翡翠拉麵小籠包 (已結業)

我是星期日3點多銅鑼灣店, 等左20分鐘就有位.裝修唔錯丫,伙計態度都唔算差,佢地實在太忙la..小蘢包真的好食,又係果句啦,皮薄涵靚.蘿蔔絲酥餅都唔錯,酥皮靚,唔油,涵夠熱夠香,好夠蘿蔔味,仲有金華火腿碎,有心機之作.最令我意外的是拉面,因太多選擇我反而選了最單調的蔥油拉面.嘩!真係好食得不得了!(可能係冇期待的關係)蔥炸得非常香口,配合上湯和拉面,真係估唔到咁夾,一條蔥一滴湯都冇放過,全部被我極速擺平,味道令我非常感動,大家一定要試!!

我以為我被人呃左2 個咋^_^

因為我當時係兩個人食,我男朋友又唔食甜野,我真係記唔到幾多個, sorry sorry!! (我又真係食唔哂>_< )

同意高力豆沙係幾好多但我食過３次都係得４個咋喎

受到名氣影響跑來試試, 好多人, 好在二人檯好快就有。叫左一個擔擔麵, 小籠包, 蔥油餅, 獅子頭。擔擔麵不錯, 落單時侍應會問你剪唔剪, 因為剪左食時會方便d; 蔥油餅有兩種,一種係大餅,好似係街邊買個d咁既樣既, 另一隻好似銅錢咁, 銅錢樣個隻好食d,因為入面有好多蔥(鐘意食蔥); 小籠包唔錯, 好多汁,夾時小心d唔好整穿,當然食既時候小心燙口呀;但有一個小問題....叫左四樣野, 點解得三樣, 食到中途時, 已經問侍應仲欠獅子頭未到, ?話幫我跟跟, 點知我地食哂檯面d野,碟同碗都比人收左,都仲未來, 我仲要叫住個侍應唔好收我地d快子, 因為仲有野未來,足足等左..20分鐘, 都唔明其他野出得咁快, 廚房就出得咁慢。btw my mother said佢地d薰魚唔好食,好硬(我唔食魚), 高力豆沙好食, 因為新鮮整, 但係要多人食, 因為一份都有6個(好似8個,唔記得添>_< )p.s. d侍應一見你食完, 佢會即刻來收碟,好似趕客走咁,唔鐘意呀。

兩個人下午6時經過，見都唔算好多人就來試試。叫了雞湯麵、擔擔麵、小籠飽同蘿蔔絲酥餅。雞湯麵普普通通，始終好食的雞湯麵唔係咁易搵得到，仲要只賣30幾蚊，大家心中有數吧！擔擔麵唔錯，麵身夠彈牙，湯底又夠濃，不比詠藜園差，當然係講緊舊舖啦！小籠飽都幾好，算是皮薄餡正，以此為名應會差得去邊；蘿蔔絲酥餅有水準，與一般好一點的酒樓如海都鴻星利園都相若。埋單百多元都唔算好貴。6點半過後真係好墟埳，係除了元氣外最多人等的食店。招呼都唔覺好差，會催客埋單都唔奇，似乎唔係一個靜靜地坐低傾計食野的地方，來吃亦最好預左。同去魚一丁般，未食過可以一試，但要大排長龍就米搞，未至於非試不可的。

翡翠整天排隊﹐有時候人太多﹐服務質素不夠好。<br />不耐煩的好些客人會轉過去前面一點的越南餐廳﹐叫「東峴越南軒Tonkin Vietnamese Restaurant」﹐食物不錯啊﹗<br />地址﹕太古城太裕路3號順安閣地下G512-513號舖電話﹕2569-7928<br />唔該晒﹗對了﹐請問有餐廳未登記在網頁內的﹐應該寫在哪裏send 給你們呢﹖以前有寫過去意見箱﹐可是沒回應啊。<br/>

我上次去都係咁個侍應埋黎睇一睇野食黎晒未之後轉頭張單就到

有日去銅鑼灣開飯，聽聞有間食小籠飽的店子不錯，便走去試試。到了那店子，裝潢不錯，雖然未到正常開飯時間，店外已人頭湧湧，大概等了一個小時左右，終於可以內進，接著點菜、嚐菜，也不過半個小時，但無禮之事慢慢發生，在我們一邊吃的同時，侍者一邊收拾碗碟，這也不足為奇，但我的友人還沒把東西吃完，卻被收了其碗碟，此乃無理之一，吃飽了只想多呷口茶，還沒叫侍者結帳，但帳單已隨之奉上，我也深明貴店人山人海，在外輪候者之多，但也不應不知會一聲便為我們結帳，感到被趕客般的羞辱。當然我們心中有點不忿，故在侍將結帳零錢退回給我們之時，便納悶問道：「我們還沒叫過結帳，何以那麼快便跟我們結帳呢？」侍者只虛應道：「真的嗎？可能是出錯單吧！真是對不起！」草草一個回應便算了!!也許他老實點兒告訴我們為怕外頭的人客久候耐了，故早點跟我們結帳，或是先詢問我們要否先把帳單結了，這樣做也?我們心中更好過!!!一間食客大讚的店子，不懂大體的招待食客，何以留得住人心!!

下午四點半，有點肚餓，同家人一起去試一試，店內都幾多人，不過就不用等位，卡位很舒服，三個人坐都很鬆動。先來三個拉麵，清燉雞湯、紅油牛肉、上海排骨，雞湯好有雞味...雞肉應該是煲過的，不似是放雞肉跟住下味精的...不過我都覺得應該是有師傅的，拉麵應該是自己做的，因為粗度不一，其他的兩個拉麵...可以不試。再來一個蘿蔔絲酥餅，我自己覺得很少店舖可以做得好食，不是酥皮不夠酥，就是散開，一是回油，蘿蔔沒有蘿蔔味，又或者是辛辣味太重。一上臺，外形不俗，看來沒有回油的情況，看起來都有酥的感覺，一咬....嘩....好熱呀...不過真的很酥，蘿蔔絲很香蘿蔔味...好像有火腿味，一看..應該是火腿蓉。不會太油...口感一流...如果要排隊來食的話，我覺得不值花時間，如果下午菜的話，又太貴...所以...都應該不會再來的！

今時今日咁既服務態度點得ga! >?<<最近去左times square個間，食物質素雖然同太古差不多，但d service就差得多!第一次去-- 堂食，5點半去到，reception個櫃檯都無人，結果我要行入間鋪仲要嗌聲唔該先有人應......感覺上唔係唔理人，可能係忙到懵下懵下，太古個間都唔會咁，開頭覺得可能d staff岩岩開左幾日唔慣，點知第二次......第二次-- 外賣，我一入到去reception又係無人，咁都算，行到入去個waitress見到我...係我隔離ja......係當我透明無理我!!!!唔係呀!!!!!!係cashier俾錢個陣，咁岩企係個tips收集箱隔離，有個肥肥矮矮咁既manager(定team leader佢著灰色shirt既，總之一定唔係普通waiter)一句excuse me都無就推開我去?tips落個箱到!!推開人!!!!!!!!!個時仲要係5/6點唔係繁忙時間!!!!!!!!!!!!講真就算係忙過頭脾氣唔好都係咁話啦!!!!!!!!!有乜理由咁無禮貌!!!!!!!!!!!!!!!仲有就係，佢叫人20分鐘之後要"親自"行到

地址：銅鑼灣時代廣場地庫B224<br />電話：25060080<br />fax：25060212<br />email：cjhk@crystaljade.biz.com.hk

早幾日去左銅鑼灣間翡翠拉麵, 可能係晚上9點0既關係, 等0既人唔多, 時間奕都唔太長. 原來呢間分店只係開左幾日. 我地2個人叫左一客小籠包, 擔擔麵, 蘿蔔絲酥餅, 再加埋豆漿同蔗水. 小籠包真係好好食, d皮好薄, 老土d講句, 真係皮薄餡靚. 我個人認為同X泰豐比. 翡翠係有過之而無不及!! 至於擔擔麵, 我就覺得唔係特別好食, 都唔係特別難食. 我覺得佢D味好得意, 酸酸地. 唔知點咁啦!!但係就唔會太辣. 至於個蘿蔔絲酥餅, 好好咪, 熱辣辣, 好鬆化. 不過真係小心熱!! 佢同利苑0既都真係有得揮!! 唯一失色係佢D餡有蔥. (因為我唔鍾意). 總括黎講, 翡翠好值得一証. 但係人多去會好好多, 可以試多D唔同0既野. 2個人去, 選擇實在太少, 我仲有好多野想試!! 仲有佢門口有個短鬈髮0既帶位0既女仔, ?好NICE, 我問佢有乜推介, 佢好樂意咁介紹. D態度好好!!

這家點雖然傳聞話好好味，但我不覺得太吸引，更不覺得值得我花時間排隊久候；更甚是排了這麼久，一吃完又像被趕走，真是氣人！而且店內食物也不廉宜，又要加一服務費，但竟然要「搭臺」，真是可惡。本食家平生最討厭跟陌生人同坐一張臺，所以絕不會再去！

大大話話都黎過十幾次﹐唔係因為特別出色﹐而係呢類型餐館算係呢頭一個唔錯既選擇- 鍾意食好多小菜加點心又得﹐鍾意就甘食碗拉麵又得﹐彈性大。不過最慘係次次無論平時定假日中午或者夜晚黎遲d就一大村人響處等位﹐試過夜晚8點左右﹐竟然派籌派到要等七十幾張檯﹐三四個人既檯話要輪起碼九個字至一個鐘頭﹐而且記得係唔齊人唔可以入座。係好多人食﹐野食都幾好﹐不過唔駛太高期望。佢地小籠包$20四隻﹐都唔錯﹐熱辣辣裏面有滿滿一泡湯﹐夾起都冇穿﹐不過皮可以再薄d添架。鱔糊炒拉麵$48﹐上桌時係熱﹐不過唔算好好食。最鍾意鍋貼($18三隻)﹐個底煎到焦焦地好脆。另外菜肉雲吞湯($26六隻)﹐鍾意食濕濕地清淡既都幾好。呢度拉麵出名(二十零三十蚊一碗)﹐以前試過擔擔麵﹐嫌唔夠麻辣仲鹹鹹地﹐反而辣既五香牛肉拉麵好似惹味少少﹐拉麵個碗大﹐不過食落唔係好多既咋﹐細胃口既都應該可以清碗。平時好少叫高力豆沙($24)﹐人少嫌大舊會膩﹐不過如果有4個人一人一舊就ok﹐幾好食既。不過自己都係鍾意食另外一個甜品﹐叫做咩芝麻豆沙酥之類﹐好似蟹殼黃甘既外貌﹐熱辣辣好味﹗3個人唔係大食既話通常$200上下落樓啦。裏面乾淨企理﹐不過舖位係窄長