105
9
0
港鐵旺角站 A2 出口, 步行約1分鐘 繼續閱讀
所有分店 (2)
電話號碼
23920151
營業時間
今日營業
18:00 - 02:00
星期一至日
18:00 - 02:00
付款方式
現金
座位數目
150
其他資料
深夜營業
酒精飲品
泊車 詳細介紹
電話訂座
加一服務費
電視播放
食評 (120)
等級4 2019-10-08
15 瀏覽
天氣稍涼, 就是提醒又是打邊爐的好日子。這晚暫時放下鬱悶, 想吃一餐好的令心情好一點。這次是我們第二次吃老三, 第一次在長沙灣店, 這次就來到旺角店, 交通更加方便呢~點了湯底及幾款火鍋料後, 店員很快就送來, 正合我倆開始肚餓打鼓。來這兒當然是必點老鴨湯底, 味道濃香, 帶有點點藥材味, 就像老火湯一樣, 補身又好味。這個半隻鴨的湯底, 最適合2-3人, 我倆真的每人先飲兩碗才打邊爐。鴨肉一點也不老, 肉質還幾嫩滑, 配上少少辣椒豉油已經十分美味, 可以點少一點肉打邊爐。這兒的手切牛真的很好吃, 而且份量不少。肉味十足, 肥瘦適中, 涮幾下便吃得, 是火鍋最佳配搭。我個人很愛花枝片, 切得薄薄的十分鮮甜, 口感質彈, 又是涮十幾秒便吃得。這兒另一個好處就是很多火鍋料都可以點雙併, 只需加$10 就能享有兩種滋味。我們兩三個就可以吃多幾款, 份量也不少, 真的幾好。 炸魚皮十分香脆, 實而不華,  也是我的喜愛。另一款推介的是這兒招牌餃, 自家製的皮薄餡靚, 咬下去滿口湯汁, 菜肉比例很好, 鮮中帶甜, 難怪是招牌必點。椰果菠蘿汁味道清新, 酸酸甜甜的十分開胃解膩, 加入椰果多了一分Q彈咬口, 質感更清爽, 兩人分享一樽剛好。喜愛這兒的食物真材實料, 而且還不用加一,街坊感強, 吃得輕鬆自在, 十分親切。  繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-17
205 瀏覽
今日個friend話好耐無食老三個鴨鍋, 二話不說就出旺角食6點半到左頭圍用膳, 一坐低餐牌都唔洗睇唔該老鴨鍋半隻呀~ 唔洗5分鐘店員就放低個鍋, 滾佢一陣就飲得啦老鴨連同十幾種藥材煲出黎既精華, 真係好濃郁又唔會太油!魚卜拼牛骨髓魚卜新鮮漲卜卜, 店員拎到出黎係你面前剪爆佢方便客人烚。魚卜好有咬口, 最緊要係無腥味~ 牛骨髓條條都粗粗的, 火鍋佳品桶蠔哇依個桶蠔真係好正, 5隻king size❗平時打邊爐都必叫桶蠔, 都係會大大隻但咁king size就少有d, 我夾住佢都覺得重! 肥美肉厚牛脷心托牛舌無論燒定打邊爐我都中意, 牛脷心托薄又嫩, 焯一焯就食得, 一唔小心淥耐左就會變韌, 食依個要好專心留意時間呀😎邊食埋隻鴨, 大大隻鴨肶係入面而且唔知點解一d都唔韌, 食下食下我地最尾連菜都無叫已經好飽, 飲品我地就叫左jar自家製既蘆薈蜜, 25蚊好大jar唔會得d冰呃秤, 兩個人飲夠哂, 而且比汽水更解渴清新。中意老三order加10蚊就可以雙拼食材, 又抵又可以食多d野, 而且半份食材已經夠哂兩個人食, 招牌老鴨鍋都係78蚊就可以食到, 難怪佢咁好生意!! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-07
170 瀏覽
今日喺旺角附近收工, 朋友話好耐冇打邊爐, 比佢講一講都真係好似好耐冇烚下烚下, 所以即刻上網搵下附近有邊間HOTPOT好食, 一搵就搵到依間老三火鍋!依度都幾近地鐵站, 好就腳。上到去, 都FULL左一半, 估唔到夏天都咁多人打邊爐揀左一輪, 最後決定要個下火湯底:芫茜皮蛋魚片湯個湯底好足料, 芫茜、皮蛋、魚片樣樣都多, 聞到都香!由於得我地兩個人, 所以都叫唔到太多野食, 簡簡單單叫左幾樣手切肥牛:肥瘦均勻, 食落好有牛味, 好新鮮, 推介大家一試!墨汁魚皮餃:依個係第一次食, 好得意, D皮黑蚊蚊, 但係好彈牙, 入面包住魚肉, 都好新鮮魚卜:平時打邊爐唔係咁易叫到, 難得依度有得ORDER, 真係正! 口感好好, 有咬口, 好好味脆鱔片:片片都好新鮮,D肉真係脆架! 鍾意食鱔既朋友一定要試!淮山麵:依個真係一定要試! 因為真係好好食! 麵質好彈牙, D麵本身冇咩味, 不過個湯底夠晒味, 真係隨時好食過D日本拉麵!總括黎講, 老三都算係價錢公道, 配料新鮮, 鍾意HOTPOT的朋友真係可以一試! 繼續閱讀
(以上食評乃用戶個人意見 , 並不代表OpenRice之觀點。)
「老三火鍋」以獨門的老鴨湯聞名, 今次終於聞名不如見面啦! 秘製老鴨鍋($78/半隻、$138/隻) 湯底用多種藥材如沙參、黨參、松草花、紅棗、杞子和老鴨燉製而成, 具清熱降火和恢復元氣之效, 藥材味和肉香濃厚,甘甜順喉,☺️ 上枱之前先放入原隻嫩鴨, 保證肉質夠鮮嫩,軟腍鬆化, 仲有自家醃漬酸蘿蔔, 吸晒湯底嘅精華,酸酸甜甜,幾開胃~ 記住打邊爐之前先飲多幾碗老鴨湯!😏 醉雞丸($62) 一客有9粒,份量都幾多, 插上「小心燙嘴」嘅小旗幟, 果然!咬開雞肉丸之後,即有漿爆效果! 雞肉腍滑中帶韌性, 花雕餡酒香四溢, 味道好新穎有趣,值得一試!😏 🌟推薦❗️白鱔片($78) 顔色晶瑩剔透,好新鮮!😍 魚油脂香,口感軟嫩,但又不失嚼勁,正!😋 🌟推薦❗️蟹籽鮮蝦滑($62) 呢個鮮蝦滑真係不得了! 係用原隻嘅鮮蝦拌蟹籽而成, 啖啖肉,爽彈口感,好好食! 🌟推薦❗️招牌餃($38) 一客有一打, 仲要係自家製,皮薄餡靚,好抵食喎! 🌟推薦❗️美國肥牛($68) 肥瘦適中,肉香有嚼勁, 又大大碟,性價比超高! 繼續閱讀
(以上食評乃用戶個人意見 , 並不代表OpenRice之觀點。)
入秋最好打邊爐補一補,早日就去了旺角老三火鍋。火鍋店位於市中心旺角工商大廈內,交通方便。店內環境光猛、寬敞、舒適。醬料 (每位HKD12)坐好了,親切的店員會送上醬料讓您自行混醬。小食 (HKD8)另會送上開胃小食:惹味雲耳,少少辣夠醒胃。仙楂烏梅汁 (HKD25)打邊爐最怕熱氣,店內有多款健康飲品提供,今次就決定飲清熱排毒、有益腸胃的烏梅汁。秘制老鴨鍋 (半隻) (HKD78)這裡有全港首創的秘制老鴨湯底,當然要試下啦!老鴨湯鴨味濃,入口清甜而不膩,鴨肉軟腍入味。每次打邊爐,都想叫滿全枱食物,可惜總是眼闊肚窄!這裡深明此道,特設靈活「雙拼」,除指定食物,只要在較高價的食物加HKD10,便可跟另一款食物作雙拼。金沙鮮蝦丸 (HKD62) 拼 醉雞丸 (HKD62)鮮蝦丸爽口彈牙,內藏香濃蛋黃流心,口感豐富;醉雞丸同樣彈牙,內藏醉雞汁,芳香美味。墨汁芝士魚餃 (HKD38) 拼 順德魚腐 (HKD38)魚餃賣相似魔鬼魚,質感超彈,跟內裡的綿滑芝士,口感交錯;魚腐外脆內軟,沾滿老鴨湯,火鍋必選!廣島蠔 (HKD68) 拼 本地滑牛 (HKD68)廣島蠔肥美,熟透後依然大大隻,口感一流;滑牛鮮美嫩滑,回味無窮。豬面青 (HKD38) 拼 黃沙豬潤 (HKD38)豬頸肉爽口唔韌;豬潤無羶味,彈嫩味鮮。米紙春卷 (HKD28)食飽飽,隔離枱叫了米紙春卷,見賣相吸引便叫了一蝶,果然外層卜卜脆,超香口,內裡的碎肉亦相當入味,正! 繼續閱讀
(以上食評乃用戶個人意見 , 並不代表OpenRice之觀點。)