使兩啖完工! 底嘅炒蛋好薄, 如果呢度係一只蛋嘅份量咁呢只蛋應該係4個”S”size了, 條腸油光滿面, 一睇就知佢用油醃架啦, 杯咖啡更加是無什麼咖啡味之中的極品惡啡, 因為被那奶沖得四不像!沒太大希望入來但只能帶半飽走人行山去也! 下次去食白粥油條好可能重會有驚喜

一早好肚餓，行過呢間快餐店見到鬆餅，忍唔住行入去門口收銀落單，店員好爽手，落單出票，八達通比錢方便！去櫃臺等叫號碼，店員爽手用紙袋袋好比我香蜜鬆餅（$8）紙袋袋好，簡單又企理，比上次買一個鬆餅外賣，都用細紙盒加膠袋環保咗！鬆餅食時仲熱，尺寸唔大個，外層金黃色脆面，蜜糖黏手，味道甜膩，鬆餅入面鬆軟，牛油味好香，尺寸細細個剛剛好，唔會好膩！店員爽手，自助式接觸唔多。簡單又好味嘅墊胃小食，唔好空肚食早餐

返工途中時口痕，去到商場呢間餐廳門口！見到有抹茶鬆餅！即時入去櫃臺落單，櫃檯小姐有禮，八達通比錢方便！攞飛去食物櫃臺等叫號碼！原來鬆餅都有紙盒（我以為用膠袋）加埋紙巾！袋入膠袋好企理咁比我！抹茶鬆餅（$8）鬆餅幾大個，外面甜脆，入面鬆軟，抹茶味唔強，唔太甜！好味！估唔到幾好味！店員有禮！治口痕佳品

打風半日在家「士釘擺」之後回到公司，阿頭唔使我哋出去風吹雨打！仲萬歲請食KFC!打風都覺得呢個世界係美好嘅！當然係我呢啲「細薯仔」去買！幾個人去買兩個桶餐！打風後開嘅餐廳唔多，所以好多人！兩個餐食物其實差不多！只係點咗唔同嘅雞！攞咗號碼票等叫號碼取食物，回到公司先發現比少7個飯我哋！又要出去攞過！4人滋味桶餐（$188）3人滋味桶餐（$129）包裝企理！不過餐牌係用桶裝雞！我哋比咗紙盒！仲可以攞膠手套！唔使整到雙手油膩！兩個餐有嘅食品：原味雞（8件）無食狂野香燒雞髀（6件）食咗雞髀，燒雞皮薄好味，肉比較實！幸好唔嚡！味道香口，醃得入味！巴辣香雞翼：脆皮香脆，雞翼肉質滑！好味！格格薯塊：好大塊，炸得香脆！薯格有咬口過薯條！正！巴辣香雞粒：外皮焗淋了！雞肉粒比較實，一般經典葡撻：KFC最喜歡嘅食物！外皮煙韌，撻香甜軟滑！好味！蘑菇飯（細）：蘑菇大塊彈口，汁微辣，難得啲飯夠熱（次次都唔熱）配埋鬆軟白飯！好味！雞皇飯（細）：無食百事（中）百事夠凍正常店員好忙，好爽手！忙中有錯比漏飯，不過態度都正常！大班人分享好滋味！

As it was a nice day out, boyfriend and I decided to go to Fanling for a relaxing hike. While waiting for him, I decided to have a quick meal at KFC.I saw they had a new item: okonomiyaki chicken. I ordered a set and added a cheese tart as I saw it was also new.Okonomiyaki is basically a Japanese pancake made up of flour and cabbage among other things. It's topped with squirts of mayonnaise and Japanese style worcestershire sauce and bonito flakes. Well, that mayo, Japanese style worcestershire

之前完全唔知kfc都有都有軟雪糕,有新地筒又有野莓新地,五蚊一杯新地都幾大杯,牛乳味好香濃,比麥記好食好多不過第2啲野就好麻麻啦,葡撻凍晒,個皮脆脆地個好油,蛋就又凍又硬,已經無香味鬆餅都一樣,已經凍晒,不過入面都重軟身,味道都幾香,不過外皮就有啲硬啦,同埋已無乜蜜糖

近月公私兩忙，只有在公司放飯的一小時可以慢慢食之外，其他時間都是盡量節省。吉野家要等位，老麥一向少幫趁，難得鬍鬚伯伯只得三幾個人排隊，望望水牌，$30有找，已經算便宜了。簡單的，只點了大盛雞皇桶飯，由落單到取食物不用五分鐘，極之有效率。大盛雞皇桶飯其實份量不多，碗就大，飯好少，幾分鐘內必定可以消滅，用的是白汁，雞粒吃起來偏結實，而醬汁大厚，個人不太欣賞，不過食落有少許辣，令人幾開胃。套餐另有汽水，加埋其實不太健康，偶爾一次還可以。

表面上的很豐富吧，才$39.9白汁雞皇飯 - 霸氣健康紅蘿蔔全滿，雞肉去那兒...沒關係，我很注意健康。巴辣雞粒 - 零辣味...辣雞件 - 辣味真的非常微薄不說，那個皮如果不是翻炸第二次，就是沒看時間炸過龍，那個皮真的又乾又硬.....葡tart - 不錯，呢餐最掂係佢。百事 - 例牌不解釋KFC質素真係一間間差好多，這大約就是麥記比完敗的原因。還好冷氣夠，位置鬆動。

一大班人的時候通常都會唔知想食乜 通常呢個時候我都會答KFC 點解 ？因為抵囉 好食囉 多protein囉今次叫左個KFC4人桶餐 真係好多野食   依照圖1 汽水 葡撻 薯格 薯容 脆片 炸雞胸 炸雞槌 焗飯 由近講起芝士脆片 好好味 不過有少少淋左 5夠脆 加上比的芝士醬十分少 唔夠蘸  薯格點左茄汁之後十分之好味 味道適中5會太咸 幾好幾好  炸雞 今次我地原味雞胸 辣味雞同燒雞 個人覺得原味雞胸比較咸 而且無以前整得禁好食 辣味雞個脆皮相反地就5錯啦 外皮脆得黎少少辣 食落好正 至於個蜜糖燒雞就梗係5洗多講  淨係個賣相 油令令 好有光澤 已經好吸引 咬落去 食到蜜糖燒的味 而且雞肉十分嫩口  葡撻 個蘇皮5會太厚 中間放落去的蛋漿都夠多 味道賣相都5錯5錯 至於焗飯 個人感覺其實本身不論雞皇飯定蘑菇飯 其實個汁都整得好好食 問題出係D飯度 通常比的時候一係就5夠熱 而且多數都係會痴埋一舊 又硬 令人想放入口的意慾大減 成個餐 充滿住美食 充滿住protein 食下去 係幸福的感覺

早上到粉中的東亞銀行做點事情，想先吃早餐，選了在KFC，點了一個餐有:蕃茄湯通粉，薯餅、雞蛋、腸仔和咖啡。蕃茄湯通粉的湯底，味道很淡，通粉也很硬，腸仔也是硬身的，入口味道一般，蛋也沒有蛋香，不是炒滑蛋，也不是煎蛋。唯一最可取的是炸薯餅，熱騰騰而又脆脆的。味道平平無奇，但可飽肚的一頓早餐。餐廳環境頗大，人流不多，清清靜靜的，心情也很放鬆，心情愉悅地離開展開新的一天。

今日同寶貝喺呢頭吹水傾心事~心血來潮想食D熱氣野~所以一齊諗住食下鷄先~!!呢到有個好奇怪的現象,就係隔離M記客人成日都常滿,但呢到就好多時都係滿場吉枱..點餐服務員個樣好COOL...冇笑容都算了..仲要講野粗聲粗氣,感覺好似我阻住佢咁 V_V唔理得咁多LA!! 買完野食就開餐嘩~~好耐冇食過啦~一齊開動...一拎起手就覺得唔係咁對勁..D飯撈左汁都覺得硬~鷄皇飯的汁只得4件小鷄粒.其他就係漿..漿汁仲有點咸..蘑姑飯D汁咸不特止~漿太結身而且10粒菇都唔夠,點可以咁啊~?!薯格格..又淋又凍又唔脆唔熱...真係好差~到食今餐的主角.. 鷄件己用紙巾吸油..仲用左兩張紙巾咁多~巴辣鷄件因唔夠熱,感覺好肥膩,咬落去好似食隔夜鷄咁~ V__V傳統家鄉鷄係寶貝的至愛~但佢話一D都唔熱,好難食~!失去左原先獨有的家鄉鷄風味店舖本身冇洗手間設備~要解手的話就要去商場的洗手間...要行好遠又唔乾淨~~好陰公~總括黎講..整個感覺都好差...唔想要有下次~~~!

一耐冇食KFC便會有啲唔自在甘所以今晚一行三人來到嘗一嘗三人桶餐桶餐包括: 汽水*3、磨菇飯*3、炸雞*6、葡撻*3、雞粒*1、仲有少許薯格KFC既磨菇飯帶有少許黑椒的微辣，雖然用料簡單，但醬汁味道香濃，十分惹味食左好多年都仲系甘鍾意食今次有越南雞翼 (即是牛油蒜香炸雞)，炸雞熱辣辣超級香脆，無論是雞上脾或雞下脾，同是十分嫩滑可口。牛油和蒜香十分香濃，但只停留在表面，味道並沒有滲入雞肉裡。。。但整體也非常出色當然葡撻也是少不得啦，新鮮出爐當然要盡快趁熱食，雖然葡撻的皮做得並不好，不香脆，但味道十分甜十分好食

一向好少食KFC，心血來潮食番次。唔想飲汽水，淨係叫左個家鄉雞皇飯同栗米。飯都係果隻味，汁唔淡，但咸左D，不過白飯唔濕又冇味，一齊食都可以接受。栗米好熱，都多汁，幾新鮮，不過就冇乜味，好似冇晒果糖咁。59蚊黎講就貴左D，果然來快餐店唔叫餐就係伏。

風雨下行去名都食晚飯，快餐店都幾多人！排10分鐘先買到！店內座位又唔滿！好多人係買外賣！其實鍾意KFC係因為個葡撻，A2呢個餐有雞有蘑菇飯同葡撻，我鍾意食嘅食物有齊，地方光猛乾淨，買好餐坐低！個炸雞新鮮炸起，本來想食燒雞，可惜剛賣晒，要等15分鐘，所以要了辣炸雞！外皮脆卜卜，裡面唔乾！不過唔係太辣！蘑菇飯蘑菇片比較少，蘑菇煙韌汁多！飯都鬆軟！撈汁食都好味！我最喜歡嘅葡撻蛋汁嫩滑，味道香甜，脆面外皮煙韌，十分好味！餐飲我加錢轉熱檸茶！雖然唔似茶餐廳咁香濃！都正正常常！食物味道正常，但服務我嘅收銀就全程黑口黑面！我買餐嘅經過時間好短！但可以正眼都唔望一眼！可能今日人多！（我去到都有二十人排隊）忙壞了！其他員工正常，大堂收盤員工都好勤快！一食完就會過來收！食雞配套都唔錯，會主動比埋膠手套（以前要問先比）可以唔整污糟隻手！幾好！