翠園 (太古城中心)

營業中

休息中

早前與家人到翠園吃過晚飯後，他們覺得食物質素有一定的保證，所以這晚想再去一次。上一次我們看到鄰桌點了一煲「老火湯」，吃飯時傳來陣陣家常湯的味道，所以這次我們一坐下來，便點了半份是晚的老火湯。是晚的湯為霸王花煲瘦肉，雖然是半份，但是份量也不少，而且湯料都很足，喝後也不會覺得有太多味精而口渴。我們還點了兩個小菜-「鐵板叉燒」及「羊城炒五秀」。叉燒上桌時熱氣騰騰，入口充滿啖啖蜜汁，平日不太吃白飯的我，也忍不住點了一碗白飯來搭着吃。「羊城炒五秀」以露荀、藕片、馬蹄、蘑菇這些爽口的配料炒製而成，我個人比較喜歡這道少油少鹽的菜式，吃着吃着都不會感到太油膩。

今日約了家人到太古城吃晚飯，想找個坐得舒服的地方，便想起早前曾到那兒飲茶的「翠園」。門口的侍應看到我們手中拿著很多「戰利品」，便安排我們坐在一張較大的圓桌位置。店員還主動告知我們，餐廳正做匯豐信用卡優惠，所有主餐牌內的食品都有折扣。我和家人看了看餐牌，便叫了一客菠蘿咕嚕肉、鐵板叉燒，叫了數樣肉類，我們想找一個較清淡的菜式，所以再叫了一個珍菌生搣豆腐煲。不一會兒，發出「滋滋」響的蜜味鐵板叉燒先上場，侍應在上菜時把蜜汁淋上，使叉燒的甜味更突出，熱騰騰的香氣令人垂涎欲滴。之後其他餸菜亦陸續登場，咕嚕肉的脆漿不太厚，咬下去亦能保持啖啖肉。珍菌生搣豆腐煲的湯底充滿鮮甜的菇菌味，配以小唐菜及豆腐，口感不錯。整體來說，這頓家常便飯讓家人很滿意。

太古城間翠園日日都好爆， 尤其係星期一至四都book唔到位可能個個都同我一樣用AE卡6折優惠，但真心翠園質素好好，三個人埋單六折左都係$400埋單，尤其係隻炸乳鴿炸得又脆又夠入味，連爸爸都話想叫多兩隻食

臨近端午節，阿妹嚷著要食這間酒樓，因為有恒Ｘ信用卡優惠好抵食，而平日半席才＄1184，但不知為何埋單後價錢係＄1264，估計係茶介收費掛！酒樓面積不算太細，不過枱與枱之間太迫，肥少少都坐唔到套餐包橙汁或啤酒，我地揀左橙汁，可惜不是鮮榨橙汁，味道一味死甜上湯焗龍蝦伊面 - 賣相不錯，伊面爽滑，龍蝦肉厚身彈牙雲耳蜜豆炒龍躉球 - 魚肉厚身不鬆散，有魚味又有口感蜜豆炒得爽脆菠蘿生炒骨 - 味道不錯，不會太酸，可惜骨多肉少。花膠竹笙海皇 - 有竹笙，花膠，帶子等材料，口感豐富，好味蠔皇鮮冬菇生菜 - 冬菇炆得好淋，味道中規中矩，略嫌茨汁太多！蟲草花蒸龍躉頭腩 - 魚鮮好食，可惜味道略咸，粉絲吸收了豉油更加咸！海參絲扒菜苖 - 菜苗尚算炒得爽口，可惜茨汁略多金蒜醬雞 - 蒜汁惹味，雞肉尚算嫩滑！檸香馬蹄露 - 熱食甜品，雖然有－片片馬蹄，也有蛋味，但無檸香味，粉太多，味道麻麻服務方面也不太差，女侍應知道我地食龍蝦，主動派濕紙巾比我地。又主動換骨碟，分湯時又叫我地小心熱，都幾窩心但略嫌每碟餸茨汁落得太多

太古城啲餐廳出晒名難食，呢一間係代表。呢一間餐廳啲餸非常鹹，非常多味精，完全難食，食完有反胃的感覺。呢個廚師煮飯完全冇心機，拉扱，比全香港外傭煮嘅餸難食一千萬倍。千祈唔好幫襯。以後決定永不幫襯所有美心經營嘅餐館，包括Starbucks，翠苑，同simplylife。每次去美心的餐廳都受氣，又難食服務又差又貴，冇好介紹啲青瓜木耳完全冇醃，一條過冇切粒，小學生煮都好食啲，重夠膽收$60一碟第二係炸黑豚肉，完全唔知同普通豬肉有乜分別。炸到硬過石頭，嗰啲蒜蓉同啲豬肉完全係分開，差到無倫，不知所謂，第一日學炸野都唔會差到咁悽涼第三味蒜蓉雞喎最差最惡劣，拉扱，毫無誠意，又鹹，冇肉味，啲蔥完全冇切過，唔入味，超級多味精，一食落口差啲吐出來，真係難食到冇人有，翠苑快啲關門，越來越少人想食你嘅食物翠苑乜都差過人，茶又難飲，泡菜又難食，位窄，隔離左右又咳又嘈，叫十萬次無人認，燒鵝又無，燈光又暗，枱又細，又污糟，每張枱距離窄過幼稚園啲枱櫈，都唔知點解咁多香港人受落，咁又係連餐澳牛都話好，翠苑比起澳牛只不過係小兒科。總之以後永遠都唔會去幫襯美心任何一間野。仲有太古城啲餐廳九成都係低劣出品，亦不會再去太古城食野

事源手上有幾張美心旗下中式餐飲現金卷，呢日係太古shopping, 就順便用埋d現金卷。Menu有大量選擇，對於冇圖文並茂又少食中菜嘅我地實在太難選擇。佢地有另一本韓國菜menu, 呢份就圖文並茂好選擇啦。呢碟泡菜係強制性嘅，要18蚊，味道正常，份量好少，每人夾一小箸就冇嚕韓式秘制醬烤豬蹄豬蹄整得夠腍同好入味，就咁食吾沾醬都好食，用紫蘇菜包埋青辣椒蒜頭就比較fresh, 冇咁易膩，份量都算多鮮菌銀牙裴翠苗雖然菜式本身就屬於比較清淡，估吾到佢又真係煮到咁淡，淡到冇乜味，個人吾太討好裴翠苗自身果種草青味，所以覺得呢碟菜麻麻地啦爽，脆，一口牛一式三樣岩晒眼闊肚窄嘅我地海蜇頭煮得非常爽口，口感一流，可惜調味又係好淡，冇乜麻油香味芝麻醬娃娃菜就係想象得到的味道，好食但吾會有驚喜一口牛煮得好入味，入口咬幾口就溶，配埋炸蒜，更加一絕韓式蟹子卜卜飯完全圖文相符，好吸引，我好中意銀魚仔，見到咁大量真係流晒口水，一邊撈一邊卜卜聲，每口飯都充滿銀魚仔同蟹子，又吾油膩，好食！扣左$300現金卷後，呢餐只需$452, 好抵食丫！

夜一夜先食飯，餐廳內既客人都差不多食飽走晒。蝦正常，多士好油香，個汁偏酸，好開胃，同多士幾夾唯一不足係d蟹呢？去左邊粉果炸得幾好，鬆脆唔油膩但成舊個味道好淡，個皮似咸水角，入面係一隻蝦同極少量既芫茜同紅蘿蔔粒。湯都係冇咩味，完全唔知係咩湯，建議大家唔好飲我會形容個飯係冇荷葉包住既荷葉飯，好足料，入味份量有3.5碗，必食（材料：鴨肉、帶子、瑤柱、冬菇）最後送上您期待已久既餐牌如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

今晚應邀晚飯, 到太古城的翠園。 見一信用咭優惠套餐, 我們六人可點半席, 那就點這個套餐吧。 橙汁一酌 : 其實每人只可分得半杯 上湯焗加拿大龍蝦(配伊麵底) : 龍蝦肉身不多, 亦沒甚味道。 伊麵味道更淡。 雲耳小瓜炒龍躉球 : 龍躉肉不多, 翠玉瓜算爽脆。 脆香蘿蔔條 : 外炸脆漿雖脆, 但脆漿調味較鹹。 花膠雞絲羮 : 普普通通, 味道偏淡。 蠔皇鮑螺片 : 一般。 蟲草花蒸龍躉頭腩 : 整體不錯, 味道也可。 金銀蛋肉崧蒜子浸時蔬 : 菜苗不夠嫩。 金蒜醬黃雞 : 雞雖然不是新鮮, 但雞肉也算滑, 調味剛好。 甜品 : 杏仁露 (餐牌上註明是檸香馬蹄露, 但職員沒告知之情況下, 就送上杏仁露。) 我們有一半人不吃杏仁露, 職員也隨即安排送上另一款甜品。 職員如能事先告知情況就更好。

👴🏻👵🏻兩老忽然想外出晚飯🥣就近近地在太古城翠園酒樓吧。最近出了新推廣，兩個菜一個價錢，每個配搭大概做十天，翠園作為美心集團旗下酒樓，一向都中規中矩，看看今晚成績如何😜龍蝦🦞併油雞🐥兩個餸$288，龍蝦肉質也算爽實，可惜伊麵太淋，味道也一般，否則這個菜應該可以高分些，可憐龍蝦被蹧蹋了😭油雞是細細隻的芝麻雞，沒有肥膏，肉質也嫩，味道不錯，理由是甜甜的豉油調得好😋上菜時用火燒熱一酌威士忌🥃再倒入魚上，一陣陣酒香四溢，不過瞬間就消失殆盡。不知是否為求賣相顏色美觀，班翅炸得有點過了，粉漿連魚肉都變得有點過實，但味道調得相當不錯👍整體來說，中規中矩實至名歸👌要讚的是整餐飯沒有什麼味精，回家不用整晚飲水😄

重要嘅事情講出來, 新年去美心集團食飯,是沒有職員主動利是的。 (多謝我嘅朋友年初一二三，去過唔同嘅酒樓， 得出嚟嘅結論）新年出去食中菜遇到最尷尬嘅事，就係有好多職員嚟討利是。 (但我冇得派，又點派比佢呢 )多謝同事綜合嘅意見， 我哋揀咗翠園食團拜。 職員就算冇利是，亦都好有禮貌同埋殷勤翠園水準平穩， 新年期間都有開門， 但係就mark up咗啲價錢， 都理解嘅係新年期間一定係甘每樣餸都好好食， 新鮮熱辣而且上菜上得好快 。 我哋總共食咗九樣嘢 ，最尾加咗一道餸 ，蟹肉伊麵我哋冇影到相。平均每人200蚊以下真係超值

翠園🍵 經裝修後，總是我們飲茶既好地方。環境真係好優雅又氣派；餐具更雅典；點心菜式更精緻。當然價錢更升lv，也如實反映吧 哈哈。一班人最開心係咩❓食中餐飲茶 食點心，真係其中一個好選擇。砂鍋炒飯🍚`炸魷魚酥🐙`蘿蔔包🍍`黃金糯米雞🐥`蝦餃🦐`腸粉🐽`蒸餃。。真係好豐富呀。..一盅2件，飲杯茶食個包，再食下小炒。點到成枱野食真係好開心架，呢個就係飲茶精髓呢。一班人傾下計 聚下舊，真係一個消閒冒好好地方，而最重要既係。。唔怕比人趕走嘛。...其中翠園既魷魚酥真係必點。脆粉漿唔會厚，薄薄的一層，而且魷魚食得到彈牙 唔係一舨雪藏貨呢。另外春卷炸得香脆 不會太油；菠蘿包上枱時還熱著，趁熱食真係酥軟 好好味。..香口小食點心 又有誰會不愛呢❓😋🥢

本來以為翠園有保證，就試試他的盤菜，一試就後悔無比，味道超淡，豬手有毛，花膠未淋...價格也不是便宜，今時今日仲想用名氣暪天過海已經過時了！在大陸開店還是香港的三陪價錢！

早兩日仲係曼谷狂食泰菜，非常變泰，返泥即刻食返中菜。AE白金卡有半價，所以今次試下太古翠園。叫咩都係半價，我估只有套餐除外。呢間環境同餐具都幾靚（美心集團泥講），d枱好密，但附近既枱都係2-4人枱，而且比較夜會少d人，唔算嘈。我睇錯左個燴字做炆字，上菜果下嚇一嚇，成個湯麵甘樣🙈有少少蟹肉、多多蟹籽、芽菜等，味道好清淡。食開濃味既朋友就唔會岩食，鍾意清清地既女士應該ok既。呢個係廚師推介之一，都係清清地。d蝦唔係大隻但算爽口彈牙，有少量金華火腿，幾咸香。炒鮮奶我甚少食，呢種同炒蛋白十分相似，幾滑杏仁茶係濃同滑，甜度適中，湯圓就差d，芝麻味似燶左，唔流心，但整體都算唔錯。楊枝甘露就好甜，都足料，但味道差dd，合格啦。總結：如果想搵個舒服地方食下小菜，又唔洗等位，又甘岩有信用卡優惠，可以一試。如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

5天前在此酒家吃晚飯,因要求食海鮮,所以已於晚飯日前兩個星期同經理商量價錢及食材,佢做咗個餐牌比我睇,15人份量要$11000,有一間房。我要求聖子,鮑魚,扇貝要大隻,經理話一定會比大隻,每人都有一隻,佢仲用手作出比例大細,我覺得都合理,所以就訂呢圍菜,但到食時見到所有都唔係大隻,覺得被騙了,唔知係酒樓食水深要賺多錢,定係買手落咗格,真係另人氣憤。

家人聚會，婆婆生日用餐，到了這裏吃飯，之前已經預約了一圍，人齊就即刻開餐。一圍12人$4000 ，價錢中規中矩，整個餐有鮑魚、雞、沙巴龍躉、乳豬、龍蝦、花膠羹，整個餐吃完之後大家都非常飽同滿足，最後的荷葉飯同埋雞非常大，食淨的只可以打包拎走。但係龍蝦方面，龍蝦肉實在太少，但以這個價錢來說，不能要求太多，我是一個非常愛吃龍蝦的人，但我不太喜歡吃波士頓龍蝦或加拿大龍蝦，所以我對這個龍蝦都不大興趣，如果加錢換左澳洲龍蝦，我都會非常願意到最後還有壽包