翡翠拉麵小籠包 (已結業)

食左上海冷麵,麵都,小籠飽,同山東手抓飽,雖然上海冷麵同麵麻醬同花生醬太多,但份量真係大碟,小籠飽好味,果然係招牌菜,唔會太多汁又唔會太"流",個皮有整得夠實.山東手抓飽一D都唔油

20070629一向喜愛翡翠，今天因緣際會與honey以及另一個朋友J在附近揾食，因為時間尚早，還可以膽粗粗的walk in，雖然沒有卡位，據說過了12：30以後就排長龍了……聽honey說這裏已經靜悄悄的加價了，翻翻菜單，果然，所幸質素還在，而且好像添了許多新款，諸如水煮牛肉擔擔麵等，據說是很夠味道的，可惜我不嗜辣，未敢一試。嫩雞煨面：朋友J力薦，果然不錯，湯帶點清甜的感覺；小籠包：一貫的水準，皮薄餡靚汁多；煎八寶飯：今天的新嘗試，即叫即蒸，蒸完再煎，頗費心機的製作，味道也很好，攤開來呈餅狀，邊位脆脆的，不會一味死甜，水果條、蓮子，都沒有被埋沒。很開心的一餐：）

行到very tired, 去了這ate dinner. 可能早, 唔使等.小籠包: 見係招牌, 試左, 不是很突出~ 都有dd失望!四川旦旦麵: 唔錯! 好有peanut味~菠菜炒X豆: Ok!雲吞: 唔錯! d湯不是平時食開那種雞粉湯味! 有d不同.($25- 4粒雲吞!) d野食上得過份地快! 兩個人的table, 又細, 放得到個旦旦麵+ 碟菜... 己經無位放>.< 仲狂上! 焗我食快d~ Service: 茶久唔久fill up, 都唔錯~!d staffs 的態度唔夠nice... can improve!Overall, 這間, 不會令我想來多次的地方~*Too expensive for such standard IN HONG KONG!

五月頭的一個晚上，Avril Lavigne於九展開了一場Mini Party。剛巧公司與SONY BMG有生意來往，得到幾張免費的VIP Ticket，於是便找了幾位有興趣的朋友一起觀看。當天的晚餐在德福的翡翠拉麵小籠包搞掂。下午7時多雖不用等位，但也已經坐到差不多滿滿的，因此也只剩下門口附近的位子了。這麼早吃晚飯真的不習慣，同行的友人亦然。因此只點了三款小吃打底便算了：小籠包皮薄但不煙韌，以致肉汁流到一籠都係。還好味道尚算鮮美，肉質也結實；紅油抄手這道菜最適合愛吃濃味食物的我，辣度適中，正！桂花酒釀丸子很小顆的丸子，吃完一碗還是覺得很空虛。而且不太吃到桂花酒的香氣，可以不點。Mini Party很快便結束，我們最後還是沒有一起去吃宵夜，所以只好回家各有各吃了。

今晚同太太去晚飯，小籠包好似其它食家講一樣，黐住墊底的菜，而且一夾就穿，以翡翠來說真的很少很少見。另外，從來冇人問過我地剪唔剪麵，張單已經寫住要剪。最差的是，所有服務生連經理都好似打仗咁，唔知趕緊乜。我太太今日要食藥，同侍應講要杯水，就二話不說連杯茶都收埋。喂！我話要杯水，唔係換杯水，你有冇聽清楚？食完小籠包想食埋墊底的菜，點知個小姐問都冇問就成個籠收走。我覺得就算我鍾意食埋幾塊菜係怪，你都問聲我先收走好喎。另一位待應冇耐過來檢查上齊菜未，問我地要唔要甜品，你服務質素如此「優良」，我原本食都變唔食（原本我地都想加野食，畀佢搞得幾搞，返屋企煮麵好過，仲食甜品？）。佢居然即刻在我地面前用對講機叫人印定單，你咁叫做點先？係咪好唔耐煩想趕我走？老實講，你拎轉背咁做我唔理你，亦理你唔到，不過你咁高調叫我走，我都唔會逆你意。埋單時，我同個經理講我呢餐係歷來在翡翠食得最唔愉快的一次，佢好簡單地問「點解？」我真係好想知佢覺得自己係我老豆定老細，居然唔係話「唔好意思呀，先生，唔知邊方面令您唔開心呢？」之類，唉！仲有乜好講？總之各位想去呢間翡翠之前，都係諗清楚，唔係洗錢之餘，仲要受氣。

以前曾去過太古城,銅鑼灣及尖沙咀的翡翠,但最鍾意德福,因覺得侍應多啲,動作亦快啲,等位都無咁辛苦每次都叫五香牛肉拉麵,小籠包及蘿蔔絲酥餅拉麵至正,別的地方吃不到這種麵,配上清清的湯底及葱,感覺很健康; 五香牛肉夠多件,夠厚肉,夠惹味(但若牛肉可以減些味精便更健康了)而蘿蔔絲酥餅每次都熱騰騰上桌(很熱的,要小心燙嘴啊),酥皮厚薄適中,蘿蔔絲份量足又多汁,連一向不喜歡吃酥皮的我也會吃上一兩件翡翠不會巧立明目,沒有什麼濕紙巾錢或花生/酸菜錢,化算得多

放工後去九龍灣上堂，很匆忙，不夠時間吃飯，便走進這間店去吃小籠包。此店以小籠包命名，但他的小籠包做得普通，有些失望。局部分包皮太薄，韌度不夠，一動它便穿了。不過包內也沒有清湯，只有小量油汁，所以穿了也不打緊。豬肉餡味道是過得去的，如果用的肉瘦一點更加好。一籠小籠包只有四個，賣二十五元，連豆漿加一要三十八元，吃了十分鐘，普通質量的食物，也算貴。

同男朋友都鍾意食上海野，有一日突然癮起，捉左佢去食……同銅鑼灣果間差不多，冇咩特別。生煎飽，男友評價「唔得」，因為完全冇肉汁，頂多只可以話佢似煎餃子；鱔糊炒拉麵，勁heavy同埋好甜；好食d既係個南京鴨，味道剛剛好，另外的津白年糕亦唔錯，清清地又足份量。service就麻麻啦，d waiter好似覺得你會阻住地球轉咁，我仲有半碗年糕佢就問左我兩次要唔要甜品。唔得……個人認為，想食上海野，始終都係去d地道d既好……

都唔知點解, 作為一個大集團經營, 服務可以好似做又三十六唔做又三十六禁...昨晚二人光顧時已是九點, 餐廳內只得三分一客人, 理應不太繁忙, 但是帶位的女士帶了我們進去之後, 叫我們坐在別的食客那一桌有空的椅子, 她們才'施施然' 去收拾一張唔知客人走左幾多個鐘既枱比我坐.. 既然整間餐廳有三分二空位, 唔知點解一直唔拾枱 ...我們兩人叫了以下食物及價錢詳列:担担麵$32雲吞麵$40炒年糕$52另茶位每人$2 (不過只係用茶胆沖熱水, 連茶壺都唔放係枱 , 要叫佢加茶, 一係等佢十年行來一轉自動自覺幫你加)條數唔難計, 32+40+52+4=$128加一$12.8 = 128+12.8=$140.8埋單時竟然係$452 !!我自然反應係: 吓?!待應先笑住取出另一張話係$145 至真我查單, 問點解個所謂茶錢係$8 , 佢話無錯, 我指住menu 話寫住$2位, 我得兩個人, $8點計出來, 佢先笑住去void 單, 改正後都依然唔係$140.8 , 係$141 , 我再問點解唔係$140.8 , 待應輕描淡寫禁話進位嘛...好一句進位, 如果係禁, 分分鐘下次$141 變左$15

上星期友人相約在此店飯局,點了以下菜式:鱔糊炒拉麵--一pat黑色物體,冇乜鱔糊,拉麵炒得好差醉雞--唔入味,似篜熟再淋上酒雞絲粉皮--ok鍋貼--ok但一碟三隻太少了高力豆沙--好細,唔好食蔥油酥餅--唔熱又好油豆沙鍋餅--okD菜上得出奇地快,好似預先整好晒咁!收碗碟超快,呢頭食完,轉眼就收o左,又成日問上晒D菜未,趕你埋單咁樣,好唔掂!!

前晚黎左呢度食飯, 翡翠呢野好食都算出名, 但食完之後真係忍唔住, 要呢度...................讚下佢!兩個人叫左幾多野食, 一客小籠包, 一客鮮肉鍋貼, 雞絲粉皮, 一客菜肉雲吞湯同埋一碟糖醋雞! 呢度個小籠包出晒名架啦, 皮薄料靚, 又夠湯, 一啖放又口真係好美味; 鮮肉鍋貼又係個皮好薄, 煎完後又唔會太硬, d肉又好味, 加d辣油又係一絕; 雞絲粉皮d青瓜加麻醬加雞絲, 又香又爽又滑, d粉皮真係一d都唔粉呀, 仲好薄好滑, 雞絲唔老, 麻醬好, 又唔多唔少, 唔會膩, 正呀! 菜肉雲吞湯係新試, d菜肉雲吞菜肉好爽豬肉好鮮, 個雲吞皮又好薄, 個湯仲好清, 幾好味; 而糖醋雞就未算出色喇, 個糖醋汁就好好味, 不過d雞就差少少, 太硬同埋太乾, 我會覺得魚會好味好多!不過出色始終係出色, 好味真係好味, 食到真係好飽! 有機會一定會再黎試過! 我仲好懷念佢地個小籠包, 埋單$195, 比埋貼士兩舊水好!

小籠包皮薄多汁，真的有十八摺，一客四件共HK$22，物有所值。北京水餃亦有同樣喜悅。至於清湯燉雞拉麵，雞連盅上，滋補非常。只是清湯真的清，拉麵變得味道較淡。

酸辣湯拉麵- 好辣..好辣..好辣..辣到苦呀!(海港城店的酸辣湯拉麵好食好多~~)排骨拉麵- 一碗白麵再加四件炸排骨, 麵就無乜特別, 反而排骨好似有點油~小籠包- 有肉汁, 都幾好味~茶錢$4位, 服務一般~

鱔糊炒拉麵-- 隔離檯傳來的陣陣香味驅使下點了這個菜. 但係食落好油. 菜肉雲吞湯拉麵-- 菜肉雲吞不過不失, 拉麵不太好味. 酸辣湯-- 好細碗, 好辣!銀絲卷-- 好細條, 好\\\\\\\"痴\\\\\\\"牙!

今日兩個人去左食呢間野,星期六係多人D其實都第3次來,不過一次俾一次差又話仲有5張木台,點知等左成10張...OK,都等,因為本人喉嚨痛唔知食咩好...呆等左40分鐘,食左20分鐘!!!趕客走的餐廳!!!我地叫左小籠包,雲吞湯同蟮糊炒拉麵;黎野照常地快首先係小籠包,個皮痴實晒對筷子同碗,想點!!!雲吞湯今次落得太多生蔥元茜,冇左雲吞同湯本身O既香味;因太肚餓冇續粒蔥去揀;食埋蟮糊炒拉麵,嘩!!!個麵未炒好喎師傅!!!依然係一餅野!!!但我見佢地太忙所以冇換都算啦,不過佢地過度快手,我地個蟮糊炒拉麵O岩O岩夾好,筷子都未放低佢地就即刻捧走,我忍;男朋友仔又係筷子都未放低跟住收晒我地D碗筷!!飲緊杯茶,個經理竟走埋黎睇我地張單,哈哈!埋單兼一肚火;嬲嬲地真係想連果$3 TIPS 都唔俾囉!反正收左加一!