肯德基家鄉雞 (KFC)

營業中

休息中

買外賣返屋企，返到去個食食吓，見到舊燒雞唔熟有血，即刻完全冇食慾，我想講唔熟嗰個程度係啲雞血流出嚟。返到去見到蘑菇飯冇汁，淨白飯。真係想試問一聲，到底你哋公司啲人幾趕住收工？ 8點9個字買個外賣可以連個飯都唔check，一滴汁都唔落。有冇諗過個客返到屋企，見到個飯變咗白飯幾唔開心，好似俾錢俾人呃咁樣。態度又衰又差，啲員工完全冇心機做嘢。到底你哋KFC幾時先可以改善吓你哋啲員工質素。仲要唔係一間係咁樣，我去第二間食，你哋啲員工都係咁嘅質素，真係想問吓究竟你哋係咪擅長請埋啲好差嘅員工去KFC度做嘢？定係你哋啲員工差係賣點？唔好話個客自己唔check，正常係咪應該check好先出餐俾人呢？真係希望你哋可以改善下！我食完啲雞先見到個飯咁樣，唔通我依家去問佢拎汁？間舖都關門咗啦！

家鄉雞腿包餐 🍗 🍔包裝紙印左Deadpool & Wolverine兩個主角!沙律醬同蕃茄令雞腿包fresh d,食完都唔漏😋粗薯條+芝士FING FING粉都好味🧀👍🏻雙層巴辣雞腿包餐 🍗🍗🍔雙層巴辣雞腿夾芝士,外皮炸到好脆,雞腿重保持到嫩度,呢個食完飽滿度100+++ 我就鍾意雙層巴辣雞腿包多d 😜😜😜

粉嶺名都既 KFC 總會送漏食品！！ 今次外送, 又漏左加配既 “家鄉雞皇飯(大)@$30” & “罐裝百事可樂(330ml)！！ 已經唔止一次啦, 每次都係咁樣！！！ 申請退款, 遭受到拒絕, 實在太不合理！！！！請粉嶺名都既 KFC 職員檢討一下！！！！！！！而且蘑菇飯的汁好似溝了水, 稀身, 飯硬又身, 整齊非常難吃！！ 食物品質比以前有很大分別, 質素下降左非常多！！！！！！！ （P.S. 本人所講, 全部屬實, 絕無虛假成分！！！）

麥當勞的快閃優惠大家就吃得多了，KFC的優惠卻比較少吃，今天就來試試！今天有家鄉雞扒包買一送一，$24.5！老實說，現在大公司的麵包份量越來越少，沒想到這個買一送一的優惠包分量比想像中的大！以早餐來說，吃一個已經很夠飽。麵包皮軟熟有彈性，雞扒還是熱辣辣的，熱到剛好芝士軟心，值得一試！

香港經典葡撻非肯得基莫屬，呢期做10蚊2個其實都係抵到爛。但其實用佢個application 都可以以買滿$55 免費換個葡撻，今日就甘一個餐食左2個葡撻，真係好滿足，個蛋液好香濃嫩滑。我食3個都得。

點外賣餐加巴辣鸡翼4隻但只比2隻打電話又冇人聽行返去又己收工真是冇計大家以後買外賣記得睇清楚不要比這些舖頭騙得就騙這不是錢的問題，己是條氣下下了的問題，下次都不會去買外賣。

其實都唔知有幾耐冇食過KFC，但印象中味道會係一式一樣，始終係連鎖快餐店，理應間間都應該差唔多味☹️點知竟然咁都中伏當日叫咗兩個茶餐S1同同雞脾王茶餐🤢加埋都六十幾蚊🤮蘑菇飯菇少汁少啲飯淋到一pat pat都算，香烤蜂蜜雞翼完全唔甜，好似只有某一兩啖食到甜味🤢雞翼瘦冇乜肉🤮個人好鍾情葡撻，但見到個葡撻唔開心咗一下，個葡撻直頭蛋撻咁嘅樣，樣又衰，重點係完全冇甜味，唔係趕時間都一定唔會食，貼錢買難受

啲人唔對單，個餐比人攞走，仲係咁叫你等，食個快餐等都等左15分鐘比自己張單佢執野食，結果堂食變左外賣，又唔比餐具，又比漏左個飯，係咪以為收走左張單我就唔記得叫左咩食？成個感覺係，求其比啲野你快啲走嘅感覺。咁冇責任心嘅員工都請

琴日食完晚飯，專登過去KFC買新出既美祿恐龍迷你鬆餅外賣。原圖現實講真 都預左圖文不符架啦 但味道真心唔錯 都覺得呢12$俾得扺既 但係 12$ 4舊 變左12蚊3舊 (食左一舊發現只係淨係兩舊) 仲要因為外賣同已經離開左粉嶺先知🤦🏻‍♀️🤦🏻‍♀️🤦🏻‍♀️ 雖然真係好少錢，不過都希望可以嚴謹啲啦。

叫外賣等左成兩個鐘先送到，打左4次電話去客服，淨係識話跟進，只係送去聯和墟，到左仲要同我講唔會送上樓？下？來到仲要凍晒，個膠袋入面都係水，個紙盒都比水浸到爛，之前都有叫過依間外賣，但果次係用外賣平台，好快就到，今次一時大意用門市外賣，中晒伏，真係好心唔夠員工就停左自家外賣啦

去KFC唔一定淨係食炸雞新產品唔一定係伏KFC新出#KFCD24榴槤雲朵葡撻選用馬來西亞D24榴槤果蓉葡撻上再加灑滿南瓜粉嘅棉花糖充滿驚喜 保證令您「榴槤」忘返.#KFC紫薯白玉新地紫薯味好濃郁白玉煙煙韌韌口感層次豐富紫薯控一定要試下

有時工作做得晚，來不及買餸煮飯，我都會買外賣回家吃，KFC是其中的一個選擇。 一家四口買一個四人餐，就有肉有飯有飲品有甜品(葡撻)，人均消費都是五十多元，到茶餐廳買一個炒粉麵飯都差不多了，仲要沒有飲品。但這間店最大的問題，就是時不時會執漏外賣食品。很早之前會執漏一兩件炸雞，或者套餐中沒有了巴辣雞翼，所以我已習慣了，取了外賣食品之後會檢查一遍有沒有遺漏。 但現今疫症當道，直接在餐廳打開外賣來檢查好像有點不衛生，今次外賣卻漏了一盒雞皇飯，回到家才發現，總不該再搭車出去追討吧？去到了，人家也未必信。試過好幾次這樣，真是蝕底曬！至於食品質素味道方面，這店一直是浮動的，有時味道不錯有時很難吃，有時非常鹹有時又太淡，就看那天我是否好運了。

Typical KFC serving its usual range of chicken and sides.EnvironmentUsual KFC set up you would expect from a fast food restaurant. Previously renovated with more vibrant colours and self-serving and water machines. However, restaurant always looks dirty and unhygienic – floor and tables are usually oily and on the occasion the tables are wiped, they’re usually wiped with overused towels.ServiceTerrible terrible service. You wouldn’t really expect excellent service from a fast food restaurant but

呢間kfc啲雞好唔好食真係唔知，都係同其他店咁上下。但呢度啲服務真係唔多掂，啲店員唔做野嘅，明明個餐好簡單，有齊哂喺度，就無人去執，真係分分鐘自己嚟仲快，咁叫咩快餐店啊？

KFC今日做緊家鄉雞扒包買一送一優惠，作為愛雞之人，當然吾執輸，買返黎食下。.KFC家鄉雞扒包.雞扒包選用了我最愛的英式鬆餅(即係麥當勞豬柳蛋漢堡的包)作外層，因購買時，人不多，雞扒包即叫即製，所以雞扒包外層吃下去時還是熱的，質感鬆化帶微濕，口感一流。雞扒包內層夾著如手掌大的香脆雞扒、軟滑芝士同沙律醬，口感搭配相宜。雞扒烹調時間適中，肉質吃下去時仍能保持鮮嫩幼滑，嘗到啖啖肉汁，值得一讚。雞扒包如能加上生菜、洋蔥同酸黄瓜，口感層次應更為豐富好味。