翡翠拉麵小籠包 (已結業)

去翡翠好似去飯堂咁, 每幾星期一次.今次3人晚飯, 又係有人請.小籠包, 蟹粉小籠, 清雞湯麵, 酸辣湯, 再encore酸辣湯麵, 脆鱔, 小青瓜, 蔥爆牛肉, 叉子燒餅...3個人竟然可以食咁多野, 早知食滯左就唔叫咁多啦.蟹粉小籠幾好, 唔會一口蟹油, 有多d蟹粉味, 清清地, 幾好.清雞湯麵比較平凡, 原來希望好似台北鼎泰豐的雞湯麵咁好, 但...失望.酸辣湯好味, 足料, 忍唔住來多個酸辣湯麵, 酸辣湯分量是一盎的3倍, 不過稀少少.脆鱔, 小青瓜真係好, 其他地方暫時食唔返咁清咁有味.蔥爆牛肉都掂, 但已經太飽喇, 叉子燒餅比中環小南國勝3倍, 可惜已經食唔落...

food are not good and expensivewill not go here again

上兩個禮拜去食，因為俾錢請食飯既老細見呢間野成日排長龍，所以羊群心態咁去試一次。未入到去坐，已經俾門口個帶位姐姐激親-.-個螢幕顯示左我張飛個號碼，一心諗住有得入去坐啦，唔使企係門口食西北風，點知遞張紙俾佢果陣佢話"埋緊單架喇，你等等啦。"，結果我又等多十分鐘先入到去坐，累我空歡喜一場，服務態度真係麻麻。入到去叫左兩個麵，一個咕嚕雞球，小籠包同埋鍋貼，麵好唔好食就唔知，因為我冇食過，不過個咕嚕雞球真係唔掂，最貴呢碟，最難食都係呢碟。筷子夾落去已經知道硬掘掘，咬一啖已經唔想食，佢可能以為整得好脆，都唔知係唔係擺左好耐再整返熱先變成咁。小籠包都ok，多汁皮薄，不過個鍋貼入面有汁既感覺就怪怪地，而且d肉有粉味，味道唔係咁突出。總括黎講，價錢貴，野食同service 又麻麻，去一次試下已經好夠。

同阿拉廚房有得fight. 好食...

佢個高力豆沙好唔得，都未熟透……

我覺得佢d野不外如是，仲要係好麻麻……我好鍾意食手拉麵，見人講得咁好，咪去試下。去到，好似唔駛$咁超多人，算，一場黎到，好食o既都唔怕等下……點知，服務態度「好」都不在話下，個拉麵就真係令人失望……D麵黐埋一餅，唔爽，得個「立」字，又係得個碗大……炒麵又係，太濕，唔夠乾身，又少喎……小籠包係多汁，但係你同我都做到，只不過係用豬皮or 雞腳等膠質重o既野去熬湯，等佢「鯨」，切粒同d餡一齊撈之麻！仲要佢d野比同類菜館貴，唔抵食！總之失望啦！！

完全是一家名不副實，滿足港人羊群心態之店. 那道鎮江實肉質奇硬, 和熬完五小時的濃湯肉無分別，怎咬怎嚼也不爛. 這種肉也可以上的嗎？太可怕了！那干煸四季豆，唉，任何人吃過地道的也知道豆必要入味，但肯定這店是豆有豆炒，肉有肉炒，豆根本未曾入過味，這完全是掛羊頭賣狗肉的菜，想把客人當盲當味覺失調辦？那炸醬麵的醬簡直離譜，請那老闆到國內看看何謂炸醬才在香港找子吧. 這種食物質素還可引來客人排隊，香港飲食男女呀，你們是否味覺麻痺？還要縱容此等食肆到何時？可悲！

同朋友去食, 罕見630pm一到有位, 小籠包一定離不開, 只因佢味道比其他店好味, 另外叫了個鱔糊炒拉麵, 有點油膩。

上星期同朋友去過，我哋食咗:鱔糊抄拉麵：過得去!小籠包：皮薄佷易穿，但多汁。味道ok啦!涼拌雞絲粉皮: not good! 我覺得好咸!埋單: (連加一+ tips) $120總括:未試過，可以一趟! 不過，唔好抱太大期望!

光顧過兩次，上次吃午飯，要等十五分鐘，水準不錯；昨晚六點鐘到，不用等，水準大不如前。小籠包：招牌菜，皮薄滑但易穿，汁多，肉味一般，一客四件，不算大顆，過得去.紅油抄手：汁不算太辣，帶酸，挺開胃，皮也很滑，不錯.五香牛肉麵：碗極大，麵卻少，牛肉變了金錢「月展」，肉醃得還可以，但湯淡然無味，麵也不好吃，賣三十多元大概把洗碗費加起進去了吧.糖醋雞球：雞球油泡過，但糖醋汁下了太多糖，又太濃稠.蠔油燜筍：以為是冷盤，不來熱上，筍沒根，味道可以.蘿蔔絲酥餅：酥皮香脆，但太容易散，餡料很熱，但茨汁濃稠而味淡，退步了.什果凍豆腐：一般.酒釀丸子：酒糟太甜，有點「搶喉」，還是從前味淡的好吃一點.服務一般，七點後人龍依舊，但沒其餘兩店那麼誇張，我們剛吃完麵食就跑來問我們要什麼甜品。地方清潔，兩人吃了$275，不算太貴。

Full scores is 10 for each dish.1) Soup Noodle - 8Comment: Handmade Noodle in good quality, fresh and smooth. Soup is not hot enough and put too much peanut-butter, acceptable only. 2) Siu Lung dumpling - 9Comment: A lot of juice inside, good!3) Sour and spicy Shanghai Soup - 3Comment: Too salty and not hot enough.4) Spring Roll - 6Comment: If fired for a while more which will be more crispy. Vegetable inside taste healthy.5) Sliver Bread Roll -Comment: I hvn't took any. My sis

香港食肆就係咁，初頭做好來吸引顧客，之後慢慢越做越縮骨，早已見怪不怪

越來越貴, 越來越唔好食,第一間接觸的新派上海菜係翡翠拉麵,開頭都覺得唔錯, 小籠包好正, 擔擔麵好香,但自從TIME SQUARE的金滿庭開o左之后, 一食就覺得比起翡翠仲好食.....o既然兩度都要等位, 點都搵間好食D啦, 上星期四同男朋友去太古食晚飯, 見到翡翠唔駛排隊(銅鑼灣應該仲要排), 咪再去食囉, 心諗不及金滿庭好食, 但又不致於列入黑名單而且以前都食開, 所以咪再食囉....先來一籠小籠包(4粒), 雞絲粉皮, 一碟小黃瓜及一碗小辣擔擔麵......小籠包及小黃瓜尚算OK, 雞絲粉皮的醬多都好似唔駛錢咁, 糊口到死, 都唔想食啦..擔擔麵一到, 我都忍唔住同男朋友講, 乜細碗o左咁多!!! 之后我就食一啖, 因為見佢唔係好辣(平時叫小辣都好辣, 又唔比人辣油分開上), 咁我咪即刻叫多碗小辣擔擔麵, 點知比係前一碗辣好多.分量少o左都算啦, 原來暗地裡加左價喎...翡翠: 小籠包4粒大約廿幾三十蚊(不太記得), 擔擔麵由$28加到$30(但細碗左)金滿庭: 小籠包8粒大約廿幾三十蚊(不太記得), 擔擔麵$18(分量肯定多過翡翠離遠就聞到好香花生味)分量小人一半, 價錢貴

小食不錯，尤其小籠包，皮薄餡靚有汁唧出來，價錢亦十分合理，所以人龍不斷，麵則麻麻。<br /><br />

雖然,d Service 嘛嘛! 有d趕客feel,但係可能出面多人,要趕客. d 食物都幾好味,抵食!