108
9
0
港鐵旺角站 A2 出口, 步行約1分鐘 繼續閱讀
付款方式
現金
座位數目
150
其他資料
深夜營業
酒精飲品
泊車 詳細介紹
電話訂座
加一服務費
電視播放
食評 (124)
等級2 2020-06-16
231 瀏覽
上星期三約左幾個老友食飯,之前留意到老三轉左任食火鍋放題,於是就即刻打去訂位。當晚去到環境都算幾乾淨,座位亦算寬敞,而且仲有電視睇,喺旺角黎講$198呢個價錢就冇得彈。一開波就黎個雞煲先,不過因為我地幾個都戒辣所以唔要,但我聞到隔離左右食雞煲既味都相當之香味撲鼻,估計雞煲味道應該不錯。正題,我地都開始食火鍋,海鮮拼盤有鮑魚/花膠/蟶子/蜆/龍躉,然後任飲食既牛肉質素ok,白鱔都係任叫,而且個烏冬真係稻庭烏冬,呢個我加佢分,整體食物質素不錯,仲要任飲汽水雪糕,仲要冇限時,呢間可以話平靚正,旺角吹水火鍋必食之選!不過呢唯一美中不足之處係,可能樓面及廚房人手不足,所以後加火鍋料既效率較低,等左唔少時間,但由於冇限時既關係,呢個缺點算做抵銷左啦! 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-15
622 瀏覽
有鷄煲任食汽水任食!海鮮盤新鮮,靚🐂任點!真係抵勁推介👍🏼👍🏼👍🏼👍🏼👍🏼即刻要再訂第日再食!有房任飲任食,冇時間限制!好味又抵食.... 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-21
691 瀏覽
上星期五晚同朋友去旺角打邊爐,想食火鍋放題但walk-in間間都無位,醒起呢間以前成日食,出名用老鴨湯打邊爐嘅港式火鍋店。老三火鍋如其名,我用「麻甩」嚟形容,喺呢度食嘢唔使顧儀態,講嘢可以大大聲,啱哂一班人圍爐gathering。之前食過秘制老鴨鍋,加咗紅棗、杞子、黨參等藥材,湯底幾夠火候,人少可以叫半隻$78。呢幾日天氣凍想食辣暖下胃,於是叫咗麻辣拼清湯,麻辣湯裡面有豬皮及豬紅,偏香辣但唔夠麻,愈煲會愈辣。配料方面,雙拼加$10,例如廣島蠔拼本地滑牛、韮菜餃拼魚皮餃、芝士腸拼午餐肉等。美國肥牛脂肪比肉多,想食牛嘅話最好叫貴少少嘅手切肥牛或安格斯肥牛,由$138至$178不等,大碟牛有十二片左右。醉雞丸比金沙丸好食,金沙蝦丸或墨魚丸雖然彈牙足料,包住大大粒蛋黃餡,不過煮得耐唔夠流心,相反醉雞丸入面係醉雞汁,咬落去會爆汁,帶濃濃酒香,想試哂幾隻味亦可以叫四寶丸。另外有多款時價海鮮散叫,呢度收醬料每位$12及開胃小食$8,埋單每人約$200,食物算貨真價實,人多記得提前訂位。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-11-01
407 瀏覽
同一大班朋友收工之後去到旺角打邊爐!之前朋友食過呢間呀話好推介!佢本身係一個好養生嘅人,佢話一齊去打邊爐嘅時候我哋都奇怪,佢話佢打邊爐淨係打呢一間 ,因為每次食完佢都唔會有熱氣唔舒服嘅感覺😂呢度嘅招牌湯底係老鴨湯啦,味道好香好濃!啲店員我哋咁多人就開咗間房俾我哋,服務態度都好好!配料方面選擇都好多,除咗唔少得嘅肥牛之外都有好多唔同海鮮!😍叫到成張枱都擺唔晒,原因就係呢度嘅價錢唔算好貴,一大班人食下食下忍唔住就越叫越多😍食完之後真係完全冇喉嚨痛熱氣嘅感覺,可能因為個湯底真係好補!😂😂😂 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-08
1293 瀏覽
天氣稍涼, 就是提醒又是打邊爐的好日子。這晚暫時放下鬱悶, 想吃一餐好的令心情好一點。這次是我們第二次吃老三, 第一次在長沙灣店, 這次就來到旺角店, 交通更加方便呢~點了湯底及幾款火鍋料後, 店員很快就送來, 正合我倆開始肚餓打鼓。來這兒當然是必點老鴨湯底, 味道濃香, 帶有點點藥材味, 就像老火湯一樣, 補身又好味。這個半隻鴨的湯底, 最適合2-3人, 我倆真的每人先飲兩碗才打邊爐。鴨肉一點也不老, 肉質還幾嫩滑, 配上少少辣椒豉油已經十分美味, 可以點少一點肉打邊爐。這兒的手切牛真的很好吃, 而且份量不少。肉味十足, 肥瘦適中, 涮幾下便吃得, 是火鍋最佳配搭。我個人很愛花枝片, 切得薄薄的十分鮮甜, 口感質彈, 又是涮十幾秒便吃得。這兒另一個好處就是很多火鍋料都可以點雙併, 只需加$10 就能享有兩種滋味。我們兩三個就可以吃多幾款, 份量也不少, 真的幾好。 炸魚皮十分香脆, 實而不華,  也是我的喜愛。另一款推介的是這兒招牌餃, 自家製的皮薄餡靚, 咬下去滿口湯汁, 菜肉比例很好, 鮮中帶甜, 難怪是招牌必點。椰果菠蘿汁味道清新, 酸酸甜甜的十分開胃解膩, 加入椰果多了一分Q彈咬口, 質感更清爽, 兩人分享一樽剛好。喜愛這兒的食物真材實料, 而且還不用加一,街坊感強, 吃得輕鬆自在, 十分親切。  繼續閱讀
(以上食評乃用戶個人意見 , 並不代表OpenRice之觀點。)