肯德基家鄉雞 (KFC)

營業中

休息中

今日突然心血來潮想食下肯德基嘅炸雞、見佢app有$2 coupon就想用下，隔左幾個月無經過，今日就見到多左兩三部點餐機，諗住唔洗排長龍就點到餐，好似好方便咁。咁我就買左個2件越南牛油炸雞，配大蘑菇飯、葡撻、汽水，貴就唔算貴，咁多野都係$48。但部點餐機係嘟唔到app入面嘅優惠，亦草唔到app嘅會員積分！scan支付寶又scan左勁耐，嘟左十幾廿次有聲但無反應！勁嬲！浪費曬我d時間！不過出餐都算好快，比起其他分店同樣人流，呢間快兩三倍。牛油雞味道唔差，只不過我都係覺得classic嘅辣雞好味d，同埋食得出唔係新鮮炸起，皮淋淋地，唔夠熱😫味幾好都無用，無左炸雞嘅靈魂😓

有時早左返工就會嘆個早餐先，一般都係去隔離老麥，但今朝pat pat痕，走去食雞，跟住就無左個good morning了10號餐。蕃茄濃湯扭扭粉配醬燒雞扒，香腸，滑蛋，英式鬆餅（$37.5）見時間多左，食份大早餐先，全個餐牌最豐富呢份。雞扒又鹹又硬，放左n年嘅樣。腸仔正常，炒蛋唔滑硬實實嘅，而且兩樣都係凍嘅。鬆餅一啲都唔鬆軟，掟死狗嘅樣。通粉都係凍㗎，蕃茄湯無蕃茄味，失敗。飲品要左熱啡多奶，唯一一樣熱嘅野，杯啡幾好飲啦。7號餐。Deluxe醒晨雞扒餐（$33.5）隔左一星期，老麥有人嘈交，又走左過黎KFC比多次機會佢，見客多左會唔會好食啲啦，點知都係失望嘅。食物依然係凍，塊薯餅硬過餅乾，仲要勁油，高度懷疑番炸左幾次？唉，好難食啊…好處係客唔多一定有位坐，同超強勁嘅冷氣，行到身水身汗，入黎坐5分鐘包你涼哂。

都有好一段時間無食KFC了，今日lunch經過就入左去食～一向都比較喜歡燒雞，感覺上無咁熱氣、無咁肥，罪惡感少啲🙈所以叫左個餐：兩件雞+一個細蘑菇飯+汽水盛惠44.5其實都唔平，再望埋個賣相，突然覺得好唔抵😂今次呢兩件雞好高質👍🏼👍🏼👍🏼主要因為剛出爐熱辣辣，巳經加多分😂同埋無偏咸嘅情況，整體好惹味，好食😋不過碗飯呢⋯⋯淋到一個點，又未去到粥嘅狀態嘅⋯⋯應該係煲左好耐，又焗住左好耐😅

今日發現KFC🐔有新嘢😆每日都要留意新餐牌,今日發現KFC有新發現,3月份新用Alipay有50蚊優惠,只限3月份.今日下午茶時段,又有新下午茶餐,又多人買,排隊後才知道賣晒,有幾個餐沽清賣晒,轉買正常M1家鄉雞餐, 雞脾仔好似縮水,好彩仲有一隻雞上脾,加磨菇飯,汽水回家食.好彩正常餐等待時間較快,可能係一早已經預備好,所以如果趕時間朋友,建議叫正常餐.

咸蛋黃向來是係難以抵抗的邪惡美食，近期家鄉雞以咸蛋黃融入食材，連雪糕都有咸蛋黃醬，實在夠爆! 今天吃了黄金脆雞套餐，正! 超推介! 流沙的咸蛋黃醬淋在脆皮的炸雞上，美味至極!自問是咸蛋黃控就別要錯過啦。套餐還包括2件雞、汽水、1個磨菇飯或雞皇飯、1個葡撻，其實吃完了雞及飯，已經很飽，胃口細的朋友可能要將葡撻打包走呢。由於真係好飽，第二個胃未能提供空間食雪糕，唯有下先至食咸蛋黃雪糕啦!47.5元，價性比高!

間中都會想食下KFC啲炸雞，不過今次去粉嶺名都呢間KFC，有啲失望。今日途經呢間KFC，就諗住入去食下炸雞，排隊買嘢食問下個收銀呀姐下午茶幾時有，佢就撻一句「未有啊後面有牌自己睇」，其實我後面又無人排隊，唔阻人，佢嘅態度已經令我好反感。好啦最後同朋友都係決定嚮度食，嗌左個E1餐，有兩件雞、薯格、葡撻一件、蘑菇飯一客、一杯汽水，我覺得雞同薯格都係炸物，正常都保持到水準，但我覺得所有KFC嘅葡撻都好似比以前差咁，個皮又唔夠脆， 好似焗得唔係好夠咁，而且佢個飯質素又唔太好。

最近銀聯信用卡做緊優惠，食滿60蚊即減30蚊，超級抵食，仲平過學生餐多多聲！所以平日好少食熱氣野嘅我都忍唔住破戒為左要食滿60蚊，先叫一個48蚊套餐，兩舊家鄉雞+薯格+葡撻+家鄉雞皇飯，加3蚊轉朱古力，再加10蚊加盒巴辣雞粒，咁就61蚊，減完都只係31蚊炸！抵到無朋友！不過加埋加埋份量太多食唔曬，要打包啲返公司食

垃圾KFC收銀員服務好差我叫新地又比咗脆筒我雪糕$12 以為我比$6收多咗我$2人地麥記出新地KFC 又跟 KFC 雪糕難食好多睇相以為一樣 點知都係咁差雞又唔好食 葡撻又淋

呢間KFC都幾怪 ，落單counter 得一個層買，打蛇餅咁。打完蛇餅都唔算耐，重點喺等叫 number.. 等左足足15分鐘！買一個正常嘅餐要比錢去到拎餐要4，5個字。。仲耐過食完嘅時間。 因為之前試過買外賣，啲雞番炸再番炸，乾到一點。。今次試下堂食叫左個E1餐，炸雞，薯格，葡撻，磨菇飯加百事。今次件雞又ok喎，一樣厚粉但算新鮮炸，有肉汁。葡撻酥脆，蛋滑。薯格就有部份硬左少少，可以接受。 磨菇飯都係唔夠汁，飯亦太淋，唔好食。。KFC嘅水準上落真係幾大，同一間分店都已經大不同，有需要改善下。。

很久没吃KFC 的早餐！鬆餅是我的爱好！！所以在尋找早歺食店時，見到KFC 便想起久違的鬆餅，所以一 於去吃家鄉雞扒鬆餅早歺！喜愛吃原始味道的家鄉雞扒，每一次吃也会走醬，但今次的雞扒不夠味，有点淡而無味的感覚，鬆餅是刚焗好拿來的，因拿歺的時候説沒了鬆餅，要等20分鐘，心想今天又不趕時間，刚出爐的更好味，誰知一吃，冇乜味嘅，是不夠牛油？？？為何没了牛油的香酥味！！不好味的鬆餅，真令人失望！！回想很久之前有朱古力鬆餅，每一次吃也非常好味，但相對來説，鬆餅便很参次，就算同一店，也未必次次好味，先看外覌，發得好的，好味的比率高些，發得不好的，大多不好吃！！咖啡，kfc 咖啡是快歺店中比較好飲的，但現在很多店也不是即按掣的，難道他们不知道即冲的和放一段時間的咖啡味道是有分别嗎！！！由於太久没去kfc 吃早歺，也忘了要求即磨的咖啡，所以這杯咖啡也不好飲！！唉！吃了一个不好味的早歺！！

繼續延續農曆年食煎炸野，今餐不例外，唔知食乜好，就試下KFC的櫻花脆雞，見佢張食物相影得幾耐。套餐一個有飯有撻$42，一個有薯蓉$40.5，計數有飯飽肚又抵d，不過作為薯仔控，就梗係揀薯蓉，同埋都夜唔想食咁飽。好快有得食，其實唔知櫻花脆雞係乜野，試落其實係加左d味粉，甜甜地鹹鹹地，都幾野味。但雞就唔夠脆，又唔夠熱，再脆再熱d就更好。薯蓉口感ok，但講真薯味唔夠，真係一分錢 一分貨，呢間薯蓉都不能太高要求。好處係夠熱，薯蓉係要夠熱先好味。脆雞，sakura的味道，試一次就夠了。辣味比櫻花味更好。同埋KFC，人多去食叫筒餐，可以試唔同味，又有飯同薯蓉樣樣有，可以試多幾樣。同埋人多，先夠熱鬧啊。

返工前食早餐！去到幾爆場，店家派緊優惠劵，早餐款式幾多，份量有大有細，任君挑選！櫃檯落單後攞單等叫號碼！醬燒雞扒+滑蛋+香蜜鬆餅（$24.5）即棄膠盤上放咗食物，好像飛機餐擺盤，雞扒醃得入味但較嚡，蛋真係幾滑（同其他快餐嘅滑蛋比）鬆餅係我喜好，好鬆好香牛油味，外層甜甜地！好味！熱特濃豆漿（跟餐加$3）夠熱但唔算濃！無乜豆香！好在唔太甜！ok店員全部好爽手，我來時係最爆場時，落單同攞餐5分鐘攪掂！快快手一餐！不過堂食餐具，全部都即棄塑膠餐具！

星期六日唔駛返工既日子就係想要放鬆下，有時候會想食一D唔健康既野，所以今晚既晚餐就買KFC解決。其實不下數次買KFC食，每一次都會有俾漏食物既情況發生，試過俾漏雞翼，俾漏幾盒飯...於是乎，我養成左一個習慣，就係每次買完都會望望D野食齊唔齊，唔齊都可以即刻問佢地拎返，唔駛返到屋企先發現...而今次，食物係齊全，但返到屋企先發現原來匙羹得一隻，留意返...呢個係二人餐囉...唔通要共用一隻匙羹你一啖我一啖? 雖然問題不大，因為喺屋企都有匙羹，不過如果喺街度食就有DD問題啦...講返食物先，D雞係好食既，因為佢新出既黑椒雞係好夠辣而且仲有肉汁，好啱我口味，我鍾意!到兩個飯，因為我另外有要求多汁，所以係多汁但料少，飯較淋...個雞粒...真係好難食，粉多又乾身...最後到百事可樂，要求一杯少冰一杯走冰，返到屋企發現原來兩杯都走晒冰...唉...無言...

早餐時間，名都嘅快餐店都好多人，反而天橋口嘅kfc比較靜。見門口餐牌上面嘅薯餅同雞排好吸引，所以叫左個deluxe早餐：有薯餅、蜜糖雞排、炒蛋、餐飲咖啡、再加6蚊要個番茄湯通粉。堂食食品全部用膠兜載，感覺上好唔環保，隻叉幾軟身，用力就攣左講返野食：薯餅比M記大件，而且好脆！蜜糖雞排雞肉好滑，調味不錯，但塊皮烘得太耐，有D韌；炒蛋都滑，有蛋味，無勁溝水or勁加牛油同奶；餐飲咖啡對於我呢個咖啡控黎講，絕對唔好飲，苦苦澀澀無咖啡嘅香滑最後係加錢配嘅通粉-感覺似番茄汁加水做湯，無番茄鮮甜味，絕不推介KFC嘅格局都幾方便客人，先點餐，右邊係取餐位置，再入去先係用餐區，唔駛行黎行去整體而言，極普通，除非想食極脆薯餅同蜜糖雞排，否則可以略過

岩岩係KFC買完雞，打開既時間就有一陣「燒燶」左既味，認真咁嗅，係每件雞都有燶味！$50蚊6隻雞真係抵嗎？我件都冇食。仲有.......$9蚊8件薯格，真係唔知講咩好。題外話，我拎雞既時間見到有人話雞太黑，請職員換，點知職員神回答：我控制唔到個爐嫁，點換俾你？個人呆左。我個時又唔醒起打開盒雞黎睇，返到屋企先知！以為有優惠真係要諗清楚..........因為佢真係控制唔到會爐嫁！$50蚊6隻雞，$9蚊格格脆