老厝邊 (已結業)

嘉義雞肉便當，好豐富，雞肉絲、滷肉食落啖啖肉，味道咸香不膩，飯粒口感軟硬適中；4款便當菜包括有清炒大白菜、乾煸四季豆、滇小黃瓜、蔥花蛋，清炒大白菜口感脆爽，味道清甜，乾煸四季豆食落好香口、帶有蒜味，滇小黃瓜味道酸甜，蔥花蛋蔥味、蛋味濃香。滷肉乾拌麵，滷肉採用五花腩製作，肉質肥瘦適中，滷肉、豆乾食落好入味，味道香濃、甜咸；京蔥絲、青瓜絲食落好新鮮，口感爽脆；麵條爽滑，容易掛汁。塔香鹹酥雞，採用椒鹽調味，食落好香口，口感外脆內嫩，肉汁飽滿。冷珍珠黑糖鮮奶，珍珠口感Q彈，黑糖味道香甜、帶有焦香，甜度8分，牛奶味道醇厚。冷珍珠茉莉奶綠，茉莉綠茶味道清香帶甜，飲落好清爽。

大角咀不嬲多野食又要幾抵同朋友都好想去轉台灣旅行食野,唯有去下係台式野頂一頂癮先na!尼頭有間長期都排哂隊既台灣野,lunch time真係好多人..揀左尼間又係台式野試下,E~又唔錯wo😝------------------------------一黎真係嘩左聲,因為個份量真係好大個! 大大塊鹵排骨,大過我手掌,而且配菜超多,等於叫左個小蔬菜🥬排骨個鹵味又唔會太濃,外面個層帶點脆香既皮,惹味得黎又好岩送飯但又唔會係吉列豬扒個種熱氣👍🏻加埋隻半熟蛋！好食呀☺️相比起尼個價錢有尼個份量都算抵！同便當一樣大大份，見到都滿足啊！牛肉入味唔會過咸，入口焾滑...牛筋嘅膠原BB，wohoo，係我地女士門嘅好朋友，好味得黎心情都靚D啊！大大舊入味冇渣嘅白蘿蔔，同兩大棵唐菜，balance返個diet，有肉有菜👍🏻麵身個人認為再硬返多少少就更正啦~~Woah!!!!!! 見到menu個芋泥蛋餅已經被深深吸引住..芋頭控揮揮手~~仲要加埋「超濃」點抵擋得住...繼續佢大件嘅節奏，飽滿嘅蛋餅，真係要趁熱食！雖然係台灣食過嘅都係basic口味，但佢又真係令我好回憶返起..每朝必食嘅蛋餅，唔偷工減料嘅蛋味..

今日同有人在大角咀食這間裝修很台灣的台灣菜，餐廳位於食肆林立的大角咀主街道，他們的滷水非常好吃把豬腸蘿蔔海帶及注意等等的滷水聖物混在一起，一次滿足我很多的願望。牛肉麵也很好吃牛腩煮得很林加上有牛肚及蘿蔔麵也很爽，是我喜歡的軟硬度。彈餅也不錯今次叫的是粟米蛋餅感覺很清香及爽脆，最後滷肉飯也很魅力因為肉是用半肥瘦的豬肉製造而成不會太過肥膩沒有罪惡感，飲品今次沒有點台灣特色飲品只點了冬瓜茶因為覺得晚上還是喝一杯清淡的冬瓜茶較為健康，整體而言這間餐廳我給一百分。

13/10 八號風球，成條街無人梗係出去揾嘢食啦，呢間台灣菜第一次試，叫左魯肉飯，大腸麵線，醉雞，炸雞，烏龍珍珠奶茶，另一杯忘記了。。。總括係好失望😞全部菜都好鹹，大腸麵線好大陣鹼水味，又話係招牌嘅醉雞鹹到有陣味，全部有八至十件，我哋只吃到三四件，但係個炸雞叫做入得口，有肉汁，偏鹹，反而個招牌魯肉飯d汁多到變咗做湯飯，又係好重口味，肉質叫不錯，有肥有瘦，但調味絶對失敗。反而杯烏龍珍珠幾好味，應該無下一次。

星期六夜晚本身諗住去近排好紅嘅那個解決晚餐，點知去到見到條人龍已經打退堂鼓😰所以喺附近搵左間同樣食台灣嘢嘅老厝邊試試😂入到去裝修好似係模仿台灣夜市嘅感覺，姐姐都好似係台灣人🤣餐牌選擇都幾多，有啲更喺香港少見啲👍🏻🥢起司肉鬆蛋餅 ($35)自從冇得去台灣之後，都已經超過一年冇食過蛋餅😭 見到呢間有即刻二話不說叫嚟食😚賣相都睇得出佢好紮實，唔多唔少都有台灣嘅感覺😋蛋餅上都有煎蛋包埋一齊，好足料👍🏻唯一要挑剔嘅地方係芝士無拉絲嘅感覺🧀其餘都算唔錯🤪🥢嘉義雞肉飯 ($30)係香港少見嘅一道！可惜雞肉真係略為乾左啲同埋調味唔夠，所以食起嚟都有啲單調😔成碗飯唯一嘅調味係由特調醬汁，好可惜拌埋一齊，雞肉都冇因為咁而加分，有待改進⚠️🥢塔香鹽酥雞 ($38)即叫即炸嘅鹽酥雞有埋炸過嘅九層塔拌碟，幾有心思💕鹽酥雞果然係熱辣辣，食起都算juicy💦份量都唔少，但炸漿表層有少少炸過龍嘅感覺，可以略加注意❗️🥢炸排骨便當 ($60)份量十足‼️一般一個人叫一個食完都一定會飽🤰🏻除咗主要嘅炸排骨之外，仲附上左唔少配菜拌碟，超級豐富💯相比起鹽酥雞，炸排骨處理得比較出色，外脆內軟，無過火嘅感覺，不錯✅🥢清甜甘蔗鮮奶($2

🕗晚市開返終於可以去呢間台灣餐廳，店主喺一對90後港台混血姐弟，「老厝邊」喺台語，意思喺老鄰居，將台灣味道帶嚟香港🙆🏼‍♀️🍜眷村紅燒牛三寶麵 $78牛三寶帶牛筋牛𦟌牛肚，牛𦟌大大塊，麵質彈牙較軟身。湯底牛肉味道濃郁，當中帶點藥材味道同微甜😋原來店主採用骨髓多的牛筒骨，加入不同的中藥材及香料，如花椒八角桂枝、蘿蔔、岡山豆瓣醬甜麵醬，熬足12小時製成👍🏻🌮超濃芋泥蛋餅 $38拉絲力十足🤪芋泥餡多到爆出嚟🥰蛋餅夾埋肉鬆，咸咸甜甜咁好特別，芋泥甜味來自芋泥本身，沾埋蛋餅醬汁好飽肚🤣🍗花雕醉雞 $38🥃醉味濃郁！雞肉好嫩喔又無骨，切成圓轆轆咁好易入口方便食用。🥚家常滷味拼盤 $35拼盤有3款；滷水蛋、豆腐、海帶海帶沾滿滷水汁滷味十足

已經好耐冇去旅行了，難免會掛住某些地方既特色食物，好彩係香港到可以品嘗到唔同地方同國家既食物。今日我地來到大角咀，經過埃華街時睇到呢間餐廳，餐廳名字比較有趣，後來知道係台語老鄰居的意思。係台式菜，我哋都好喜歡，而且剛好有位，當然要試下啦。一誰入餐廳，感覺好似去左台灣既餐廳甘，好有台灣店舖特色。我哋叫左紅燒牛三寶麵和秘製麻辣牛肚麵，兩碗麵既肉都好大塊，肉質冧又入晒味，好食。鹽酥雞加左九層塔一齊炸，非常脆和香口，仲有叫左兩杯珍珠奶茶，茶味突出，珍珠煙韌。呢餐俾我地過左過左少少台灣癮。

已經光顧了幾次, 今天因打8號風,  11:30 a.m. 附近開始營業的食店不多, 所以再光顧, 我們一家四口, 兩個飯兩個麵, 四柸飲品及一個小食,  hk$327 。 其實這裡有貴有平, 很多選擇,  我和囝都是滷肉飯, 不過他是便當, 很豐富, 有雞蛋, 有前菜, 有薯仔等, 很飽肚。而我只叫小滷肉飯, 只得幾片青瓜, 但一般小胃口的人, 還是夠吃的,  我當然不夠飽, 所以再叫超濃芋泥蛋餅, 見到啲芋泥迫爆出嚟, 想即入口, 忘記了影相, 吃了一片才影番相, 入口是暖暖的, 而口感方面幾特別, 有肉鬆, 是鹹味的, 但芋泥應該是甜的, 而不算超濃甜的芋泥, 其實偏淡, 滑滑地, 所以我評依個蛋餅是一個不鹹不甜, 但又幾好味的小食, 因為我喜歡淡味, 跟碟上的醬卻太濃味, 如果點了吃, 便會蓋晒芋泥, 肉鬆和蛋的淡淡味道了, 個醬似點雞的, 配不起依個芋泥蛋餅, 可能配上甜醬更夾。

幸福就是簡單~簡簡單單的台式食品，食材同味道充滿台灣的感覺，芝士豬肉髮蛋餅， 牛肉麵，仲有好豐富嘅台灣香腸便當，樣樣都好有水準。芝士肉鬆蛋餅蛋餅，本身已經係無得輸嘅食物，加上令任何食物都會變得好食嘅肉鬆，真係好好食。再加上芝士嘅香味，正！不過要親熱食，凍咗芝士就無咁好食。牛肉麵湯底牛肉味好香，牛肉好淋，麵好彈牙掛湯，都幾正宗。麻辣牛肉麵香料好足， 麻辣味好香，牛根都好淋，好入味，鐘意食麻辣嘅啱晒台式香腸便當喎！一上枱，估唔到咁豐富，有肉碎，蛋同好多台式香腸 ，仲要好抵食，只係$60。飲品珍珠奶茶同蜂蜜檸檬愛玉，兩杯都叫咗30%微糖同30%少冰🤭🤭，好似做緊實驗咁，不過黎到真係少少甜，冰量啱啱好。珍珠奶茶，茶夠香，珍珠有咬口。 蜂蜜檸檬愛玉， 酸酸甜甜好開胃， 愛玉嘅份量都唔少有三分一杯， 值得一試。

超喜歡餐廳的台式懷舊門面, 挺適合打卡的☺️🍜 ɴᴏᴏᴅʟᴇs· 紅燒牛肉麵 $62﹟個麵整得幾出色, d牛肉有成3-4大舊, 夠腍身, 麵既粗幼適中, 食落滑身, 軟韌度都岩岩好🙂個湯底有少少杰身, 所以d麵都掛湯👍🍳sɴᴀᴄᴋ·超濃芋泥蛋餅 $38﹟可能對佢有啲期望, 食落無話好驚喜..🙈但係勝在超飽肚, 食完有d濟既感覺😂料就夠豐富, 有齊肉鬆、芋泥同芝士🙆🏻‍♀️食落都食到有淡淡既芋頭味, 但整體有d過鹹, 拉絲唔係太給力😣感覺個外層可以煎得再香脆d😆🐔sɴᴀᴄᴋ·塔香鹹酥雞 $38﹟炸得都香脆, 唔會話好厚粉, 入面既雞肉都keep到嫩, 但食落覺得比較油膩🤔見到張油紙既底部出油🙈感覺阿木台灣麵做得比較出色😛🥤ᴅʀɪɴᴋ· 鐵觀音奶茶 $22﹟睇落平平無奇, 叫果陣都驚會偏奶同甜, 點知出到黎個茶味夠出👍🥳又唔會太奶同太甜, 有驚喜🥰🥰

本來諗住去隔離食排骨飯，但人太多就轉左去隔離呢間台灣野。上網見到好多評價都唔錯，又好掛住台灣嘅味道，就試下呢間老厝邊。環境都好有特色。勁多嘢都好想食呀。佢八大推介都好有興趣，最後我哋叫咗個芝士肉鬆蛋餅，大腸麵線，鹽酥拼盤同埋兩杯台式飲品。其實仲好想食牛肉麵，但真係食唔晒啦。呢個肉鬆蛋餅好香，而且佢個皮煎得非常好食，我自己試過都整唔到啊。另外我哋好想食鹽酥雞同埋炸甜不辣，叫左個3-4人拼盤😉好香口😝大腸麵線都好有台灣嘅味道。我叫咗杯三寶奶茶，有仙草紅豆同珍珠，好好味呀☺️大家經過不妨一試啊，同埋價錢都好合理。

放大假嘅開始，就係想念台灣旅行嘅時光🥺香港人已經有好多好多個月冇去旅行🧳經朋友介紹下黎到呢間餐廳😻真係唔係講笑！餐廳環境勁有去左台灣咁，以眷村為主題 ~簡單卻又幸福味道~喺台灣食早餐必嗌嘅蛋餅呢度都有，真係好開心，係香港好少地方有得食。介紹反先1.超濃芋泥蛋餅$38必點蛋餅之一 芋泥餡勁多加上配埋肉鬆就咁食已經好味！如果芋泥多食會膩口，可以試吓佢自製嘅醬(有的似泰國醬汁)食落估唔到咁夾。兩種食法都唔錯👍🏻👍🏻👍🏻👍🏻2.塔香鹽酥雞$38鹽酥雞唔會感覺油淋淋，熱辣辣好脆口 ，食完一粒想再食，成碟我食左3分2😂3.香蔥油拌麵 $42熱炸大蔥好香呢個麵岩我胃口，對我黎講份量岩岩好4.麻醬涼麵 $42三色絲配麻醬撈麵 冰冰涼涼，我男友唔洗10分鐘就食哂😂👍🏻最後必定要點反一杯台式飲品，相信你都一定巿花唔少嘅時間去選擇😋因為款式實在太多

🍴薯餅蛋餅 HK$30蛋餅表面煎得幾香，唔會太厚，薯餅夠脆，夾埋蛋同芝士幾香甜，係早餐經典配搭。🍴塔香鹹酥雞 HK$38外層酥脆唔油膩，內裡雞肉嫩滑，充滿鹹香肉汁，連埋九層塔放入口，滋味更上九層樓。🍴眷村紅燒牛筋牛肉麵（加辣牛油） HK$70厚切牛展同牛筋都好腍，蘿蔔入味，湯底加左辣牛油，雖然唔覺得辣，但就比一般紅燒湯底多左一股濃厚牛油香。🍴滷肉飯（大） HK$38豬肉夠肥美，滷水汁夠撈飯，唔會太鹹。🍴珍珠鐵觀音奶茶 HK$24呢度嘅珍珠全部都係黑糖珍珠，但飲落就無乜黑糖味，唔知關唔關叫左微糖事，茶唔算濃，幾順滑。📍老厝邊大角咀埃華街92號地下

店內既環境同擺設好有台灣味道，播既歌都係台灣歌，菜單都好有台灣Feel，好似真係去左台灣咁。價錢唔貴，服務同食物質素都唔錯塔香鹹酥雞 $38薄薄既一層炸粉，炸得好酥脆，咬落好嫩滑、鹹香多汁，呢個必叫！超濃芋泥蛋餅 $38食台式野必定會叫既蛋餅，蛋皮薄餡料足，入面有肉鬆、大量芝士同埋芋泥，芋泥味道好香，唔知係咪凍左，芋泥唔算軟滑大腸麵線 (小) $28麵線係台灣既味道呀！！但擺耐左先食變得有啲稀滷肉飯 (小) $30滷肉好腍好入味，醬汁較多，有好多膠質漿住個口，細碗份量都幾多秘製麻辣牛筋麵 $62湯底好濃郁較杰身，麵條彈牙掛湯，麻辣味好正，牛筋軟腍彈牙入味珍珠鐵觀音奶茶 $24茶香濃厚，奶茶香滑，珍珠Q彈，叫左微糖都較甜百香綠茶 $22好清新既百香果味，酸酸甜甜幾開胃

因為想念台灣，所以找左一間OpenRice 正評很多的小店去止一下癮。呢間台灣小店位於大角嘴，可能因為期望太高，呢間的食物真心有D強差人意。大約六點半，係奧運站行過去，途經另一間小店大排長龍，內心不期然擔心《老厝邊》會唔會都已經排曬隊.... 結果係只有得小貓三四隻，仲暗暗偷笑自己的運氣不錯，可以即入座。我哋叫左一個眷村紅燒牛三寶麵（$78）、嘉義雞肉飯（$30）、塔香鹹酥雞（$38）、超濃芋泥蛋餅（$38）。除左蛋餅，其他食物都只可以用一個咸字去形容湯底係好鹹，冇紅燒湯底應該有的藥材味。所有牛的配材都好入味和好淋，但係淋到好似煮左好耐甘，質地有D奇怪。入口好夠味，很好下飯，不過飯比較淋身。兩碗大細比較🤣🤣皮簿肉嫩，相對之下比較好食～蛋餅包著肉鬆、芝士和芋泥，很好吃👍🏻冬瓜茶正常味檸檬愛玉，很酸，有解鹹的作用。因為兩個人分著吃，店員都有主動比多一隻碗我哋分吃，係加左分。 慢慢開始多人，成個埸坐滿左，但係又未去到要排隊既程度...我哋都差唔多食完，飲緊杯愛玉，呢個時候有客人入黎，可能店員覺得我哋應該要走，而我們又的確坐梗四人檯.... 佢用枱上面塊透明膠板由枱邊一野推過黎枱中間（本身放係