老鍋台式火鍋 (金馬倫道) (已結業)

因為人多，坐在係室外，爆熱呀！食火煱已經夠熱，雖然已經有風扇冷風，但完全係感受唔到有風！叫咗兩種湯底，小麻辣同美人鍋！好正平時唔食辣都覺得好野味!D丸好有特色，又彈牙！不過真係太熱嘅關係，d生肉放耐咗有D變色

香港既台式火鍋多不勝數，但真正有台灣味道既火鍋，老鍋應該係我試過既首選！呢到價錢唔平，但味道好正宗，同三個朋友黎呢到食，個個都話！嘩 好台灣味道。點一個麻辣鴛鴦湯底，麻辣個邊有鴨血、水豆腐等等，而另一邊係豚肉白湯！兩個湯底既配料令到你有飽肚感，而且好好食麻辣非常之香，唔算好辣麻道適中！金鍋又點少得肥牛，肥牛貴精不貴多，質素好高，煮得耐都唔會好乾硬，而且濃牛香味！唔講唔知原來所有丸類同餃子都係自家手工製，心機值得一讚！值得一提既食加湯方面，係加返湯底既湯比你，而唔係清湯，呢d就係所謂既高質火鍋！！！

餐廳有好多中國風嘅雕花屏風分隔每張枱 形成好多嘅小空間設計唔錯 適合朋友聚會雪中紅(壺) $78雪梨紅蘿蔔都係清潤食材難得係自家製確係打邊爐消暑下火必備飲品酸菜白肉鍋 $128台灣風味好重 岀面少食到酸味適中 可以帶出其他食材嘅味道另外白肉用酒醃過 除咗配菜嘅角色之外 仲可以食埋 非常唔錯芝士牛肉丸 $42呢度嘅肉丸都係手打 牛肉鮮嫩包住香滑嘅芝士 食嗰時候要小心唔係芝士就會辣親個咀鵝肝墨魚丸 $48鵝肝同墨魚丸 呢兩個配搭非常之新鮮鵝肝發揮左好似鹹蛋黃嘅作用令墨魚丸增添油香肉丸煮熟之後 鵝肝膻味道淡左啲 有啲可惜精選美國安格斯牛肩胛 $188牛肩胛肉質比較有咬口亦換來較濃嘅牛肉味鍾意食牛味重嘅朋友 一定要試試鮮炸響鈴 $68響鈴可以作為呢間餐廳嘅主打原因好簡單 就係即製 夠熱夠脆放喺湯入面 浸一下即刻拎上黎食食到香脆之餘 又食到湯汁味道 正

老鍋主打台式火鍋 店面企理有格調用餐環境非常舒適湯底揀咗酸菜白肉鍋 清得黎湯底又有特色 幾正！而且湯鍋入邊仲有薯粉吸晒湯汁非常好食鵝肝墨魚丸(半份) $48 芝士牛肉丸 (半份) $42鵝肝增添左墨魚丸嘅鮮味 而且非常有創意 芝士牛丸亦都非常美味芝士好香濃突出 份外惹味鮮炸響鈴 $68即點即炸 新鮮滾熱辣真係非常香脆可口！出邊好多聲稱係鮮炸都係淋既所以真係值得一讚！CAB 安格斯牛小排 $218口感非常鬆化 肉味香濃！肉質新鮮嫩滑 而且食得非常薄滾一滾就可以即刻食喇 真係好回味打邊爐打到熱熱地飲番個雪中紅就可以清下熱氣啦除了有雪梨同埋胡蘿蔔煲成 清潤而且味道好甜

港式火鍋？我哋成日食㗎啦！咁日式火鍋呢？無啲新意！既然港式同日式都滿足唔到A姐，咁今日就帶佢去試台式火鍋啦！其實香港想食台式火鍋嘅選擇唔多，身為邊爐控嘅我哋就推介尖沙咀嘅老鍋台式火鍋啦。鴛鴦鍋（酸菜白肉鍋+麻辣鍋）啱啱入口嘅麻辣湯底唔算好辣，不過，其實入面有指天椒、花椒、八角等多款香料，所以越食越出味，辣道越嚟越強，好過癮呀！而身為台式火鍋又點可以無鴨血呢？！所以湯底已經附有鴨血同凍豆腐，好入味㗎！至於酸菜白肉鍋就啱晒鍾意酸嘢嘅A姐喇，入面除咗有極多酸菜之外，仲有豬王五花腩，半肥瘦嘅腩肉好爽口呀。而隨湯仲有索晒味嘅寬粉條，好滑又煙韌。梅菜豬肉丸手打丸係我哋每次打邊爐嘅必點項目，因為手打關係夠晒新鮮彈牙。今次我哋就點咗梅菜豬肉丸，梅菜同豬肉比例啱啱好，除咗新鮮彈牙，口感仲非常豐富。自家製極品水餃呢度嘅餃類唔係嚟自碼頭，係自家製㗎，每日新鮮製造，賣晒就無。漲卜卜嘅餃子，望見都知足料，餃入面嘅半肥瘦豬肉，再加埋唔同配料，食落唔膩，仲有好香嘅肉味，好惹味㗎。極品黑王豬梅肉今晚嘅肉類選擇就係黑王豬梅肉，新鮮就不在話下，最重要係肉味超濃！肥瘦程度perfect match！

星期六晚同男朋友出街，佢話book左位食好野。神神祕祕黎到金馬倫道，見到大廈門口隔離嘅廣告牌先知原來打邊爐，係我想試左好耐嘅老鍋台式火鍋店。之前同朋友想試，可惜walk in要等上個幾兩個鐘，男朋友話佢都早左一個星期book定枱，果然大受歡迎。老鍋嘅裝修走中國風，十分古色古香，私癮度亦都唔錯。第一次黎當然要試下佢不同嘅湯底，叫左一個鴛鴦鍋($198)，揀左麻辣同美人鍋湯底。麻辣鍋只係點左小辣，打算淺嚐，試完如果覺得唔夠辣都可以叫店員再加辣。美人鍋有桃膠、烏雞、杞子、淮山等等滋補食材，齊齊養顏。湯滾起之後梗係第一時間飲一啖試下味，美人鍋味道濃郁，食得出材料十足。食物方面選擇不少，什至有台式小食。得兩個人食都忍唔住點左七款食物，估唔到樣樣都大大碟大大盆，好彩最後只係食剩少少野。如果同一大班朋友黎，就可以試多啲唔同野食。飲品方面比一般火鍋店有更多選擇，單係啤酒都有六款。最後我地揀左沖繩黑糖烏梅汁($78/壺)，份量亦都係比一般嘅多，酸酸甜甜，生津解渴。就算唔叫野飲，店舖亦提供香片茶。重點推介，鮮炸響鈴($68)確實十分新鮮，上枱嘅時候大大盆，仲係熱辣辣，好明顯係剛剛炸好。忍唔住即刻浸左落麻辣

香港人鐘意食火鍋呢個係人都知啦，不論任何季節都唔會小咗火鍋一份，所以我亦久唔久就會同朋友一齊食火鍋。而香港嘅火鍋店真係選擇非常之多，台式、日式、川式應有盡有。最近我就係尖沙咀食咗一間台式火鍋真心值得推介，除咗火鍋夠地道，佢哋嘅配料、小食，亦好有台灣風味，而且唔少食材都來自台灣之外，小食亦跟足台式做法，食落真係幾有寶島風味！下次我一定會同屋企人再食😍火鍋店內裝潢都好有古色古香感覺，而且位置間都有屏風，令私隱度大增。食火鍋當然先點湯底啦，而我哋就揀了美人鍋+麻辣鍋，真係有辣有唔辣任均選擇。美人鍋材料有烏雞、桃膠、杞子、玉竹等材料熬製，既足料亦含有豐富膠原蛋白，夠晒滋補，湯底相當清甜。麻辣鍋如果唔食得辣嘅朋友可以揀細辣，材料有台式豆瓣醬、辣椒、草果等香料煮成，非常惹味。而且內裡加入鴨血、凍豆腐，非常之正。鮮炸嚮鈴嚮鈴真係即叫即炸，而且上枱果陣仲感受到佢嘅溫暖。食炸嚮鈴最緊要就係酥脆，而佢呢個嚮鈴就做到啦，夾起時只需加埋0.03秒浸上湯汁真係非常好食。湯汁唔會影響到嚮鈴嘅脆身，但味道卻加了湯底味道精華。鮮鴨胸片配酸汁必食推介！平時食火鍋最多就係食牛肉，頂盡會食埋豚肉、羊肉，但今次鮮鴨胸片真係一

台式火鍋第一次係香港食一入到去餐廳，裝飾別有一番風味餐廳內裝修以木為主題，所有檯櫈，就連屏風都係用木造鴛鴦湯底極之好味，未開始放邊爐料，我地每人都飲左碗呢度嘅響鈴新鮮製造，好味到爆啊我哋仲叫咗一份蔬菜拼盤，看似簡單，粟米很鮮甜，同湯底味道十分夾不得不提羊肉, 完全唔so要比多幾個likes

近日天氣變化好大，一時太陽一時落雨，同事們都好耐不攪活動，今天有同事提議去食火鍋，因為佢本來訂左枱同朋友食，但朋友突然有事去不到，佢話尼間火鍋店平時好難有位，要提早預訂，因為D野好食吾在講，招呼重好好，是在尖沙咀的老鍋台式火鍋，大家都同意，放工一起去老鍋！古色古香的裝修，令人有懷舊的感覺。混醬的一角酸菜白肉鍋：材料豐富，有經過醃製的大白菜、腩肉片、蕃茄、寬粉條。湯味帶酸，十分醒胃。極品西班牙黑毛豬梅肉：薄切的梅肉只需放湯灼一灼就食得，肉味鮮，有口感不鞋口！蝦丸：爽口彈牙，味鮮！鮮響鈴：即叫即炸，上枱時還是熱的，豆味香濃，卜卜脆很好味，又可以灼一灼，和湯一起食，又是另一種味道，一籃有10條，真的好底食。

比較其他在香港的台式火鍋店，例如馬辣，更加地道。地道的程度係醬料居然有醋。雖然食物價錢一d都唔地道（應該係台灣1.5至2倍左右），但如果餓左好耐麻辣火鍋都可以去食下。星期三晚餐時段叫左普通野加少量海鮮啤酒，平均一個人三百幾，食晒野有雪條送，但唔係太吸引。肉類同海鮮都算新鮮，叫菜或者面的話會有個西比你，烚完唔洗慢慢搵。

因為真係好鍾意打邊爐，所以不斷發掘新既地點打啊打！聽人講台式邊爐係特别d既，所以就試下呢間曾經上過openrice介紹既老鍋。一入到黎就被裝修吸引住，女朋友仲話要影影影。女人真係。。。呢度有分二人四人，再多d人既會有房青色既碗碟更古雅。朋友好喜歡。先去自助添醬油蒜泥汁好特別，甜甜地幾開胃先黎個小食 滷牛腱滷水汁偏甜，牛腱軟嫩，滷水汁滲透每一個位置，連筋都好霖好入味，暖住咁食真係大推介叫左雙拼既養生鍋同美人鍋呢邊係養生鍋 有好多小人參仲有條白色既大人參入面有鴨血同千層豆腐美人鍋真係有半隻烏雞仲有大大舊桃膠叫左花蛤都有近三十隻 隻隻鮮甜鵝肝墨丸墨丸彈牙，有粒粒墨魚，有一少缺鵝肝係入面，覺得就咁既墨丸都已經夠好餓鴨片餐廳既推介，有汁配，用養生湯底滾滾會更出味唔係叫左好多，但朋友已經飽所以未有緣試多幾樣。雖然價錢唔平民，不過以地理位置，環境黎講可以一試

成班人打邊爐最開心莫過於吹水啤啤佢開心下，今次我地好人齊，所以口水一定多過啲湯啊。打邊爐中式日式台式樣樣我都岩，今次朋友就揀左台式，依間老鍋口碑都吾錯！之前仲比tvb報導過，當時我已經想會一會佢啦，今次gathering，就有依個契機啦！湯底我地揀左鴛鴦鍋，除左麻辣個邊仲有美人鍋，入面有桃膠架。麻辣湯底初初食辣度吾太出，之後加左麻辣鴨血個啲汁落去就辣左啲，好過癮！加上本人真係勁鐘意食鴨血，食台式火鍋真係過足癮~火鍋配料我地都揀左啲牛豬羊，依度仲連鴨片都有，肉類泥講我就鐘意牛肋肉多啲，擺碟都幾靚，好有心機！估吾到山藥打邊爐都幾正，食落粉粉地甘，又幾健康。我地仲叫左A菜，味道似皇帝菜，但外型就吾似，我就比較傾向A菜既口感多啲。肉丸本身以為會平平無奇，但我又出奇地鐘意個豬肉丸！同埋佢地既丸係手打所以都高質啲！好搞笑係佢地既有炸午餐肉同炸芋頭，好特別，仲帶點邪惡！啤酒入面我覺得佢地既烏梅啤都值得一試本身麻麻地梅既我都驚佢梅味好重會酸，但飲落只有淡淡既梅味，仲甜甜地，好岩女仔飲！佢地vip或生日顧客仲可以訂蛋糕添，玫瑰花樣架，好靚！

擁有自己嘅家之後，近年的確少咗出街打邊爐，但我嘅蝸居容不下十個人嘅火鍋局，所以朋友們都係決定找家有特色嘅火鍋店怒食一番，乾手淨腳。今次由識飲識食嘅好友發板，去咗好近尖沙咀地鐵站嘅老鍋台式火鍋。餐廳位於商廈內，雖然沒有華麗嘅大堂，但走進餐廳內卻充滿咗中式古典氣息，大部分嘅餐枱用上了酸枝花梨木嘅屏風間隔，加強咗枱與枱之間嘅私隱度。我們首先點咗幾個小食醫肚，分別係招牌鹵水拼盤（有金錢肚、牛腱丶大腸）丶阿斯瑪茄子、秘製無骨鳳爪。幾個小食都好吃，特別係我一向鐘意嘅鹵水，夠入味，而茄子亦見餐廳嘅心思，加入咗三色椒粒增加色彩，下次嚟真係要試埋清燉牛腩件同鹽酥雞。等齊大部份人，終於入正題打邊爐。餐廳用嘅銅鍋本身都幾有特色，對我來說係老北京涮羊肉鍋嘅款式，唯一注意係小心被那中間嘅煙囪燙到手。人多打邊爐最好就係可以試到好多嘢食，連四個特色鍋底都比我哋一次過以鴛鴦鍋形式試哂。Yeah! 對我來說，台式火鍋個麻辣鍋底一定要得！這裡嘅不單夠香、夠麻、味道亦夠複雜，最impress我係加入咗原粒嘅龍眼肉，湯底裡嘅鴨血同凍豆腐吸收咗湯的精華更是不在話下，一眾好辣嘅都爭相揀坐近麻辣鍋嘅靚位。另一推介鍋底係美人鍋，雖然

同一大班朋友出去食飯，打邊爐就係最正最唔使煩，又可以叫到成枱都係餸，感覺亦特別熱鬧﹗今次我同十個八個朋友仔嚟呢度食台式火鍋，麻辣湯底走唔甩架啦﹗另外再配搭咗個「美人鍋」，用上桃膠、烏雞、杞子、南棗及金華火腿肴製，聽講好養顏。大家都幾餓吓，所以個鍋未嚟之前，我地叫咗個招牌卥水拼盤咬住先。拼盤包含牛腱、牛肚、牛筋腩及豬大腸，都幾入味。麻辣鍋加咗鴨血同凍豆腐，可以揀大中小3種辣度，我地揀咗小辣，開頭覺得無乜辣味，不過後尾滾耐咗啲味愈食愈出，正呀﹗個美人鍋其實幾清甜，對比起麻辣鍋就會覺得幾淡吓。打邊爐有兩樣嘢係唔少得嘅，一樣係牛肉，另一樣係響鈴﹗呢度啲牛肉除咗好食之外，擺碟都幾有心思。響鈴係鮮炸嘅，相當脆口﹗嚟得食台式火鍋，梗係要食鴨血啦，事關香港地唔太多地方有鴨血食。呢度嘅鴨血有波波紋，好攪笑，口感Q彈爽滑，超愛﹗呢度啲丸類同餃類都唔錯喎﹗芝士牛肉丸、梅菜豬肉丸、鵝肝墨魚丸、黑松露蝦丸、自家鮮製水餃同鮮蝦雲吞等等都幾好味。最後我地仲叫咗碟炸午餐肉。午餐肉真係熱架，唔係一早炸定，就咁食都好正﹗

一班人聚餐，最忌有人唔食得辣，所以黎煲一紅一白，學掌門人話濟，今舖打和～紅既係麻辣，揀左小辣，食到後期Ｄ味開始煲出黎就知味道，因為起初包括唔太點食得辣既朋友都認為呢煲野係唔辣。個人而言呢種麻辣比較健康，因為知道無乜添加，食得比較安心。白既就係美人鍋，無辣不歡表示食菜先第一次食果邊，無得評論。等水滾既時候ｄ料都開始送上黎，先主講炸物類：響鈴同老油條。即炸響鈴無任何臭油味，索汁一流，三秒起筷。而老油條會係比較小見既選項，需要ｄ時間煲到佢索汁，索完之後仲會食到油炸鬼既口感，比較特別既一樣。而隔離既黑柏葉南瓜片就係今集配角黎啦。跟住講下丸同餃類。手打丸類比較出眾，打邊爐流流長好難全部野食特登去影，有影到以上幾款作參考。其中最為特色既有兩種，一隻係梅菜豬肉丸，另一款就相中既芝士牛肉丸。呢款食落有小小食緊burger咁，因為芝士係入面流出黎既關係，食既時候小心。丸類總共前前後後encore試左都４，５款，全部都好彈牙。而魚皮餃，我得個影字...反而自家餃子質素甚至比出面餃子舖好，特別係個韭菜餃，我覺得必點。蜆類呢期當造，唔洗點評論啦。自己唔識揀蜆落街市求其買都鮮到爆，更何況係餐廳。反而肉類個人喜好