老川皇

營業中

休息中

好難得約到可以食辣既朋友食飯，所以同佢食飯我一定要求食川菜🤗朋友提議去食老川皇，話上次食過覺得唔錯！我地簡左呢間因為感覺餐廳大d可以坐得舒服的🙂我地叫左一份酸菜桂花魚，一碟涼伴牛肚同干鍋田雞😋本身想試水煮魚，不過朋友話好耐無食酸菜魚所以今次就遷就下佢啦😂份酸菜魚好大盆，另外我地仲加左一份紅薯粉係入面！我地叫左小辣，個人覺得唔算太辣，入面既桂花魚好新鮮，肉質鮮嫩，而且唔多小骨！👍🏻👍🏻酸菜魚個湯同薯粉都好夾！😋涼拌牛肚我地要左中辣，個人覺得個汁調得唔錯，辣得黎都食到有蒜香味！朋友話上次食過干鍋田雞好正，所以今次要encore!! 🤨果然係正！成個鍋炒得好有鑊氣，熱辣辣！而田雞肉好新鮮份量亦唔小！！🤣下次要黎試下呢道既水煮系列！😋

為左同同事一齊享受食辣野既樂趣, 我訓練自己條脷, 由譚仔10小辣升到3小辣, 覺得係時候了!老川皇係同事食左好多年既店, 佢話好味我地分別叫左麻辣雞煲半隻, 水煮魚小辣, 水煮牛中辣, 鐵板茄子同埋干鍋肥腸水煮魚既肉幾滑幾香, 不過就一D都唔辣, 係完全唔辣, 配料芽菜夠多, 同事中意食後叫既水煮牛, 就算中辣, 都係一D辣味都冇..D油係咩油黎架呢...牛本身就冇乜味, 唔中意茄子好好味, 醬料味夠濃, 但同時都超多油我本身唔食內臟的, 但都要試下, 口感唔錯的, 煙煙UNUN咁, 味道都夠, 不過唔太習慣果種''壓''味呢麻辣雞煲唔記得影相, 因為最好食, 同埋最辣就係佢了! 雞肉夠乾身, 香料味充足, 真不錯呢環境方面, 唔算迫, 但超勁嘈

同朋友又去嚐辣 今次揀左老川皇 因為其中一個朋友食完話好好味要再黎食😂嗌左火鍋同埋三個小菜 腐皮 辣子雞 同粉絲 腐皮好甜好開胃 辣子雞勁少肉勁多辣椒 啲肉炸到勁脆又細粒 都分唔到係粉定係肉 粉絲係好味既 但略嫌有啲糊～火鍋湯底一開始勁惹味 配竹笙食真係頂瓜瓜所以忍唔住encore多左碟 但後期加完湯啲辣味就開始淡 變到普通邊爐 完全唔醒胃🤔諗住叫啲侍應加辣 其實無得加就無得加 唔好話幫我問下/應左我之後完全無理過我地 本身落單個時寫啲order都已經有錯 可唔可以醒目少少 其實呢間既辣味好普通 不過價錢都抵

千奇唔好食，食到我又痾又嘔，兩日前係老川皇食左幾碟小菜，包括水煮魚，食完行街既時候，我同朋友個肚已經好唔舒服，跟住我仲係條街嘔，我同朋友仲痾左兩日，做餐廳做到你咁唔乾淨。依家等星期一食環署返工去投訴我勸大家千奇唔好食，我一個係咁，可能係自己問題，但係如果朋友都係咁，咁間野一定好有問題。希望曾經比呢間野塗毒過既苦主企出來，比d咁既野個客食，希望佢地好好反省一下！

樓上店驚喜! ~~正宗川菜館，食材新鮮，有新鮮果汁，算是平民價錢。服務滿意，會同家人再次品嚐品嚐 ! 黃金蝦 及酸菜桂花魚都是不錯的選擇! 唔食得辣都有不少菜式可以考慮!

好多時朋友問我晚餐想食咩，我都會秒回：火鍋！趁住仲係冬天，要把握時間打邊爐呀～今次選擇左旺角的老川皇。鴛鴦鍋 　$52今年打左咁多邊爐，我相信呢個係最平的湯底，仲要係鴛鴦鍋 ，一次滿足辣唔同辣兩種口味，好抵花椒水煮魚　$138辣度不算很重，但麻度很夠，很惹味。魔芋絲 　$26邊爐每次必點。紅薯粉 　$22紅薯粉是較幼身的那種，口感彈牙。鮮豆腐 $26黑柏葉　 $38很爽口，索哂辣湯好好味黑椒牛根丸 $40可樂　 $15珍珠奶茶 　$19飲品多元化，竟然連珍珠奶茶也有！鮮籽墨魚滑　 $65滑溜又鮮甜，推薦！本地生菜 　$26栗米 $28食到勁飽，差啲飽到行唔郁咁濟，大約200蚊一位，真係大件夾抵食質素唔錯， 下次嚟幫襯會試下啲小菜

今日旺角尋食日，上網搵到呢檔《老川皇》可能下午茶時段，員工態度比較散慢，不過都有反應既～一坐低就點口水雞午餐$48無加一，飲品另加錢$5-$10，我揀咗冰檸檬🍋甘桔，都唔錯，口水雞味正常，微辣都剛剛好，花生鬆脆，份量正常，未算非常突出，但經濟實惠，可以再幫襯～

黎到衣間川菜食辣野，或者平時唔係咁.眼見另一台客等得太耐，仲入左廚房鬧人，所以氣走了.心諗其實我地果酸菜魚都已經好耐，催左兩次未黎，傳來廚師大佬係到講四川話，我諗可能有人射波掛.不過最灰係 聽到隔離台話：我地叫水煮魚唔係酸菜魚 ，最後被說服左要埋但我地叫唔切 佢地已經食左 條魚係我地架！然後再說服我地要水煮魚 話比d酸菜魚我地補數.....都唔想難為姐姐所以接受唯有...食物係正常幾好既 係d人手安排唔知咩樹.

今晚自己一個人打算hea食個晚餐，經驗老川皇，見到價錢便宜，就入去食碗麵，點個勁失望。叫左個鴨舌同埋擔擔麵，鴨舌叫左少少辣，但依家非常辣，辣到胃都痛埋，放棄。而擔擔麵就非常清，如圖所見, 就係一啲芫茜加辣椒，係我印象中，擔擔麵應該有花生粒，但果碗野真係好似一碗清湯陽春面，不過價值平，都算。最慘係坐正收銀隔離，有個阿姐坐係收銀台，有個阿姐企係堂中間，两個隔住我黎傾偈，嘈到呢，真係頭都痛埋，可唔可以細聲啲，雖然hea食，但真係嘈到一啲都唔想留係入面。

天氣開始又寒冷，和朋友都想吃辣暖身，決定到旺角朝聖老川皇！鴛鴦鍋底：至尊麻辣鍋底+豬骨湯底 $52食火鍋最重要有辣有不辣，自己感覺兩個湯底都好正，麻辣的味道十分地道，豬骨湯底香濃。配菜上都十分足料，而且食材新鮮！鮮籽墨魚滑 $65墨魚味十分濃郁，口感彈牙，十分推介！黑柏葉 $38新鮮可口，份量十足，嚼口感好正！鮮花椒水煮魚（中辣） $138/斤自己超級喜歡水煮魚，辣味適中，魚肉鮮嫩可口，真心推介！整體上，店鋪格局都幾舒適，店員十分認真，食物味道一流，下次經過一定會再幫襯！

過左lunch 時間，等左30分鐘都未到，一啲唔好意思都無，只會覺得唔食咪走lo,門口係果面...好幾次係甘，對於鋪黎講又無所謂既，多我哩啲客唔多少一個半個又唔覺！!

一直都好想食老川皇，今日終於約到幾位食辣的朋友，齊齊開餐！鴛鴦鍋底：至尊麻辣鍋底+豬骨湯底 $52一紅一白，滿足我地貪心的欲望！但我個人而言當然喜歡麻辣鍋底，好多花椒，最愛麻麻的感覺❤️鮮花椒水煮魚（中辣） $138/斤魚肉好嫩滑，花椒好香好誘人，整鍋色澤青BB的，啖湯都超正，專登叫左碗白飯來餸，滋味到極！黑椒牛筋丸 $40黑柏葉 $38鮮籽墨魚滑 $65鮮豆腐 $26魔芋絲 $26紅薯粉 $22本地生菜 $26玉米 $28感覺上火鍋配料都好新鮮，而且選擇多，價錢合理，絕對可以一試！原味珍珠奶茶 $19

奉勸想試呢間餐廳嘅人一定要book檯☝🏻因為呢間店有三間舖喺旺角，但星期六都係好爆滿架。我book咗7點，但行街冇收鑊就早啲入座，當時6點半已經差不多滿，有兩張大檯留座添。我哋坐低點菜時發現有得打邊爐，都係麻辣湯底嗰啲，另外有個胡椒豬肚雞鍋，都幾特別，眼見好似都唔多檯打邊爐，我哋今日都係點小菜。佢哋個menu好大本！同埋真係好多小菜，同一個材料都有兩三款煮法，我哋好多嘢想試但個胃唔裝得落咁多，咁就揀左涼拌牛柏葉、口水雞、炒土豆絲、鐵板水晶粉。最先上嘅係兩碟冷盤，個牛柏葉個醬汁係好香口好惹味，而且佢切得大片，每片都掛晒汁😆又爽口👍🏻👍🏻👍🏻👍🏻👍🏻至於口水雞例牌，有一半係脾一半係背隻，個醬汁都係一流，兩個冷盤都食到唔停得口😆而且我哋叫小辣佢就都係小辣。跟住差不多食完就到炒薯絲上檯，雖然叫左中辣，但一啲都冇辣味，係食到尾掂到啲汁有些少辣，而且個調味有啲似落咗上湯炒，我哋仲以辣會酸酸辣辣咁添。最後上呢個係鐵板水晶粉，入面加左啲泡椒去炒，有啲酸又辣辣地，而且我好中意食水晶粉呢類質感嘅嘢，覺得都炒得好好味，都見有好多人嗌。其實我仲想試紅糖糍粑，但等咗太耐都未嚟，所以取消咗。下次嚟仲想食下毛血旺、

話說因為自己最近愈食愈辣，諗住戎下辣野， 點知見到呢間餐廳既野食真係忍唔住要破戎， 基本上我地叫既每碟菜都係辣既~有小菜到主菜都無一例外： 涼拌土豆絲, 四川涼麵,涼拌 腐竹,辣子軟殼蟹, 同埋水煮牛肉。雖然全部野食都辣得好過癮，但係每碟菜除左辣味之外都仲有佢本身既香味。就例如飄香辣子雞，佢係會有少少泰式風味，落左小小香茅去煮; 又或者係涼拌腐竹，佢落左我最愛既芫茜!(雖然好多人都唔識欣賞芫茜既香味)當中做得最出色我會揀辣子軟殼蟹，佢將個蟹炸得好鬆脆， 而且咬落去既時候，啖啖都係蟹膏，又香又辣，個種感覺好滿足!食到最尾，唔知點解我地叫左碟炸饅頭當係甜品(所謂既甜，其實我都係貪佢既煉奶 )新鮮炸起既饅頭，再點練奶真係一絕!飽了，滿足了。

同朋友經常去旺角 逛街 ，經過登打士街 都見到嗰度有兩間老川皇 小菜館， 都是 熱熱鬧鬧 ，座無虛席。於是約埋朋友去歐美廣場呢間， 品嚐 下 老川皇 的菜式。 餐廳內 的佈置很簡單， 但讓人感覺很舒服。牆上周圍 ， 貼上 介紹 小菜 和價格 ，方便客人選擇。 認真細心照顧客人需要。鐵板水晶粉，$68 水晶粉分量多， 而且 炒得 乾身 ，水晶粉 很有口感 ，材料须然簡單， 但 加入醬汁 炒很 入味， 應真超值。蟹黃豆腐 ，這個小菜须然簡單材料配搭 ，只是有少許蟹柳 和鹹蛋黃 再加入豆腐 。但已經有色香味 驅全， 送飯 非常開胃 ，廚師手勢 值得一讚。朋友還order咗一杯 自愛 的 香芋珍珠奶， 香芋味非常出味， 而且冰冰凍凍。 在小菜館有這飲品 ，當然唔會放過飲番杯啦。😚