老掌櫃東北菜館 (海之戀商場)

營業中

休息中

環境似canteen也不緊要，但碗碟污糟、每碟餸都唔夠熱、味道差（包括片皮鴨），真係不能接受！ 要限時都算，好多地方也是，但叫了個豬手，夠鐘前15分鐘才來，跟住有個阿姐走來講：夠鐘啦！ 火都來！ 我一行八人，全部人有彈冇讚，話過不會再幫襯！ 簡直貼錢買難受😣

上年12月寫過哩間食評，今日再食，可以對比上次同一款菜，有進步亦有進步- 小進步系菜飯D菜比上次份量正常，但可惜始終無味，真系可以去一X麵比較下-另外一個值得繼續支持佢係佢地系會睇同回覆食評同改進。-小退步系咕咾肉整蝶份量好似一樣，但肉起碼少左1/4，吾系好夠盡興。今日另外叫一個水煮魚，好在可以選擇辣度。來到一大碗，上面果層都系厚厚的魚柳，下面系芽菜，粉絲同菜，魚算系幾滑，魚份量絕對夠，味道系比較辣，哩個系個人感覺，但如果多D麻或者香就更好啦！努力啊！繼續撐。（openrice 今日吾可以upload照片，所以無得睇）

 之前食過一次，掛住佢個北京填鴨，專登再黎食過🤤不過今次出左北京填鴨之外，嗌左其他冇食過既嘢食試，啲嘢食份量真係好大，食到勁飽🤰同埋今次係午餐去食，有午市套餐，都幾抵食。不過今次食既嘢就冇上次咁驚喜。 1️⃣北京填鴨（半隻）（$168）好好味好滿足，同上次黎食一樣，半隻都極大碟。包起塊鴨、青瓜同蔥一齊食，正呀！  2⃣️排骨擔擔麵（$48）個擔擔麵花生味好濃好香，有少少辣味，個湯偏杰身少少，令到啲麵好掛湯，好好味。  個排骨就好普通，啲骨有啲多，同埋層炸衣有少少甩皮甩骨咁😂  3⃣️水煮魚客飯（$49）魚既份量幾多，入面仲有啲芽菜、酸菜，同埋魚塊都幾嫩滑。  不過我覺得佢既味道以水煮魚黎講太淡，唔夠辣，亦都唔夠濃味，個水煮汁太稀。  4⃣️肉三鮮（$42）42蚊有十粒餃子🥟好多😳  肉三鮮即係包左豬肉、韭菜同埋蝦仁三款材料既餃子。每粒都包到好飽滿，食落啖啖肉。不過我就覺得佢既皮太厚。 

隔左好耐冇嚟嘅老掌櫃食飯，除左每次必食北京填鴨高力豆沙之外，今次又試左幾款新菜，唔講太多廢話，直接去相～～～保持水準，百吃不厭。。。唔叫飯又叫個抄手，不過今次個汁唔太夠辣。。。今晚重點菜式，先講口感，成條桂花魚去骨，瑤柱蛋白連埋桂花魚大大啖入口，唔怕有骨，完全放心享受到桂花魚嘅香滑，不論就咁食定送飯都咁好味，食完一啖就停唔到要繼續食落去，嚴重啲講，呢個白龍王絕對有條件成為老掌櫃最好味嘅菜式（無之一）。。。：Ｄ今次嚟第一次試呢個「草捆牛骨」，啲牛肉好林，入口即溶，不過覺得醬汁比較多左啲，味道比較濃啲，比較少見嘅菜式，都值得大家一試。。。餸如其名，家常小菜一碟，清清地足料夠火候，送飯實成碟清哂無得剩。。。熱辣辣大件夾抵食極力推薦白龍王。。。

食物種類不算十分「東北菜」感覺是由小小上海菜加少少北方人再加少少北京烤鴨的「雜」菜澆了一隻烤鴨,價錢不算貴298一隻,如果喜歡烤鴨吃肉的朋友就會喜歡！烤鴨配菜只有傳統的青瓜和蔥,包烤鴨的皮普通也沒有什麼驚喜不過不失松鼠魚應使用雪藏龍脷柳,價錢88不算貴,味道可以,當然不及新鮮魚做的松鼠魚好吃,沒有什麼驚喜也是不過不失叫了一個羊肉x面,羊肉很多麵也不錯46蚊不算貴抵食叫了一個大蔥羊肉味道不錯,略嫌水多寫開食評才發現,原本叫了個拔絲地瓜,沒有上但收了我錢😒

點了午餐，份量很足又便宜。我和家人吃不完，分两餐吃。排骨入味，肉質不粗糙，甜甜很下飯。麻婆豆腐，下了花椒油，偏麻，但惹味，也是下飯選擇。回鍋肉是用豬腩片炒，有穫氣，腩肉多得過份，家人話好像有2 pack邊爐肉的份量。最重要是午餐只是50多元，有此份量及味道，性價比極高。

限聚放寬後終於可以四人一台，位置也很好就在荃灣西站上蓋。醉雞、酸辣湯、糖醋里脊、小雞燉磨菇、酸菜魚。菜品不算超值但也可以說值回票價，唯一令人失望的是酸菜魚酸菜是碎的用筷子夾有點難度，魚肉像是白烚的。推測是用酸菜煮水然後白烚魚肉！這道菜更新了我對酸菜魚的記憶，不建議大家試這道菜

自從荃灣西多左啲新商場，連帶周邊都多左好多新餐廳！今次就去左試老掌櫃，食番個東北lunch🌶/客飯🍚水煮魚 $49望落好似份量好少，但原來都有好多舊魚，印象中估計都有6-8舊🤔魚柳滑嫩無骨且啖啖肉，岩哂啲食魚怕有骨既朋友！仲有薯粉、娃娃菜、芽菜和雲耳墊底，吸哂啲汁好入味至於辣度方面好溫和，偏鹹，食完都幾口渴。不過，我個人黎講都覺得幾惹味同抵食既👌🏻白飯就少少強差人意，偏乾偏硬，如果軟熟啲就靚仔喇😌/同場加映朋友的脆椒香雞，食左粒乾辣椒真係好好食，脆卜卜好似食緊香辣薯片咁！下次要試埋口水雞至得😏

曾經食過大角咀總店，上次菜式都不錯，知道荃灣開咗分店，地點方便就同家人嚟食。要預訂嘅片皮鴨上枱係凍嘅，用嚟包嘅麵皮已凍到十幾塊痴埋一舊。酸辣湯麵唔酸亦唔辣，最重要嘅湯居然唔夠，變咗酸辣撈麵。試咗一個未叫過嘅農家炒飯，居然係三色豆加蝦炒飯！味道當然又係無味！最後叫個拔絲蘋果，上次係總店食過，好食，心想應該不會太差。點知係最失望！拔絲蘋果上枱後要浸冰水外皮先會脆，但跟上枱嘅只係一碗比室溫稍涼嘅水。蘋果浸落去後外面糖漿完全無變脆。同侍應反映，佢只堅持店舖無冰，只肯更換另一盤水比我地，仲同我地講個蘋果係稔嘅就係稔，表示道甜品係咁！完全當我地無食過拔絲蘋果！簡單嚟講，無下次！

香港好少見有得食北京填鴨，就算有得食通常都又貴又少。呢間老掌櫃就唔同！佢既北京填鴨勁大份勁抵食！而且價錢唔算貴👍另外佢都有好多東北菜食，本menu勁多頁，勁多選擇，今次我食既每樣都幾高質，真係價廉物美。 1️⃣北京填鴨（半隻）（$168）就係為左佢黎呢度食。冇諗到半隻都咁大份😳。成碟都有十幾廿舊，五六個人share都絕對夠食！包埋啲青瓜同埋蔥，鴨肉既油脂感同青瓜、蔥既清爽夾埋一齊，再點埋佢鹹鹹地既醬一齊食，超級滿足🥰好好食！ 2⃣️糖醋魚片（$78）魚片好大塊好多。味道酸酸甜甜，炸衣吸受啲醬汁既味，亦唔會比啲汁浸到太淋太濕。  3⃣️紅油抄手（$48） 有成十舊。皮夠薄，餡料都幾足，入面啲肉唔會一啖就冇曬。個汁好好味，夠辣，但係唔會太鹹。食落好惹味👍  4⃣️回鍋肉（$78）又係大大碟。味道唔錯，但係呢個就冇另外覺得咁驚艷，肉幾大塊帶啲軟骨，我自己就唔係好鍾意啲軟骨😂不過朋友就好鍾意。呢個既調味我覺得有少少太鹹，不過可接受既，始終回鍋肉本身就係一個幾重口味既菜式。Overall都係一個及格既回鍋肉黎！  

當晚早到，可選露天位置，感覺寫意，舒服。叫了一支二碢頭，味道麻麻，價錢超平，但兩人都飲唔晒。麻辣豬耳仔，好味糖醋杭州骨，超正👍🏻酥炸小黃魚，外脆內嫩，超好味😋最後叫了碟大白菜，估唔到又好好味本身再想叫甜點，但實在食唔落了。最後埋單超抵食的一餐

第一次去荃灣西站， 朋友介紹我嚟呢一間食川菜， 朋友通常都係買外賣，都係第一次堂食。 原來堂食有一個好靚嘅海景，不過坐露台就冇冷氣。 佢哋會開一把好大嘅傘比我哋。 今日涼涼地唔係太曬感覺好舒服。今日我哋兩個人叫咗三個餸， 兩個小食， 兩罐汽水。都係184蚊埋單。水煮魚，味道幾好， 雖然係急凍魚柳，但係啖啖肉都幾好食， 下面有啲薯粉雲耳菜，四十幾蚊可以喇。紅燒肉，肉質比較鞋，味道可以。回鍋肉，好味。另外再追加雞絲粉皮同埋豬耳仔， 每款都係十幾蚊。 兩款都好好味。午餐嚟講真係又平又好食。

到這兒吃飯，是因為朋友的推介，他說這食店有戶外的露天茶座，可看到很漂亮的海景和汀九大橋，食物分量充足，價錢也大眾化。這晚到來，因為顧客頗多，無緣坐在露天茶座。打開餐牌，果然價格親民，就點了酸辣湯麵，雞絲粉皮蔥爆羊肉。酸辣湯麵：這麵上桌時嚇了我一跳，因為份量真的大得驚人，一個人的話，我想應該沒法把這麵全吃掉。先試湯頭，只有辣味沒有酸味，頓感失望。請侍應給我們酸醋，自行加入大量酸醋後，味道尚算可以。麵條煮得比較軟，合我的胃口，我的朋友則嫌麵太軟。雞絲粉皮：同樣份量十足，不過醬汁不夠濃稠。吃這菜時，我最喜歡加入黃芥末，可惜侍應說他們沒有黃芥末，又有點失望。蔥爆羊肉：看照片就知道，份量真的很多，葱多，羊肉也多，不過蔥爆的菜色一向香氣撲鼻，這蔥爆羊肉不夠香，味道一般。吃了三個菜也覺得食物質素未如理想，環境方面，如果可以坐戶外露天座位，應該不錯，室內的座位桌椅之間距離比較近，有點擠迫的感覺。服務則值得一讚，侍應的工作效率很高，也有禮貌，要酸醋什麼的，侍應都很快便送上，還有因為座位有點擠迫，侍應傳送食物時，很多時候都會很接近顧客的身體，有兩次侍應在我身後近距離傳送食物，都有禮貌地提醒我小心。

位於荃灣西鐵站上蓋嘅海之戀商場，而餐廳係2樓Donki出口隔離轉入去，然後就會見到大大紅色嘅門面。餐廳有室內同室外座位，室外景觀開揚，可以一路享受食物一路觀賞無敵大海景，到黃昏時段仲可以睇到日落🌄另外，想講店員好好，幫忙安排室外近海嘅座位比我🔝鴨肉同皮切得都算平均，鴨肉軟腍，不過青瓜有啲粗，而佢哋嘅餅皮係帶點煙韌，係我鍾意嘅質感，半隻份量已經好大，都幾抵食👍🏻🔝味道有點像糖醋排骨，酸酸甜甜幾開胃，下飯一流，裡面仲有洋蔥、菠蘿、入味又軟嘅薯仔，分量十足。🔝超足料鹹蛋黃，每一條四季豆都黏滿鹹蛋黃，超級滿足到愛吃鹹蛋黃的人。🔝其實本生想點拔絲地瓜，但自己唔小心落錯單😂所以呢個拔絲蘋果無咩評論，味道一般。🔝環境舒適🔝可以觀賞日落

嚟到荃灣分店嘅老掌櫃食東北菜，餐廳環境好寬敞，有分室內同室外用餐，可以一邊欣賞大海景品嚐東北美食😍🔸北京填鴨(半隻HK$168)前一日打嚟訂位時，已經預留左。4人食半隻都足夠，總共有12塊餅皮，平均每人都食到3塊㗎啦。餅皮厚薄適中，唔會一包就爛。燒鴨方面皮脆，肉質就較瘦(如果鍾意食肥肉嘅就可能唔太滿足啦🤣)，仲有配上北京甜醬同青瓜等配料～🔸雞絲粉皮 (HK$58)粉皮份量頗多，雞絲同青瓜就相對較少，食到最後就剩返粉皮。配上麻醬甜甜凍凍，好清新🌞🔸京燒羊肉 (HK$128)以烤製形式烹調嘅羊肉，食落都會有少許羊味，但唔係難聞嘅騷味，平時唔多愛羊嘅朋友都可以一試🐏🔸酸菜魚(龍利柳) (HK$98)另外可以選擇其他魚類，價錢相對就較高。內有幾多嘅酸菜同紅薯粉，龍利柳份量適中，但味道就偏鹹啲，建議可以配白飯食呢🐟🔸麻辣冷面 (HK$58)面上有肉絲同青瓜，撈埋麻辣醬，凍冰冰好fresh，少辣嘅程度🌶️🔸東北農家炒飯 (HK$68)有粟米、青豆、紅蘿蔔同蝦仁嘅炒飯，味道唔會太重口味，鑊氣適中🍚環境：⭐ ⭐ ⭐⭐⭐味道：⭐ ⭐ ⭐打卡：⭐ ⭐ ⭐服務：⭐ ⭐ ⭐回頭率：⭐ ⭐ ⭐ ⭐