翠華餐廳 (已結業)

中午的太陽是會燥底的，幸好翠華的冷氣很足，聞說是總部，今天就來試下佢個lunch，樓高兩層，位置算闊落，不會太迫，餐牌的選擇也很多元化，搞到下午茶都想叫佢個三文治試下...今天叫了豬脾配薯菜，我以為是一根根連骨既脾呢，但上枱就好似豬扒，沒有上錯吧，也就張就食哂，豬扒就不過不失，反而配上薯菜不錯，以一個配菜來說，那焗薯忌廉加了芝麻醬很香很好食，讓人食足了成個...羅宋湯有點微辣，用料十足，看見的有牛肉/椰菜/紅蔔白/洋蔥，十分美味...但這娃娃菜就很一般了，苦的...總括食物多元化，但待應反應都很慢，落單時都唔想開口講野咁，很奇怪...

成日都要OT，好多時想食好少少，就會叫翠華。印尼炒飯可以話係我嘅穩膽，貪佢夠惹味麻。印尼炒飯有雞肉、雞串、煎蛋、大蝦同兩片蝦片。蝦片送到上黎就已經淋左，但大蝦都幾爽口。味道就辣辣地甜甜地，雖然就唔算太正宗，不過都可以頂下癮嘅。

OT 要食晚餐又費事行，原來翠華 $60 就可送外賣。晚餐唔太吸引，就食個鹿兒島豬軟骨菠菜餃米線，跟餐有野飲。黎到既時候湯另上，幾細心。豬軟骨炆得夠唸，都幾大件抵食。菠菜餃就略嫌滾得太耐，一夾起就爛。不過湯底都係好味既！

是日就跟同事到了就近的翠華食lunch見佢一百元內有個扒餐食都叫OK呀牛頭角附近太多人番工了所以每日lunch都會好多人咁我地1行11人…大約等左15-20mins就入到咁Cyn就點左雞扒扒餐…講真翠華 D 野食真係不過不失而杯凍OT都真係幾好飲…但係上菜時間真係好慢…成半個鐘都上唔到…就好似今次咁我地同時間叫左3個雞扒扒餐…咁當道理都係1次過會上哂3個…但點知唔係…上左2個先…等左15mins 第3個都未上…真係唔明點解仲有另1樣令我比「喊樣」既就係佢地D服務態度…真係好差……

呢碗豬軟骨菜苗餃麵，連埋杯熱奶茶，$48, 平就唔算唔平，不過質素都可以接受嘅 -- 3 件豬軟骨，份量都幾大件，而且啲醬油相當惹味，咸咸地，配埋啲麵一齊亦食就啱晒，而且啲肉質相當鬆軟，輕輕一咬就送入口; 菜苗餃都ok, 入面隻蝦同埋啲菜都幾新鮮，不過我就嫌佢嘅皮厚左少少，如果薄啲嘅話，口感會更佳。

同成班同事去食午餐，個個食扒餐但我就偏愛食呢到嘅冬陰公湯麵，所以今次就叫左個豬軟骨冬陰公麵，不過聽姐姐講有片頭同無片頭係一樣價不過基於我嘛嘛地好片頭所以就PASS，大家岩嘅記得落單話要豬軟骨片頭啦。講反個麵，湯係好香夠味，不過就無咩酸味，跟湯就有兩粒蝦，都幾新鮮嘅。最好係肉多過面，不過食完就會見到湯面好多油，所以都係偶然一次半次放縱下好了。

這一晚, 又在觀塘, 完成工作後打算在觀塘吃些甚麼才回家, 居然不知不覺走到近牛頭角這邊來。四圍都是工廠大廈, 附近最搶眼的就要數翠華總公司的大廈了。好吧, 來到翠華的總壇吃飯, 質素怎麼說也有保證吧?原來也不一定...總壇的分店樓高兩層, 裝修也是非常標準的翠華樣式。不知是否心理作用, 似乎這分店的服務生們特別好禮貌。食物方面反而有點教我跌眼鏡 (好吧這天我沒戴眼鏡好不好); 翠嘩奶油豬 ($17) 沒錯煉奶和牛油都足夠, 但怎麼不夠脆且不夠熱? 😐新推出的新鮮脆甜紅茄沙律 ($50) 是我因為差不多已吃遍翠華所有的素食食品 (炒菜和羅漢齋飯除外) 才點的, 用上大而厚肉的番茄片, 加上有香草洋蔥的意式油醋汁, 實在是好吃的 (真心推介, 我可是吃過不少難吃的番茄沙律的)。

今日去牛頭角，唔熟這區，所以選翠華諗住穏陣。都成2點，都仲係好多人，要等位。人多自然嘈，冇計。坐低叫侍應執枱都冇咩人理，執好左又唔比餐牌就走左去，又要叫幾次先有人理。好了，有餐牌⋯我叫左個午餐，午餐sets係湯面，冇飯或炒粉面，飯/炒粉面係散叫。因為咁，所以我叫午餐set，有杯野飮下嘛。炒蛋唔熱又少，應該係一早炒定。個脆豬包，唔熱仲要唔脆食完炒蛋等等等左超過15分鐘個面都未有，又要催侍應。豬扒面塊豬扒算大及厚肉，係熱的，味道剛好不會好咸，好食不過個面和湯，唔熱！搞乜！熱奶茶係正常。五十幾蚊一個咁既午餐set，我覺得唔值。

係studio影完相都成9點，牛頭角睇落都好似無咩食，淨係見到間翠華咁就唯有食佢啦... 晚餐得一個，但叫其他野食又唔包飲品，但因為太口渴，所以全部人都叫晚餐，豚肉元貝跟個多士同紅茄cream soup, 個多士脆但唔燶，牛油好香，第一次似紅色既cream soup，不過味道還可以，無平時個d咁漏既豚肉係一塊大豬排，我就嫌太燶，有d salty, 不過個燒汁係唔錯，跟薯菜有3舊薯仔，咁夜食飯就夠架喇~~ 個帶子有d乾，普普通通...一向覺得翠華有d貴而且侍應態度麻麻，今次都唔例外...

有機會到這個總壇吃飯，心情不知為何有一點興奮的。先來一個以天然掛帥的黑松露蝦飯飯的軟硬度是較適合香港人的，不會太硬，喜歡。而松露的香味很濃，令人頗開胃。不錯。再來的茄子蕃茄肉醬意粉也不俗，茄子不會太軟，熟得剛剛好。而意粉的軟硬度也不錯，不會太軟。最愛的當然是蕃茄味，不酸，可口。而這個豉椒牛肉炒河則很夠鑊氣，吃出真功夫。到這總壇開餐的感覺真的是不錯的體驗。

此翠華位於集團總部附近，唔知係咪咁既關係可能順便當埋training centre。所以去過幾次都撞過幾個比較生手既職員，雖然落單速度同埋熟練既程度都有待改善，不過整體水平尚算OK。是日叫左個$80幾蚊既扒餐，我至愛既牛油豬同埋羅宋湯唔駛3分鐘就上枱，非常快手。牛油豬同早餐既version幾乎一模一樣，都係咁鬆脆爽口，非常之crunchy！可惜羅宋湯既料真係好足，以茶記出品黎講居然有咁多肉同埋蔬菜喺裏面真係好少有，不過個湯鹹到乜咁，甚至有D苦添！扒餐方面又豬又牛又雞，重要加埋煙肉同雞肉腸，重有意粉添，一大堆頭既份量真係好抵食。食物質素當然冇乜野期望，但絕對唔係D劣質貨，好以腸同埋煙肉既肥瘦比例都算合理。扒方面煎得剛剛好，雖然牛仔扒好似熟左少少，但豬同雞扒都可以做到皮脆卻能鎖住肉汁，令肉身都叫做juicy。Overall味道一般啦，都係typical翠華出品冇乜特別驚喜。好彩portion夠晒大份，啱埋大食既食肉獸好似我咁！

一個人經過牛頭角翠華大廈,就入去吃一個輕便午餐(下午茶)原來自己未吃過翠華的常餐,自問是常餐的FANS,吃過很多地方的常餐,這次分析一下翠華的常餐首先:脆豬仔很脆,亦帶出牛油的香,不過沒有奶油,吃翠華沒奶油伴豬仔好像差一點點炒蛋算滑,味道也可以,不過不夠熱是敗筆這個麵的名稱騙了我,芝士公仔麵但完全沒有芝士在入面,午餐肉很"淋",沒有煎過是預算之內,海帶我個人不是很愛好,可有可無~~值得一提的是:這麵其實是超市賣的"石鍋拉麵"來的,由少辣的湯,湯中的紅蘿蔔粒和麵的質感就知道,第一次在餐廳吃石鍋拉麵XD感覺也可以,總比"大光麵"特別吧!總括不是很便宜的一餐,也不太特別,下次我還是試另一樣好了

由於做回鄉証的關係, 一早來到牛頭角, 看到翠華, 翠華是我的至愛早餐落腳點, 於是二話不說就入去嘆個早餐先!其實早餐只得三款, 選擇不多, 貴精不貴多麻!經典早餐:火腿通粉, 雙蛋加麵包今日想講下標準問題:翠華在香港是連銷店, 而都試過很多分店吧, 但這間跟其他的差異很大......火腿通粉  ~ 很快便到, 但.....通粉是唔夠熱!  湯底是啖口的, 真的唔似我食開的翠華!!  水準真得相差很遠吧!蛋及麵包...正正常常!希望能跟進!!    

相約朋友於牛頭角吃午飯，要找到一個舒適可以聊天的地方，第一時間想起的，便是翠華~記得初次到訪位於牛頭角勵業街的翠華時，感覺上它比其他地方的翠華，規模都要大，有兩層，在旁的是一楝翠華的訓練中心... wow~ @@大約12時便到達，侍應很快便安排了雙人卡位給我，我發現，底層只有兩個雙人的卡位，幸好早到，已佔其一~~ haha趁友人還未到，便先看看menu，想想一會兒的午飯...始終都是比較貪吃~ 看了一次整本menu，果然如想像中......價錢真的...很高昂... -.-''' 不過...不要緊...味道為主~友人到了後，大家都打算點選當日的set lunch ($50) ...肉醬豬扒飯/意粉/薯菜?? (忘了名稱...) set lunch 還配有餐湯及飲品~可惜...舉了手很久，員工彷彿太忙了，即使看見了，仍假裝看不見，最後...終於有人理會~ @@點了忌廉湯，味道不過不失，沒有太大的驚喜~主菜來了，有兩塊厚厚的豬扒~!! 咬下去，肉質還算"腍"，我覺得肉質還可，配合著蕃茄肉醬汁來吃，味道不錯，但友人略嫌他的豬扒太乾~ XD 意粉煮得剛好，符合我要求的軟硬程度，亦不會"痴"身

前陣子翠華上市, 成為一時佳話。作為香港第一間上市的茶餐廳, 想必有其過人之處。早餐選擇不多, 五隻手指數得完。選了B餐沙嗲牛肉公仔麵($30), 比我家樓下的茶餐廳足足貴了16%。附上炒滑蛋, 牛油豬仔。炒滑蛋口感黏稠, 蛋味十足, 應該是全部都是蛋, 沒有摻粉, 什麼是有摻粉的炒蛋? 試試麥記早餐的炒蛋便知道了! 口感完全不同。至於牛油豬仔, 只可以說是比其他茶記有新意的配搭, 這裡的牛油豬仔包, 口感乾硬, 而牛油亦下得少, 不夠用來軟化麵包。個人還是喜歡一般外脆內軟的多士。如果加點練奶會好一點, 起碼口感會soft一點。比較氣的是那一碗沙嗲牛肉公仔麵, 牛肉只有四五片, 差點連手指甲也比它大片。牛肉當然也是受了鬆肉粉加持的東東, 被乸得軟扒扒的。可幸的是沙嗲醬味道不俗, 花生味香濃。公仔麵像是廉價的大光麵, 雖然麵條好像維持漂亮的蜷曲狀, 但入口已經是鬆泡泡的口感。自己煮的比它好吃十倍!奶茶的感覺很削, 不夠圓滑的, 每喝一口也像把舌頭割了一下似的。最搞怪的是其糖罐, 雖無需用匙羹, 但要將它倒轉以倒糖出來, 其重量不輕以致手也酸了, 很不user friendly的設計。試過