老三火鍋 (已結業)

近日開學季，亦意味著開始入秋。既然入秋就同“補”呢個字離唔開，因此朋友就引路至老三火鍋旺角店。一輪糾結與選擇之後得出以下結論:雪耳木瓜豬骨鍋:上台後等一陣煲滾之後，就當然是先整碗湯來試試先，果然鮮甜好味，湯料幾件大豬骨，鋪頭細心甘備好手套，呢個時候食相都是被無視，骨內的骨髓都是精華，然後還有索曬汁的雪耳，清甜的木瓜，點讚！小麥草蘆薈汁:餐前飲，微酸開胃;餐中飲，及時解決油膩感;餐後飲，埋尾一口，清新怡人。還有果肉的配合，另一種舒適。醉雞丸:招牌食物，丸內還有湯汁，一個唔為意就容易燙口，味道特別，都幾惹味。芝士丸:有醉雞丸的提醒，有好好戳穿攤涼小小先食，外脆內軟，芝士濃郁，讚！鮮淮山:爽脆，索埋湯汁更佳。本地滑牛:肉如其名，滑得來又不失咬口最後還有蟹子墨魚滑，脆皖片，餐前木耳小食，正常之作。絕對有下次！

經過旺角道見到老三火煱就問老公食過未，原來佢話以前食過，個老鴨湯好好飲，好回味，咁我地就上去打邊爐啦！我地叫左半隻老鴨，一黎就飲住湯先，好好好足料，用左好多藥材去熬成，濃郁而且香甜都不得之了，我同老公每人飲左2碗再加湯去打邊爐。呢到叫嘢食有個好處就係可以雙拼，2個人可以每樣試下，價錢係其中價高者再加$10。黑豚肉 $68肥瘦適中，食落好重豬肉味，最中意佢邊邊位係彈牙嫁，又大大碟。魚皮餃拼韮菜餃 $48餃子粒粒飽滿，皮薄餡靚。黃沙豬潤 $38好少食到咁多豬潤，女仔食多d補鐵，豬潤好新鮮，無羶味，食落爽口。芝士丸拼蟹籽丸 $48呢2個係打邊爐必食，芝士丸好多芝士但小心燙口，蟹籽丸爽口彈牙，脆卜卜。

做完運動後，非常口渴及肚餓，同行朋友提議食老鴨火鍋醫肚。這間火鍋店內環境光猛及乾淨，不少人都叫招牌老鴨湯食，相信朋友冇介紹錯😋——————————🔸秘制老鴨湯（半隻）$78這個老鴨湯材料很多，當中有藥材丶白蘿蔔和老鴨。老鴨肉因長時間煲煮的關係，一咬很快就撕開，很軟腍☺️ 香甜的藥材亦令湯頭變得很甜～所以在未打邊爐前已飲了一大碗👍🏼🔹全港首創醉雞丸 $62這個醉雞丸子非常特別，裏面不是包着芝士，而是包住酒汁，一咬開就有熱辣辣的酒，好過癮☺️🔸鮮蝦雲吞 $58雲吞大粒飽滿，裏面有滿滿的蝦肉，真材實料👍🏼🔹黃沙豬潤 $38豬潤很新鮮，食落很爽脆～🔸蟹子墨魚滑 / 蟹子鮮蝦滑 $62墨魚滑及蝦滑很黏實新鮮，撈勻蟹子後煮，食落很有口感👅🔹美國肥牛 $68肥牛很新鮮，是鮮紅色🤨但略嫌有點肥，朋友就不太喜歡😬

今日喺旺角附近收工, 朋友話好耐冇打邊爐, 比佢講一講都真係好似好耐冇烚下烚下, 所以即刻上網搵下附近有邊間HOTPOT好食, 一搵就搵到依間老三火鍋!依度都幾近地鐵站, 好就腳。上到去, 都FULL左一半, 估唔到夏天都咁多人打邊爐揀左一輪, 最後決定要個下火湯底：芫茜皮蛋魚片湯個湯底好足料, 芫茜、皮蛋、魚片樣樣都多, 聞到都香!由於得我地兩個人, 所以都叫唔到太多野食, 簡簡單單叫左幾樣手切肥牛：肥瘦均勻, 食落好有牛味, 好新鮮, 推介大家一試!墨汁魚皮餃：依個係第一次食, 好得意, D皮黑蚊蚊, 但係好彈牙, 入面包住魚肉, 都好新鮮魚卜：平時打邊爐唔係咁易叫到, 難得依度有得ORDER, 真係正! 口感好好, 有咬口, 好好味脆鱔片：片片都好新鮮，D肉真係脆架! 鍾意食鱔既朋友一定要試!淮山麵：依個真係一定要試! 因為真係好好食! 麵質好彈牙, D麵本身冇咩味, 不過個湯底夠晒味, 真係隨時好食過D日本拉麵!總括黎講, 老三都算係價錢公道, 配料新鮮, 鍾意HOTPOT的朋友真係可以一試!

睇完裝修嘅嘢見到呢間之前都想試嘅老鴨湯底嘅打邊爐就殺咗上去當然先叫咗半隻鴨嘅湯底，先$78，價錢相宜食嘢前先送上一碟小前菜酸辣木耳，幾開胃個湯嚟到見到有半隻鴨同啲藥材係入邊滾起即刻有姐姐幫我哋畢起一人一碗入口濃郁，又有藥材味鴨肉唔會鞋口先飲靚湯，後打邊爐打邊爐當然唔少得本地手切牛，$178一大碟後尾見到牆上面寫住原來仲有頂級同特級下次黎可以食再食靚啲有靚湯當然要嗌d索味嘅冬瓜同腐皮仲叫咗個雜菜籃，款式好多！有娃娃菜，菜心，白菜仔，番薯苗，唐生菜，通菜食落都好新鮮，唔會老最後仲叫個公仔麵，完全索晒湯啲精華估唔到佢一份有兩個麵餅，好抵食食到咁飽每人都係$200落樓！差啲唔記得要讚下呢個菊花茶！$20一大渣，自家製打邊爐飲啱晒！清熱解渴

旺角📍最主要係比呢一間嘅湯底吸引住😋但係由於因為得三個人食又冇理由叫兩個湯底😔 乾隆醉雞鍋 同埋 花膠同豬骨喎我都 其實想試。但係最後決定咗叫一個滋陰 #秘製老鴨鍋 🐤 打邊爐之前先飲個湯，一啲都唔油膩，但係我就略嫌有少少鹹。 雖然叫半隻鴨但係份量都好足~*~*~*~*~*~*~*~*~*~*~*呢度嘅嘢食係可以半份咁嗌，食材新鮮加大份。環境裝修不特別但係食物質素搭夠👍🏻 由於係樓上鋪所以如果唔係特別去搜尋都唔會發現有呢間小店🖖🏻~~*~*~*~*~*~*~*~*~*~*~想特別推薦 #麻辣火雞丸 🉐 非常特別，同埋好有咬感~*~*~*~*~*~*~*~*~*~*~*🌟overall scores: 7.5/10~*~*~*~*~*~*~*~*~*~*~

打邊爐幾時都要有靚湯底惹味鹹菜豬肚湯胡椒味夠重，好足料，豬肚好淋而爽口。🌟手打墨魚丸粒粒爽口彈牙，仲食到墨魚鮮甜味！🌟海螺串海螺串唔係度度有得食㗎！而且仲咁抵！點埋火鍋豉油好正啊！🌟花枝片真係切到好薄啊，基本上一淥就食得！非常爽口新鮮！🌟四寶餃有雲吞魚皮餃韭菜餃同招牌餃，招牌餃個餡係椰菜又爽又甜，四款個皮都好薄。肥鵝腸岀面不是每次都吃，有一定要叫啦！洗得乾淨，連着肥膏既腸，肥瘦比例得宜。🌟優質蘆薈蜜$25一榨係咪抵飲先！

見食評話呢間邊爐嘅鴨湯底好出名, 於是捉咗先生陪我去試下, 一入餐廳就聞到好香濃嘅鴨湯味, 點知原來先生麻麻哋鴨湯, 於是揀咗養顏鯊魚骨鍋,一試個湯底果然無揀錯, 湯底香濃鮮味, 而且有大量嘅鯊魚骨, 我淨係損鯊魚骨都已經津津有味🙈配料方面我哋揀咗花枝片, 美國肥牛, 牛脷心, 鮮雞件, 肥羊同蔬菜籃, 食材全部都好新鮮, 特別係花枝片, 放入湯入面灼15-20秒就得, 鮮味彈牙😋飲品我哋揀咗蘆薈小麥草汁, 味道酸酸甜甜, 好開胃👍🏻下次有機會一定要試吓老鴨湯底!

「老三火鍋」以獨門的老鴨湯聞名， 今次終於聞名不如見面啦！ 秘製老鴨鍋（$78/半隻、$138/隻） 湯底用多種藥材如沙參、黨參、松草花、紅棗、杞子和老鴨燉製而成， 具清熱降火和恢復元氣之效， 藥材味和肉香濃厚，甘甜順喉，☺️ 上枱之前先放入原隻嫩鴨， 保證肉質夠鮮嫩，軟腍鬆化， 仲有自家醃漬酸蘿蔔， 吸晒湯底嘅精華，酸酸甜甜，幾開胃～ 記住打邊爐之前先飲多幾碗老鴨湯！😏 醉雞丸（$62） 一客有9粒，份量都幾多， 插上「小心燙嘴」嘅小旗幟， 果然！咬開雞肉丸之後，即有漿爆效果！ 雞肉腍滑中帶韌性， 花雕餡酒香四溢， 味道好新穎有趣，值得一試！😏 🌟推薦❗️白鱔片（$78） 顔色晶瑩剔透，好新鮮！😍 魚油脂香，口感軟嫩，但又不失嚼勁，正！😋 🌟推薦❗️蟹籽鮮蝦滑（$62） 呢個鮮蝦滑真係不得了！ 係用原隻嘅鮮蝦拌蟹籽而成， 啖啖肉，爽彈口感，好好食！ 🌟推薦❗️招牌餃（$38） 一客有一打， 仲要係自家製，皮薄餡靚，好抵食喎！ 🌟推薦❗️美國肥牛（$68） 肥瘦適中，肉香有嚼勁， 又大大碟，性價比超高！

同朋友出旺角行街，夜晚想打邊爐，發現左呢間好港式地道嘅邊爐店，決定入黎試下🤔 我哋俾佢個老鴨湯底吸引左，因為麻辣、番茄湯底就試得多，老火湯底真係第一次試。我哋叫左半隻鴨，兩個人份量幾夠食。跟住點左肥牛、田雞、魷魚、鯇魚肉、白菜、蘿蔔，仲有魚皮。要係度推薦田雞同埋鯇魚肉，全部都好嫩滑新鮮😻😻啲菜類都係好鮮嫩，放入鴨湯湯底度滾非常之夾。仲可以一邊打邊爐，一邊飲下老火湯，真係好正🤤🤤下次會再黎🔥

喂呀點解我咁鍾意打邊爐㗎明明出邊30幾度都成日叫住要打邊爐，今個星期唔想再食日式韓式或者台式嘅火鍋，所以搵咗間正宗港式火鍋食 呢間火鍋每位收$12 醬料錢 ，之後自己擇湯底。的就order個老鴨湯底（$78），呢間火鍋嘅價錢好抵，湯底都係幾十蚊一個。之後即刻叫個大手切肥牛（$178）又大碟又好食，夠晒牛味重 再嚟就梗係唔少得打邊爐我最鍾意嘅豬頸肉（$38），肉夠肥又夠滑。見到隔離枱嘅手打丸好似好正，又叫碟手打墨魚丸，果然食得出一定係手打，夠晒彈牙又有粒粒墨魚粒其他每碟火鍋料都係幾十蚊，除咗特別你要食牛或者特別貴嘅火鍋配料， 如果唔係呢間真係好抵食 港式火鍋萬歲

好想打邊爐，但又長期燥底....友人介紹呢間老三火鍋，最出名係老鴨湯底，仲話老鴨湯清熱降火同恢復元氣，好似好勁咁😲星期日想早少少食晚飯，晚市一開波就衝左去。先嗌左個老鴨湯底先，原來係藥材湯。飲落口，意想不到咁清甜，忍唔住飲多兩碗先開始打邊爐。先黎兩隻蟶子皇，一黎到店員已經提我地快啲食，好新鮮，仲監督住我地灼十幾秒好，驚煮太熟。果然跟足指示係岩岩好。花枝片，分量十足鮮雞件同埋腐皮，雞嫩腐皮滑雜菜拼盤，我本身錯手剔左另一張”菜”紙，點知佢好窩心地幫我係拼盤度有晒我想要既菜😍蟹籽鮮蝦滑，真係一隻隻蝦係度架！好口渴，嗌左個小麥草蘆薈，好清甜解渴👍🏻

26.8.2019朋友一直推薦旺角有間火鍋好好食，雖然呢個星期已經打咗幾日邊爐，但身為邊爐控既我緊係跟大隊去試下啦睇見openrice極力推介老鴨鍋，我地就叫左黎試下，先飲個湯好濃好入味，之後先開始打邊爐叫左個餐前小食炸雲吞，又脆又足料，好爽口手切牛就必點架啦，呢個juicy又有牛味好新鮮手打墨魚丸超好食極力推介，入面勁多墨魚粒粒👍🏻👍🏻魚皮，牛柏葉同豬夏青都好食，邊爐必備有肉就緊係要食d菜啦，叫埋什菇拼盤同什菜拼盤，大滿足飲品叫左藍妹同烏梅汁，一揸好多，飲完酸酸甜甜開胃d

今日同朋友嚟到位於旺角嘅老三火鍋，餐廳主打佢哋招牌同首創嘅秘製老鴨鍋。係打邊爐之前，我同朋友先飲左幾啖湯。湯底十分香，除咗有藥材味仲有鴨味。嘢食方面，叫咗肥牛、羊肉片、鮮魷、黑牛柏葉、芝士丸等嘅美食。內蒙羊片夠晒騷，羊味十足。肥牛亦都唔會過肥，有肥有瘦，脂肪分布亦尚算平均。芝士丸入面嘅芝士好香好滑。另外芝士腸嘅皮好脆，好好食。鮮魷好新鮮，咬落好爽，吸收左湯汁後，更凸顯出佢嘅鮮味。黑牛柏葉口感亦都好爽，咬落相當有口感。蟹柳好滑，吸收埋湯汁，好正！最後貢丸食落非常有口感，菇味突出。飲品方面，啤酒夠晒冰凍。個人好鍾意佢個蘆薈汁，入面有蘆薈粒，飲落有口感，而且唔會太甜，打邊爐飲就啱晒。小弟我都係第一次試依種湯底，而今次就比到驚喜我，我覺得呢個湯底做得好出色，值得大家去一試！

入秋最好打邊爐補一補，早日就去了旺角老三火鍋。火鍋店位於市中心旺角工商大廈內，交通方便。店內環境光猛、寬敞、舒適。醬料 (每位HKD12)坐好了，親切的店員會送上醬料讓您自行混醬。小食 (HKD8)另會送上開胃小食：惹味雲耳，少少辣夠醒胃。仙楂烏梅汁 (HKD25)打邊爐最怕熱氣，店內有多款健康飲品提供，今次就決定飲清熱排毒、有益腸胃的烏梅汁。秘制老鴨鍋 (半隻) (HKD78)這裡有全港首創的秘制老鴨湯底，當然要試下啦！老鴨湯鴨味濃，入口清甜而不膩，鴨肉軟腍入味。每次打邊爐，都想叫滿全枱食物，可惜總是眼闊肚窄！這裡深明此道，特設靈活「雙拼」，除指定食物，只要在較高價的食物加HKD10，便可跟另一款食物作雙拼。金沙鮮蝦丸 (HKD62) 拼 醉雞丸 (HKD62)鮮蝦丸爽口彈牙，內藏香濃蛋黃流心，口感豐富；醉雞丸同樣彈牙，內藏醉雞汁，芳香美味。墨汁芝士魚餃 (HKD38) 拼 順德魚腐 (HKD38)魚餃賣相似魔鬼魚，質感超彈，跟內裡的綿滑芝士，口感交錯；魚腐外脆內軟，沾滿老鴨湯，火鍋必選！廣島蠔 (HKD68) 拼 本地滑牛 (HKD68)廣島蠔肥美，熟透後依然大大隻，口感一流；滑牛