翡翠拉麵小籠包 (已結業)

先來一個小小既平反, 以我所知, 寫在落單紙上的圓圈只是一個記號, 希望食客不要多心, 這記號只供侍應們知道不需要再次向這台食客詢問是否要甜品, 因為他們都知道往往要食客聽那麼多次"請問要唔要甜品呀?"是非常煩厭的(哈哈, 本人也是), 所以他們這樣做只是想提高服務質素而已.至於食品方面, 不用多提是生招牌的"小籠包", 我食過咁多間最好食既, 皮薄肉香, 加上醋汁, 連吃兩籠也可以...火腿烤雙方和海蜇, 雖然貴左d, 但也是值得一試, 順帶一提是酸辣湯, 味道恰到好處, 本人是好辣一族, 我覺得這個湯十分合胃口, 開胃醒神! 講到甜品呢, 就沒什驚喜了, 高力豆沙粉厚而口感不好, 豆沙鍋餅不夠熱, 餐廳負責人要留意了.最後服務質素尚可, 可能人太多的關係, 服務不夠完善是無可致疑的, 希望日後多多改善.

d waiter好好人!仲好勤力呀!d 食物都ok !服務態度仲好好!尤其係太古店個間!very good!

我order左個雪菜肉絲麵, 話明唔要芫茜, 來到後碗麵上有一堆(我以為只有)荵粒, 便撈均下就吃下去, 吃了幾口便發現不妙, 內褢原來是有芫茜, 便同服務員要求更換, 點知佢地冇理我, 我再同manager講, 佢竟然話碗麵我食過就唔會換, 仲話食之前就應該知道, 講到我好似貪食多佢少少咁, 激死我!! 都不特只, 佢後係張單到劃個圈, 好似想比記號D同事知, 佢咁樣做, 我以後請我都唔再去!

翡翠o既食評已經寫過幾次，唔再多講；今次想講o既，其實係service。<前幾晚如常又去翡翠開飯。夜晚九點零，都要等一兩張檯先有位；見都D侍應執檯果陣，好似玩咁，墊檯張紙飛o黎飛去，攪到客人食餘D食物渣滓掉晒落張凳度，抹也不抹乾淨，就俾下一個客人坐落去～侍應俾壓力人埋單o既情形亦時常見到。難怪依家少o左咁多人幫襯，睇o黎呢度o既管埋層真係要反省下至得。不過話說回來，呢度D小籠包依然皮薄餡靚；另一方面，等齊人至安排入座呢個制度小妹依然好欣賞～希望佢地食物水準keep到之餘，服務方面可以有所改善啦。

拉麵(麵)同小籠包真係好好食，呢到咁多人講過都唔講咁多喇蘿蔔絲酥餅都好，但係出面唔少舖都有同樣水準。今日見天氣有少少熱，叫多左個冷麵，有冬菰絲係度，幾好，不過都幾辣，麻醬味適中，唔會太濃，如果濃得滯就會「漏」。如果冇咁辣會仲好。今次叫左蜜汁雙火方，比出面食o既多左塊腐皮，但覺得有D多此一舉，係脆左，但係唔係好夾味，賣得都幾貴，$60得三件，洞庭樓都係$15件，北京人家更只係$10左右。仲叫左個蔥油大餅，但應該叫大餅蔥油囉，根本主次不分，D蔥油太多，個餅淨係得出面個少少麵粉包住，你估整小籠包咩，蔥油餅更係要多麵粉先好食架嘛，而家係食餅，唔係食蔥油呀，仲要賣$40，真係唔抵。仲有個荷香粉肉卷，唔係太特別，有糯米雞的感覺，唔係好食得出裏面有乜野，但都係$40得2件。但呢度地方好迫夾，兼且要搭檯，仲要飲「阿公茶」，服務同環境就真係要扣好多分喇。

我和3個朋友有次去尖沙咀Harbour City行街才知翡翠開了新分店,我知貴店一向是要等齊人才可入座的,但最無奈既係reception要我們一個鐘交，我們等了半個小時,冇理由唔食架,於是只好答應,入座後不到2分鐘立刻有2個waitress分別向我們推介食物什麼蒸鱔,我覺得好似比人威迫我食d唔喜歡食既野咁,問完又問,我覺得唔需要問2次呀,令人覺得好煩,我和朋友商討後點了菜後,食品鎮江骨保持水準,小籠包不過不失,有個粉皮魚頭令我們很失望,要成佰元吃半個魚頭同很cheap既粉皮很不值,還有一個青炒津白竟然等了45分鐘才完成,我們向waitress追了幾次單都沒人理會,係呢個時候我們想吃高力豆沙,但是突然有個穿shirt既人叫我們埋單,因為一個鐘時限到了,我問他我們想吃甜品,可否遲一點才埋單,他用不禮貌的態度跟我們說不可以,我覺得很不滿,很無奈只好埋單,接下來我走的時候同貴店的manager投訴,她說這是公司規則,這manager表現出很漠視既態度,我和朋友都很不滿,我們對翡翠的做法大表失望......又要等齊人,又要限時間,食品製作時間又耐,不知所謂,食buffet都有個半鐘啦!!!

因為覺得呢間舖頭的小籠飽同甜品都唔錯，有個比較便捷的等位方法推介，就係每次o係UA太古城睇完戲先至o黎，幾乎次次唔洗排隊。

以前o係附近返工,成日都黎排隊嫁...雖然係等位等到癲,但係鬼叫佢個蘿蔔絲酥餅同小籠包咁正咩...小籠包好多汁!而個蘿蔔絲酥餅就外脆內軟,係有汁嫁!!!傳統既上海店就做唔到啦....而且每樣野份量都細細,o岩晒我呢種眼闊肚窄既人啦!

翡翠拉麵在銅鑼灣開了分店, 大排長龍, 但個人始終覺得太古城正店較佳。小籠包皮薄湯汁多, 紅油抄手辣中有鮮味, 都極出色。拉麵方面, 排骨、紅油牛肉都不錯, 雞湯則純得有點無味, 雞肉更成了雞肋。蘿蔔絲酥餅, 外脆內極熱, 小心燙嘴。醉雞都ok。價錢平, 如果預早一個鐘至個半鐘拿「飛」輪候, 然後去shopping就差不多了。

某次食lunch路過此地，貪得意同同事夾份買客高力豆沙番公司大家一齊分。雖然$26得4舊，不過好大件，同埋係甜品會比較漏，所以一人半件都ok的。食落新鮮熱辣又唔算太油係幾好，但美中不足的係豆沙餡太少，感覺有點似食無咁油既donut......同埋唔係好岩唔好甜食既人，因為"yam"左幾多砂糖下，食唔慣既會覺得甜過頭。

入食之前我係抱住十分大期望架,話哂都係全城至正小籠包,而且仲有咁多人等位,不過食完之後,都係覺得名過其實law 唔係話佢差,不過係average law,不過唔值得排隊,如果要排,我去排above average既金滿庭比較心甘情願我地今日只得兩個人,所以叫左唔係好多野有:酸辣湯拉麵,小籠包,紅油抄手,高力豆沙先講下大名鼎鼎既小籠包先啦($20 - 4隻) 真係唔錯既,個皮好薄又夠水份,個頂唔硬,入面仲有好多汁,好鮮甜,不過一夾就穿底喇,我就夾得小心d,所以唔穿我覺得個酸辣湯拉麵都幾難食,又唔酸,又唔辣,都唔知自己食緊咩...... 最憎就係無味既酸辣湯,唯一可取就係佢用隻湯匙隔起左d"青",可以自己隨量加落碗面度呢度既紅油抄手得6隻,,而且個汁都唔夠香高力豆沙(26 - 4隻)都ok好味,食落好似係即造,而且好香雞蛋味同好鬆化,不過呢度o既高力豆沙無落香蕉,味道不夠豐富,而且不可以散叫,我地今日兩個人要食4隻呀,想食酒釀丸子都唔得喇至於service呢,要搭枱唔在講,呢度毫無service可言,佢地最落力,就係吼住你食完碟野,即刻收左去,到我全部食哂,就即刻清枱,好有趕客feel,仲

好心你啦之前有無食過正經擔擔麵架？好唔好食唔識分唔緊要，但入邊架材料都唔知係乜就黎出評語只會誤導其他人洗冤枉錢啫，隂公，真係信你死多兩錢！

跟朋友去，因為朋友話好好。去到有好多人排隊，等左近半個鐘先有位，仲係因為係兩個人先咁快，隔離枱四個人等左成個鐘。小籠包朋友食過，所以無要到，嗌左南京咸水鴨、紅油抄手、擔擔麵、雪菜毛豆百頁。咸水鴨係冷盘，但唔明點解比紅油抄手仲遲嚟，不過好好味，鹹味適中又入味；抄手普普通通；擔擔麵味道甜多過辣，幾淡，麵整得好過好多四川菜餐廳，但都係唔够韌；雪菜毛豆百頁講唔上好味，因為之前無試過熱食，記憶中這一道應該係冷盘，但這裡是熱的。之後叫左甜品，一個酒釀丸子，好味，酒味不够；一個杏仁豆腐，不正宗，失望。所以總括來講，普通過普通的一間食肆。唔明點解會有人排晒長龍等食？拗爆頭！

服務態度好差, 簡直係不知所謂, 好似係我欠佢錢咁. 呢世都唔會再光顧!仲有食物水準下降,名過於實.今時今日,咁既服務態度............唉! 一句講晒, 食一肚氣!

幫襯過呢度4,5次，叫過幾款野食: 小籠包、鍋貼、擔擔麵、炒拉麵仲有蘿蔔絲酥餅。咁多款係小籠包最出色的了，真係皮薄餡靚，不過好易夾穿，同埋唔係隻隻都有湯ga，我今日同個fd share得一隻有湯，仲要俾我個fd食左呀......鍋貼-- 個底係幾脆，都唔算油，但係18蚊得3隻有點兒貴。擔擔麵-- 都係覺得詠藜園(黃大仙個間啦)的好食d，雖然唔係淋je je但也不太煙韌，而且拉的麵有粗有幼，手勢麻麻，同詠藜園爭好遠。個擔擔面既味道也怪怪的，酸酸辣辣的，可能我食開詠藜園的食唔慣呢度的......蘿蔔絲酥餅-- 我鍾意利苑同老正興(可惜執左啦)的多d。service呢...可能我去親都唔係peak hr，都覺得唔錯，起碼無人催埋單。今日3/4點去仲唔駛搭檯兼一呼即應~不過我覺得如果排餐死又真係唔係幾值，只是"不錯"，唔係"非試不可"lor -- 企到腳軟，仲要搭檯，野食又唔係平仲要加一?