老川皇

營業中

休息中

同朋友喺 朗豪坊睇完戲後， 又到晚飯時間， 我們在附近 搵餐廳食飯， 朋友提議在歐美廣場樓上一樓 有間老川皇小菜館，是食川菜的。餐廳樓下 已經有位 服務員 先 問我們有冇book位 然後招呼我們上樓上。 餐廳環境算很寬闊 ，枱面整齊 清潔。侍應生很快遞上menu 我們先order咗一碟， 口水雞 半隻$98， 原來半隻口水雞 已經是一大碟 ，份量十足， 雞肉皮薄 ，而且肉質嫩滑 ，味道不算太鹹 ，還可以 選擇 小辣，中辣和大辣。手撕菜包 ，看得出 是大廚製作， 連鑊氣都食得出 ，聞得到。 朋友話已經久遺咗吃炒菜哪鼓鑊氣的味道， 估不到在這餐廳可以 食回這種味道 真是異想不到， 值得讚。$58👍韭菜煎蛋 ，雖然只是家常小菜 ，但是賣相非常 認真 ，香噴噴的韭菜味 ，加入 滑捋捋的雞蛋， 煎.出 金黃色 的蛋餅， 味道出色 ，價格合宜。$54餐廳還有不同飲品，啤酒 可供 隨便 選擇 。朋友話飲得痛快 ，食得開心 ，可以下次再來。

天氣凍就想食辣野，同事就推薦呢間四川菜話正宗又抵食，放工即刻同女友去試吓。鋪頭喺樓上，地方都幾大坐得舒服，普通小菜餐廳格局。最驚喜係竟然見到牆上邊寫住有藍妹嘅生啤！少見喎！唔使諗即刻叫杯！天氣凍梗係要食返啲暖胃嘅嘢，水煮就啱晒啦。魚片都有三款可以選擇，普通魚到桂花魚都有，我哋就叫個普通嘅試吓先。其他就叫咗干鍋肥腸，坨坨肉，同埋涼拌萵筍絲，全部叫左中辣。首先嚟嘅就係小食涼拌萵筍絲，估唔到咁大碟！萵筍夠爽口，調味酸辣得來帶點麻勁！開胃！試一啖藍妹生啤，果然好飲過樽裝，爽口又夠氣！同川菜配搭天衣無縫。水煮魚上到枱都仲係滾嘅，正！而且係睇得見咁足料，花椒麻椒夠多且香！但食落又唔會話太過刺激，辣得來夠暖胃但又唔會冇晒味覺。估唔到既係普通魚都咁滑，而且魚皮充滿骨膠原，口感q彈，女士恩物。如果入邊有埋薯粉就更加完美。干鍋肥腸原鍋上，又一熱辣辣之選。豬腸夠晒肥美，超惹味，送酒一流。辣子雞就食得多，坨坨肉原來就係辣子排骨！呢道菜就算叫中辣都辣度十足。青椒都充滿麻辣嘅味道，排骨炒得亦都好香口，鍾意食辣嘅朋友一定滿意。估唔到旺角都有咁出色嘅川菜，女朋友都話正，今次真係要多謝同事嘅介紹。

難得約咗一班同事係旺角食晚飯，天寒地凍緊係食辣野啦，由朗豪坊一直向左行見到大大個老川皇既招牌，入面同岀面都已經滿曬人，店員好好主動叫我地去對面一樓既老川皇，一上到去就即刻有店員安排座位。見到餐牌價錢唔會太貴，我地叫咗每次都要必食既水煮桂花魚（中辣），魚身好滑好入味，而且放係底既芽菜都入曬味。另外，炒土豆絲，燒茄子都係必食推介架！ 土豆絲唔會過熟，燒茄子又燒得岩岩好而且辣粉辣得好足唔吝嗇，忍唔住叫咗兩份呀！四川菜必食推介：老川皇

之前同老婆黎食過午餐，個餐對比其他算平，間樓上舖仲比較乾淨舒服，所以我地都係選擇返歐美廣場哩一間，地方又大又近旺角。【口水雞】餐:黎到碟口水雞都算多，午餐來講絕對夠送一碗飯有突呀。口水雞又夠麻辣又夠惹味，仲要有分大中小辣，而且雞肉又唔會硬，成碟清晒。【夫妻肺片】餐:肺片內裡又有牛肚牛柏葉等麻辣味又夠香辣，D肉煮得又唔會過硬，煮得岩岩好又有咬口。【涼伴牛肚】餐:牛肚切得不算太厚身，口感爽脆彈牙，配上又香又辣既四川麻辣醬汁，令人食唔停口。【雞煲】餐:雞煲比我想像中真係好惹味，雞肉份量比我想像中多，而且雞肉夠嫩夠又入味。

叫了幾個菜，這次菜的味道都還不錯，服務嘛基本沒什麽服務，水煮魚叫的桂花魚量不太多，水煮毛血旺也是量有點少，牛百葉見不到幾個，勝在味道還不錯，其他兩個菜還可以，香港沒什麽地方吃川菜，這家還算過得去了

屋企人鍾意食川菜，所以搵左呢間老川皇一早已經聽朋友話佢啲水煮魚好正，今日嚟到仲係午餐時候，餐牌上面有好多套餐都好抵食睇到呢個餐牌已經流晒口水樣樣都想食最後避免眼闊肚窄，只係叫咗雞煲餐同埋酸菜魚餐，$55價錢好合理屋企人最鍾意食小菜，呢度有好多選擇媽咪最愛嘅川北涼粉上台真係嚇一跳！以為係小食但係超大碟真正嘅大件夾抵食媽咪好鐘意個醬，叫咗小辣，辣度剛剛好$30好抵 木耳都係非常足料好惹味好爽口，少少麻主食酸菜魚！$55份量十足，仲加配一碗白飯，酸菜非常開胃，魚片亦都好滑，不錯淨係碗湯已經可以送兩碗飯雞煲餐又係好惹味，雞肉份量比我想像中多，而且雞肉夠嫩夠入味呢碟干煸四季豆係家人的至愛炒得夠鍋氣，四季豆好飽滿好香口，全家都讚口不絕，值得推介份量比預期中豐富，食到我地全部捧住個肚走但質素確係唔錯，午餐時段真係非常抵食而且地方夠大坐得舒服，家人朋友食飯既好地方

行過旺角，梗係搵食啦小女鍾愛酸辣，見到呢間野簡直兩眼發光涼拌雲耳都係嗰啲正常味， 都算幾大碟，如果鍾意芫荽嘅話呢碟啱晒你，超多芫荽食飯點會冇碟蔬菜呢～就叫碟長豆角食下， 炒得幾惹味，唔算太油， 份量都叫多重頭戲係超大碟酸菜魚，我哋兩個人叫咗一斤魚片，分量多，少骨，湯好酸，正呀！忍唔住飲咗幾碗，又辣又酸，魚片好入味，厚薄適中比較失望嘅係珍珠奶茶，落樓下買杯天仁茗茶仲好不過嘴賤飲咗幾碗又酸又辣嘅酸菜魚湯，就叫黎救救火呢間川菜正如題目所講，會encore！

因平常都有食開其如两閒地舖多次，而旗艦店就是第一次，環境當然是大很多坐的地方效舒服'，今次想談食物，我所點的食物跟平時大至一樣，特別評一評鮮花椒貴花魚，此店的食物份量比其分店少了一半，魚的滑度不夠滑，咼荀又唔夠，在下單時已要求加多些，湯底有大量油份，而佐敦店是完全沒有，味道亦比較遜色。

食辣得既朋友有口福啦！趁天氣咁凍，同老友記來老川皇食熱辣辣既川菜暖身先~食得川菜，水煮桂花魚梗係必食之選，辣度有大中細，我地叫左個小辣，一上檯就聞到香噴噴辣香，聞都流口水呀！條魚少骨多肉，唔識食魚既人都唔怕~魚肉夠曬夠滑，配上底下爽脆大豆芽菜，讚~另外order左三款涼菜，有夫妻肺片，食牛既朋友試下，夠牛味又夠辣。爽口既海蜇雞絲，同勁入味既泡椒鳳爪。呢三味用來送酒真係一流。可惜我老友記唔飲酒啦~唯有叫可樂兩份share~仲有好多小菜好想食，不過呢度分量夠大，兩個人食四樣夠曬飽~下次再來過先。食大辣。haha~

香港越開越多川菜，唔駛返大陸都食到！喜愛川菜嘅我今次去開油麻地嗰頭見到有川菜餐廳，就同朋友入咗去！餐廳有卡位有圓枱，入去就見到高朋滿座，下次黎要訂位應該會好d酸辣粉：黎到特登唔食白飯，order左個酸辣粉！粉質煙韌，湯底濃郁，不錯！辣子肥腸：雖然肥腸好邪惡，但係完全忍唔住不停食😆因為實在太好味！味道非常惹味，帶有少少辣，但係一定要趁熱食，因為凍左肥腸就會變硬，所以佢哋好細心咁有用火興住個肥腸酸菜生魚片：今晚嘅重頭戲！酸菜口味有三款魚可以揀，一個係最普通嘅魚/生魚片/桂花魚，根據職員所講分別就係在於肉質同魚骨。生魚片唔多骨，肉質仲比我想像嫩滑好好多，仲有十分欣賞佢嘅湯底，非常清甜，忍唔住不停飲咗幾碗

平時都去下面果間。。星期五的晚上。因為同行朋友有一位大肚婦。需要坐得舒服d所以第一次去樓上。之前都聽講話樓上女廁好唔掂。另外野食味道都不及樓下的。結果真係有點後悔。。。。小辣的炒土豆絲。。完全沒有味道。。串燒整體太乾。。。。蒜泥白肉。。太多醬了吧。。水煮魚。擔擔麵。餃子。炒豬肝。燒茄子還可以的。但最吸引的土豆絲變成清炒。服務都還可以。上菜都幾快。環境衛生一般。不過等位時要逼響門口。女廁真係好不衞生。

天氣一轉，應該有唔少人都會口痕想食辣野刺激下味蕾。今日行開旺角，試左一間正野-老川皇，佢喺一街之隔就已經有分店，不過樓上鋪就坐得舒服啲。川菜必備水煮系列，今日揀左田雞，因為打算酸菜桂花魚。田雞肉嫩鮮甜，麻辣適中。酸菜桂花魚亦好到位，而且魚嘅份量十分足両，最怕就係一大盤每人夾一塊就冇野，但完全冇出現呢個情況。最值得讚嘅係毛血旺，食過咁多間川菜，呢間真係數一數二，材料充足，每種配料都勁入味，本人最like 個豬紅，唔太實又入晒味，忍唔住狂食。另外辣子雞都十分推介，雖然睇落去椒多過雞，但川菜就係咁，呢啲先係足料，一口咬落去，勁脆卜卜，繼而麻同辣同時出現，喺個個moment 好想即刻啤啤佢。呢一道菜十分適合下酒。

最近迷上咗川菜，所以一約到食得辣嘅朋友，都會走去食川菜。呢間老川皇喺正旺角，夠方便。 等朋友嘅途中，先嚟一串燒烤嘅雞軟骨同埋魷魚鬚，有五香粉同孜然粉嘅燒烤，勁惹味！ 燒烤點少得我最愛嘅茄子，除左孜然同五香粉，仲有啲小茴香。茄子又夠多汁，越食越肚餓。 見到檯檯都有一碟超大堆嘅辣椒，我哋又跟住嗌，叫咗飄香辣子雞。雖然雞係比較細粒，份量亦唔算好多 但係味道搭救，食落口又香又麻，啲雞肉炸過夠香口，勁上癮。 去邊度都要嗌嘅酸菜魚，比想像中更加好食。魚嘅份量好多，而且好嫩滑同埋入味。湯底夠酸，酸中帶辣，仲要有好多酸菜同埋酸蘿蔔，飲落口好舒服，好好飲。 鐵板水晶粉好大碟 ，比想像中辣，勁多蒜，同埋有蛋底，好惹味。 飲品就嗌咗新力同埋柑桔檸檬水，解辣潤喉之選。

呢個天氣，除咗打邊爐，最好梗係食川菜啦。呢個閨蜜聚餐約咗成個月先約得成人，又難得真係齊人，閨蜜們就提議話不如去食川菜慢慢傾，佢哋帶咗我去呢一間成日行過，但係都未試過嘅川菜餐廳—老川皇度食晚飯啦餐廳人頭湧湧，咁會大概等左15分鐘就安排左一張卡位俾我哋，都坐得幾舒服。餐牌選擇超級多，令人眼花撩亂先叫小菜涼拌涼粉呢個簡直係我最愛嘅小菜之一，酸酸辣辣咁， 10分開胃涼拌豬肚+涼拌豬耳大量嘅芫茜鋪喺面，增加左佢本身嘅香味，而且麻辣花椒味好重，食得10分過癮毛血旺呢個毛血旺真心唔錯，花椒未夠，辣到亦都夠，而且入面嘅料有十足嘅份量，有牛柏葉，有黑柏葉，爽肚，豬紅，而且最特別嘅係連黃鱔都有，配埋底下嘅大豆芽，越食越有驚喜。酸菜桂花魚酸菜魚沒別的，最緊要酸味夠。呢度嘅酸菜簡直係盲公開眼梅！酸到你唔信，桂花魚肉質嫩滑，又酸又辣咁，心裏大叫一聲：爽！閨蜜既堅持，死都要叫盆菜，所以得出一盤清炒娃娃菜😂

心思思想食辣野，就帶男友仆去食。呢間老川皇總共有3間分店，其中2間喺旺角, 我地去左歐美廣場1樓嗰間。我地7點去到已經爆曬場，等左30分鐘左右先有位🙈。等位途中已經諗到食咩，一坐低就落order!先黎個四川擔擔麵$24。哇，咁多莞茜嘅🙈 麵偏幼，幾掛湯，但湯偏清偏淡，唔夠濃。孜然羊肉$88。鐵板上，咋咋聲辣辣辣，羊肉薄切充滿孜然香味，羊肉爆得好香口，非常惹美！桂花酸菜魚$182。雖然賣相麻麻，但味道好好。桂花魚夠嫩滑，厚肉，酸菜非常多！湯頭亦夠酸，我地叫左少辣，真係好少辣，重口味嘅朋友可以加辣呀！我地叫左一斤，份量真係好多，2個人食真係夠曬飽！值得一讚係服務嘅殷勤，上菜快👍🏻。