老闆娘雲南米線

營業中

休息中

今日專登帶個移民咗去星加坡嘅朋友去試老闆娘米線！今日幾好彩可能早去大約六點幾唔使點排隊走嘅時候七點幾大排長龍🙋🏻個湯底一流，佢揀咗蒙古湯底，我揀咗麻辣湯底 （佢話想臨上機之前打包個湯底返去新加坡😂）一路被喻為被炸物耽誤嘅米線，炸物果然冇得頂，特別推介佢個炸雞同埋魚肉風鈴卷😋😋 服務方面除咗比較繁忙之外，但個個禮貌都好好唔係傳聞中嘅態度惡劣🫣 每日都會有佢自己煲嘅茶賣，今日試咗佢個羅漢果茶值得一試 味道清甜！價格雖然係略貴兩個人食咗240幾蚊！但係的的確確係食咗一個有質量嘅米線🤭🤭

在平日晚上排咗一個鐘ge 米線！鋪外已經有拉帶柱圍咗畀人排但就唔算好辛苦因為冷氣風扇好強勁🌬️🌬️🌬️排隊嗰陣職員已經派定筆同紙寫定食咩咁我計過時等咗一個鐘就入得去食嘢飲喺門口就揀定花茶$18 汽水$7坐低都等咗一陣先上嘢食叫咗蟲草花薑酒湯米線配豬潤$56我自己覺得好好食 足料 豬潤熟到剛好 食落口喉好舒服薑酒味出 湯我都飲哂咁滯飲完就覺得好補身🤣🤣🤣另外嗌咗酸辣鮮牛肉米線搭多個雙拼招牌酥炸雞球拼反斗蝦膠豆卜3樣加埋$82哩碗我無食比唔到comment但個炸物真係勁好食😳😳新鮮炸得黎入面仲juicy 同滑同埋d 味唔係死咸又唔會油淋淋👍👍👍👍👍🥺希望下次嚟唔洗排咁耐😣🏠老闆娘雲南米線 (荃灣)荃灣曹公街8號香車街熟食中心3樓28-29號舖

荃灣人氣街市熟食中心米線 最近竟然冇咩人排隊 記得之前大排長龍 路過帶朋友去試試佢哋.單餸$54碗 加一個餸$14 先落單後入座.朋友唔太食得辣 竟然選擇咗清湯🤦🏻‍♀️識食一定係點啊麻酸湯 叫bb辣岩岩好湯底有大量肉碎 酸菜 小小辣 麻味越飲越重 幾惹味.今次選擇咗⭐️酸菜辣牛腩👌🏻唔太辣 肉質軟腍最鍾意係佢哋⭐️招牌酥炸雞球👍🏻勁大粒 外層酥脆 咬開中間都Juicy 有肉汁👍🏻一碟四嚿計一個餸 只係$14 抵食⭐️吉列豬扒🤔豬扒都幾薄 👌🏻外層炸得脆 👌🏻肉質鬆軟.飲品方面 佢哋有樽裝果茶 聽店員講係即日製作⭐️李乾蘋果茶$18勁中式蘋果水feel 有滋潤感覺⭐️山楂楊梅茶$18 呢支比較酸酸甜甜好開胃.叫吓叫吓呢餐一啲都唔平 加餸加飲品人均接近$100 抵唔抵就見仁見智啦.#hkfunfoodrecord窮遊香港#hkfunfoodrecord_荃灣.#老闆娘雲南米線 (荃灣)地址：荃灣曹公街8號香車街熟食中心3樓28-29號舖.⭐️評分：味道：4.5/5環境：3.2/5 小迫 但冷氣唔錯服務：3/5 抵食：3/5 叫吓叫吓都幾貴..#飲食 #美食 #hk #香港 #food #hkfood

講到米線,最鍾意都係荃灣老闆娘,先講湯底,香辣得來非常惹味，亦都好濃味😋食米線之餘，忍唔住飲埋啲湯,雖然佢平時好多人排隊，但係每次大概半個鐘都可以入去，今次就趁佢開嘅時候五點就過咗嚟直入,值得睇嘅係佢嘅炸物非常好食香脆得來唔會油膩仲好特別添。

首先食飯時間你要排隊1個小時以上，排隊的時間要填好落單紙！入座後再等多半個小時，一定要有恆心🙈店面平實無華，冷氣十足！實在太多人，試食一次好了！大部分食客都是點酸辣湯底，但蟲草花薑酒湯同樣出色，大家可以一試！🌸蟲草花薑酒湯加豬膶（$56）🌸分量非常之大，紅棗飄蕩在湯中，湯色澤呈透澈的橙黃色！老闆娘果然落重本，非常多蟲草花，清香爽口！蟲草花功效補肺、益腎、健脾，增強免疫力等！幽香的酒遇上薑的加持，醉中帶辣，入口暖笠笠，令人迷醉！豬膶煮得剛剛好，粉嫩粉嫩的，入口爽脆無腥味！米線煮得有口感！整體而言非要高水準！

係有啲情意結每次過到嚟愉景新城南豐紗廠呢一邊都會想去老闆娘米線度食估唔到呢一晚星期五八點半後鐘先嚟到都超級長龍！！！真係耐性嘅考驗 但冇辦法因為太想食嘅關係所以都照排咗接近一個鐘價錢都好似比以前貴咗好多，而家每加多一個餸就要加$14 不過佢湯底真係好多選擇 每次都好掙扎要揀食邊一個湯好 同埋佢個蟲草湯底都記得好出色呢但係揀餸都一定會揀佢嘅招牌酥炸雞球今次掙扎要佢個魚肉腐皮卷定係魚肉響鈴好耐 不過好彩朋友要咗魚肉腐皮卷，我自己就要咗魚肉響鈴了 我本身係一個怕食炸物嘅人，但係嚟到呢度都無法抗拒了招牌酥炸雞球依舊咁出色太大嚿！！肉汁滿滿厚肉！調味又唔會過重剛剛好魚肉腐皮卷同魚肉響鈴呢兩個比較起嚟響鈴因為有啲太脆 食完會感覺好熱氣😂魚肉腐皮卷會比較容易入口多啲同埋我鍾意佢呢度嘅魚肉味道 唔太喜歡果皮嘅人都可以放心食呢今次碗米線揀咗麻辣胡椒湯-小辣 個湯底超麻 條脷都俾佢麻痹埋🤣 但略嫌個湯淨係得個麻味 勝在份量取勝 食完真係超飽啊

喺荃灣呢一間隱藏米線，我覺得係全香港最好食。佢主打有好多唔同嘅炸野，同埋米線嘅味道真係校得啱啱好，習慣叫佢BB 辣。 不過要注意，佢真係好多人排隊，好多時候一排做過幾鐘，如果夏天排隊嘅話都真係幾辛苦。

久仰老闆娘米線大名，係平日夜晚8點多到見人龍唔係好長就排隊試試佢。早前已經聽過朋友講呢間舖頭即使入邊有位都唔會逐個逐個帶位入座，會係一批人走咗，一批人入座咁。我地排隊嗰時前面大概有10個人，見有幾檯人走咗，我地都慢慢行前，大約用半小時就坐低。Staff會係你排隊嗰時俾定紙仔你揀嘢食，米線黎講餸嘅選擇真係好豐富🤩而且係其他米線舖頭少見嘅；我地揀咗5個餸配兩碗米線，加兩支本地製作嘅飲品，飲品價錢偏高，雖然係真材實料但味道唔夠，可能飲開吖媽煲嗰啲太好飲😂又等咗大約20分鐘先有餸黎，送黎先發現全部都係炸嘢🤣🤣唔放湯都算細心嘅先黎嘅係吉列豬排同反斗蝦膠豆卜-豬排外皮炸得脆，入邊肉質都唔會炸得過老，係米線餸黎講算高水準-反斗蝦膠豆卜都好脆，炸得幾香，但冇乜蝦味再黎係招牌酥炸雞球同魚肉腐皮卷-雞球炸得唔錯👍🏻肉質彈牙，仲保留到肉質，的確可以作為招牌-魚肉腐皮卷表現就大失所望😞本身好鍾意食腐皮卷，但個魚肉好似唔新鮮有陣粟味😢份量咁少我地都剩咗一半😔等到啲炸物食到一半先上到兩碗米線第一碗係蒙古湯（BB辣）湯底開頭覺得一般，米線就幾爽口彈牙嘅，會好食過連鎖米線餐廳；而個湯底食食下都慣左（草原）陣味😂不知不

呢間以前被譽為隱世好食嘅米線，相信而家已經唔再隱世，已經變成長期排隊嘅米線店。當日六點未夠去到排隊，等咗10分鐘就已經可以入去食。呢間米線舖比較特別嘅係店員好有系統咁樣安排入座，點好晒餐之後佢亦都會順序上餐。點咗呢度出名嘅唔同炸物，店員好好佢都會分碟上，唔會放到湯裏面浸到淋晒。鯪魚球彈牙出色。春卷大份，裏面嘅餡係用唔同嘅茹做，比較特別。雞球一份三粒，每粒都係比出邊嘅日式雞球更大，但味道普通。至於炸豬扒就比較薄同埋乾身，建議試其他炸物更好。至於米線嘅湯底一個嗌咗小辣，另一個嗌咗中辣，顏色上見到有明顯嘅分別。湯底嘅味道有少少似連鎖店雲貴香嘅味道，未算係太特別。

呢間鋪都係米線群組入面響曬名堂預左都要排一段時間雖然佢係荃灣， 但佢位置係比較唔近地鐵站要花d 時間行過去今日平日， 相對冇咁多人等都等左15分鐘有多排隊位置冇冷氣的如果夏天大熱天時黎既話自己都要準備d 風扇仔涼住咁等好d 入座叫左一款麻辣, 朋友叫左個黃酒之類既湯底佢呢到炸物都出名叫左炸腐皮卷同雞球兩者都好食， 唔淋油， 乾身米線既味道有層次， 唔會死固固湯入面既腩肉都有滷既味道， 唔會太肥overall 係好食既米線不過如果夏天大熱天時就未必想黎等

世一米線老闆娘米線難得平日夜晚去開愉景新城，又好耐未試過堂食老闆娘，難得見唔算好多人，等左10分鐘都唔算就有位坐❤️ 不過有位坐都唔代表即刻有得食，因為老闆娘每碗米線都係即叫即整，要啲時間先整好，所以都等左成20至30分鐘先有得食。我地分別叫左🍲麻酸辣米線+酥炸雞球麻酸辣湯底一向配料豐富，有肉碎、芽菜、韭菜、酸菜、蔥。米線口感彈牙又吸湯，我叫Bb辣，起初第一啖都冇咩麻味，心諗唔通今日輕手左，點知愈食就愈麻，後勁凌厲。而酥炸雞球有4粒，分量十足，外脆內Juice，炸雞一流。果然老闆娘係唔會令我失望。🥰🍲麻酸辣米線+牛腩而中辣的麻酸辣湯底味道有層次，第一啖就已經食到濃濃的麻味，令你舌頭麻痹。但同時酸和辣都平衡得好好，唔會俾麻味搶晒味😋 不過今次叫牛腩比起雞球就失色不少，雖然同湯底都好夾，但冇其他的牛腩店好食。🥤山楂楊梅茶今次仲叫左枝山楂楊梅茶，老闆娘話呢個係每日香港新鮮製作，成份天然。入口酸酸甜甜，好開胃，可以中和一下米線的麻辣嘅感覺。但分量較少，好快飲完，性價比低。

Tucked away in the vibrant Heung Che Street Market Cooked Food Centre in Tsuen Wan, Proprietress Yunnan Rice Noodles​ stands as a beacon for rice noodle enthusiasts in Hong Kong. The evening-exclusive establishment, however, comes with its challenges—the made-to-order policy coupled with the surge in patrons forms queues that snake around the entrance. The aroma of robust soup bases and the sizzle of exceptional fried items, though, make it worth the wait.Spicy and Sour MixianEmbarking on our cu

呢間米線一直都想試好耐, 今日去開荃灣即管去試試我點了碗酸辣米線，少辣的，酸味和辣味相互融合，刺激味蕾，湯底濃郁，配料有肉碎、芽菜、米線既軟爽口感與湯汁調和，令呢碗湯米線口感豐富，令人食後感到滿足又滿意。呢度既炸物好出色，我點咗呢度既招牌酥炸雞球同酸菜辣牛腩。酥炸雞球外層炸得金黃酥脆，內裡仲鮮嫩多汁，口中留低微微既油脂香氣，令人回味無窮。酸菜辣牛腩肉質軟嫩多汁，酸菜既酸同牛腩既辣味互相融合， 味道恰到好處。

聞名不如見面，終於一試！炸物比米線出色！椒鹽雞翼比炸雞球更正，更惹味呢！大推！！！！可惜今次飽肚去食每人叫一餸都飽可以再試🆗不過我更愛天水圍麗江米線❣️所以又未至於覺得是「米線天花板」😅🥹然而呢間老闆娘嘅米線質地較硬，老公食晒成碗都可以👍🏻👍🏻👍🏻👍🏻碗米線仲要大大碗😳😳😳😳佢食譚仔太滑潺潺嗰啲會嘔🤮堅嘔咗🤦🏻‍♀️🤦🏻‍♀️去開荃灣可以考慮♥️♥️如果再經過，相信我會再試：）

利申我個人對有湯的粉麵一向麻麻哋，不過男朋友說好想吃就唯有陪佢排隊一次🙈排了大約半個多小時，等食物大概又等了20分鐘，個人覺得真的不值得去排🤣🤣不管是天寒地凍，還是大熱天時，在街市站著等真的有點不舒服。餐廳有點微妙，先上了炸豬扒，然後再等10分鐘左右才有米線。所以我應該先把炸豬扒吃完再齋食米線，還是等到米線來了才吃不夠脆的豬扒好呢？米線就是一碗普通的米線啦🤣🤣加上我又不吃麻辣和酸辣之類，叫清湯就是超普通了🤣炸豬扒是大塊夠酥脆的，是那種打到較薄的港式炸豬扒。港女想點沙律醬吃🥺平心而論，這個價錢算抵食，不過時間就是金錢呢～