老川皇

營業中

休息中

作為甜酸苦辣咩口味都岩食既我，最喜愛既之一就係辣，今日咁岩係旺角放工所以就同友人一齊覓食，旺角收工時間到到都勁多人食飯，好彩咁岩搵到間夠大既餐廳個段時間又唔算爆，一坐底啲人就不停需要等位。 先黎一個充滿四川特色既口水雞，口水雞有分熱同涷食，個人喜好就中意食涷既，咁岩依一間老川皇又係涷食的。雞肉口感幼嫩，食落唔會實的的。而且辣度適中，完全符合我既喜愛，加上芝麻葱花等配料，令到成碟雞既質感又上一級。泡椒鴨舌，個人十分喜愛泡椒個種可以一直保持係口入面既辣。又要辣又要食幾過癮。而且配係鴨舌方面都係第一次試，鴨舌既肉唔多，但勝左有少少骨少少肉，可以慢慢品嚐。而且外皮口感係勁爽口，正！鐵板茄子，內含魚肉，魚肉新鮮，配在茄子已經唔係新鮮事，但做得好食又係另一回事，配上一碗白飯就真係不得之了，另一樣又含豐富營養價值既菜。多食都不會對身體有害。手撕包菜，好夠火喉，個汁做得好香，油膩度剛剛好，而且辣度適中，做到好香口，香脆鮮甜，令到人勁開胃，可以食多幾碗飯，不錯不錯！

朋友好鐘意食川菜 所以陪佢食 川菜係香港真係第一次食 多數北上先會食 晚飯時間座無虛席 我見旅客特別多 太好喇 餐牌上見到有重慶燒 每逢北上按摩 都必定會食嫁 燒茄子 好味到 好想叫多碟 調味粉同茄子係好夾我地叫咗蝦 雞皮 雞腎 等等 燒得過火咗少少 但一樣都係好吃黃金饅頭 點揀奶食 外脆內軟 真係人間極品 熗士炒土豆絲 見到咁多辣椒 其實一d都吾辣 好嘢味添酸菜桂花魚侍應推介桂花魚 吾多骨又多肉 由於我喉嚨痛 所以冇加到辣 朋友話要辣先好食嫁 下次可以試下

夜晚9點幾同三個朋友諗住去食個晚飯，想食川菜見到依間咁多好評諗住試下啦，點知中大伏🤮叫左 泡椒豬手手拍青瓜水煮牛肉酸菜魚（火鍋上）食完都覺得唔錯，好入味，好期待一陣嘅主菜，等左差唔多半個鐘，終於黎左個水煮牛（小辣），一啲都唔辣，又唔麻，淨係覺得好油，牛肉叫做嫩嘅，但味道完全唔得之後又等多半個鐘個酸菜魚先到，點知仲衰！又唔酸，又唔辣，又唔咸，滾水黎嘅！啲魚又腥，未試過成兜淨一大半！影都廢事影，拿拿林淥埋啲火鍋料走連杯水都冇，只有樽裝水，又收你錢。

星期五晚去到老川皇要排好耐隊，而家服務員安排比較混亂，有人訂咗位又無mark低，搞到無位入。等咗差唔多45分鐘，終於有得食，入到去，餐廳通風麻麻，加上因爲係川菜關係，所以搞到間餐廳好大陣味又好焗。但平心而論，價錢對得起食物質素，是晚食咗水煮牛肉，肉好嫩滑好入味。然後又食咗酸辣粉，幾大碗，幾香。最後仲加點咗酸菜魚，呢個就普普通通，因為魚味比較腥。而且酸味唔夠。而餐廳廁所要經過廚房門口，所以有機會一覽廚房環境......Er.....有d野都係唔知好過知

老川皇自從去完成都之後，對川菜年年不忘，今日約咗朋友去老川皇。又可以食串燒、又可以食小炒，仲有餃子，真係多元化。燒烤娃娃菜$9韭菜$9燒雞腎$11燒牛舌＄20雞皮＄14海蝦＄15茄子＄25一次過叫叫咗幾款串燒，雖然嚟到嘅時候，唔算太熱，不過都燒得幾入味，最鍾意香料嘅味道。炸饅頭半打$30饅頭雖然係半打，但係你都竟然有八個，有點驚喜，配煉奶非常好味。酸菜桂花魚＄192/斤普通辣，但係一點也不難，如果再來啲應該好味啲，不過桂花魚好嫩滑。干鍋肥腸＄90全晚最鍾意呢個餸菜，因為一個鐵鍋承載着，一直有點火在下便，整個菜式能夠保持溫度好味。炒土豆絲＄58不知道是否加入了香港人的口味，土豆絲變得不夠辣，還是我已經吃得太辣了呢？尖椒皮蛋＄38皮蛋雖然賣相不算太整齊，但是保持一貫嘅水平，好味。泡椒鳳爪＄25這個素材，真的辣到不得了，吃一隻，臘鴨要學一啖飲料，是非常地道的味道。雪梨汁＄20鮮榨木瓜珍珠奶$23珍珠奶茶＄20三杯飲品也非常好吃，真材實料，並不是家瑞的，珍珠也很有咬口，非常讚。

喺旺角行完街，啱啱好係食飯時間。今晚心情好，想食啲重口味少少嘅嘢，就食四川嘢啦。喺登打士街／砵蘭街交界，歐美廣場上樓梯就係，勁方便。呢度氣氛好熱鬧，適合同朋友喺爐邊飲啤酒吹水。大支藍妹$29好抵飲。先來冷盤，川北凉粉。份量都幾多，兩個人食夾極都有。辣度就我個人嚟講啱啱好。手抓餅，外脆內軟，點埋醬食夠滋味。干煸四季豆，炒得好好味，夠晒香同少少辣。重頭戲係呢個胡椒豬肚雞！幾多料呀，啲雞肉都夠嫩。如果唔食得辣唔想叫水煮，係非常推介叫一鍋呢個開心下！成餐食得幾happy，多的朋友一齊食更佳。

今日喺旺角同朋友行完街，經過歐美廣場，見到下面嘅宣傳牌，知道呢棟野嘅原來有好多嘢食，於是就上去睇下。我係一個超鍾意食辣嘅人，咁岩見到有老川皇，就決定去試下喇。去到嘅時候已經係七點半，餐廳入邊差不多滿座。燈光好光猛，裝潢好有中國特色。香港人最熟悉的川菜離唔開口水雞、水煮魚、酸辣粉。黎到老川王就有其他特色川菜比大家選擇～餐廳有得打邊爐，我當時就猶豫緊打邊爐好定食烤魚好呢......最後都係決定叫小菜加烤魚。我地叫左烤魚、樟茶鴨、酸菜豬肚，飲品，我就叫左一杯蘋果汁。最重要就梗係每人一碗白飯啦！烤魚我怕太辣，所以我揀咗孜然味，魚就揀咗鯇魚。魚的刺比較少，味道麻辣，不過勝在入味和嫩滑，我超喜歡！湯汁比較多，可以撈飯，正！樟茶鴨的賣相平平無奇但好好食，鴨肉嫩滑得無話可說，連鴨皮都充滿肉汁。酸菜豬肚，豬肚軟韌適中，食落肉味及質感很好。呢三個餸送飯真係一流呀！餐廳嘅果汁係即窄嘅，非常新鮮，味道鮮甜可口。老川皇真係食過返尋味，員工嘅服務態度亦都好有禮貌。下次一定會再同朋友去食，鍾意食辣嘅你一定要去試下！

一到假日總是人潮洶湧到旺角與彌敦道交界附近😬...見到一條街的廣場...有很多愛吃麻辣的人🤓..這個地方最好不過💁🏻‍♀️去老川皇啦！！黎到老川皇食晚餐 平時行過見到經過眼見人山人河😝今次都唔例外 等左約10分鐘有位 我同朋友倆個叫左蟹黃豆腐、紅糖糍粑、麻辣涼伴牛展、乾炒四季豆 川菜菜式算係幾正宗 辣得黎又夠香口 之後再叫支藍妹啤酒🍻 紅糖糍粑 非常好食不得了 這是一要必食！！👍🏻糍粑炸剛剛好 又香脆可口 加紅糖絕配啊😋餸菜份量夠 味道唔錯 價錢公道 下次可以再黎過👍

川菜唔一定係辣GE！我地嗌左幾個小菜，有辣有唔辣，都係好好食！招呼都唔錯，仲有個叫人鐘。LEE個干鍋黃骨魚真係成鍋咁上！夠哂氣勢又熱辣辣，賣相好掂！黃骨魚打橫切開一件件，好少魚骨，魚肉好滑嫩！青椒紅椒同洋蔥都爆得好好食，成個菜唔算好辣！姜葱炒田雞係唔辣GE，鍾意食辣可以揀辣子田雞。其實辣度都有得揀，想食辣但係唔係好食得辣都無有怕！田雞有好多件，係非常之滑，好好食！食到停唔到！LEE個係野生長壽菜，都係第一次食JA！D菜好爽口，都幾有咬口！加左D葱花涼拌，口感幾過癮！LEE味菜就辣D，一路食一路飲啤酒真係爽！

今日喺旺角放工，同同事食晚飯。突然好想食辣野，上網搜尋就搵到呢間老川皇，就決定去試下喇。我都係第一次食川菜，川菜嘅風格樸實又清新，餐廳嘅裝潢都好有濃厚嘅鄉土氣息。老川皇主打係烤魚，如果唔食魚的話仲有好多選擇，辣度同辣嘅款式都可以按自己喜好選擇。放工之後超級肚餓我哋帶左三個餸，加兩個白飯。飲品我就叫左紫芋珍珠奶茶。今餐嘅主角係烤魚，我地唔夠膽叫太辣，所以揀咗孜然味，魚就係鯇魚。烤魚一嚟到，已經聞到好香，一個大烤盤鍋感覺好澎湃。除左有湯底，仲有其他配料，好惹味。另外仲食咗酸菜豬肚同埋剁椒娃娃菜。豬肚口感煙韌，唔會太硬。味道鮮美，味道足以讓我回味一陣子。川菜對於辣椒嘅運用獨樹一格，有道地嘅家鄉風味。剁椒配娃娃菜，真係好正！又辣又多汁，真係好過癮。呢杯紫芋珍珠奶茶，珍珠好煙韌，亦都唔會太甜，值得一試。下次一定再同朋友再黎，再試下佢嘅重慶燒烤同埋打邊爐先！

平時經過油麻地，以為只有地舖，沒想到歐美廣場也開了，到了7點，人頭湧湧，外面又有人在等位置，心想應該不錯吧，於是進去吃晚餐了！首先先吃招牌菜，酸菜桂花魚，魚肉十分新鮮，每一片魚肉都十分大塊，而且完全沒有腥味，每一舊魚都沒有微小的骨，只有大大條的骨，小朋友吃也可以，我是酸菜迷，我很喜歡吃酸菜，老川皇的酸菜一定是我最喜歡吃的，酸中亦帶點微辣，也可以喝酸菜湯，有暖肚的感覺！之後吃干鍋魚雜，將魚的魚春炸成一個球狀，十分可愛，配菜也有辣椒，愛吃魚春的食家一定要吃這道菜，吃下去口感十分新鮮，值得一試。再上了鐵板水晶粉，每一條水晶粉都沾上辣，最適合無辣不歡的食家，我就算叫少少辣，都已經十分辣，每一啖都十分爽口和彈牙！

以前宵夜去砵蘭街 o個間店食過重慶風味 o既燒烤原來 o係對面街歐美廣場都有分店依間店就大間 d, 不過兩間都幾好坐d o野都上得幾快, 好快就有得食 由 $9 串起, 豪少少又有海鮮揀~辣度都可以揀, 走辣都得 ga我就食少辣 ge魷魚鬚好彈牙, 剪開 o左食得方便 d羊架有少少肥, 不過都算多肉同唔蘇, 味道不錯海鮮類相當出色 ar點 o左鮮鮑魚, 象拔蚌同大元貝都好高質鮑魚好新鮮厚肉, 好有口感加 o左蒜蓉好惹味 象拔蚌都係好大條~大元貝除 o左柱肉好食之外裙帶都好爽口同好長 解辣飲啤酒就最 o岩不過依度都幾多特色飲品, 而且又好飲~橙色 o個杯係蘋果紅蘿蔔, 另一杯係木瓜珍珠奶都係即製 ga!

朋友想食川菜，揀左呢間隔條街有兩間分店嘅「老川皇」。我地一行兩人，無辣不歡嘅我地全餐都係食辣野。水煮魚片：一上枱時香味撲鼻，見到成煲辣椒都已經流哂口水。魚肉肉質鮮嫩，不過都幾多骨，食嘅時候要小心，要「食不言」。重慶酸辣粉配龍蝦丸蟹籽丸：酸辣粉用左薯粉，口感煙韌彈牙，加埋肉碎同花生，入口又酸又麻，吸收左湯嘅味道後非常好味，香味十足。飄香辣子雞:辣子雞一上檯時已經好香，碟上佈滿辣椒，顏色相當吸引。雞丁入口香脆，入口微辣，無骨嘅佢食起上黎唔會累，令人一粒一粒食真係會食到停唔到口。鐵板茄子：呢味菜係招牌菜，點都要試下嘅。用鐵板上嘅茄子，入口脆脆地，應該係炸過嘅，配埋秘製醬汁，非常入味，值得一讚。飲品：飲品我地叫左原味珍珠奶茶同香芋珍珠奶茶，甜甜地，食完辣野飲真係完美配搭。

興老朋友相聚，又想吃辣，他介紹了這家在旺角的老川皇。餐廳座位充足，不用等位便能入座，在旺角的餐廳少見。先點了川北涼粉，這家的造法是以粗切粉條。每條涼粉都很滑溜，而且相當稔，入口易咬，但筷子稍用力夾便折斷。辣度適中，是不錯的前菜。再來一碟飄香辣子鷄，一大堆香炒辣椒混著雞粒。在餐牌上有兩個名稱，主要分別是帶骨雞和無骨雞。雞粒預先炸透再炒，令每粒雞都帶著香脆味道。個人最欣賞是他們恰當地利用薑片和麻籽的組合令麻辣味以外更添一層次，而又不會被薑強勁的辣味主導整碟味道。最後點了水煮魚片，雖然是點了價錢最便宜的一種，但味道上也不馬虎。魚片每塊都有咬口，而且不易夾散，可見是新鮮魚切成。湯底味道不算太濃，惟一美中不足是每塊魚片都帶不少魚骨，每塊都要小心挑骨才能一口吃掉。

好耐無出街食野又好耐無食辣野！去老川皇食啦一於！好掛住嗰度既水煮魚 大大兜 好多魚又有好多牙菜食！唔係好辣咋！好香！魚好滑啊 仲有好多舊添！ 好好味！叫多樣送！依個四季頭又係正既！炒得得好食！勁中意食！再嗌左啲串燒食下！ 一如以往樣樣都唔錯！ 係韮菜太大條啦！好難咬！如果係細條嗰啲就正！其實都有好多野食！打邊爈都仲得！下次試下先 今次目標係水煮魚！啤酒價錢都ok, 佢地自己沖嗰啲野飲就好一般啦！張枱仲有個叫人鐘添！禁一禁就有人過黎落單架啦！