聯發茶餐廳

營業中

休息中

茶記介紹：九龍城區地址：九龍城侯王道2-4號地下1號評分 : 7分 / 10滿分交通：建議自駕或最近巴士站2，2A ，69再沿惠康方向步行15分鐘環境：地方細，坐位較窄服務員態度：正常等入坐時間：15-20分鐘價錢：平均/人 $60-$150環境屬於一般港式茶餐廳的風格，所以坐位較窄，因為地方較細小，同埋係區內幾出名，所以基本上都要搭枱試左兩款，炭火叉燒飯同茶餐，先講叉燒飯，叉燒好厚，係炭火燒先可以做出，咬落外脆內軟，仲有小小肉汁既叉燒再配搭甜豉油，正宗港式風味，的確唔錯，加上一隻燶邊🍳流心煎蛋，食時撈勻蛋汁，一個字正，唯一小小失色既就係菜心，有草青味同好老茶餐識食一定食炒蛋🥚，好香蛋味又好滑，勁厚多士，湯底係雞湯，無咩特別，叉燒夠厚夠香。最後想講下杯港式奶茶，好多人專登去茶記試下杯熱奶茶，因為茶記先沖得出又有茶味又滑，香港獨有既奶茶。依間都唔例外。杯茶夠滑但唔夠茶香。不過都好飲既。食完先知有得轉火腿蛋三文治🥪，想試E間記得轉黎試下係咪厚蛋呀！😋

想食呢間明星茶餐廳好耐！今次試咗三樣：滑蛋蔥花叉燒飯、厚西多士同埋超滑蛋治（烘底）首推滑蛋叉燒飯同滑蛋治！！！嘩想講佢嘅炒滑蛋真係太出色！食到我同朋友嘩嘩聲😂😂😂一開始食個飯個陣唔記得落佢嘅袐製豉油覺得還好，但一落咗豉油，就完全唔同，好食勁多！加埋蔥花，令成個飯更香更豐富！叉燒就不過不失，如果係半肥瘦叉就完美！個滑蛋治用兩塊厚多士夾住，要勁大個口先咬得晒🤣食完就即刻想下次再encore了！厚西多就覺得一般般，因為佢太厚，感覺未夠入味，又炸得未夠香脆但整體都好食呀！

很久沒有來過聯發茶餐廳，今天經過，發現人不多，就來吃個午餐吧，餐牌沒有多大改變，就叫了雞扒叉燒飯，黑椒牛肉炒意粉，這些下午三點前有午餐，有飲品，價錢比較抵食。食物約5分鐘來到，分量很大，女士可能兩個人都吃得飽，叉燒和以前差不多，雞扒今次炸得比較乾，吃起來很硬，吃不完，以前想吃蔥花雞扒飯的雞扒很好吃，今次失準了。黑椒牛肉炒意粉的份量也很大，但黑椒味不夠，像吃乾炒牛河肉意粉，牛肉一般，意粉就炒得不錯，不會很油，味道也夠，最好的是凍奶茶。

難得黎到九龍城！當然黎試一試大名鼎鼎嘅聯發茶餐廳！但午餐時段都幾爆！等咗大約十分鐘先入倒！座位就一般茶記格局比較迫！本來諗住叫個茶餐嘅！但見隔離檯大多叫個招牌葱花滑蛋叉燒飯！應該唔會差既！加杯凍奶茶($69) , 上檯都幾大碟！賣相唔錯，配埋淋上面嘅日式甜鼓油！真係好好味！D蛋好滑，蔥花好香，話咁反食晒成碟！至於杯凍奶茶都好高水準！茶味夠！咁嘅質素配呢個價錢我覺得都算抵食！下次一定反黎 encore 呢樣美食！！

我是茶記迷，最喜歡四處去搵茶餐廳食好西，不論九龍，新界同香港區，有茶餐廳都會去試。今日嚟到九龍城，知道『聯發茶餐廳』有名，梗係要食佢出晒名嘅食物啦。四處觀看，見到餐廳推介黯然銷魂飯。嚟到必點聯發重點推介黯然銷魂飯啦，份量十足，可以2人share 再加其他食物。見到個煎蛋，相當脆邊，可以蛋漿撈飯，再加埋秘製豉油超正。 叉燒鬆化， 大細適中， 肉質半肥瘦 ，真係啖啖滋味， 燒烤味濃郁。另一推介， 法蘭西多士， 多士勁厚度，應該有4寸高，大大塊牛油，相當邪惡。

第2次幫襯啦.滑蛋叉燒飯蛋香而且真係做到滑蛋質地唔會過熟 令到個飯保持濕潤食到最後都冇一啖係剩食白飯!!!豉油都唔洗落太多.西多士好厚阿傻的嗎食完一個飽到上心口炸得好靚 上面層牛油都算幾大塊我輕輕喺個面到掃左一下就撩開左佢勁邪惡阿 肥妹can’t handle 個包其實炸完都好軟 唔係隔夜包冇哂水份嗰隻 唔會硬到脆多士咁.凍奶茶真係必飲一入去餐廳已經聞到成間都係茶味好濃滑!!!!!.下次嚟會試下佢D茶餐同炭火叉燒飯

每次嚟到九龍城侯王道都見到好多人喺呢間餐廳門口排隊等，今日朝早同兩個同事一齊入咗去食早餐，我叫咗一份早餐火腿通粉、炒蛋及牛油多士。火腿通粉其實只係普普通通同出邊其他茶餐廳差唔多，係個炒蛋就相對來講比較滑，所以都幾好食，牛油多士小小脆咬落有口感唔錯唔錯！最後個人心得覺得其實都係一個較普通嘅早餐，只係可能係名氣比較大所以吸引左太多人嚟食。但早餐食咗$47其實有少少貴。不過如果下次經開九龍城都可能會再嚟試吓嘅。

一向都係常餐既die heart fans !!!又去試下新地方。今次叫左個常餐同滑蛋咸牛肉飯。先講個飯，好好好好味！！佢啲蛋又骨，又有蛋味，加上個種咸香味，係會令你食下食下就食左成碟都仲好想食！！雖然係有小小重口味，但真係好滿足。到於個常餐，係誠意之作！佢個麵包又厚，仲有烤底，再有滿滿既牛油，雖然本身個包唔係個啲日本北海道牛奶包，但都已經係好高質。加上茶餐係用日本一丁，都唔使加錢，仲有好滑既蛋，已經攞左九十分。美中不足係佢啲叉燒真係唔係太好食，所以就扣左分！！友人既評價都好高“個蛋好好食啊，我可以食多好多好多🙈我應該要食滑蛋果個飯d蛋先夠我食😂”所以，一定會再去食

今次晚餐揀左一間茶餐廳試一試😌因為見佢啲賣相都好似幾靚...我同朋友分別叫咗一個特餐$60 同一個餐廳最出名嘅漩渦蛋包西炒飯$78 特餐包括多士 炒蛋 火腿 再配一個沙嗲牛肉公仔麵 佢既份量都係正常嘅 炒蛋比較滑 沙嗲牛肉 牛肉份量都多 而個漩渦蛋包西炒飯 成個滑蛋包住個西炒飯 雖然蛋好滑 但食落比較普通 （一個人食都食唔晒）整體覺得比一般茶餐廳偏貴... 係個蛋比較出名但最唔滿意嘅係 未食完 個職員無問過你 就想收走我哋啲嘢🙄快手到...間餐廳又唔算多人所以係唔滿意嘅😕

呢餐Lunch自己食咗九十幾蚊，結果中伏🥵位於九龍城嘅呢間荼記，見賣點有幾種懷舊食品，其中今日食嘅嘢...食後感覺👇🏻煎兩面蛋，第一口食落已經覺得隻蛋係好似早前煎定果D，當然亦唔係脆邊，疍王更加係九成熟，即係唔會有蛋黃汁溜出餐廳廣告強調义燒係用炭火燒出，但食落感覺一D蜜味都冇，仲有感覺似隔夜餐廳𥚃面嘅廣告仲為呢個飯加上黯然銷魂嘅字句，食後真係感覺嬲到暈至真义燒嘅水準連一般街市燒臘檔嘅出品都不及比錢嘅時候真係有少少覺得入咗間

一個月要食一次，唔食好似會身痕，不過今日食炒蛋好似熟咗啲，可能我鍾意食生少少滑少少，但我都會堅持食，因為暫時未搵到好食過呢度嘅炒蛋。 題外話 老闆真係好靚仔，仲親自執枱，冇架子serve客。 要俾like你😍

一個人喺屋企溫完書出來食個下午茶，就揀咗呢間離家企最近嘅茶餐廳。喺第一次過來呢度食下午餐。點咗一個法蘭西多士，炸得幾金黃色嘅i，但是中間喺冇花生醬嘅，只有牛油同埋糖漿，同其他茶餐廳嘅有少少不同，我覺得仲喺有花生醬嘅更加好食。凍奶茶算OK嘅。

遠征黎到鼎鼎大名既聯發🙇🏻‍♀️充滿期待～食飯時間人頭湧湧 好彩吾洗等好耐就入得了！由於對雞蛋吾係特別鍾情 所以只叫左兩個叉燒飯😬炭火叉燒炒蛋飯 - $78 野飲另計...一黎到好失望 叉燒望落去比較鞋 食入口比想像中更差 食吾出有炭火味 叉燒黎講仲差過大x樂～炒蛋...好普通 味道偏淡亦吾夠滑身😫😫一條菜心 ...有喳總結*性價比低的人氣店～完全冇一樣野想再食.. 喳既價錢絕對可以食到高質好多既燒味飯！極失望！絕對絕對冇下次。

聯發茶餐廳係九龍城人氣蛋店，每枱都會見到厚厚嘅蛋治.🍛漩渦蛋包西炒飯 hkd78🥪芝士蛋三文治烘底 hkd25.賣相的確吸引多士嘅蛋係好厚身又juicy嘅蛋唔會炒到太老，加左芝士溶晒落去，增加鹹香一邊食一邊流d蛋汁😋包包唔會太薄 烘底亦都夠脆身三文治算幾好食ge不過都偏貴.而炒飯好似幾靚咁，但食落就相對令人失望，蛋味唔香，炒飯仲有些燶底tim！成碟飯都好普通，食食下都要加d辣椒油提升一下風味先食得晒...overall 食物質素普通，個人覺得唔係太抵食。另外店內環境空間都比較窄，店員都忙到甩碌.好食指數: 6.5/10性價比: 5/10

每次出沒九龍城覓食的時候，如沒有特別想吃的料理，都會走進聯發茶餐廳。這次又來到了聯發，喜歡它幾乎每個餐點都會有蛋的元素，這亦正正是他們的招牌賣點。【原個番茄鮮牛肉炒蛋飯 $68】這次點了番茄蛋飯，是我的Comfort Food之一。在外每逢吃到番茄炒蛋，都會暗地裡與媽媽烹調的相比。這裡事先脫掉番茄皮，再放在炒熱的茄醬上，原個番茄會有點涼，但跟飯拌勻後會好很多。牛肉份量充足，炒蛋的份量也大概有一隻半至兩隻，而且煮得相當滑溜不會水汪汪，配上酸甜的番茄醬，很快就能把這碟開胃菜都送進肚子裡。這個價位能夠吃到足料的碟頭飯非常滿意！