肥公車仔麵 (已結業)

 店名：肥公車仔麵地址 : 旺角鴉蘭街5號c舖好味指數：7.6／10價錢：$24豬皮 、豬腸 、雞翼尖米粉呢間車仔麵🍜位置極不起眼，但每日都是人龍不斷（尤其早餐和午膳時間），價錢實惠味道出眾，認真平靚正。聽講好多人專程揸車入泥買外賣，認真誇張。配料選擇繁多，價錢由$5起，揀多幾款都唔肉赤。揀好餸之後記得加埋咖喱汁同叫多青😄 

岩岩去完旅行就好想食車仔面, 最有香港特色嘅食物 (我認為)!今次去食肥公, 唔係好多人唔洗等好耐, 想快可以坐出面, 不過唔想係D車隔離食野~肥公勁多人手, 所以條隊郁得好快, 叫左米粉, 要蘿蔔, 牛腩, 魚蛋, 加辣汁(是當然的)!佢個湯真係好正, 唔似味精湯味, 而且夠哂熱暖LUB LUB~對於一個好鍾意食蘿蔔嘅人黎講, 呢度D蘿蔔唔係最好食, 因為都有渣, 不過夠冧~牛腩略嫌太碎, 有d難夾, 但係好入味d滷水汁。魚蛋唔係鬆泡泡個d, 係硬身d個種, 岩哂我~辣汁唔夠多, 可以再叫佢落多d, 我見佢落左一湯匙到, 對於一個係"譚x"食開三小嘅人黎講係唔夠~肥公係坐得有D逼, 不過勝在有"陀地" FEEL ~ 我地對面都有2個外國人黎食

自小已經喜歡食車仔麵，以前住土瓜灣時，單是一條美景街，在清早10點前，在未夠100公呎的橫街內，已經有三檔不同口味的車仔麵，滿滿的一碗，都只不過十元八塊，誰料到今天比碟頭飯還要貴，一麵兩菜差不多$30，而且食完肚子還是空空如也。肥仔公在網上看過多次食評，早已經心思思想去，豈料在一次找尋舊書之旅踫上，當然不能錯過。雖然是閒日的下午，門前依然有人龍，感覺良好。除了車仔麵，店門有人在炒麵，傳過來的氣味挑起了食慾，下次大可試試。點了粗麵底，另外要了豬腸、生菜、魚皮餃及魷魚。粗麵淥得啱啱好，有點嚼口，豬腸沒多少脂肪，而且炆得稔，又夠入味，魚皮餃是現成貨，很大路，而魷魚是水魷，加了腩汁很惹味，亦有兒時車仔麵的味道。再加枝汽水，挺滿足的下午茶，下次經過一定會再來。

是日在附近返工,多數都出返彌敦道搵食,但同事介紹我到這間試試. 附近都是裝修用品,賣門店,同圍都無什麼餐廳,要找這間店都要D時間門面好簡單,大字幾個,到時近12:30,但已見人龍, 可見這店有多受歡迎。餐牌一眼就看到價錢, 都是$5....$5....$7...$7, 旺角區wor,點解會有D咁人性的店, 心想對食物要求不要太高吧每人要自己排隊叫食物,順便即場拎麵埋單,減省職員到座位落單。當然你如果人多, 可分頭行事, 幾個搵位, 幾個排隊。地下座位翏翏可數, 所以一旁的樓梯可上這店的閣樓,多20個座位供客人坐。本人都係唔顧身體既人, 越毒的食物越鍾意食,就叫了牛腩同豬腸, 加豆卜黎減低少少內疚感, 配油麵。分量偶有不同(始終人手加),但都算多, 非一般店得一塊肉,一小條豬腸那麼過份。牛腩-- 好淋,真係估唔到, 肉眼見比較'鞋',但咬時頗鬆軟,咸味適中, 帶有少許甘甜味(未知是否有用八角做鹵底)我叫一個餸,有成3-4舊手指公咁大的肉, 好抵豬腸-- 我食的部分是沒有內壁, 較幼身, 都係好淋, 鹵味與牛腩相若,內裡脂肪沒有清理,比較肥豆卜--當然為索湯底而存在, 因整體味道都適中,吸

食物午餐時段選了兩食送麵，分別有魚片頭和牛肚。牛肚鬆化有嚼頭，略嫌沒甚麼牛味；魚片頭十分彈牙爽脆，炸得一點油香；麵煮得彈牙有咬頭，湯頭是牛腩汁，香濃帶點鹹香。環境位處於建材林立的鴉蘭街，店鋪本身位子較少。當日我們在午飯時段去到，因此要坐店鋪外加的檯，車來車往，嘈吵而且太陽直照。衛生車仔麵檔的基本衛生還可以，就是檯面的湯漬沒有抹好，由於在街道上，沙塵較多在所難免。服務下單採用流水式點餐，邊點廚子邊煮，付款後自己拿到位子享用，因此即使人龍很長，但上菜速度很快。我們入座時剛好有一檯人走，坐下不久就有侍應收拾餐具，效率不錯。總結在工廠區有一間平價食店實在是不可缺少，只需廿多元便可吃到一碗好吃的車仔麵，難怪每逢午飯時段此店都要大排長龍。

呢間車仔麵午飯時間排哂長龍，一向係車仔麵怪既我 當然要試下有咩料子咁多人排隊啦！我當日叫左三個餸，分別係滷水雞翼、豬紅、豬腸。雞翼很入味，豬腸略嫌剪得太大，味道還好，而豬紅就很普通，口感未至於一咬即爛，尚可接受。但我相信呢間車仔味最吸引的莫過於抵食，因為真係好足料！雞翼竟然有三隻咁多（$7）而豬腸同豬紅有食極都種有既感覺。總括，味道唔算十分出色，但絕對物有所值，好抵食。

平時放工間中都會經過肥公，我心諗...車仔麵o者~有乜咁特別先？點解會有咁多人排隊架？星期六中午更甚，好啦，咁又放假，咪走去試囉~我就叫左個豬腸蘿蔔雞翼油麵，細麵底，叫左支可樂，咁就24蚊，其實都係個D野，不過係個湯底好飲，濃郁。不過咁都夠食，如果要大麵底就應該飽肚的，如果下次又經過想食車仔麵既話，都會再去食。

之前經過見到呢間店面其貌不揚嘅車仔麵居然大排長龍，心想佢一定有啲過人之處！今日由大陸搭直通巴士返嚟，喺旺角落車已經差唔多三點又冇乜胃口，醒起呢間車仔麵就喺附近，就過去試吓。雖然已經三點，但仍然有人排隊，鋪頭嘅座位亦坐得好滿。佢哋嘅車仔麵比較特別嘅地方就係有啲牛什類嘅餸可以點，好似牛肚,牛膀同牛肺咁。叫咗個油麵加咗牛腩,牛膀,豬皮同生根都只係27蚊（下次要試吓佢嘅牛肺）！除咗車仔麵，佢哋仲有炒麵，仲見到有個伙記喺度即場炒緊！因為鋪頭入面都坐滿，我俾咗錢之後就出咗鋪頭外面搵個位坐低。以27蚊嚟講嘅車仔麵已經算平，喺荃灣食碗車仔麵都要四十幾蚊啦。佢哋一般嘅麵係5蚊一份，餸就係5蚊或者7蚊一款。麵嘅份量同一般嘅車仔麵份量差唔多，冇特別大份，但係餸嘅份量就明顯比正常嘅大份。呢度雖然係旺角，但係舊區嗰邊，租金唔會貴，所以成本可以用喺食材上面！一如以往，我都先飲啖湯試吓味。湯嘅溫度夠晒熱，就算咁凍，食完麵個湯都唔會凍咗。湯嘅味道唔錯，但係就鹹咗啲，可能係我叫佢加咗啲腩汁（本來想再加啲辣汁，但係見啲辣汁杰杰咁賣相唔好，所以都係下次先試）。牛腩係呢碗麵裡面我最欣賞嘅 item，賣相就唔係好得，顏色啡啡紅

有好幾次經過這間街坊味極濃厚的車仔麵店，看見她的價錢收費極相廉，已一直很想試了....卒之找了某個下午，專登跑過來吃碗麵....雜務纏身，拖拖拉拉要到一時許才抵達.....到後一看....嘩....看見門前的那條人龍，好說也有十幾二十人...雖心有不甘，但一場來到，不可能就此打退堂鼓吧 ? 縱然我是一個極度討厭排隊的人，但為了要吃到這碗經濟又實惠的麵，也就不去計較那麼多了....照舊要我最愛的油麵底。另平均每款餸亦只需加六至七大洋。來一個四餸麵，都花不用多過四十塊錢....這樣還不算是抵食是甚麼 ?份量一如所料的大大碗。來之前是飢腸轆轆的，但在吃了一半之後肚子已開始飽了....及後到了末段，更是有點無以為繼的感覺....牛腩、鯪魚肉條、蘿蔔加上豬腸，料頭的確夠晒豐富。牛腩炆煑得入味也夠軟熟；魚肉滲入的"雜質"甚少沒有令人吃至成囗粉漿，嚐到的是切切實實的魚鮮香 (縱然帶點腥氣是少不免的)；蘿蔔很淰沒渣，放進囗內瞬間便溶掉了；豬腸相對上反而是失色，雖然它是帶爽兼淰的，但嗒落卻是帶有少許的異味，似乎在整潔上可以再做好一點....光吃餸已是飽得不得了....可憐的墊在底的油麵，儘就要被人冷落.

平時坐小巴經過呢個位, 跟住就諗搵日要黎食, 點知日日lunch都無左回事.尋日返工經過旺角想食, 點知星期日休息, 難怪o既, 呢個位星期日都無舖頭開門.今日終於行過去, 嘩, 十二點八九個字已經排緊隊同好多車仔麵檔一樣先叫麵後叫送我就叫左河粉 + 魚蛋、豬紅、豆卜..... (突然醒起openrice網友話牛腩好味) o丫.... 仲要牛腩, 加罐可樂 唔該魚蛋... 咦比其他舖o既魚蛋大粒o番?豆卜, 索左湯底之後好正豬紅, 有少少腥, 可能因為牛腩味濃, 所以蓋過左豬紅牛腩就不得不提o勒, 好鬆腍好入味! 同網友所講o既一樣, 而且飲得到腩汁落左湯底之後有膠質, 即係煲左好耐啦.

宜家搵間有誠意車仔麵真難！一係大部份野都係交貨返黎，冇乜自家特色！之前在太子買裝修經過，好似好得咁，咁就貢左入去試下。先望下d餸，都對辨，叫左魚肉，牛腩，大腸，油麵。鹵水鷄翼:顏色對辨，入味，唔老，仲七蚊有三隻！牛腩: 夠腍，入味，大大舊，唔會俾d骨位碎濕濕G大腸: 寫得乾淨，冇異味！夠哂肥味！魚肉: 有試意，有鯪魚，果皮味，堅魚肉，唔似食分子料理！油麵就同出面差唔多

到九龍大酒店送親友一程前先去肥公車仔麵吃早餐。星期六的八時多，店內已座無虛席，幸好流量高，所以等一會便可坐下。我們吃了～車仔麵：選擇極多，好！我選了最普通的餸，有紅腸、蟹柳和白蘿蔔，數量足，全都是正常水平，而令我最喜歡的是河粉，很爽、很滑，加些咖哩汁，很入味。家人吃了牛雜、豬腸、粗麵等，都讚有質素。粉粿：十元三顆，粉粿皮厚薄適中，有咬口，熱騰騰，正！炒河粉：$8是小的，$12是大碟的。河粉有鑊氣，夠入味，是經濟的選擇。整體而言，這頓在肥公車仔麵吃的早餐令我們滿意，價錢合理。

因為之前係附近番工,,所以都食過幾次但係次次食親都覺得好正不得不打篇食評泥讚其實而家唔係個頭番工,,但今日去太子買野都要去個到食碗麵啊每次我都叫米線+牛筋+豬腸+脆皮腸+豆卜TOTAL$27豆漿一杯$64餸都只係$27真係抵到喊,,而且每款餸份量都唔少真係好正!講番味道先~脆皮腸+豆卜就冇咩值得講,,都係個D味啦~牛筋:有D會好腍似JELLY,,有D會好咬口同爽口炆得好入味(讚)豬腸:同係炆都入晒味,,而且軟身幾好咬我真係食完一次就上左癮啊!下次再試下雞翼先;P另外佢地服務真係無得彈啊!成日好多人排隊好忙但唔會黑面抵讚啊!

Great selection of food (incl. Beef organs) + bottle coca cola + good air-con + good portionVery short distance but critical towards perfect:1) A good chilli source - the soul of all 車仔麵2) Not open on SundayHope it can open a branch in Kowloon City.

第一次食呢間，點了油面，冬菇5小隻，尤魚鬚一梳，雞亦四隻，(同事給了我一件豬大腸^_^)$28蚊 (因為尤魚係成隻上,貴Ｄ，但接受到。), 同事點的"三送面"只要$22湯底OK, 沒有太多味精，食完之後有大滿足的感覺。 整體平，好食！堆介各位對車仔麵感興趣既朋友去試一試！