老掌櫃東北菜館 (海之戀商場)

營業中

休息中

呢排講到好出名既富X閣 片皮鴨，被周圍瘋傳吊起條癮想食片皮鴨呢間老掌櫃，一直以來都好出名終於有機會試，半隻片皮鴨 $168，好抵食好正宗D麵皮唔係用春卷皮抵讚鴨皮香口而脆，完全不膩口烤羊肉，又係好掂羊肉入口係鬆化，juicy最重要果陣羊羶味都幾濃孜然粉味落得恰當羊肉餃子餡好足料好多湯汁，外皮夠薄高力豆沙甜度唔夠，但豆沙餡夠濃味整體嚟講呢間性價比極高仲要唔駛加一，不過真係早嚟有着數最好book枱，如果walk in就盡量早d啦因為未夠7點已經等位

片皮鴨很好味，配上自家製嘅片皮鴨將更加鮮味，配料十分新鮮蔥段爽脆，粉皮10分整體配搭得十分均勻，自取更加有優惠。服務態度良好，取餐準時。十分推介。下次會再光顧！！！

今日趁放假同屋企人去左海之戀試吓依間東北菜，今次第一次黎，加上係假期，所以先預早book位，好彩有book，11:30入座，12點成間餐廳已經坐滿；午市以套餐為主，我哋分別叫左個回鍋肉客飯、燉牛肉客飯，另外再叫左個紅油抽手及一款小食（豆腐黎既，忘記叫什麼😂）每款食物都好好味，特別係燉牛肉，燉到薯仔同牛肉都燉到好林好入味，紅油抽手好足料，啖啖肉；員工態度好有禮貌，價錢好大眾化，一啲都唔會覺得貴，兩個人加埋都係食左$174左右，搵次一定要再去試吓佢地既晚餐

記得上年在大家咀食的老掌櫃很不錯，但荃灣這間的味道真失色不少。可能是外賣關係，但打包外賣也很粗心大意，北京填鴨既然缺少了甜醬。失望！🙍‍♂️⋯⋯⋯⋯⋯⋯⋯⋯⋯⋯

由於好想食片皮鴨嘅關係所以今日就特登訂咗位行完Don Don Don 之後行過隔離喺老掌櫃食片皮鴨訂位嘅時候佢仲有問我使唔使預留半隻片皮鴨當然要啦去到6:00，服務態度都幾好坐低咗佢就會比張紙自己寫低食物嘅Number跟住同佢講片皮鴨上得大約5分鐘到就到左片皮鴨其實啱我個人口味因為我個人係唔鍾意食太油膩嘅皮佢嘅鴨肉都唔算太鞋而且色澤都OK不過我覺得佢嘅餅皮比較厚，麵粉味重好容易會飽同埋佢個醬比較甜雞絲粉皮值得一讚因為佢嘅粉皮係非常之爽口同滑不過雞嘅數量就比較少粉皮好多同埋佢嘅醬係有芝麻，花生，而且仲有加埋陳醋醋嘅比例仲幾重呢個係三鮮水餃係豬肉，韭菜，同埋鮮蝦佢嘅水餃係普通水平餃子皮唔係特別薄但係至少入面都粒粒有蝦有醋同埋辣椒油跟住個水餃一齊上辣椒油完全冇辣味兩個人叫咗三樣嘢，超級飽埋單280幾蚊不過嗰度只收現金大家要留意一下

今日特登嚟荃灣行街，知道海之戀開咗好多舖頭，行完Donki梗係去醫肚啦，比我見到呢間喺大角咀食開嘅東北菜，竟然開到嚟荃灣，見好耐冇食過，梗係要試吓啦😝🌟每次都要食京燒羊肉，羊肉真係好香羶，外皮脆口🥰孜然同羊嘅香味係絕配😜香料無醃蓋羊肉味道，咬落去不但夠晒啖啖肉，皮脆肉嫩，配上薄薄嘅羊脂，保留到羊肉味道之餘令我感到好幸福添😋😋絕對係風味獨特既一道菜餚💕🌟素三鮮，是以白菜仔，木耳，甘旬，香茹為材料的菜餚，剁碎混合而做成餡製成的餃子🥟每粒都好大粒足料兼抵食👏 好飽滿呀，用料一點也不吝嗇，而且餃皮很薄又煙韌，高質的餃子😄🌟四喜烤麸，必食既涼菜，材料有烤麩，香菇，木耳和胡蘿蔔🥰烤麩充份吸收哂啲醬汁，配埋香菇，木耳等清脆爽口既伴菜，食慾大開呀😄🌟涼拌白菜心，白菜心切成絲好易入口，加上菜本身鮮甜同口感好爽，加上蘿蔔絲，蔥同豆乾等等既配料，混合埋香油等等既調味料，真係既清新又美味👍🏼

荃灣海之戀商場越來越旺，去Donki 行街之餘，就係揾野食。就在Donki 旁邊有間老掌櫃東北菜館大大個招牌唔會睇唔到，地方大座位多，今晚就在這裡吃晚餐。見到餐牌寫著不設加一服務費，好開心！ 食物價錢大眾化，有東北菜、有上海菜，夠曬多選擇。頭盤先來一碟醉雞$68,見到醉雞汁浸滿一碟，雞肉熟度剛好，新鮮而且嫩滑，酒味香濃，浸得很入味，喜歡略帶甜味而不苦澀，值得一試。秘製杭州骨$78,是這裏的招牌菜，一試之下，真的大讚！其實就是糖醋排骨，不過味道比平時的糖醋排骨多了一份香甜的味道。蜜糖味香甜，汁液濃稠可以拉絲，排骨肉質爽口，份量也頗多。配菜還有炸薯仔粒和洋蔥，香濃的吃著很惹味！蔥爆牛肉$78,分量比杭州滑更澎湃！沒想過 親民的價錢，食物分量完全不吝嗇，未食已愛上這間餐廳的熱誠！牛肉和京蔥爆炒得均勻，鑊氣夠，有洋蔥炒過令牛肉更香，吃的時候連京蔥、洋蔥、牛肉一起吃才是最惹味 ! 牛肉醃過，肉質頗滑，每片也是大大塊的絕不欺場，光說份量已經值回票價！酸辣湯麵$46,是我的至愛，無論那處有酸辣麵，我都要吃一碗。一上桌，嚇了一跳！這個大湯碗裝滿了酸辣湯，以為送錯了一大鍋 湯給我，原來真的是酸辣麵！麵質

［荃灣］老掌櫃東北菜館.蔥爆羊肉🐑食剩指數：0/100羊肉一啲都唔騷京蔥洋蔥多到數唔到睇落好濃味食落剛剛好又唔會好咸當然要用嚟送飯都唔錯.蝦仁炒蛋🦐食剩指數：2/100蝦仁都幾大隻同彈牙蛋炒得幾香中間有啲韭黃粒增加口感有家常小菜既感覺.雞絲粉皮🐤食剩指數：0/100小食竟然咁大碟雞絲都幾多麻醬調味都足夠粉皮幾彈牙加埋青瓜絲都幾爽口.高力豆沙食剩指數：0/100唔知大家細個有無食過呢個甜品係我回憶而家好多地方都無得食高力豆沙材料係蛋白和豆沙雖然係油炸但係入口唔油膩蛋白香加豆沙幾夾加埋沙糖真係唔錯如果你第一次聽呢樣甜品建議你叫嚟食吓

一路過海之戀 當時見到門口側邊有間東北菜叫老掌櫃價錢非常之抵食 見到promotion北京填鴨半隻只需要168蚊立即狗衝入去食 六點鐘入到去已經八成滿差唔多圍圍都係食北京填鴨.🍖北京填鴨半隻 $168對於食肉獸嚟講簡直係福音 外皮脆卜卜鴨肉滑+師傅刀工好好 見到啲皮之餘仲可以有啖啖肉另外要讚下佢啲粉皮塊塊都有輕輕烘過咬入去柔軟得來唔會嚡颯颯配菜有遵從同青瓜加埋甜醬簡直係超抵另外抵讚既係份量 雖然講係半隻 上碟睇上嚟係成隻嘅份量性價比好高!!🥟玉三鮮水餃子(十隻) $44有蝦豬肉韭菜 外皮唔算厚但係好有銀勁好多蝦肉仲好新鮮 一咬入去啲汁爆曬出嚟好juicy四蚊一隻抵食🍜秘製牛犇麵 $46大碗覺得味道比較健康 唔會非常之咸同味精牛肉份量都唔小 食落去份量真係太多建議細食嘅朋友嗌少面 費事浪費..落去好彈牙同個湯好襯🥘酸辣湯 $64之前已經提過我鍾意食濃味嘢 呢個湯直情係正宗嘅上海酸辣湯料非常多 有大量嘅雲耳豆干同辣味都啱啱好芡汁唔會落得過量 相對冇咁邪惡🧇豆沙鍋餅 $48非常抵食即叫即整 皮非常薄但係煎到非常之脆冇用油係烘 感覺健康啲紅豆蓉好滑.推薦三個人食 飽到不得了人均消費一百蚊左右

新開幕每次經過一路都想試晚飯，但一見到多人就冇心機等；之後疫情已經忘記了。直至最近疫情轉好出嚟行吓又記返起喇今次食lunch叫左個京蔥羊肉餃子+雞絲粉皮+酸辣湯。一碟10隻餃子🥟size 適中，睇落平平無奇點知原來每咬一口都爆汁超正。唔好睇少個set lunch 份量，食曬真係好飽飽。下次一定要試埋個晚飯先得

等候時間長 即使我係買外賣 一早set好8點取餐最後亦遲等外賣同 餐廳門口人龍 一齊眼見衛生惡劣 倒垃圾職員在正門出入與餐桌鄰近仲要垃圾漏水一行啡色嘅水流過店員亦無理最後有好心食客提店員清理 以免食客滑倒但店員只清潔對正門口的污水沿住門口既一行污水路係無理到既食物方面叫左東北酸菜餃外賣首先唔明點解蒸餃要等耐啲而餃子餃皮厚但又會癡埋一堆一夾好容易弄破酸菜餃只食到一舊肉餡完全無酸菜味外賣盒又唔裝好 啲醋漏到一袋都係食左呢次 永不錄用幾近屋企都好 用餐經驗絕不愉快

係第三波疫情之前就同老公約好左黎呢間食片皮鴨, 可惜當時去唔到, 一等就等左兩個月, 見疫情暫緩又可以過黎食下啦!我個人唔太喜歡食中菜, 但係唯獨北京填鴨好鍾意食, 來老掌櫃東北菜館都係主要為左佢呢~~我個人好鐘意食肉，所以特登叫佢比多肉，好岩口味～底下都有多皮的，加埋青瓜同醬好正！白菜豬肉餃子🥟有好多餡料，加埋醋同辣椒豉油好味😋叫多個蒜蓉娃娃菜，菜量好多啊侍應好勤力收碟而且有禮，我地坐窗邊，環境都唔錯～

行完街搵野食，想食中式野，見呢間平平地又未食過，一於入去試下啦😋😋環境比起海之戀其他餐廳簡陋，雖然望到海景，但係啲枱櫈格局擺到好似一般飯堂咁🤣🤣星期六黎到都有平日既lunch，有客飯、湯麵、餃子，大概40幾蚊左右，野飲要另外加錢水煮牛 $49 配菜飯 加酸辣湯 $8呢碟餸既份量比想像中多，好多塊牛肉，個底仲有薯粉、其他配菜，索曬啲辣汁好好食，夠晒辣，用黎撈飯一流😋😋菜飯就略嫌細碗得濟，另外加咗8蚊既酸辣湯就一般喇🙄🙄 淨係得個辣字羊肉餃 $44 我最鍾意食厚皮既餃子🥟，呢到岩曬我口味😋😋整體黎講，服務質素同環境就一黎，食物味道未去到嘩超正，但係抵食既

是晚我地嚟到荃灣西站嘅海之戀商場，因為知道呢度開咗老掌櫃嘅分店，想試下東北菜。我地要求坐室外，因為可以睇到汀九橋嘅夜景。店員就叫我地等陣，轉頭會Call我地。咁我地就去咗Donki打咗個Round。轉頭收到Call, 咁我地就返番去。我地都點咗好多款菜式，好豐富！秘製牛犇麵。裡面都幾多牛腩同牛筋，牛腩炆得幾入味，都算軟稔，湯底嘅牛肉味幾濃，麵又很彈牙，值得推介。涼拌海蜇。海蜇頭很爽脆，酸酸辣辣的，是個開胃的小食！肉皮凍。湯多過肉皮，這個就較為失望。清炒萵筍。脆脆地，唔太油，都幾清新。羊肉餃子。羊肉味不是很濃，可以一試。好豐盛嘅晚餐呢！雖然冇乜服務，但係唔駛加一，都幾抵食架！

老媽子生日，但因為疫情關係冇左晚市堂食，唯有外賣自取同佢同細佬一家慶祝，一早經openrice預訂一隻北京填鴨，酸菜魚，宮保蝦仁，蒜蓉炒皇帝菜及甜品豆沙鍋餅，我同老婆訂左下午6點自取，未到6點到達已經準備好可以拎走，仲感到啲餸菜係熱既，跟住嗱嗱聲搭車返屋企開餐，北京填鴨幾好食，啲皮仲熱亦唔會痴埋一嚿，可以一試，酸菜魚我揀左魚柳，味道幾好，最好味係啲酸菜同薯粉，宮保蝦仁同炒皇帝菜就一般水準啦，豆沙銅餅餅皮煎得唔夠香口，整體呢餐我會比70分，疫情下外賣自取已經算唔錯，大家同心協力齊齊抗疫!!