翡翠拉麵小籠包 (已結業)

不是第一次來吃。上星期五與老朋友吃飯,我提議到這裡來。一早知晚飯時候人多, 著朋友早點拿籌等枱。大約15分鐘左右,輪到我們。誰料,那把門人,不讓我們入去,說不齊人不可拿位。有冇搞錯, 我們3個人, 2個已在啦,只欠1人都唔得。我已說朋友在地鐵站(香港站)內正趕上來, 那把門人黑著臉說唔得,到齊才可話給佢知。天, 我真是第一次在這連鎖店遇見這種服務態度。我不滿的是那把門人的"瞧不起人"的黑臉。在中環區耍這種嘴臉,香港的什麼"好客之道"全都沒有了。如果她是有禮貌地說句,不好意思,請..; 我沒有問題的等, 但好的極差態度,就算店內其他侍應如何的好,也會被把門人的態度拉低。更何況,其他侍應的態度也不是十分的好,只屬一般呢。是夜, 點了小籠飽,蘿蔔絲酥餅,上海炒年糕,担担麵,杏仁豆腐及高力豆沙。小籠飽,沒有以前的好吃,皮厚了。上海炒年糕,細碟o左,味道仍ok。担担麵,是夜最好的。蘿蔔絲酥餅,夠熱,但饀的蘿蔔絲不夠。高力豆沙, 不夠鬆軟, 只係"冧"。杏仁豆腐,我沒吃,但朋友說沒糖水浸住,不夠好。因為那把門人原故, 非必要, 我不會再去!!!!

買了一個月的上海A股有紅利分，心情好靚，當晚約女友去IFC翡翠拉面小籠包食上海菜。 點的菜有：雪菜鹹肉粉皮（48蚊）、蚝油燜荀（38蚊）、原盅雲吞雞X2（80蚊）、八寶辣醬麵（34蚊）、干煸四季豆（48蚊）。 上海菜以紅燒、生煸見長，其特點是：湯鹵醇厚，濃油赤醬，糖重色豐，鹹淡適口。選料注重活、生、寸、鮮；調味擅長咸、甜、糟、酸。但這家確以“鹹”當家，不僅破壞了上海菜的傳統，還搞得當晚不停地起夜（喝太多的水）。 雪菜鹹肉粉皮算是當晚一個最好的菜，粉皮炒的剛剛好，火候十分到位。但鹹肉卻不鮮還味同嚼蠟，實屬敗筆。 蚝油燜荀。色覺可以，味覺要差許多。原因：一是荀不夠新鮮（疑是罐頭或是真空包裝貨），食得全無荀的清鮮；二是用蚝油燒，雖色覺還可以，但遠不如用醬油燒來得吸引人，糖不夠，只落得一個鹹字。 原盅雲吞雞。貴且不值得食呀！雞不好，放多了鹽和鮮味品的湯一定大打折扣。裡面的雲吞不知是煮得時間太長還是怎樣？上來都有破皮。其餡，多肉少菜，好似吃了兩個豬肉丸。 八寶辣醬麵。放多生粉（澱粉），面湯如食膠水。八寶辣醬象是早就燒好的了，臨時澆了上去。 干煸四季豆

係IFC來說, 翡翠真係算一個經濟的選擇。本人食過沙田、太古城同呢間,感覺如下:1) 裝修係最好,最花心機的。2) 食物水準比另外2間還好dd。3) 服務態度, IFC呢間比太古城的要好。我每次去翡翠, 必叫小籠飽& 擔擔麵, 係must叫item!!因係翡翠最正的款式。

講真, 我都冇見過會有人係一間食中菜既餐廳問人拎叉! 我睇到都忍唔住笑左出黎!另外, 呢間野係IFC mall裡面, 已經係超平, 有咁既水準, 我覺得都差唔多. 我都去食過好多次lunch, 因為我就係IFC返工. 佢lunch次次都係好多好多人, 係好誇張地多! 上個星期紅雨, 我地成班叫外賣, 仲誇張, 要早成個鐘頭叫定! 落到黎仲見到好多人等拎外賣, 有D仲好鼓譟. 唉... 你地一次過係咁叫外賣, 人地邊做得切呢? 都唔明點解D人咁冇教養.講下食品, 都係首選小籠包+必叫既酸辣湯!~ 超正! 不過唔好係下午茶既時間去, D野係差D! 好似整定番熱咁. D拉麵聽聞係即刻拉, 即刻整, 所以好好食! 但係唔明點解日日食既質感都唔同, 唔知係咪唔同師傅呢? 生煎包D豬肉成日有陣怪味, 上海湯麵D麵又硬, 但係果湯年糕就好正! D冷盤我次次都有食, 可能唔駛點整既關係, 冇咩失水準! 脆鱔唔錯! 總括食品已算中上, 不過有待改善及保持水準!服務, 我又唔覺得好似人地講咁差. 我次次黎佢地都好殷勤! 叫外賣, 因為我地次次都叫好多野, 我成日都驚佢會漏落, 點知次次都冇事! D侍應又手

如果我有看到這裡的食評，我就唔會昨晚去這裡吃晚飯啦!對幾位食評家的意見，我完全有同感呀!昨晚與朋友一行四人到中環IFC這間分店吃飯，食物水準都尚算OK，但d侍應的水準真係勁差，這個被形容在中環很高檔的商場，竟然有服務水準咁差的店舖在這裡，仲要係大部份侍應都有問題喎，真係…..。我地係點菜的時候，已發現幫我地落單的男侍應並不專心，個頭四圍望，唔知佢係咪有個裝置可以同別的侍應或廚房溝通到，個口不斷講野，真係對我地好唔尊重，果然啦，落漏了單。食左幾樣野後，叫人幫我地換碟啦，個侍應好像未曾聽過人的要求咁，個樣好愣然，，你地要換碟呀?更奇的是，換左新碟，但係唔幫你拿走佈滿食物殘渣的碟，真係比佢吹脹!!!食到咁上下，我地叫左客高力豆沙。等待高力豆沙期間，位不專心的男侍應行過，問我地的東西是否齊，幫我地執走面上的碗筷等等，佢執執，突然間大笑幾，真係比佢嚇親呀，可能佢又係個mic度同人傾緊計啦。都未執完野，無同我地擺食甜品的碟及叉就走開了。咁當高力豆沙上時，我地咪要求個女侍應比碟同叉我地啦，這是一個非常正常的要求，你估個女侍應是什麼反應?個樣又係非當愕然，!要碟同叉???咁我就話，無碟同叉我地點食呀，

廣告都有賣啦！今時今日服務態度好重要，但係竟然都仲會遇到Ｄ口黑面黑o既服務員，真係令人懷疑佢o地抱住咩做服務宗旨，到底佢o地o既經理有無同佢地做o下Training！o野食再好食都係假啦！食完一肚氣搵鬼再幫襯咩！話說星期日係母親節，我o地一家人同媽咪去o左中環翡翠慶祝，本身一心都已經諗住今日母親節邊到都會多人食飯，媽咪又特別鍾意食上海菜咪o黎翡翠（貪就腳方便嘛！），如果早知會係咁o既服務質素，我地寧願貴Ｄ遠Ｄ去時代廣場或者太古城都唔o黎依間翡翠食飯。一開始我o地８點左右係門口拎飛等位，我知道翡翠一向都有例不明文規定，就係要齊人先比檯，所以我o地一家４口齊齊出門，齊齊到就唔怕麻煩要等o黎等去！去到門口果然係勁多人，不過依個都係預料之內o既事，所以我o地照樣等，如事者等o左半個鐘頭見都應該差唔多，我媽咪話想去洗手間，咁咪問門口o個位小姐我o地個No.大約仲有幾耐有檯，費事一陣行開有檯又要等，點知門口o個小姐竟然用Ｄ好唔耐煩o既語氣話：「幾張囉！」我當時真係好想問下佢，咩叫幾張囉？幾張即係幾多張？讀書時候先生無教佢【啦、呢、唷、啊、囉、呀】依Ｄ助語詞係點用！但我無機會問，因為佢答完我就行o左

經過Times Square次次都見這家店大排長龍, 見佢地係IFC開埋分店, 既然就腳便試佢一試o羅. 這裏不像銅鑼灣般人山人海, 但等位都需時十五到廿分鐘左右. 價錢又唔算平, 食物質素方面則相當一般. 簡評如下:白切肉粉皮- 無o厘味道, 好似食塑料...鍋貼- 皮唔香唔脆, 餡唔嫩滑;擔擔麵- 湯汁相當香濃, 多花生香味亦頗辣, 但麵質乏善足陳;小籠飽- 算係好食, 但餡就略粗, 唔夠鮮嫩細滑, 絕對比不上滬江、寧波, 甚致美心旗下餐廳(如紫玉蘭).如此普通的食物(又貴喎!), 如何值得咁多人排隊? 真係無法明白...

試過尖沙咀和Time Square 分店都對侍應的態度不滿.以為再給這字号一次机会. 前幾日路經,以為位處IFC會好些招呼,結論係呢間飯店的招呼連茶餐廳都不如. 個女侍應木無表情審犯一樣語氣替人落單. 雖然唔憂做都唔駛叫班伙記當人係嚟乞食. 唔識尊重人都要尊重自己.做倒咁嘅食物質素同價錢嘅食肆喺香港唔少.

發源地在新加坡的“翡翠拉麵小籠包”, 近年正積極地東征西討, 在泰國曼谷四面佛傍的商場中, 也有著她的店鋪. 數年前, 在太古城開了她在香港的第一家店子, 終日其門如市, 晚上十時後還看見待位的人潮, 真的這麼好嗎? 數年以來, 分店的數目增加了, 中環IFC 這一家是新開的, 水準有如店子數目般增長嗎?上月某夜, 需在IFC 附近吃快速晚飯, 試了這家新張不久及裝潢華麗的“翡翠“. 桌子之間相距頗近, 座位兩傍各坐了一對小戀人及夫婦二人, 小戀人已把食物吃完, 在等待結賬的同時, 正商討著往那裡吃甜品, 他們的賬單, 經三催四請後, 在浚把麵吃完一半的時候, 才施施然送到. 夫婦二人亦已把桌上的食物吃光, 但聽到他們投訴還欠湯麵一碗, 最後, 他們要的湯麵連同浚所點的一起送上.吃了簡單的擔擔麵, 雲吞雞湯及小籠飽: 擔擔麵- 味道可以的. 雲吞雞湯- 清楚地喝到雞味及火腿味, 但湯及雲吞則太咸了.小籠飽- 包著豬肉的皮, 如霧水恩緣般一甲即破, 豬肉亦太咸.可能是很多漏單的關係, 侍者經常用近乎奔走的步伐上菜, 令浚整頓晚飯都在提心弔膽中渡過. 如果不懂廣東話的朋友到這裡吃東西, 必

我星期六去咗食晚飯,同埋幾個朋友一行4個人,我地order咗小籠包,牛展拉麵,XXX青瓜,甜酸雞球.....等等!食物本身ok,但係跟住先係我今次要講嘅重點!!!正當我地食得好enjoy嘅時候,居然俾我地見到有2個侍應響度攬腰掃背....係一男一女!!成何體統!!!

Totally different from last time I tried.. We tried the noodle in the first week, which is great but it's crap this time. There was still a used tissue sticking beside the window when we sat down. The restaurant was pretty busy but I would rather go for someplace else next time.

本人試過九龍灣及銅鑼灣店，這間試過兩次，毎次兩人埋單差不多都要$180，多数都是order一碗面（雪菜肉絲面）,，一碟菜（咸肉津白），小點（鍋貼or 小籠包），凍雪梨茶。但今次好肚餓，所以便order一碗蘭州拉面（淨面），鍋貼，清炒津白，o古o魯球，又凍雪梨茶。今次頗令人失望，清炒津白，少而油膩，的，好似唔多新鮮。o古o魯球，少而乾的，得幾件。鍋貼，還可以。唔通師傅轉o左，點解唔同o左？