翡翠拉麵小籠包 (已結業)

剛開業的時候...覺得它的小籠飽做得好出色...鱔糊炒拉麵好夠味....最欣賞的還是它的高力豆沙...事隔數月慼覺所有食物及服務均給人大不如前的感覺...首先一定要齊人才可以被安排入座..上次約了友人晚膳..朋友未到..店員堅持要等埋先可入內..害我們企係門口食西北風...雖明白有此例的原因但總覺不近人情....小籠飽仍比xx豐出色..但卻加了價...最令我氣憤的是鱔糊炒拉麵上菜時是涷的真不知大廚們何解如此沒耐性...甫吃完所有食物..店員便上前問我們要不要甜品, 我們說不要店員便說替我們埋單....感覺好像趕客般...心中只浮出一句今時今日咁既服務態度係唔得架啦....

Absolutely agree with 'little sausage'. You have to pay the premium for such 'GOOD' service, environment, sitting arrangement and food quality. There are many other Shanghai restaurants doing much much better but with cheaper price.

曾經看過很多關於這食肆的文章,把它說得怎麼怎麼好,於是抱著很大的期望一試. 當到達門口一看,果然人頭湧湧,與隔壁越南餐廳門堪羅雀比較, 心想理應對辦.但世事往往希望越大,則失望越大.<br>我們二人點了素黃雀,蟹粉小籠,酸辣拉麵,古法蒸鱔,鮮肉窩貼和竹蔗水.素黃雀基本上是腐皮卷的變奏,但腐皮太散,一下筷黃雀頭身斷成兩截,入口又無甚嚼頭.最重要的是我下意識認為這道菜應是冷的,但吃入嘴卻偏是暖的,嚴重影響口感.蟹粉小籠$68 四隻,當然不能與楚原在廣告中大口大口所吃的相比,但總不能把丁點兒蟹黃黐在$20 一客的小籠包便充蟹粉小籠,這怎麼過意得去.拉麵是這家的招牌菜,卻只能值四個字--不過不失.古法蒸鱔以紹酒,金華火腿,冬菇帶出白鱔鮮味,白鱔厚切成四大塊,好吃但十分"漏".叫了鮮肉窩貼才發現有四季豆跟豬肉做餡的,侮不當初.<br>店內擠逼,坐得不太舒服,但這都是屋小店的通病,也沒所謂.隔座高談闊論,大談上海旅遊所見所聞,倒也是意外收穫.這頓飯吃了$330,不太值.我想坊間還有很多好吃的上海館子,不要再盲目吹捧這家吧!

星期日下午一點幾, 同老媽子和男友一行三個人等左十分鐘就有啦, 好彩~叫左:1)小籠包:皮薄有肉汁,唔會死死實實,好味2)生煎包:皮唔硬,幾香口,唔錯3)素菜包:呢個相對較失色,衰在個皮太'散', 雖然個餡味道唔錯4)四季豆鍋貼:好香口! 正!食時仍有濃濃肉汁,加埋四季豆仲好口感,本來只諗住食半隻(怕肥),最終都仍唔住...我覺得仲正過生煎包5)擔擔麵:麵質彈牙,湯底香濃又不會太漏(好過詠犁園呀),辣辣地,好正呀!!6)雪菜毛豆百頁:第一次食,清清地,都好味喎!加少少豆板醬仲正!7)上海炒年糕:實在太好味啦!!可能原先對呢個冇好大期望,點知出乎意料地好食,個汁甜甜地,年糕煙un索晒d汁,本來已經幾飽,都唔捨得唔掃晒呀...8)酒釀丸子:幾清香,不過甜左d埋單約$240, 唔貴呀~ 我地三個對呢?都好滿意, 下次一定要試下蒸素餃同高力豆沙,好似好正呢~

又係我!比我發現到呢味"脆鱔"成$40蚊但食味只得油'益'味,好唔掂!

非常認同食家"熱檸茶走檸加奶落冰",小籠包($18/4粒)同擔擔麵真係好鬼正,小籠包皮超薄要好小心用匙幫手皮先唔爛,因為有湯汁係入面.而擔擔麵有濃濃o既花生醬味仲有d辣而d麵又唔會淋patpat,正!菜肉水餃就普通,酥皮蘿白絲($18/3個)熱辣辣都好好味!size細o岩女仔胃小小貴,但係做得好值得等!值得再食!!!

聞名已久！<br>昨晚星期一九點鐘仲爆緊，好彩好快有位！我和女友先跟食評說必吃的小籠包、擔擔麵、酒釀丸子、仲有紅油抄手、獅子頭、"九" 菜蒸餃通通都叫晒！食到好飽！最難忘係小籠包同擔擔麵，正到痺！！！！小籠包唔夠喉，不過無能為力，下次先！不過下次我地決定都係夜晚十點鐘先去食了！少人D！唔駛咁迫！！

小籠飽:<br>皮薄,夠滑肉餡淋軟,多汁到爆味道頗佳<br>炸醬麵:麻麻地料頗差麵不是傳聞中那樣軟滑彈牙,不好食<br>Others:not worth to mention

你地三個人食左幾錢先?話到咁好味﹐等我試o下先﹐想 <br>問最出名係咪小籠飽呀!!!有無彷膳咁正?

我就星期六去一行三人要等半個鐘丫但係都叫值得羅唔會覺得白等~~ 好啦講番正題我地食左小籠包X2, 擔擔麵X2, 上海湯麵, XX碎肉麵, 雞絲粉皮, 醉乳鴿, 小籠包簡值係皮簿汭靚~~ 唔會好似杏花村某一間上海店咁D 小籠包好似用公仔牌咁擔擔麵幾好又底食正丫雞絲粉皮就唔夠凍, 但係粉皮夠薄唔會好似河粉咁因為賣曬醉雞我地就轉左做醉乳鴿, 食落OK 但係應該係醉雞會好D咁呢一餐整體黎講都好滿意, 食過之後都會成日去希望可以保持水準

推介小籠包(皮薄多汁)及擔擔麵(彈牙兼湯底正), 黃金蝦都幾得意, 其他亦唔差, 不過最麻煩係逢五六日都無得訂位, 仲要齊人先有位, 不過有機會都會去多次!

這裡不是所寫般正!的而且確成10:00p.m.都咁多人雞絲粉皮只是一般,豆沙窩餅不吃也罷(皮太淋),黃金蝦唔夠乾身,燒茄子其實是茄汁煮一般la!不過擔擔麵的確唔錯面好滑,小籠包亦直得一試總括店子平價野直得一試,而高價野就有侍改善鳥蠅太多

長期要等位,不過我覺得值呀. 因為好味嘛！呢度Ｄ野好細碟,所以最好叫多幾款.有幾樣野我係必叫的～雞絲粉皮, 青瓜,雞絲,麻醬,粉皮又滑,做頭盤一流.小籠包, 皮吾厚,又多肉汁～好味！羅白絲酥餅, 香～有時遲左會賣晒.我推介拉麵, 好幼, 好正嫁！鍾意食麵的一定要試下.反而黃金蝦就麻麻,Ｄ蝦好細隻. 我覺得呢度Ｄ點心好味Ｄ！甜品都吾錯. 高力豆沙, 豆沙鍋餅都好香口.酒鑲丸子好清好香.杏仁豆腐...可能迎合日本人口味,味太濃.呢度好細, 所以好迫. 成日要搭檯, 所以最好訂位. (好似星期一至四晚市有得訂位！))

6:30pm等到7:30pm, 終於等到張四人檯~ <br> <br>小籠包($18四件, 皮好薄, 幾好味), 擔擔麵x2 (麵彈牙, 湯濃, 因為太好味, 所以加碼), 木須肉炒麵, 黃金蝦($65, 又香又脆, 連殼食都得), 雞絲粉皮, 紅油抄手, 酒釀丸子, 高力豆沙, 豆漿同茅根竹蔗汁~ 埋單$339~ <br> <br>食物真係幾正, 不過勁多烏蠅同蚊滋~ 同經理反映, 話因為花槽o係隔離, 政府滅蟲又做得唔好, 最終搞成咁~ 真正原因係咩就唔知啦, 不過夏天將至, 再係咁唔得掂~

依家有得訂位,逢星期一至四,下午6:30pm前就ok la. 唔想排隊,咁就要平日去啦.