翡翠拉麵小籠包 (已結業)

晚上要去Emax睇演唱會, 故早點去德福食完晚飯先, 再坐免費巴士過去.家人選擇這裡, 6:30pm已坐了9成人, hostess話有張已訂枱的卡座但7:30pm要交枱, 無問題, 一個小時應該食完了.睇完餐牌快速落單, 食物亦隨隨送上, 花雕醉雞, 上海冷麵, 蔥油干撈麵, 上海炒年榚, 百頁結烤肉, 小籠包x2, 生煎包, 全部食物都唔錯, 尤以醉雞及百頁結烤肉惹人好感, 醉雞有紹興酒香, 烤肉五花腩炆得淋而入味, 亦不像在上海的菜館般落大量油去烹調而變得油膩.負責我們枱的侍應小姐毫無歡容, 雖非要求笑臉迎人, 但亦無須全程黑面, 那為何要做服務性行業? 還有茶水收每位$3, 真的秉承新加坡資金公司的一貫作風, 未能入鄉隨俗以滿足顧客基本需要.

星期五下午有個空檔,其實不是肚餓,一個人...只想找個地方坐坐,喝杯茶,這裡沒太多人,就選了這裡只叫了一碗擔擔麵,在我沒叫小辣的情況下,依然覺得不夠辣 (註:我不愛辣的)麵條剪碎了,很易入口,麵也彈牙;湯底不夠"杰",麻味略欠.....由於不餓,最終都吃不完$38+$3茶錢,加一,$45

bf本身唔係太like食上海野成日叫佢同我食佢都唔制但今次佢終於肯同我食喇~~2個人叫左小籠包,鍋貼,上海炒年糕,擔擔面小籠包 - 好一般, 皮唔夠簿, 一籠normal有5只,why佢得4只?鍋貼 - 太細隻, 個底煎得太lone, 變左好硬, 又係只係得4只.....可能真係通漲啦上海炒年糕 - 呢個幾好食,唔係太油,最怕食到尾成碟都係油,但佢冇~ok!擔擔面 - 個面幾好,小辣原來一點都不辣,下次可以叫中辣~最唔satisfy係個位側邊有道門, 講明唔for出入,但d人同員工就不停出出入入,好disturb呀!同埋出面係咁吹風入黎,勁凍law~~~~~~~~~總括黎講都係好一般,唔算得上好食~

今天剛剛到這間餐廳午膳，到達時已是2時，所以不用等位。坐下來立即二話不說點了小籠包，醉雞，煎鍋貼，等等。因為沒有排骨拉麪，所以改點了水煮牛肉拉麪。小籠包貫徹了一向的高水準，皮薄多肉汁。因為急不及待咬進口中，所以熱辣辣的肉汁燙到了舌頭呢。肉餡鮮嫩，值得推介！水煮牛肉拉麪，落單時侍應哥哥細心地提醒我們是十分辣的。拉麪送來時當真吃了一驚！單看湯汁，上面浮着的辣椒已足夠告訴我們這碗拉麪可不惹少。試了一口湯汁，嘩！麻辣的感覺直衝上腦，吃下舌尖留下一陣麻，但辣之餘帶有辣椒的香味。吃辣之人不可不試。不吃辣的人，要品嚐的話請先叫侍應給一杯凍水。醉雞放進口中，一陣陣清香的酒味傳入鼻中，酒香滲入每塊雞肉。北京水餃送到來，我問：怎麼没有水的？心中有點懷疑會好吃麼？送入口中，還是有點驚訝。一般的水餃因為總是連着湯汁放入口中，這次因為没有湯水，所以清楚地品嚐到水餃內的肉汁 (還是第一次吃到水餃內會有肉汁呢)順帶一提，其中的一位侍應哥哥的服務態度十分好，或店舖有意見書的話一定會讚揚他一下(可惜没有)。其他的侍應嘛…一般啦。食物水準一流，但當然價錢偏貴。值得推薦的餐廳！

又係等位既問題, 晚上8:30 還要客人等齊人先可以入去品嚐的晚餐. 唉!!! 因我是三位, 但已有兩位存在, 一位正在途中行過來. 門口位小姐係都要人地齊人先可以入, 雖然你地公司既際度好好, 有白紙黑字寫明齊人先可以入去, 但係點解你地有咁多空枱(即係冇人座既枱) 都仲係要客人等既, d 員工服務同頭腦唔識去靈活變通既咩. 真好笑, 咁樣咪叫得不常常常常失囉冇理由做生意既, 要客人去教你地點做野嘛, 冇服務咁又要收加一服務費... 確實係一間自以為事既餐廳. 怪際度. 本人最後都係冇去食, 因唔會因為呢個理由去等咁既餐廳

上月某日晚上, 放工去左德褔行街..好似好耐無食翡翠拉麵咁咪去囉張飛排下隊, 等左約20-25分鐘 就入得去其實都去過好幾次, 先點菜:1. 小籠包 4只- 超一流水準, 依然是無出其右超等水準小籠包2. 雞絲粉皮- 沒新鮮雞, 點不了醉雞, 將就點了雞絲粉皮, 還不錯3. 黃金蝦- 味道不賴, 但似乎配白飯較好, 因為咸蛋黃的味道太濃烈了4. 鱔糊炒拉麵- 炒得不錯, 略嫌濃一點, 下次會點湯麵代替依舊推介招牌菜 小籠包, 事實上根本不可能不點, 只因太美味了

素鵝 $48好熱, 炸到好脆, 有d冬菇餡料, 已經好好味, 不過如果多d菇仲好.小籠包 $26好味, 皮簿, 多汁, 熱, 又唔易穿.上海炒年糕 $55味道夠濃, 不過油左d北京水餃 $28同小籠包一樣咁好味, 多汁, d汁都好夠味, 唔駛點野都得.另外茶錢 $6 /位

6月3日和媽媽到翡翠拉麵小籠包吃飯 *第一次和人搭枱，所以不用等小籠包 : 中上之作 皮薄，萬二分小心的夾，湯才沒有漏出來。 清湯混和餡料的肉汁，味覺的享受 水準比鼎泰豐好，價錢也較便宜三寶疏: 二種菜 + 冬菇 淋上 茨汁 茨汁尚算 清甜 以價錢計，ABOUT$50，不太值得 紅油牛肉麵 : 中級水準 最喜歡麵的粗幼度，偏幼的 湯，有種辣椒的香氣，讓人食指大動。 初吃時，頗辣 後慢慢習慣 也能喝下湯 牛肉像被染紅，顏色古怪，有五片之多，味道普通 桂花糖蓮''偶'' : 甜品 蓮''偶''淋上桂花蜜，有4片 精巧在

上禮拜,我男朋友生日,即刻想起到翡翠食飯,我公司d人成日都去吃飯,都話服務 同食物ok,同埋 知道 早d去會有卡位坐.我們這日點了幾樣野食,覺得有兩樣野食特別好味,1.小籠包: 呢個真是好夠味,百食不厭.好正呀!2.咕嚕蝦球:蝦球都幾新鮮又爽,最緊要是甜酸汁幾好味~3.官廷茄子: 茄子唔太油,加埋d醬汁好好味!4.豆沙鍋餅:皮夠薄,餡唔太甜亦夠多,味道不錯!但是 煎d皮不夠脆身!侍應ge 禮貌都好好,侍應經常幫我們加茶 和好有禮貌幫我們換碟, 要求亦盡量做到,係抵讚ge!係同類ge上海菜館,我仍然翡翠拉麵!^^真是冇得頂,諗起都想去食

曾幾何時,翡翠係我同屋企人既食堂咁滯,,過咗一排冇黎,心思思又諗起佢哋既擔擔麵..上星期六同朋友一行兩人到此晚飯.這裡菜牌選擇亦少,TST分店選擇多好多..結果除咗招牌小籠包同擔擔麵外,其餘都好 "難食",醉雞,雞肉又實又硬又淡,全冇酒味,雞皮又厚,十足雪櫃隔夜雞,,,醺魚係一PAT凍冰冰又甜既汁淋係一條雪凍咗既煎魚上...,, 兩味食到一半就放棄,,,, 一直都覺得此分店質素稍遜,但都未至於好似今次咁難食.... no return服務方面我要求不高,侍應都有效率有禮,不過下次都係唔好懶貪就腳...坐遠少少車去鼎泰豐好過...

平日下午2:30左右去，不用等位。未滿。我一早試過這店的上海麵，我不喜歡有梘水味的上海麵。大家食的手攪麵好食得多。鍋貼、水餃有一定水準。不過伙計就真係唔得，叫佢地添茶，扮聽唔到，舉起隻杯示意都無人理。行過都睇唔到。我舉手示意埋單時，個經理第一個反應係閃開視線，後來他知道是埋單才正眼望我。咁o既態度，見証了百業興旺，伙計難請吧！不過我覺得既然收得唔係平，無理由係咁o既服務水準。

其實極唔願意去食,但係唔知點解媽媽好鍾意o係度食為左一家人食餐飯,是但啦就下佢啦......是日食左8樣野,本住俾人趕走o既心態去食炸銀絲卷+ 小辣担担麵+回鍋肉薄餅+清炒津白+雪菜蝦仁炒飯+小籠包+鎮江肴肉+茶燻乳鴿首先是小辣担担麵,好咸......=_=" 麵質有點糊口不好吃炸銀絲卷是好食的回鍋肉薄餅,咸到唔認得左坐我對面果個!薄餅是ok的,但太少,根本包唔晒D餡清炒津白,冇咩味,但唔知點解痴埋一pat雪菜蝦仁炒飯,雖然係好乾身,但米粒略嫌太生喇,食到後來有點啃住o既感覺小籠包,個皮厚左,湯汁少左,退步左喇!鎮江肴肉,太稔不夠實,有點像食午餐肉的感覺=_=後來叫左個茶燻乳鴿,但等左30mins!其間,真的好難受waiters們以為我地賴死唔走,成日望住我地,簡直係虎視眈眈!後來個waiter自動幫我地追單,等到有點眼訓來了,一食,嘩,好"枚"....$7x 一隻雪鴿,唔抵!仲要咁o既服務態度依然唔明白點解母親大人次次食完都不滿野又唔係好食都仲要食囉

講起等位真係把幾火，事關食晏一粒鐘，便一早book好檯，點知門口位姐姐問人到齊未，有同事又剛剛咗洗手間，唔齊人。叫我地等齊人再通知佢大小姐，猛話點都要齊人先可以”排”下一張檯，就算booking都係咁話，點知一路有人walk-in，一路比檯人地，好了終於齊人話比佢聽啦，可以等下一張檯，點知佢又比0左張檯人地，佢話人地先過我，要再等下一張檯。(感覺有點黑箱作業!!!)，”吉”最後full曬，要等人食完埋單先有檯，門口原先一大棚人都無曬，想轉去第二度又難搵位。仲有一樣食古不化，仲有”吉”檯0既時候，死都要D客人響門口等齊人，差一位都唔得，五個人”洞”曬門口，又唔比人落定單，眼白白望住張"吉"檯比0左人，輪到自己齊人0既時候又無檯。結果六個人係門口呆等0左25分鐘先有位，落單，食0野，埋單都係用0左35分鐘，乜service???食物方面除0左酸辣湯唔得之外(太酸了，又有焦味)，其他菜肉雲吞，醉雞，小籠包，雞煨麵，排骨拉麵，炒年糕一般都ok。

講起等位真係把幾火，事關食晏一粒鐘，便一早book好檯，點知門口位姐姐問人到齊未，有同事又剛剛咗洗手間，唔齊人。叫我地等齊人再通知佢大小姐，猛話點都要齊人先可以”排”下一張檯，就算booking都係咁話，點知一路有人walk-in，一路比檯人地，好了終於齊人話比佢聽啦，可以等下一張檯，點知佢又比0左張檯人地，佢話人地先過我，要再等下一張檯。(感覺有點黑箱作業!!!)，”吉”最後full曬，要等人食完埋單先有檯，門口原先一大棚人都無曬，想轉去第二度又難搵位。仲有一樣食古不化，仲有”吉”檯0既時候，死都要D客人響門口等齊人，差一位都唔得，五個人”洞”曬門口，又唔比人落定單，眼白白望住張"吉"檯比0左人，輪到自己齊人0既時候又無檯。結果六個人係門口呆等0左25分鐘先有位，落單，食0野，埋單都係用0左35分鐘，乜service???

素聞此店拉長龍等食"威名", 前日有幸唔駛點排隊就有得食, 當然要食"大"佢....偱例睇睇菜牌, 忽然記起自己要戒口(即係最好味既都冇得食~~),便點了菜肉雲吞拉麵,素腐皮卷,小籠包, 生煎包...等,上菜速度很快,但除了小籠包其他餸菜的味道都唔係咁得, 所以最後想加點甜品亦放棄了, 不想浪費了quota!