老掌櫃東北菜館 (海之戀商場)

營業中

休息中

嚟開荃灣西donki買嘢，晚飯時間，見到隔離有一間東北菜館，都好耐冇食東北菜，於是入去試下。餐廳有部分枱位於室外，可以望住荃灣海濱，吹住陣陣海風，好舒服同寫意。秘製牛犇麵。湯底好味，麵質爽口彈牙而且浸極都唔淋，牛肉好入味但就比較瘦。四川擔擔麵。麵質細滑，同樣爽口彈牙，花生碎同芝麻醬等增加咗香味。上海雲吞，雲吞爽滑，肉餡多汁鮮味而且份量十足。乾煸四季豆炸到乾身，豆質爽甜，肉碎香口惹味，微辣。孜然大蔥牛肉，一上枱就聞到好香孜然味，巨量嘅洋蔥、大蔥，爽口清甜。牛肉嫩滑但味道偏淡，但越食越辣，後勁十足。高力豆沙。口感軟綿綿嘅，豆沙餡軟滑香甜，面頭嘅一層砂糖食落更有口感。總結：份量十足，價錢親民，抵食。