老川皇

營業中

休息中

川菜不嬲係我既最愛, 川式辣味超過癮, 每次食川菜必需要叫辣先過癮干鍋肥腸呢一煲野係用一個小獲裝住, 再由個火一直熱住, 咁樣食同出面有好大分別, 因為肥腸一凍左就唔好食, 會變得好UN同埋D辣汁會變成辣膠, 所以我幾欣賞呢個做法, 而且個辣味都出下, 同個肥腸口感同味道都好夾!! 胡椒豬肚雞呢個估唔到原來係咁大煲, 店員首先會將雞件和湯底分開上, 等火燒到滾就可以落雞件, 食法有D似火鍋, 但係呢個唔同既地方就係個湯底真係可以當湯咁飲, 好清甜同埋感覺好補身, 雞件好多又大塊, 只要煲到變左白色就食得, 簡單方便

我係一個無辣不歡既人, 所以好鐘意食川菜鐵板水晶粉水晶粉既口感一直都係我最鐘意既, 因為佢既質感爽Q彈牙而且好易吸收哂醬汁既味道, 咁樣食起上黎就算冇乜材料, 個味道都已經好夠呢個鐵板水晶粉既料材都係有既, 不過重點係個辣味!! 估唔到可以咁辣, 但係越辣越滋味!! 魚香茄子大家都知魚香茄子係一道需要用好多油佢煮先會香口好食既菜色, 但係呢間油得黎又唔會食到有滴油既感覺, 油份適中, 而且好香口, 辣味同其他餐廳食到既好唔一樣, 用黎餸飯真係不二之選

食肉獸來了，叫我要同佢食飽肚惹味的午餐。靈光一閃，想起老川皇！一人一份午餐，原來白飯係另上的，非常適合齊齊分享。蔥爆牛肉餐$45蔥爆牛肉蔥香十足，牛肉算嫩口而且份量多，絕無花巧。樟茶鴨餐$48樟茶鴨我第一次食，煙熏香氣撲鼻，一聞之下非常開胃，愈食愈餓。鴨肉皮脆肉嫩，滿口滑香，值得肥一次😬想到既然難得來聚餐，意猶未盡，於是又點多兩個小菜：蟹黃豆腐$62非常滑滑的豆腐，雖然切至細細粒，但仍不失柔軟口感，亦有嚼口，蟹黃濃，滿口旦黃香，很滿足。干鍋茶樹菇炒臘肉$82個人很喜歡茶樹菇，但自己煮總係無川左美味，今日總算過足口癮。蜂蜜柚子+$7蜂蜜柚子夠足料，甜蜜夠濃，相對坊間很多餐廳良心多👍🏻👍🏻👍🏻唔係講笑，真係飽到晚餐都唔洗食😋最後一提，姐姐服務好溫馨。

同朋友仔行行下街，行到攰攰地，想揾地方食個飯。佢帶左我去食間辣野，佢話好好味，又唔貴。我地叫左涼拌牛展、胡椒豬肚雞、涼拌牛展同乾扁四季豆。涼拌牛展：屬小辣、惹味得來有點鹹，牛展口感爽口，最適合為下酒菜。胡椒豬肚雞：主要既材料有三黃家雞，同豬豬肚。夏天悶熱濕重，此鍋有健脾暖胃嘅功效。先飲頭啖湯，有少少辣，因為胡椒嘅關係，雞件腍，豬肚爽口。個鍋對兩個人黎講份量有點大，飲完個湯，食埋大部份雞件同豬肚，已好飽。如果四個人食，就可以食更多野。 乾扁四季豆：屬小辣，炒得惹味夠火喉，四季豆新鮮爽口。

同嗜辣同好食放肆大辣是幸福嘅事!今晚就黎到歐美廣場食老川皇#水煮魚$132/斤魚片入口滑溜，魚骨唔算太多!但無晒平時嘅青瓜同豬紅。薯粉要加$28 （幼身嘅薯粉）農家小炒肉 $72大量青尖椒炒豬肉片，惹味非常!份量都幾多，係油左dd!串燒 茄子 $32食串燒情意結一定要食茄子！蒜香孜然味滿滿雞翼得外皮有味，入面完全零味道！泡椒鳳爪 $22涼拌小食，太咸唔夠辣份量可以，味道一般重點係：抵飲生啤 Hoegarden$58 /1杯平過酒吧嘅happy hour價錢！忍唔住即刻叫左杯先！大家都非常合群飲杯，cheers!

上次同麻辣君誤撞去左食晚飯，入面好多野食都好吸引，奈何晚餐份量大，兩條女唔食得多，發現想食嘅野午餐都有得㨂，於是擇日重賽黎食午餐，兩條女叫到成枱野。首先梗係要叫個水煮魚，上次食唔到，今次必試，再番兜口水雞，麻辣蕨菜，新野有酸辣粉，麻辣萵笋同海蜇。蕨菜同萵笋無咩味道，但係食落好爽，我鐘意食海蜇，不過有好多芫萎，唔知同午餐有無關係，碟蕨菜都有好多芫萎，上次食夜晚都無咁多。酸辣粉夠酸但唔夠辣，雖然我地全部野都係中辣，唯獨個粉嘅辣唔夠出。口水雞堅好味，上次我外賣左一隻同朋友一齊食，大家都話好食，然後終於食到期待已久嘅水煮魚，魚好滑，入面嘅大荳芽都好夠味，我呢啲唔嘥野嘅人梗係自己帶飯盒打包埋兜汁返屋企煮麵。午餐埋單$240，同我地上次晚飯差不多價錢，但係就可以食多幾款。餐牌入面仲有好多野想試，我地未食完就已經諗定下次要再黎食午餐試其他野

三人飯局 既然大家都鐘意食辣 咁就老川皇啦好彩派左友人早少少去拎位 如果唔係等到呆7點半已經全場爆滿了 証明係好野先黎口水雞 我地叫左一隻 估唔到咁大碟勁抵食喎 $168 食極都有 中辣都唔算好辣可能迎合返香港人口味 雞肉入口嫩滑不過我最鐘意食佢啲花生 夠脆口男人叫左鐵板肥腸 好有咬口 肥腸沾滿青紅椒嘅味道 十分惹味最後係每枱都會叫嘅水煮魚 我地㨂左桂花魚貪佢少骨 魚肉非常嫩滑 浸得越耐魚越辣底下除左魚骨魚頭之外 重有芽菜 吸晒啲辣味 食得勁爽！

今日喺旺角等朋友收工消夜，黎左呢間老川皇。原來之前我去過對面舊鋪，食過酸菜桂花魚超好食。今次黎對面鋪坐得更舒服。台上有按鐘，叫waiter 更方便酸菜桂花魚是必點$182桂花魚營養價值非常高，我喜歡酸菜的煮法，而桂花魚的肉質細嫩，湯底非常酸香又鮮美，不油不膩呢。可要求以打埋邊爐，食完魚之後就可以用湯底打邊爐啦加本地生菜$26之後點了一些串燒:茄子$25這味燒茄子充滿了蒜, 蔥, 及孜然粉的香味，熱辣辣非常惹味。羊架$28這客羊架以孜然粉一起燒，完全無左羊酥味，肉夠稔，仲好香口呢。最後叫左飲品解渴即榨木瓜珍珠奶$23因為見到bar 台有很多新鮮生果及即榨飲品，所以就叫埋即榨果汁啦。即榨夠新鮮，沒有特別加了額外甜味，夠天然好飲~

突然好想食辣野 不過要搵個陪食辣嘅人唔易不過我搵到啦 捉左好友去陪食老川皇 其實都唔洗多介紹 真心大件夾抵食好彩我地早去 7點半已經全場爆滿+等位我地㨂左水煮桂花魚 真係原條俾返我地大量嘅辣椒/麻辣 不過可能配合港人口味中辣都唔係太辣 配菜就得芽菜 好想加碗薯粉桂花魚勁嫩滑又無骨 不過浸得耐就越食越辣魚胶魚骨係個底 我好鐘意食魚 覺得好正重有黃金蝦 咸蛋黃包住每一隻蝦 蝦殼被炸到脆脆到 蝦肉入口鮮甜配上蛋黃嘅咸 忍唔到叫碗飯黎配下

中秋晚，個個都早放，約了朋友到朗豪睇戲，睇戲前就諗住揾個地方醫肚。但就度度都等位，最後見派街招姐姐熱情推介，揀左老川皇。 因為大家同樣食唔到辣，而且趕時間，所以啲招牌川菜無機會試雖然好想，尤其個火鍋，隔離枱傳來的陣陣香氣，引死人！！！唯有點啲家常小菜。 先來的上湯白菜餃，料頗足，所以隻隻餃子都好飽滿，清淡之選。 點了個炒米粉，不知是否廚師狗鑊氣，所以米粉炒得乾身，而且米粉質地爽口彈牙，加入了三絲炒，又幾令人驚喜！ 蟹黃豆腐味道不俗，有淡淡咸蛋黃香，豆腐切作細細粒，送飯不錯。 見餐牌上有個梓茶鴨幾特別，所以點左個例黎試試。份量唔算多，呢個鴨的做法有點似風乾的蠟鴨，肉味濃而較乾身，單食會感覺有點咸，但如果送酒或配湯，就十分適合。 你意想不到晚市呢度都咁熱鬧，人人枱上點了一個鍋，然後就送飯。下次再都要點返個楜椒豬肚雞鍋黎試下!!!!!!

平日晚上放左工 同朋友諗住係旺角附近食個飯傾下計 朋友都係中意食辣野 於是我地搵到呢間老川皇 估唔到呢度地方咁大 平日夜晚都全場爆滿要等位 不過都唔係等左好耐就有位鐵板茄子我地叫左呢度既招牌菜 鐵板茄子 釀左啲肉入去茄子裡面 先炸後蒸 感覺都幾得意 有小小脆 味道雖然幾好 但略為多左小小油 如果要來配飯應該唔錯呢碟茄子有六大件 我地一人食左兩件都已經覺得好飽了口水雞我地叫左個例牌口水雞 份量都幾多 $58超抵食!! 兩個女仔叫例牌就夠哂 雞件好嫩滑 仲加左花生香蔥等 更加滋味 個辣味好香 夠哂過癮酸辣粉 牛丸+墨魚丸以$24蚊一個淨酸辣粉黎講 呢度個size比出面多 係抵食既 我地兩個人share都好足夠 湯底夠濃 最中意呢種酸辣湯 牛丸較有特色 咬落彈牙之餘又夠juicy $6蚊2粒唔夠喉啊 真係想再食多2粒蒜蓉菜心食左咁多重口味野 點都要清清地叫個菜食下 個菜都幾大碟 份量足 唯一小小唔好係啲菜好大棵 如果切細啲就會容易啲食呢度啲送味味都好大碟 我地兩個女仔 叫幾個小菜就已經好飽了 食到捧住個肚返屋企~

同朋友聚會，揀左食啲風味小炒上到去，店鋪好大坐位都好舒適，非常好！一睇餐牌就俾呢味"鐵板魷魚鬚"吸引住鐵板一上檯，已經有濃濃既香味食落好香口，而且加左洋蔥同芫茜落去就更香啦雖然碟野份量唔少不過我同朋友夾下夾下，好快食晒見到好多人叫樟茶鴨我都一於試下，呢個係例牌既份量我第一次食樟茶鴨，煙燻過既味都幾重啲皮都幾脆唔係周圍可以試到，由其係呢碟只需$58咋！要飽肚，所以叫左碟楊州炒飯大碟抵食有鑊氣見到隔離檯叫左好多重慶風味燒烤好正下次一於試下！

老實講我唔係食得好辣嘅人，不過今晚約左個無辣不歡嘅朋友食飯，加上佢介紹老川皇話唔係淨係得辣野食嘅，所以就陪下佢啦～蔥爆牛肉$70呢個雖然有落辣椒炒，但其實唔係好辣！個汁好惹味，d京蔥索晒個汁，好好味！如果再多d蔥就好喇！（錯重點）口水雞$58口水雞朋友就我揀左少辣，太好喇，少辣又係唔係好辣，仲有成隻雞脾，我朋友鐘意食雞脾，岩晒佢～d花生好香口，好脆樟茶鴨$58揀左呢個唔辣嘅鴨肉，一d肥膏都無，啖啖肉，而且醃得好入味，連塊皮都好好味，好岩唔食辣嘅人除左小菜，呢度仲有重慶燒可以點，由於已經食左三款肉，所以點左以下：韭菜兩份$18 超推薦，d香料實在太好味，重慶燒嘅代表之一。羊肩肉$11 呢個羊肉完全唔膻，一啖一粒岩岩好粟米$9 好清甜好啦，等我練定過一排再黎同你食辣！

好似唔憂做咁，叫極都唔理，忙都可以叫我地等陣啊，但完全係無視，不知所謂野食一般水準，唔明點解多人食無服務食物無質素，仲要等得又耐，埋單反應就快啦，呢世都唔會再食

每次月尾約朋友食飯，佢哋都要求唔好食太貴，上網見到依間四川野又平，賣相又幾正宗，就決定試一試佢我哋一共六個人就每個叫一樣餸，我上網睇已經好想試佢個酸辣水晶粉，果然好味，不過因為朋友們唔係好食得辣，所以只係叫咗小辣，所以酸味較重，如果食中辣可能會更好。仲有叫辣子雞同欖菜四季豆，辣子雞真係好香口而且有獲氣，有得揀有骨同無骨，我哋就揀咗無骨，食起上黎就方便啲。而四季豆都好香同埋好夠味，唔算太辣。另外仲有叫炸曼頭做小食（其實有六件，不過太餓，食咗先影），味道就不過不失。而黃金蝦就差咗啲，通常黃金蝦都會炸兩次，炸到可以連殼食，但依間就炸得唔夠脆，所以食嘅時候就要自己起殼，但精華就係個殻啲汁度，所以就真係有啲失望最後依個鐵板茄子見好多人都有叫，就試吓啦，茄子好入味，而且有釀豬肉係入面，口感就豐富啲，依個餸係為咗唔係好食得辣嘅朋友叫嫁，唔辣，而且送飯一流總括黎講食物質素唔錯，只係上菜好慢，而且人手唔夠，永遠都叫好耐先叫到侍應😂，不過都值得再幫襯嘅