翡翠拉麵小籠包 (已結業)

以往擔擔麵都會諗起詠藜園, d麵真係好好食, 好滑好爽, 個湯既花生麻醬味香, 改良之後加上肉碎就更prefect. 但現時翡翠既擔擔麵同小籠飽已漸漸成為"大家"既例牌菜, 可想言之魔力幾大. 一步進店見到台台差不多有此兩味. 當中小籠飽更係皮薄多汁。不能錯過。

尋晚第一次黎尖咀分店幫趁. 我地三個人, 七點攞飛, 行左一個鐘街, 再返黎等左一陣就有位啦.叫左1)糖醋魚柳2)油菜3)擔擔麵4)清炒津白5)高力豆沙1), 2) & 3)好快就上檯. 1)個魚柳應該係用左龍脷柳, 啖啖魚肉, 而且個汁酸甜適中. 不過要趁熱食, 因為相信佢\ 落左大量粟粉埋獻, o係檯上不出15分鐘, 個汁已經變成啫喱.2) 係菜心, 無乜特別,唔駛多講3) 擔擔麵保持水準,都幾辣4) 問題就黎啦. 我地食完1),2),3),等左15分鐘都未見津白黎, 就催個manager. 個manager話幫我地跟,過多5分鐘,都係未見津白蹤影,我地再催,個manager又再話跟. 再過多5分鐘, 津白依然無影, 我地再同個manager講. 佢\ 就好有耐性咁同我地解釋, 話唔係漏單, 只係好生意得滯, 又只係得三個廚, 所以排單有時會排耐左. 雖然我地不滿要等咁耐, 不過我欣賞佢\ o既態度, 唔會敷衍我地就算. 終於再等多五分鐘後我地o既津白到左.5) 食完津白就食飯後甜品. 上次食過金滿庭o既高力豆沙, 今次試呢間o既. 我鍾意呢度o既多d! 佢\ 比金滿庭o既細粒,

我覺得比較難好casual咁兩個人坐得好咁食中菜,依度就幾好,不過就比較多人排隊.同男朋友去食~兩個人叫左三個餸加小籠包,再叫兩個白飯,夾餸食,個感覺幾好,好似係屋企食飯咁~賽旁蟹(係咪咁寫?),好靚,清清地,好味道醉雞:好味~不過都係小南國果d好食d仲叫左個肉,不過唔記得係咩~都好食~但搶左個賽旁蟹d味~好好味~會再去~

係慶祝朋友生日所以去食晚飯，服務員OK，幾好禮貌，我地十個人叫左差唔多十碟餸，但每人食完都唔飽，要再叫D小食先至飽D，酸辣湯竟然冇一窩叫，而得一盅，仲要勁細盅，每人只可以飲2-3匙，一盅都要$32，雞絲粉皮又係勁細碟，最離譜小籠包又係一籠得4隻，想叫多D就唯有叫多幾籠，咁即係局人地叫多幾籠黎食，總之樣樣餸菜都係勁少，只適合3-4位人仕黎食，多人真係唔好黎，又要齊人先俾入，不過D食物既味道都OK好味。

其實所食物都合格,正常水準.價錢合理.但係大家要喺度喪等之後再入去同人逼餐飽,枱與枱之間有2隻手指位,just eat! Don't talk!最最最緊要由面目猙獰侍應提供超級唔親切服務,唔精神!俾多少少去小南国好過.

因為人龍關係, 很久都没有在翡翠吃, 今次在午餐時分後才到達, 絕對有位呢依然都是坐得迫迫窄窄的, 點了一客香辣炸醬麵, 原來這兒巴閉得連午餐都没有, 只好散點. 炸醬肉碎很多, 麵質依舊彈牙可口, 很喜愛在夾起時, 拉麵依舊捲為一團的感覺, 十分好玩, 是次醬汁的味道好像濃了點, 茨汁太杰而且油膩, 吃完有點飽滯. 隨麵附上的青瓜絲不夠多, 如果多點可以減去一油膩補水的確夠快, 但水亦熱很要命, 吃完整個麵都未能把水喝完, 很熱.....

今日同ｆｒｉｅｎｄ十點先去食ｄｉｎｎｅｒ，　個ｗａｉｔｅｒ　話十點四ｌａｓｔ　ｏｒｄｅｒ，　十一點收鋪，　心諗一個鐘都食得完啦，　咁就入左去．　我地十點三落完ｏｒｄｅｒ，　ｄ野食好快到，　點食食下就有人叫我地埋單，　只不過係十點五！！！　個口食緊野，　諗住佢會放低張單先，　點知佢企係度唔走，　要我地放低筷子攞錢．　好啦，因為知佢勁多錢要收，　可能無咁快番黎，　繼續食啦，　點食食下，　有個好似經理既呀叔走埋黎要我簽咭，　我隻手拎住個有汁既飽，　佢依然係咁"對"張單去我度要我簽，　好啦，　我一時貪快，　用叧一隻手簽啦，　但係ｄ汁就滴到我既ｍｏｂｉｌｅ同手袋，　我即刻放低ｄ野抺乾個ｍｏｂｉｌｅ同手袋啦．　果個咁既經理，　竟然淨係講左句"ｌａｉ野"就行開，　隔左一陣就黎收番張單．　你話係咪ｃｒａｚｙ！！！

同個friend搞生日成十幾人，打去定位好正常啫~ 一聽電話都唔知個接線生講咩，講埋一舊，都唔知係咪打啱個number，同佢講話：唔該我想訂枱星期六七點半....都未講完一句頂埋嚟：冇得訂位嚟攞飛等.....睬佢都on車啦!!上次同boy friend食，同另外10個路人share張大圓枱，見佢有大枱咪揀佢今次同friend食飯啦，d嘢又唔係真係好食~~ 只可以話同個price match law，但價錢同服務質素又成反比wo~有d食店冇位訂我都知，但我唔知你呢間有冇ga ma?! 問吓啫都唔啱，咁巴閉，以後都唔會去幫襯！！

剛替另一家食店寫了食評，相比之下，忍不住要來讚一讚翡翠的小籠包。到今天為止，我認為翡翠的小籠包是全香港最好。皮真的很薄，上湯和肉餡配合得很好，比台灣過江龍鼎泰豐的高了一班。紅油抄手、各式湯麵都很有水準。不過其鍋貼就頗失色。現時他們的店開多了，我始終覺得原太古城舊店的食物是最好的，值得當年我一早到門外排隊等位。

我去過中環，銅鑼灣及尖沙咀分店，味道最好就係尖沙咀分店，但服務係最差的。我上星期去過尖沙咀分店吃飯，我同我朋友一行4人，吃完主菜，因太飽大家都想休息一陣叫甜品食，但唔知點解係短短10分鐘的時間前前後後有2-3個服務員不斷問我地仲需唔需要加單/有冇什麼食物未到等，感覺係想我地快D埋單(趕客走)，後來我地發現原來係著黑色西裝又肥又矮的女人，叫D服務員黎煩我地，我地覺得個肥女人好衰，其他分店都唔係咁，我地仲成日聽到佢鬧人，個個服務員見到佢都好驚，我地諗佢會唔會係一個人住，冇人冇物的老女人。我希望佢地可以改善下啦！

今日同daddy mummy 出咗黎tsim tsui 黎邊食lunch~去到harbour city, 行咗一段路都未見有食肆...終於見到呢間, 雖然屋企嗰邊有間, 但都冇食過, 媽咪又話唔想再行la wor...所以就入去試吓la~可能以經係差唔多2點, 所以唔使點等位就有位lu~3個人叫咗5樣野~鎮江肴肉-味道幾好la~不過好似淋咗d...小籠包-好好味呢~皮同肉嘅份量適中, 入面d湯又好正~北京水餃-除咗個皮, 我覺得同小籠包係一樣, 都好好~上海粗炒-幾好味, 不過呢味係一定多油架la...炸銀絲卷-炸得幾鬆化~口感唔錯~服務都唔錯, 侍應加茶都好快, 經理又會推介d菜式俾我地~幾好幾好下次可以去屋企呢邊食吓~

黎呢度食預左要排隊，行完CITY SUPER返黎就岩岩好有位喇！係海港城既食肆呢間算係好味抵食，可惜係冇卡位坐，Ｄ位有Ｄ迫，同隔離枱唔夠三吋，所以坐得唔多舒服，不過食物搭救啦！今次叫左：1)小籠包(充滿鮮味肉汁既小籠包非常美味，趁佢熱騰騰一口食左佢就最好，但小心燙口。)2)鱔糊炒拉麵(碟頭幾大，唔算好油，亦很足料，唔錯！)3)白菜獅子頭(原本以為獅子頭兩舊肉會好滯，但食落又唔覺，而且味道適中，配上清淡既津白菜就係健康既選擇喇。)4)荳沙鍋餅(炸得香脆既餅皮包住唔太甜既荳沙，不過皮略厚，如果加埋香蕉會更好哩！)食過咁多間翡翠都係覺得呢度最好食，可能因為係遊客區唔可以做衰個名卦，下次再黎排過先得！

點了糖醋排骨，一啖食落去，唔知以為係食緊煲完湯的湯渣，唔使牙都食倒，d 肉離晒骨，又無肉味，唔知係唔係煲完上湯d隔夜湯渣加d醬汁上碟，一d味都唔入，結果埋單是完碟不動。其他食物及服務ok。

平時行過見到咁多人係度排隊，所以今日好奇心驅使下終於去試吓佢。我地一行五人，叫咗好多野，等我逐一講吓啦。四川擔擔麵(個湯好香濃，飲落去唔係太辣，但有啲唔夠熱)清雞湯拉麵(又係一個好正既湯，好香，啲麵好彈牙)雞絲粉皮(麻麻地，粉皮好碎)鎮江肴肉(太淋)椒鹽小黃魚(肉質鮮甜，好滑)東坡肉配蝴蝶餅(嚿肉好硬，唔入味，蝴蝶餅得兩塊)脆鱔(個味都OK ，好脆，好似糖醋炸魚皮咁)小籠包、山煎包、北京水餃、上海雲吞(依四款包點入面個嚿肉係十分相似，可以話機符一樣，只個塊皮既分別，我見意食小籠包就夠啦，其他三種唔食唔係你損失)山東手抓餅(好似印度薄餅加蔥油餅既混合體，食落去好多油)最後係甜品(高力豆沙、豆沙鍋餅)高力豆沙好好味，熱辣辣，好香，又唔會太甜。豆沙鍋餅個味道都好，但唔夠高力豆沙好味。總括嚟講依間野都叫做唔錯，因為衡量番個價錢，同某幾款食物嚟講都算係咁，味道都唔錯。服務速度算係高，仲成日添茶(可能因為茶錢要兩蚊個)不過最唔好就係個坐位，好迫。

小肥:今日早o左少少食晚飯, 一行埋去好好彩即有位喎, 我地坐o既o係二人枱, 同隔離枱好近, 好迫lo! 張枱又好細, 當我地叫D o野係全部一齊上時, 真係o岩o岩放得晒咋~ 我地叫o左以下o既食物:1. 雞絲粉皮- 呢味係我o既飛佛, 呢度個粉皮都幾滑, 如果再凍d, 個汁花生味再濃d 就very good 啦!2. 鎮江肴肉- 口感唔太膩, 幾香, 點埋醋重好味!3. 上海粗炒- 味就ok, 但好油呀.... 4. 小籠包- 個皮算係厚薄適中呀, 唔太厚, 又唔會薄到一夾就穿, 裏面都幾多汁, 唔錯呀!5. 清炒津白- 本應係叫豆瓣菠菜, 但佢賣晒, 咁就加多呢個, 等O左好耐先到, 我地都吹O左一次, 我地都有諗過唔要, 但如果唔要張單又唔夠免費泊車, 所以都係等. 個賣相麻麻地, 但都算幾清甜, 唔錯!今餐飯最唔滿意係唔知點解我地D菜上得都幾慢, 最後加o個個津白更加慢得離譜, 不過服務都算ok, 但當我地一食完就有人問都唔問好快咁幫我地收晒D o野, 真係冇誇張, 係一食完, 就即刻有人收o野, 咁同趕客有乜分別呢? 大肥:難得食飯時間唔使等位即時入座，起碼唔使等到攰，胃