翠華餐廳 (已結業)

叫咗佢地嘅十大之一---海南文昌雞飯.滿懷希望一件一件的夾起享受, 去到最後二件, 竟然帶血半生熟,換又唔係, 唯有向侍應投訴,只係講佐句對唔住, 唔似會做乜報告, 埋單時再向收銀投訴, 佢話我應出聲換, 俾佢激死, 我換到就唔會出聲, 何況咁既水平係可以接受嗎?咁就係翠華既水平???太令人失望!!!!

12.13是日出旺角行街, 本來想吃潤牛面, 可惜太排長龍。最後只好打消這個念頭, 選擇了這間餐廳。我點了下午茶餐:洋蔥汁雞扒飯配腸仔($27), 凍檸水(+$2)男友則吃海南雞飯($40), 加奶醬多($18), 凍奶茶(+$2), 很大食。偷吃了一點海南雞飯, 油飯可以接受, 但不是很好好味。雞很咸, 很咸。洋蔥汁雞扒飯, 腸仔不是雞肉腸, 是司華力腸, 我最不喜歡吃。吃了幾口雞扒, 發現不是白肉, 是紅肉。 還未熟透。男友立即叫侍應處理。 換了一份新的。洋蔥汁十分難食, 可以獲取九點五分。因為有苦味, 很怪。最後只吃完整塊雞扒及幾口「白飯」就放棄了。奶醬多, 賣相不錯, 多士夠脆, 整餐最好吃的一樣。服務方面, 一坐低, 未看餐牌已經不停問吃什麼。跟她說了等一等, 依然站在隔離, 隔幾十秒又問你吃什麼。選擇了這一間, 十分錯誤。下次一定唔會再食。

當家花旦 紫菜魚旦朋友介紹...話呢間野d 魚旦河粉好正所以就尼食一食叫左個 魚旦河加紫菜 同埋 凍奶茶的確係不錯呢魚旦極為彈牙味道清淡但又唔寡加左d紫菜又更為佢加添色彩紫菜香味無窮而且異常爽口不過講到河粉及湯底則比較平凡但係夾夾埋埋...都得過喇

琴晚11點餓過籠又唔想食m記就一個人去咗呢間翠華食見到佢有好多平時茶餐廳冇ge菜色三心兩意下叫咗個茄茸魚湯海鮮飯雖然唔平但真係第一次喺茶餐廳食到咁好的海鮮(2隻青口, 斑塊1舊, 大蝦一舊, 魷魚兩塊)d湯都唔錯, 不過比茄茸遮咁少少味雖然上菜稍慢但侍應都ok友善但佢唔可以跟餐加錢叫野飲真係覺得好攋脷

第一次在翠華吃早餐,抬頭看看牆上的menu,只有三個餐選擇. 我選了鮑魚絲火腿通粉配炒蛋方包($25).其實這個餐實在沒有地方值得讚揚,因為實在一般過一般...那個通粉,我估特別在有鮑魚絲吧, 只屬一般貨色; 鮑魚絲味道很重... 很假...那舊炒蛋味道OK,配普通厚度的方包... 如改多士要加錢.坦白說,我未食之前其實頗有期望;因為相信這些"明星店"的食物質素應該有一定水準.不過今次翠華這個早餐實在令人失望,價錢不便宜卻只有大家樂的質素. 應該說大家樂更好,因為多選擇.回家看網上食評,發現原來人人讚的是午晚餐,早餐的評語只有一般... 噢,中計...相比同區的澳洲牛奶公司,翠華的優勢是坐得舒服,可惜食物味道卻差幾皮;難怪對方無論任何時間門口都有條龍...

Went to have dinner with my friend at this restaurant ytd night. I ordered a peanut butter toast and a tepan beef fried black pepper udon. The peanut butter toast is very good, the bread is very thick and the crust is very crispy n very soft in the middle and ontop theres lots of peanut butter. very good. The tepan fried beef udon is also very very good, the black pepper taste is very strong and the beef slice is very soft and juicy and has absorbed the taste of its seasonings. The udon is fried

之前都沒來過這家餐廳吃剛好想要吃意粉，就叫了個黑椒豬扒意粉好好吃喔!!!!醬汁不太淡不太濃，而且不會水水的或是黏黏的真的是剛剛好，讚~意粉也不會硬或擺太久弄得很乾豬扒煎得很嫩雖然沒有crispy on the outside, juicy on the inside不過還真的蠻好吃的說~

以往 ... 我因工作關係經常晚飯/宵夜光顧左敦翠華....但無去約2個月.... 近個星期再去真的變了不少....變好當然是最好 , 但是變得差了很多 , 特別是服務上 , 由於多了很多 "見習中"的staff , 最離譜的要算是 我今晚約10時多 , 見到左敦店自動門貼了一張廣告是介紹你們餐廳因奧運而特別做的 set , 我坐下問了是但1個 staff , 竟是完全不知道 , 我叫他自己好好去看下貼著的廣告 , 但他看了看, 見了那圖廣告也不清楚 , 再問藍色衣服(相信是高級些吧?) .... 她們2人也像傻的一樣 , 也稱不知道原來自己的店子有新菜式 , 這是甚麼的職員? 怎麼打開門口做生意? 難道每天就只係賣海南雞飯 , 晚餐 , 咖哩雞等菜式?? 相信此廣告也最少貼了一整天 , 連店長, 店員 , 都無人理會 .................... 真難想像他們老闆花咁多錢出這廣告貼 , 但員工竟然全不清楚.... 最後經一輪高低級職員討論再問埋廚房後終於有個人話比我聽..... 原來真係有(之前答我是呢個餐未推出 /_\ ...難道是留番2012 年倫敦奧運先推出?)呢

見到set lunch 有D貴, 要$37, 所以叫左碗麵 -- 豬軟骨粗麵 ($26) D 豬軟骨真係好好味呀, D 骨好淋呀, 我以為自己食緊肥膏, btw, 我真係唔識分, 乜都食哂, 好味道! 粗麵就係一般粗麵啦, 不過湯底好味!總括來說, 就係好味!

呢度已成為我地既飯堂, 食過尖沙咀, 始終都係鍾意黎返佐敦呢間.奶油豬仔包 ---- 大隻又脆口.特大熱狗包 ---- 包脆熱辣辣同埋夠大隻.文昌雞飯 ----- 肉嫩無骨鐵板海鮮烏冬 ----. D海鮮料都幾大隻烏冬都夠味 雖然價錢的確係比一般茶餐廳貴, 但食物質數好, 所以好多時都會幫襯

因為要睇醫生既原因,要到佐敦一趟,是是但但就到翠華解決食既問題好簡單咁叫左一碗魚旦河食,湯白雪雪,好似牛奶咁既色,飲落有股胡椒味,成個口好似食左薄荷糖咁,不過味道算ok,河粉夠滑,口感不錯,魚旦只係一般,因為我覺得佢無味,另外飲一杯凍檸茶,可以話係不過不失!

因為男友係HKU番學 , 附近就有970站 ,所以有一排成日都去呢間翠華食早餐其實翠華既早餐真係好HUGE SIZE!所以次次都食唔晒 ....其實一向都係翠華FANS, 不過始終覺得翠華最好食既都係午餐晚餐比較大份既野 ,早餐既沙爹牛肉麵等都只系不過不失而且$27食個早餐真係唔平呢(加上地理位置好近另一間早餐差唔多價錢但食物質素好高既餐廳所以我地後來都轉移左陣地!)

今早出門未食早餐,還有1分鐘便過早餐時段.無看清楚早餐內容,速叫A,B餐,我只愛炒蛋(忘了叫炒),好彩A餐是炒蛋,B是太陽蛋(我老公愛食),就對調吧.$25炒蛋配小型牛油豬仔脆飽: 蛋份量勁多,像有3隻蛋,滑溜不油,無蛋香和無味,但好過大快活;豬仔飽香脆且軟滑,GOOD!食完蛋開始飽肚,豬仔飽只食了一半(想食埋,但怕食不下通粉). 火腿鮑魚絲通粉: 湯底清甜,火腿鮑魚絲通粉軟硬適中,份量都很多呀,食極也食不完(已食了很多),真的很飽,唯有放棄(還剩餘許多通粉). 熱鴛鴦:熱飲算大杯,無什特別,不難飲.$25+凍飲$3太陽蛋配方飽: 這個明顯睇到是2隻蛋黃,是用大蛋做,滑溜不油,無蛋香和無味;方飽無烘過,老公夾住蛋來食,同樣老公食完這已開始飽肚. 沙嗲牛肉公仔麵:牛肉好大塊,全碗份量很多,味道不過不失,不油膩,老公也食不唒. 凍奶茶:無什特別,冰多奶茶少,不大杯,所以不值加$3.用這$25-$27價錢食早餐有這巨大份量(我不想浪費食物,但超飽呀),值回票價,抵食過大快活,味道好過其他連鎖店.

深宵時份, 想喺佐敦區搵d好食嘅野, 選擇真係唔算多, 不過好彩呢區有間廿四小時嘅翠華, 咁就咩問題都解決晒!肚子餓餓, 入到去唔算多人, 可能比較夜嘅關係啦, 坐底即刻睇下有咩食, 最後師傅依然比佢個沙爹牛筋腩吸引住, 所以要左碗沙爹牛筋腩米線!等左一陣, 沙爹牛筋腩米線已經擺左喺師傅面前, 於是即刻試下個湯底, 湯底好香沙爹味, 但一d都唔辣, 幾鬼惹味; 牛腩就炆得好腍好鬆, 而牛筋又入味又腍, 加上牛筋嗰種黏黏地口感, 好正; 而米線又煮得煙煙韌韌, 唔會一pat野, 好好味呀!總括黎講沙爹牛筋腩質素真係好正, 環境清潔乾淨, 坐得舒服, 服務又好, 廿二蚊一碗喺深宵時份格外顯得抵食! 前前後後師傅都黎食過唔少次, 發覺佢地嘅水準維持得幾好, 加上佢地廿四小時不眠不休嘅經營, 令食客有更多選擇, 所以師傅一定會再黎!

昨天在附近見工，見工後來這兒食。一入去，餐廳整潔光猛，仲有兩層，大把位坐這兒有很多款式美食，除了一般的雲吞牛腩麵外，仲有不同款的食物有鯊魚骨湯底的粉麵，鐵板燒炒麵，仲有一些西餐，飲品都有些特別款式。令人花多眼亂!不過這兒的食物對我來說是很貴，四十多元又沒有飲品，最後要左個特惠餐豬軟骨拼鮮蝦菠菜水餃米線+涷檸茶。豬軟骨像味千的，不過就淋些同淡些，沒有味千的咁咸，份量也不少，有兩大舊。鮮蝦菠菜水餃的蝦大大隻，菠菜新鮮，沒有草青味，而且有三粒添。米線就是一般貨色，不過份量依然較多。個湯底係豬骨湯底，啡啡的，濃味岩岩好，不過始終係味精，不宜飲太多。總括來說味道不錯而且又多款不過就較貴!