老掌櫃東北菜館 (海之戀商場)

營業中

休息中

因為疫情關係,我同朋友早早四點幾走入去食埋午市套餐當晚餐。首先,企係門口係無人得閒理,叫我地探熱,但部野又唔多work。入到去叫完野食,啲野食黎啦,但佢比少到飲管,佢話會比番我,點知一黎到佢將飲管放係我手機上面,我當堂呆左,因為我打算用手接。之後啲刀削面黎到啦。個位男職員係放係隔離枱就走左去,我見到個下又呆左。我之前同朋友係去過大角咀新鋪食過,啲野係真心好好食,而呢間既刀削麵又無麵味,我叫酸辣湯,但係完全唔入味。係個雲耳稍為好少少,希望荃灣呢間分店可以保留大角咀既質素吧。

由於很喜歡食擔擔麵的關係，所以經常搵有得食擔擔麵的新店去嘗試，難得係荃灣海之戀新商場開了間新的東北菜式專門店，所以一於lunch就去試下。首先當然就叫左個排骨擔擔麵啦，湯底濃郁好有花生香味，而且辣度式中，因我平時食得大多數都偏辣，而我本身對辣一般，所以我幾喜歡個湯底。麵煮到剛剛好，軟硬適中，排骨味度都ok但乾左少少。另外亦叫了份水餃和加15蚊一份雞絲粉皮小食，價錢合理又親民，所以會再幫襯想試一吓個招牌片皮鴨。環境方面有露天坐位可望成個荃灣海旁，天氣好風景會幾靚，位置雖然正正就係donki food court的轉角位但不顯眼，所以不熟悉商場環境都要花時間搵一搵。

疫情日日過百，真係諗到都驚呀！😫想食好野都係叫外賣安心啲。同事話之前經過過呢間鋪，見好多人食，咁啱deliveroo 又見到有，就決定一齊叫lunch！我就叫咗個水煮魚菜飯，再加咗個雞絲粉皮，本身以為額外加雞絲粉皮$15，唔會好大兜。嘢食一到，咦又唔少喎！😮仲要好食！到戲肉，就係個水煮魚菜飯！先講個飯，覺得可以多啲菜，不過食水煮魚配菜飯非常夾，感覺上仲好似可以均衡飲食啲。😋至於個魚，開頭會擔心東北菜嘅水煮魚會唔會唔同，或者會唔會好辣，點知都好好味！味道唔會太辣，分量幾好，啲魚幾滑仲有少少薯粉！😻😻

禁堂食之前最後一餐堂食晚餐，我們到了荃灣海之戀商場的老掌櫃東北菜館。餐廳主打當然就是東北菜。晚市時間十分多人，我們看過menu，入座之後立即點菜。京燒羊肉羊肉身份量不算多，但肉質鮮嫩，脂肪比例剛剛好，羊肉味道很香又不會有很濃烈的“騷”味。外皮炸得金黃色很香脆，面頭加了一點孜然粉，配特制帶蒜味的醬料更惹味。秘制杭州骨樣子十分像糖醋排骨，味道也有點像。吃下去啖啖肉，肉質軟稔，面層的醬汁濃厚又味道甜甜的。份量十分之多，還有其他配菜如菠蘿，薯仔，洋蔥等等，十分抵食。東北酸菜餃餃子一碟有十粒，餡料就是豬肉和東北酸菜，粒粒餃子都很飽滿很大粒，皮很薄。少吃過酸菜餃的我們都覺得味道相當不錯。這次我們兩人沒有點飯麵也很飽。豆沙鍋餅甜品方面我們點了豆沙鍋餅，上枱熱辣辣的，豆沙份量很足，十分香脆。。。老掌櫃東北菜館 (海之戀商場)荃灣大河道100號海之戀商場2樓2006號舖。。

40幾蚊超超超值雙橋加海景午餐海之戀開左幾間新餐廳，絕大部分都有海景同室外部分，但大部分都系西餐，而且午餐都起碼70以上，今日哩間系所謂東北菜，所有午餐都只系40蚊左右，而且系即炒好味加大蝶，加埋有海景同雙橋海景，真系超超超值咖。12點幾去到只有幾台客人，我地選擇左梗係系室外啦！侍應很快遞上簡單的午餐紙，其實上面吾系太多東北菜，差不多香港人平時食的“簡單”中國菜都有，午餐選擇算系多。餐具系要自己拿，仲有個大碗同準備熱水比客人洗碗筷，哩個就真系幾中國啦，哈哈。等左10分鐘都未來，本來系吾多滿意，但菜上來系新鮮熱辣，吾系其他餐廳筆筆下，值得等。菠蘿咕咾肉（$47）5分-叫哩個菜因為容易同平時食開比較啊！真系好大份啊，食落D皮仲系脆，汁的“希傑”剛剛好，配菜的菠蘿辣椒同洋蔥都好多咖，味道亦比好多酒樓好。秘制杭州骨轉菜飯（$49）3分-叫哩個系因為好多食評都話好，所以一定要試，同樣好大蝶，肉系帶肥但不膩，秘制汁酸酸地，系值得推介。 扣分同個餸無關係，系因為個菜飯真系吾得，菜份量吾夠加埋無香味，哩個比大家X或者大快Y都差，要落多D功夫改善，吾系比個配角影響分數好吾值得。

去開荃灣海之戀商場間日本超市，買完野肚餓行出門口左拐，見到呢一間老掌櫃餐廳。食嘅嘢有酸酸甜甜，就心思思去試一試😍🥰我哋二人叫咗四個菜，第一度係水煮魚魚柳，分量十足啊！下面仲有菜，芽菜同少少透明粉舖底。略嫌唔夠辣，再辣啲仲滋味！😚酸辣土豆絲，又係分量十足，土豆絲爽口，酸度亦夠，同水煮魚一樣如果再辣少少仲好！不過都明白要做到一個大眾適合嘅口味好難🧐。回鍋肉就正，肉片半肥半瘦，加上帶鑊氣嘅椰菜，好正😍😍食落唔會成口油，味道濃郁。到今日嘅主角鍋巴肉，炸得夠香脆，豬肉夠薄片，個汁亦都做到同中國餐廳一樣，夠酸夠開胃💯😘連野飲，二人$364，個人認為性價比中上，畢竟味道同份量都係十分足夠，值得推介👍🏻

好耐無食中菜，特別係片皮鴨，我揀左呢間「老掌櫃東北菜館」，必食北京填鴨，份量夠又好味。環境寬敞，仲有室外位，望住海旁風景，好靚好舒服。必點北京填鴨，仲點左紅油抄手，排骨擔擔麵，最後仲有甜品高力豆沙，好豐富好滿足。北京填鴨（半隻）跟12塊餑餑皮 $168份量很足，片得幾平均，鴨皮油潤光澤好吸引。鴨肉嫩腍，唔會乾，連住少少脂肪好香，鴨皮好薄好脆身，入口好香唔算膩。加爽脆青瓜同提香京蔥，配搭填鴨醬料同鴨肉，用煙韌微回彈的餑餑皮包著食，味道岩岩好，口感豐富。紅油抄手 $48一份十隻好抵食，紅油唔會好辣，少少刺激，加上大量蒜蓉，蒜香十足好惹味，餡料幾多皮夠薄，口感很好。排骨擔擔麵 $52排骨肉質扎實微彈，微微炸過，香得來唔會好硬身，醃料調味也剛好。擔擔麵好正， 放耐左都唔會糊開，麵條順滑有麵香，加花生碎增加咬口，同肉碎一齊食特別香，微微辣好易接受，麻醬味唔會好重，食完唔膩。甜品高力豆沙 $24/2個即炸熱辣辣，自己沾砂糖，喜歡甜的我沾左好多砂糖，很香甜美味。口感輕盈似食空氣，但咬落有微微回彈，內餡有甜潤的細滑豆沙餡，好完美的一餐晚飯。

叫左兩次老掌櫃外賣，都無令我失望我一次叫水煮魚，一次叫水煮牛。好夠味亦都唔會一味得個辣字，底下仲會有娃娃菜同薯份，兩個伴菜都好夠味，送飯真係一流+2蚊仲可以轉菜飯，非常抵食

今日同朋友一路諗想食咩，一路行海之戀睇下有咩食，突然發現有北京填鴨，朋友話想食好耐，咁就去試試佢～見到裏面都好多人，本來以為要等好耐，但係個侍應問我哋坐唔坐出邊，咁我哋梗係坐啦，可以即時入去喎，仲要有海景睇，正👍🏾我地諗住豪食一餐，兩個人叫左半份北京填鴨，再加兩個餸，一個麪（食物係我地生存既動力😂）半份北京填鴨都幾大份，$168睇落好似有少少貴，但係份量大，性價比係ok，鴨幾大舊肉，加埋青瓜同蔥，甜醬包埋一齊，好啖啖肉得來，又幾爽口😋我鍾意食羊，特別揀左依個，有一層簿簿既皮，有少少孜然味，羊食落好香（唔係蘇味），食多幾舊有少少膩，但係好好食😋烤麩係我好鍾意食既，除左烤麩，甘筍同木耳都好好食，好入味，只係價錢貴左少少依個麪係網上推介，其實都覺得會好飽，不過都試埋啦（豪食嘛），一試就有驚喜，牛腩係超級超級淋，同埋好入味，湯底係好有牛腩味，麪質都好爽口，好抵好抵同埋好好食啊👍🏾👍🏾😋食完仲有優惠劵，下次會再來食😆

行完donki想搵野食？又見天氣開始凍，就會好想食辣野暖一暖胃？黎呢到就岩晒水煮魚（龍利柳）食中菜既辣野，當然要食水煮系列呢個水煮魚完全滿足到我既願望食水煮系列最重要就係佢個湯底，話湯底決定成敗都不為過而呢到既湯底就唔會話辣到你食野都冇晒味但係佢既辣度又岩岩好可以令你過足辣癮加上佢唔係得個死辣，而係辣得有層次，可以食得出佢用上左好多唔同既香料黎做出呢個湯底，高水準！而且入面仲有芽菜大白菜等等唔同既蔬菜仲有已經索晒湯汁既粉絲，簡直一絕而佢既魚係用上左魚柳黎做魚柳口感好滑好嫩用呢個水煮湯底煮過後除左食到佢既辣香仲可以同時食到魚柳既魚香回鍋肉另一樣講辣野一定會諗起既中菜一定係回鍋肉呢個回鍋肉醬汁調得唔錯辣中帶香，香中帶麻，又唔會過辣惹味既回鍋肉醬汁咸香有層次淨係呢一味已經可以送兩大碗飯！京式炸醬麵港式炸醬麵食得多，今次就食個正宗既京式炸醬麵呢到既炸醬簡直唔係譚X/X仔之流可以相比微辣既炸醬，滲有陣陣豆香而咸香既豬肉肥瘦比例岩岩好，食完都唔會覺得膩配埋新鮮爽口又夠晒ＦＲＥＳＨ既青瓜絲等蔬菜將成個口感同味道完美平衡返清炒萵筍呢到既萵筍口感脆嫩，清甜鮮美成餐都重口味，食返呢味清炒萵筍平衡返就ＰＥＲ

平時出去食飯，多數西餐、打邊爐居多😊 今次搞搞新意思位於海之戀2樓這間中菜館，以東北菜為主 ，價錢亦相當大眾化，免收加一👍餸菜種類多，老少咸宜😚中菜館設計比較西化，座位算闊落好坐😊 更設有少量戶外座位☺本來想叫北京填鴨，半分只係💰168, 非常之抵，但我們得兩個😑……下次🤷‍♀️今晚食咗很好送飯嘅醎香乾扁四季豆、惹味同辣味兼備既虎皮尖椒、啖啖肉好開胃糖醋里脊😋最後來一個即叫即整熱辣辣、甜絲絲高力豆沙😚

去海之戀行Donki，見到隔離有間東北菜館，睇到佢既menu好吸引，決定入去試一試。我地叫左北京填鴨(半隻)，酥炸小黃魚同四川擔擔麵。~~北京填鴨好抵食，$168有半隻。D皮燒得好脆，鴨肉好香。包埋d皮，加埋d蔥，青瓜一齊食，吾會太油膩，岩岩好。~~酥炸小黃魚一樣好抵食，$78有2條小黃魚。外皮炸到卜卜脆，魚肉好滑好香，好味到停吾到口。~~四川擔擔麵麵質好彈牙，吾會太硬同太淋，岩岩好。湯底好香花生味，加上少少辣，好好味。餐廳冇加一服務費，好正。餐廳環境都好好，有落地大玻璃，睇到無敵大海景。順帶一提，我地食到7點半左右，就開始多人，要等位，如果想食，記得book位啦。

沒有想過在香港也能吃到東北菜，「老掌櫃東北菜館」在我途經大角咀時已看到門外有很多人排隊，現在得知他們在荃灣海之戀商場開了分店，我訂好位就與朋友前來幫襯。「北京填鴨半隻$168」真心抵食，份量十足，他們是以肉的比較多於鴨皮，肉質嫩腍，不柴又不肥，啖啖肉，入口還有微微的果木炭火烤味。配上京醬、青瓜條、洋蔥條及京蔥用薄餅包起來，口感及層次更豐富，質素不錯。北京也出名餃子的，所以必點「肉三鮮」 餡料有豬肉、韭菜及蝦仁，粒粒餃子都很飽滿，咬開後有肉汁，豬肉及蝦仁帶出鮮味，餃子皮略為厚身，整體上也好吃。「 酸辣湯拉麵」酸辣湯先帶出酸味，辣味從後以上，麵量超多，夠二人份量，麵浸泡後相當掛湯，入口都是滿滿酸辣湯。整體上餐廳環境闊落舒適， 還有outdoor位置， 確實是一間很不錯的東北菜館，值得來幫襯。

荃灣海之戀有間東北菜，平時經過見好多人排隊😱！見佢北京填鴨$168有交易，連埋10幾塊餅皮😳，好抵啊😳😳，呢個份量兩個人食啱啱好，過吓口癮都好😍,所以我又排埋一份😂😂-北京填鴨半隻$168比想像中大份同厚肉，鴨肉好香，表皮亦燒得好脆😍，配搭上蔥白,青瓜，同甜面醬係實在出色，佢個餅皮認真薄！薄到有時佢哋黐埋變成一舊都唔多覺😂，包埋填鴨食口感好正😍！基本上見到每一枱客人都必點😍-紅油抄手（10隻）$48鮮肉雲吞有肉汁，辣度唔高，10小辣可能都冇 😜-油潑麵$38 見到個名幾特別就試吓啦😂，可以當佢係滿滿辣椒嘅乾拌麵，呢個價錢黎講大碗到傻-桂花酒釀丸子$18桂花酒釀好香，丸子屬於較淋身😉-高力豆沙$12/件（最少兩件起叫）又係因為佢個名特別所以試吓叫嘅😂，完全唔知咩嚟，見佢表面好多糖估佢係豆沙沙翁，後來問返Google大神先知原來係將蛋白打至挺身，加入豆沙餡料，油炸而成嘅甜品，難怪嘅朋友食完話似中國版嘅梳乎厘😜-❗️不設+1服務費但每人有$8茶芥-🙆‍♀️：片皮鴨正，價錢算平😳，好多特色野都仲未試到，一定有下次😂😂，未試過朋友仔都值得一試-📍老掌櫃東北菜館 (海之戀商場) (荃灣)荃灣大河道10

嚟開荃灣西donki買嘢，晚飯時間，見到隔離有一間東北菜館，都好耐冇食東北菜，於是入去試下。餐廳有部分枱位於室外，可以望住荃灣海濱，吹住陣陣海風，好舒服同寫意。秘製牛犇麵。湯底好味，麵質爽口彈牙而且浸極都唔淋，牛肉好入味但就比較瘦。四川擔擔麵。麵質細滑，同樣爽口彈牙，花生碎同芝麻醬等增加咗香味。上海雲吞，雲吞爽滑，肉餡多汁鮮味而且份量十足。乾煸四季豆炸到乾身，豆質爽甜，肉碎香口惹味，微辣。孜然大蔥牛肉，一上枱就聞到好香孜然味，巨量嘅洋蔥、大蔥，爽口清甜。牛肉嫩滑但味道偏淡，但越食越辣，後勁十足。高力豆沙。口感軟綿綿嘅，豆沙餡軟滑香甜，面頭嘅一層砂糖食落更有口感。總結：份量十足，價錢親民，抵食。