翠華餐廳 (已結業)

翠華係公司隔離 好近午餐價錢偏貴 $80 左右食物就正正常常  唔會話唔好食而且選擇都幾多 中, 泰, 西餐都有  又可以食常餐不過LUNCH 真係好燥  建議上二樓食  無乜人一樓通常都爆滿食完LUNCH 可以到樓下買個包做下午茶呢到個吞拿魚包都係8蚊  幾抵食  而且新鮮焗起 

本來去茶餐廳食個早餐我就唔想寫食評， 但係今日食得唔開心 ，一向食開 沙嗲牛肉麵， 煎雙蛋 好地地，今日試下呢個 蕃茄薯仔排骨湯蜆殼粉， 諗住話晒 番茄湯底 開胃D，跟煎蛋火腿牛油豬， 煎雙蛋穿咗我已經唔開心， 煎個蛋黄熟曬 ，跟住個蜆殼粉 鹹嘅 完全唔覺得佢同番茄有關係 排骨 韌嘅， 扣曬分

今日同朋友係附近傾野，佢推介左e間翠華因為唔多人同埋比較濶落。因為我好肚餓，我就叫左個雜扒餐（$97）！個雜扒餐都好豐富，有餐湯（我揀左紅湯），脆脆豬麵包，豬扒，牛排，雞扒，腸仔，煙肉，跟意粉，紅酒汁，餐飲要了熱奶茶。紅湯係雜菜湯，味道唔錯，有牛味，酸酸地，辣辣地，都幾開胃。翠華的脆脆豬不嬲都好味道，次次我都會先食因為鍾意佢脆仆仆。雜扒餐一搬有的豬牛雞扒腸仔煙肉都有齊(各一件）。雖不是上等貨但尚算交足功課。雞扒最好味，腌得唔錯味道可口，煎得香脆雞皮很脆。豬扒和牛扒尚算大件，味道ok正常的。另外叫左個淨雲吞（$37），有六粒，我覺得算比較細粒，蝦沒有雪藏味，不過不失。如果六粒雲吞當正餐食應該會唔夠飽，下次叫返雲吞麵好d!餐飲就叫左著名的熱奶茶，不錯幾好飲，有奶香，夠滑，茶質不錯，值得推介！

公司附近就係翠華，午餐都幾多人排隊茶餐廳黎講價錢貴，但相比起同區內某d又貴又唔好食Cafe，翠華的味道係唔差，午餐海南雞飯$65，幾鐘意個鼓油汁，係甜鼓油。但個雞唔夠滑，包左個中湯。另外是日午餐$58包湯包飲品，可選飯/意粉/薯菜。個雞扒幾滑，墨西哥汁辣辣地幾好味。其實塊扒都幾大塊，唔係薄切切，薯菜就係原隻焗薯仔，食物味道都算唔錯，問心比起其他普通茶餐廳好食。比起其他區內百幾蚊上落的Cafe，翠華都算係可接受。

喱腩飯$64，薯仔係生嘅，牛腩又硬又鞋又無味！瑞士汁牛河$65，瑞士汁無瑞士汁味！牛肉無牛味！最奇怪係有幾條菜心，芽菜同草菇，咁即係菜遠牛河？待應送餐時我已問係咪整錯，佢堅持無錯！凍檸茶$21，無咩特別，最特別係賣$21/杯！p.s. 打番咗辣椒油，幾個侍應行過都當睇唔到，要自己抹！

工作關係，來了牛頭角食早餐，工廠區沒有什麼好選擇。叫了一份早餐A仿鮑魚火腿絲湯通粉～仿鮑魚切幼條，質感煙韌有咬口，火腿同樣切成幼條，通粉比想像中有咬口，不會過淋幾好，胡椒粉返而唔錯，加入適當份量，完全帶出味道。炒蛋～炒得幾滑溜，但蛋味全無，而且比較上偏涼，相信應該早已做好一大堆。豬仔包（+$2）～非常脆身，但可惜已變凍，加入煉奶也補救不了多少。茶走～茶味幾濃郁，但煉奶偏少。水準一般，勝在環境幾好，樓上雅坐更舒服。

今天一早跟老友到觀塘海濱公園跑步，跑完6k 成個人軟曬，又累又餓，途經翠華，於是入去醫醫肚，我叫左沙嗲牛肉麵奶茶配炒蛋朱仔，朱仔飽就夠熱，炒蛋就一般般。最後來牛肉麵同奶茶，沙嗲味夠濃，牛肉爽口，吾似一般茶餐廳咁淋之之，食落很不錯，最後係杯奶茶，茶味夠，不過可能花奶少左，吾夠滑，整體來說也算不錯，下次跑完步会再試，因為本人鐘情沙嗲牛

今日lunch老友嚟搵我食生日飯，佢話生日要食好啲，不過我都係鍾意去返我哋嘅老地方，翠華。條粉條竟然話想鋸扒，仲話一人一個添，我話不如嗌一個兩個人share，嗌咗個雜扒餐跟意粉，同埋幾乎每次嚟都叫嘅鮑汁玉蘭炒飯。個雜扒雖然鐵板上，但成個配套同對面 cheap 雞茶餐廳嘅雜扒飯感覺一樣，牛扒因為唔係薄切，鬆肉粉又落唔夠所以勁靭，我明白厚切係好但係都唔使咁有咬口牙，個雞唔錯，始終走過下油，個皮都幾脆。輪到個鮑汁玉蘭炒飯喇，食咗十幾廿次今次可以話係最渣嘅一次，完全跌曬watt，啲飯又太林，話哂呢度都係總部黎架，睇緊啲啦。

雖然天氣很熱，但翠華室內的冷氣還是開得幾勁。起身總覺得未訓醒，想舌頭多點刺激，平時食開既魚蛋米線已經無法滿足我，便喊了一個麻辣嫩雞米線。和平常不同，以前的這款米線會有數顆花椒，但如今卻都沒有。飲了一口湯，感覺沒有以往這麼辣了，麻的感覺也遜色。只是嫩雞還是幾好食。不是超級爽嫩，但有點爽度，味道除了辣以外，還有一點兒甜味，不知道是怎麼調味的，但配起來幾好食。只是還是較懷念以前的湯底味道。

今日大家同事話叫翠華外賣，我選擇左叫 黑松露野菌大蝦有機米飯，大概25分鐘就送到上黎喇 !! 大致講下味道 ~ 有機米飯真係食唔出同平時有咩分別...黑松露聞落就好香喇...食落口就...冇乜味道 !! 菇幾好~~ 好爽口充滿菇味 !! 蝦...就得3隻...但都幾爽口同有彈牙 !! 75蚊...就幾貴架...不過依家都真係周圍食晏都咁貴...

先幾日放假落左街食野,去左翠華食奶油豬,估唔到真係幾好食個包好脆,查左好多牛油焗,再加埋奶醬,好好味粉麵就普普通通姐,無乜特別奶茶幾好飲,幾濃,幾夠味野食幾好食,雖然貴左D,放假無所謂啦

每次老闆番黎請食lunch, 都一定會黎公司對面既翠華。上次食過佢既多士炒蛋午餐, 覺得未如理想, 今次黎到就試佢既招牌米線喇。鹿兒島風豬軟骨拼鮮蝦菠菜餃米線 $47雖然份量真係幾充足, 不過接近五十元一碗的米線, 對我黎講依然偏貴。鹿兒島風豬軟骨係翠華既其中一個招牌, 每件豬軟骨都啖啖肉, 肉質唔算好腍, 食到肉絲既口感, 頗乾。軟骨爽脆, 味道被湯浸過後仍吃得出甜甜的醬油味。鮮蝦菠菜餃粒粒飽滿, 每啖都食到蝦同菠菜, 味道偏淡, 蝦略嫌唔夠彈牙。米線吸湯速度極快, 食到一半時已經吸哂個湯, 而且質感都變得軟腍。整體來說, 味道還可, 不過口感及價錢方面略遜一籌。

見距離上班時間尚早，去翠華慢慢嘆番個早餐先。點選了A 餐。翠華比較多限制， 通粉不能轉公仔麵， 餐包又不能轉豬仔包。仿鮑魚火腿通粉。好足料，湯味好濃，不差的。双蛋上枱前已爆了。奶茶比之前淡，走晒味，失望。

幾忙都要食lunch, 對自己好d決定食翠華。點左個牛腩烏冬配水餃仔，牛腩好入味，淋身、好好食，d烏冬夠彈牙滑身，份量剛剛好，仲有碗餃子湯，湯就冇咩味，d餃都唔算特別。

工作中四處奔走，肚餓了同事在附近餐廳麵包部買了麵包，款式好多，揀了一個包佢比錢，一個紙袋袋住！奶黃墨西哥包：墨西哥包面脆皮甜膩，麵包鬆軟，中間奶黃微甜，好滑溜！而且熱辣辣好味！