老北京 (渣甸中心)

營業中

休息中

我哋晚飯兩個人食，雖然訂咗枱，其實黎到都仲有啲位。一黎到伙記就問我哋要唔要北京烤鴨，就先落咗半份。因為佢都要啲時間上，趕時間唔建議叫。之後我哋再叫咗大蔥豬肉包同老北京炒麵。大蔥豬肉包都幾好食 外面煎得好香脆，入面啲餡幾有肉汁炒麵就有啲普通，麵嘅質地係唔錯，有啲彈牙，有啲似撈烏冬咁，但啲汁唔入味。不過伙記幾好人（唔知定係老闆娘黎），我哋烤鴨啲皮食晒，問咗佢之後幫我哋添咗幾塊，同埋啲配菜醬料Overall其實好飽下，應該可以叫少一樣都夠食

老北京裝潢大氣、地點處於銅鑼灣中心，卻是小店，以營造家的感覺為經營理念。菜館菜品選擇多，還有烤鴨等大店菜式，應有盡有，並不會只拘泥於簡易煮法。大蔥豬肉餡餅每件約成人手掌大小，餡餅皮厚度適中，皮鬆化微脆，豬肉碎與大蔥粒混在到起，餡汁豐富。 烤鴨半隻蒸皮皮薄不乾，包裹青瓜、京蔥及烤鴨片，掃上甜麵醬，鴨肉油潤香甜不膩口。孜然牛肉以孜然、香葱、生姜、干辣椒、花椒再爆炒牛肉，味道咸鮮麻辣。上湯津白以蝦仁、香菇、蘿蔔條炒香灑在上湯浸津白上，炒醬汁滲透湯汁，豐富味道層次。整體來說，店舖氣氛較溫馨自在，能夠暢談暢飲的地方。

星期一晚上，一行幾個來到這家位於銅鑼灣的樓上中菜館聚舊，店內裝潢偏古風，雅致闊落，最適合一邊用餐一邊傾談。宮保雞丁雞肉質感鮮嫩滑溜，加上大量的花椒、乾辣椒和酥脆的花生，香口而不燥，而略帶酸甜的味度亦很開胃。烤鴨半隻今天的主角，鴨皮切得還算不俗，鴨油香濃厚，肉的比例較多；餅皮簿而煙韌，嚼感良；大蔥及青瓜絲則放在同一小碟，口感爽脆有嚼頭；烤鴨醬方面亦到位，醬香濃郁，甜度適中。孜然牛肉 大量的芫荽興鮮牛肉爆炒，自家調配的孜然味度芳香濃郁，將牛肉天然的香味全數引出；而適度的火路控制亦將肉汁好好封存；加上半熟芫荽帶來的清新爽脆口感，整體惹味香口。螞蟻上樹四川名菜，肉末和辣豆瓣醬均勻地掛在粉絲上，宛如螞蟻一樣而得名，店家的調味非常到位，入口熱辣辣，質感細滑，香辣惹味。

一心諗住食北京烤鴨叫左半隻諗住叫下其他小菜蒜泥白肉雞絲粉皮小籠包份量少唔夠飽再加左個擔擔麵擔擔麵超難食 完全不正宗個湯淡而冇味仲要落蝦米失望得很朋友想諗走前食一餐烤鴨但味道未如預期

作為地道的北方妹子，在香港沒事兒的時候就會心心念念的找一些北方菜館，這家老北京五年之前吃過一次，心裡一直都覺得是嫵媚價廉且地道，這次想吃北京烤鴨了就和男朋友過來啦，烤鴨不過不失，算是不錯，鴨皮酥脆可口，醬料偏甜。另外也點了麻婆豆腐，味道也不錯

叫左過千蚊既小菜，隻鴨係霉的。勁難食。酸菜魚成兜都係油，而且酸菜竟然係沒味唔酸的。未食過咁難食既酸菜魚。糖醋骨竟然完全沒糖醋味都算，仲要難食。碟宮保蝦直頭難食到唔知點形容。炒干鍋花菜都可以炒到咁難食，我都唔明點解可以咁。連最簡單炒個四季豆，都可以完全沒味。平時我都好少打食評，但今次係難食到我唔打唔得。係成家人都問我，呢間係邊間餐廳，點解咁難食，下次叫啲貴啲既唔好貪平。問題係老北京已經唔係便，都唔緊要啦，但唔好比啲咁既食物質素出來，只會令所有客戶都離棄你

🍴北京烤鴨 (半隻) HKD218半隻份量都足夠3 4個人食 烤鴨好香 分左淨鴨皮同埋鴨肉😝鴨肉唔會覺得韌 用麵粉皮包片鴨皮同鴨肉 加葱加醬 (偏食🧜🏻‍♀️唔食青瓜) 係人生樂事 食完一件又一件😋-🍴香酥雞 (半隻) HKD138呢個驚喜左 本身覺得佢個樣只係普通無特別 點知食落口啲雞汁滲出黎 雞皮脆得黎 雞肉又淋又滑 有啲類似胡椒粉調味非常惹味 推薦❗️-🍴孜然羊肉 HKD138羊肉主要都係靠孜然粉調味 有大量莞茜但其實無乜莞茜味😹羊肉粒比較細粒但揾下揾下其實都幾多 不過食食下就會覺得有啲口渴😶-🍴高湯小籠包 (6個) HKD68 + 麻婆豆腐 HKD85小籠包稍為有啲失望🥺好少湯汁 而且個皮厚左少少😢麻婆豆腐就幾ok 帶有少少微辣 豆腐好滑但又唔會一夾就散 用黎撈飯食就perfect啦🤤-🍴拔絲鴛鴦 (香蕉/蘋果) HKD90上枱好靚 有糖絲起面🙈香蕉同蘋果面層都係包住脆脆嘅焦糖🤤本身以為會好甜 但又唔係😋香蕉好香🍌蘋果就比較清少少無咁濃味 偏爽口😝

因為限聚令晚市禁堂食既關係夜晚叫左個孜然羊肉外賣除左尼間仲叫左其他餐廳既外賣4間入面最失望系尼間 其他完全冇問題本身以為百幾蚊一盒應該味道同size都ok點知細份到比老鼠食都唔夠食唔會再尼第二次

四位金蘭姊妹又來飯聚，今次姊妹建議去位於銅鑼灣的老北京，顧名思意，梗係食北京菜啦🤣睇睇餐牌，好多野都想食😋，梗係要叫我最愛的北京填鴨($218)，鴨燒得很香，皮下面就是肉，不帶肥膩油脂，我快快手食咗一半🤣。跟住黎個龍井蝦仁($158)， 帶有淡淡嘅茶香，蝦肉夠爽甜，鮮味十足👍淮山木耳窩筍($90), 好夠纖維，健康之選， 萵筍爽口，少作調味，食出原材料的新鮮。糟溜魚片($138), 魚片滑溜，配上黑木耳，桂花。 有淡淡清香，加上少少酒點綴，很特別的餸菜。三鮮水餃($80)8隻，本人經常也吃水餃，這裏的水餃真材實料，大大隻，入面有蝦，豬肉，食2隻已經好飽😁拔絲香蕉蕃薯($90), 這是一款出名的北京甜品，上檯就好像一個精緻的藝術品一樣，炸香蕃薯和香蕉，焦上糖漿，不個怎樣凝固了一絲絲的樣子，真不捨得食呀！下次再去銅鑼灣，必會再光顧。

好耐冇食北京菜，今日相約好友去銅鑼灣樓上舖試試，由地鐡站行上來都不用十分鐘，食店地點方便。店外店內都充滿ㄧ份老北京的擺設和裝潢。菜牌打開已見到有介紹我喜愛食的菜式，相信今晚ㄧ定會食到肚滿腸肥。北京烤鴨半隻我們ㄧ行人都愛吃北京烤鴨，二話不說便點了半隻，師傅片鴨技藝了得，片片皮肉均稱。我用熱騰騰餅皮包住甘香的鴨肉淋上醬汁，再加上清爽青瓜絲和香濃大蒜絲，ㄧ併卷好放進口中，多重口感，真係滋味無窮。龍井蝦仁蝦仁粒粒晶瑩通透，口感清爽，還滲出陣陣的龍井清香，好吃!鍋塌豆腐$108豆腐外層撲上粉煎封，內層仍然十分嫩滑。豆腐吸收了瑤柱醬汁，味道剛好，用來配飯真是ㄧ絕。三鮮水餃水餃細細粒，容易入口。餃皮又薄又煙韌，餡料有蝦、豬肉和海參，十分豐富。糟溜魚片魚片雪白鮮味，口感嫩滑，配上微酸和帶有桂花香的醬汁，真係食不停口。高力豆沙炸到大大粒，口感軟硬適中，沒有油膩感，內包著豆沙，甜味剛好，是ㄧ道完美的甜品。總括來講，師傅烹調功夫了得，食材新鮮，完全滿足到我這位為食貓。

每個人或多或少都可能會對某一種菜式或食物產生莫名的情意結，正如有位朋友一有機會便會四出試不同餐廳的北京烤鴨，不論地點、名氣，總之發現有北京烤鴨的地方便總要走一趟，今晚新目標在銅纙灣，一班吃貨當然奉陪到底。北京烤鴨半隻 $218北京烤鴨這道菜，當然是今晚沒有商量餘地，一定要點的首選，因為是友人的至愛，鴨皮的顏色通透油亮，酥脆肉嫩，皮肉間有適量脂肪，肥而不膩，肉汁豐富，連同蔥段、青瓜條、醬汁等放在熱辣辣透薄有彈性的餅皮內捲好再入口，簡直滋味無窮。鍋塌豆腐 $108對鍋塌這個詞有點好奇，一查之下原來是山東一種烹調方法 : 先煎後煨，豆腐沾上蛋漿煮至兩面金黃，最後一步下高湯，轉小火讓豆腐充分吸飽湯汁後上碟，鍋中剩餘的湯汁再繼續煮至收乾轉濃稠，再淋上豆腐即成。由於有煮熟了的蛋漿包圍，所以比較容易夾，入口軟滑甘香，湯汁加入了瑤柱，所以味道份外鮮甜。糟溜魚片 $138又是一道傳統北京名菜，以桂花酒糟、黑木耳、高湯煨煮而成，魚片雪白，芡汁散發著桂花香，淡淡的酒糟味更突出魚肉的鮮嫩、爽滑，味道不俗。淮山木耳窩筍 $90窩筍翠綠清甜爽口，淮山，木耳口感爽脆，加入適量的調味，反而吃出食材天然不做作的味道。三

今日相約幾位友人出來相聚，朋友說想吃北京菜，所以預先找來一間很有北京懷舊氣色的食店，這裡裝修得很有中國色彩，地方雖然不是很大，但總教人覺得有家的感覺。我們坐下後就點了幾味小菜，一會兒小菜就了，第一道是鍋塌豆腐，鍋塌豆腐原來係煎炸豆腐，再用汁令到汁入晒落豆腐裡面，很入味，豆腐勁滑，又大大舊，這個小菜做得很出色！跟著就是大蔥羊肉餡餅，皮不算厚，煎得很香，吃上去軟軟腍腍，羊肉味很濃，很香，愛吃羊的不可放過，肉餡都算多，廚師都很細心將它一份為二，令食客吃得方便。再來是老山東燻手撕雞，手撕雞顏色呈深黃，一看便知燻燒過，廚師刻意將雞肉撕得大條，增加口感，再配上特備醬汁，真的很回味！我特意點選的糟溜魚片也到來，糟溜魚片汁帶少少酸味，魚片也做得很滑，很大片，除左魚片，還有木耳，木耳也很爽，全碟魚都吃上去都令食慾大增，不錯！吃完主菜，是時候吃甜品，我們選了兩個甜品做總結，第一個時高力豆沙，高力豆沙是北京菜裡不可少的甜品，高力豆沙用上豆沙，再用蛋白包住炸出來，很香，豆沙也很香甜不油膩，果然是北京的著名甜品！第二道甜品是拔絲香蕉蕃薯，侍應很好，本來沒有這兩個合拼，但我們要求下都肯做給我們，一出來的賣相相當吸

今日同友人仲有屋企人慶祝生日 話想食中菜 中菜除左d 集團外的選擇唔多見銅鑼灣都有間老北京 又有得OpenRice book定就諗住一試啦七點鬆d 去到 唔駛等位 店面唔算大 都係坐到十枱以內 另有兩個包廂睇完餐牌 4 個人諗住穩穩陣陣叫左半隻片皮鴨 賽螃蟹 宋嫂魚羮老北京炒飯 湯最先上 中等size 可以分到5-6 碗左右味道冇問題好一般 其實蛋白好難整得難食的賽螃蟹 等左廿分鐘左右 終於等到個炒飯都係合格的但重點就係個片皮鴨 一落單就已經上調味碟諗住好快有得食啦 點知同之前有人寫食評一樣 係最後 隔左成50分鐘先上菜仲要中間上錯菜 將包廂的鴨上左我同隔離枱個侍應自己發現左 即刻抽起拎入去但係完全冇解釋 真係好無奈 之後到50分鐘上左皮俾我地 出曬煙佢仲收走埋個蓋 諗住食得啦掛隔左3-5 分鐘先上埋個半隻鴨食到落口 都凍曬 如果招牌菜係咁樣我係完全唔會建議大家係叫這一道菜式 最後叫多左個白菜豬肉餃子係正常味道 不過都冇咩心情再影相埋單七百幾蚊 價錢上係合理 服務上 唔係要做到盡善盡美 不過係有待加強為左令佢努力一下 我都要俾第一個喊佢😿

從來唔寫食評嘅我真係忍唔住，實在食得太一肚氣！話說之前食開尖咀老北京都覺得唔錯，疫情稍緩朋友立即約食飯，為咗就我工作book銅鑼灣。一上去已覺得裝修陳舊，燈光昏暗，環境勁迫，限聚令下全廳超過50％入座不止，係完全坐滿且背貼背，唔好講1.5m距離, 連俾一個人通過都有困難，枱與枱亦冇任何隔板，現場十分嘈吵。本來想立即離開去第到搵食，但當時外面黑雨唯有照坐低。食物質素冇得同之前比，上菜時間好慢，份量好少，大部分餸都好咸， 賣相亦唔得，一張相都唔想影。全場只有兩個職員，唔好話服務，根本完全做唔切，好不容易捉到一個問攞碟醋，佢竟然答 ”好忙呀，唔得閒！🙄” 當時只想快啲食完即刻走。四人限聚令下，本來有2，3枱坐咗5－6人我哋都算了，明白疫情下食肆生意難做。後來有兩枱賣單走後，突然一大群人衝入來，心諗應該起碼分3枱卦？ 點知職員突然碌張大枱板出來set位😮，11－12個年青人竟然坐埋一枱，更神奇係set埋大冰桶有6，7支酒，香檳一齊大聲pok，嚇到我哋同其他客跳起！十幾人飲得開心㷫起仲講得更大聲，我連坐喺身邊嘅朋友講嘢都聽唔到。加上佢哋開爐食火鍋，又同我哋坐得咁近，蒸氣加口沫橫飛，餐飯食得好大

終於可以出去吃飯，銅鑼灣沒有什麼京菜館這間老北京在渣甸街經營了十几年了。想吃北京烤鴨了，約好朋友來老北京吃烤鴨，以小店來講，烤鴨還是有一定的水準，皮脆肉香，包上青瓜、蔥絲、甜醬。很好吃。 水煮魚是一道四川菜，很多餐館都做這個菜。老北京的水煮魚是適合大眾口味融合的恰到好處的一道菜，魚片滑嫩，底菜丰富，薯粉、津白、萵筍等、有辣椒的香，辣的讓人能接受。 孜然羊肉。老北京的孜然羊肉做得一流，火候掌握到位，肉夠鮮嫩，佐之孜然粉和辣椒粉，配以芫茜，好吃。 拔絲地瓜。非常好吃的一道甜品，地瓜軟糯，焦糖脆甜。享受。