翠亨邨 (利舞臺廣場) (已結業)

今日去銅鑼灣，阿爸話想去酒樓食小菜，見到呢間老字號翠亨邨，又唔洗等位一於食呢間～呢度既叉燒好岀名，所以黎呢度一定要叫呢個皇牌蜜汁叉燒 ($198) 叉燒大部分都肥瘦適中，燒到外層好香加上蜜汁係食落更惹味，而叉燒咬落都夠冧夠入味，黎個白飯送叉燒就已經好perfect!!薑蔥海參帶子煲 ($388) 啲薑多到好誇張，舖得滿成個煲😂 但海參帶子份量都唔少～ 雖然食落薑味好重，但都食到海鮮既味道，都幾新鮮有咬口。叫一款蔬菜類既菜黎食，叫咗南瓜枝竹秀珍菌 ($168) 賣相十分精緻～ 一個蒸熟咗既南瓜再放入炒香咗既枝竹同菇菌，個䇜汁雖然有少少淡，但味道唔錯，食落感覺好健康。滑蛋帶子蝦球炒河 ($228) 大大碟既炒河，加埋少少滑蛋，炒得幾夠火候，但都係比較淡。最後試埋碗大良雙皮奶 ($48) 食落好滑又好香奶味，食落唔錯👍🏻

跟媽媽去開銅鑼灣逛街，順道跟她吃個晚飯，媽媽要求坐得舒適食得招積，翠亨邨是她的首選。粵菜老字號飯店，主打傳統手藝粵菜啱晒媽媽口味，很多本地經典地道菜式這裏都做得非常出色。《古法焗釀響螺》一入門口已經見到架勢大酬賓，原價$128減到優惠價$98，唔食又點對得住自己個胃呢？ 焗釀響螺是翠亨邨招牌菜之一，原隻貝殼焗至香噴噴上枱賣相好，豐富材料釀著以肉碎和菜絲混合的餡料，配以惹味秘製咖哩汁，每一口都熱辣辣味道突出，滋味無窮。懷舊風情，從前細個跟父母去高級酒店宴會的菜式。經理說工序繁複，想食都未必周圍食得到。超值精選套餐真的很優惠，兩個人食就剛剛好，$788 兩位用。《南非鮑魚燉原個木瓜》最近感覺好虛弱，決定嘆番個木瓜燉湯滋潤一下，即叫即製需時，真係要有耐心。原個木瓜以上湯南非鮑魚炮製而成，鮑魚口感煙韌，木瓜潤滑可口，味道清甜，好正啊！《上湯焗老虎蝦》老虎蝦拌以上湯焗，蝦肉沒有油膩感，肉質夠細嫩外脆內軟，再以上湯提升鮮味，增添口感。《鍋貼牛奶併均安魚餅》鍋貼牛奶味道清新香甜，有特色的均安魚充滿惹味的鹹鮮，口感香脆！《高湯瑤柱浸時蔬》清新健康的蔬菜，高湯瑤柱湯頭鮮甜。《甫魚炒飯》媽媽說甫魚即大地魚

銅鑼灣翠亨村位於利舞台頂層，地方闊落舒適，有高級中菜廳的氣派，連餐巾也摺得很漂亮呢，開茶點了龍井，色澤清澈、甘醇清香，有濃濃的的烏龍茶味。據部長介紹，廚師曾於四川做廚，川菜有保證，於是我便毫不猶疑地點了酸菜桂花魚（$438）😍。上桌時仍是滾熱辣的，湯底比一般特別，是魚湯來的！據介紹，是用煎香的魚骨來熬製魚湯，再加入四川酸菜及野生辣椒一起烹煮，湯頭鮮甜，加上酸麻辣味，香辣不嗆喉。魚肉切厚片，份量多，滑溜，底層有入味薯粉，彈牙入味，是我最喜歡的一道菜。羅漢齋兩面黃炒麵（$158），熱食真是無得彈，麵餅炸得香脆，一大盤的，羅漢齋足料。蔥油脆皮雞（$220）外皮炸到脆卜卜，超級薄脆，而雞肉嫩滑，蔥油惹味，非常滿意。竹笙琵琶豆腐（$118）的炸豆腐脆皮、內裡好白好軟滑，用上靚竹笙，是清淡但不失美味的一道。甜品方面，我們選了蛋白杏仁茶（$48/碗），杏仁味溫潤順喉又不會過甜。這裡服務也細心周到，綜合來說很滿意，是一家體面的聚會酒樓。

繼續美味中菜分享：銅鑼灣 翠亨邨 邀得前駿景軒行政總廚，本地高級川菜先驅梁業遠師傅（遠師傅）加盟成為駐店餐廳總廚，在原有傳統又紮實的粵菜基礎上，加上星級水準川味菜式，帶來令人耳目一新的川粵私房晚宴---《遠房良廚》！入廚超過35年的遠師傅，本是高級粵菜出身，無巧不成話，曾管理阿翁鮑魚廚房7年；其後轉為經營川菜，成就了滿江紅、三希樓等名店，至2004年出任英皇駿景酒店行政總廚，並帶領駿景軒連續7年榮獲香港及澳門米芝蓮指南一星殊榮，可說是戰績彪炳。遠師傅加盟翠亨邨後，推出兩款川粵私房晚宴，這晚就試了$888/位的川粵薈萃宴，感覺相當超值。私房晚宴每桌由6位起至12位，除可享用包廂，凡預訂私房晚宴更可獲免開瓶費優惠。首道菜是前菜三小碟：在悶熱的夏先以清爽 話梅汁冰泡涼瓜 啟動胃口，再吃下超爽脆可口的 麻香海蜇花，最後才挑戰味道不鹹不濃、辣味卻十分刺激的 紅油肚絲，吃完味蕾徹底甦醒了！翠亨邨的焗釀響螺向來十分馳名，這個必須預訂的晚宴也提供了工序繁複的 麻辣焗響螺。同樣是鮮美又惹味的出品，這個版本就多了花椒的香氣及麻辣，口味更迷人也更加送酒，Cheers！不少嗜辣的朋友都對水煮魚情有獨鍾，不過這

近排男朋友返工冇咁忙碌，所以比較多帶我四圍去食嘢，今日接佢放工之後佢就帶我嚟咗利舞台嘅翠亨村。由於今日收工得早六點幾餐廳未算好多人，我哋就叫左佢哋嘅招牌古法焗響螺，都幾特別用咗成個響螺入邊有啲餡跟住拎去焗。另外突然之間有少少想食魚翅同埋濕濕地嘅嘢所以就叫咗個上湯魚翅泡飯。248雖然份量唔多不過勝在夠精緻。無論個湯定係魚翅都唔錯。點埋啲紅醋成個鮮味更加出咗嚟點埋啲紅醋成個鮮味更加出咗嚟。另外鍾意食魚嘅我梗係揀咗一條海魚$438,海魚都幾新鮮不過我本身以為係原條精但係唔係。相比起清蒸呢個煮法都唔錯。另外都叫咗一個啫啫生菜煲。鹹鹹香香好啱配飯。最後甜品方便我哋叫咗戙篤企，一兩冰糖燕窩。個名超級搞笑，啱晒我呢啲鍾意養顏嘅女仔。188

翠亨邨一向是本地粵菜經典老字號。原來最近銅鑼灣利舞臺廣場內的翠亨邨請來了位有豐富高級粵菜兼川菜經驗的梁業遠師傅當總廚，因此特別推出只限銅鑼灣翠亨邨供應的川粵菜私房晚宴。私房晚宴共有2款menu，分別為川粵薈萃宴(每位$888)及珍饈星華宴(每位$1388)，又或如我們般想從2款menu中選出喜歡的菜式亦可。凡預訂私房晚宴，當晚會獲免開瓶，並安排私家貴賓廂房，一班朋友就可更盡情開心聚餐。私房menu需要最少一日前預訂，6位起。頭盤的三小碟分別有「話梅汁冰泡涼瓜」、「麻香海蜇花」和「紅油肚絲」3款清爽冷盤。主食方面，「麻辣焗響螺」與「水煮玻璃蝦球」這2款分別加入了川菜麻辣與水煮元素的焗響螺與玻璃蝦球，效果出色。尤其「麻辣焗響螺」，麻香微辣醬汁混進響螺肉和豬肉，配搭新穎而且原來可以很夾，比起常吃到的葡汁版本更得我歡心呢。至於這夜我最喜歡的菜式，就是「酸菜東星斑球」。東星斑球魚肉爽溜新鮮，但更精彩的是醒胃鮮香的酸菜魚湯，大家都把湯喝得一滴不剩。此外，大家還嚐了「秘製冰梅骨」和「霸王辣子雞」，味道亦相當不錯。而「雲腿科甲瓜」，冬瓜片燉得軟綿清甜，是炎炎夏日的消暑好菜。最後再來客包滿麻辣湯汁的小籠

經常到訪大大小小的酒樓，各自有自己的招牌菜，唯獨翠亨邨截然不同，推薦菜色超級多，想一次試完幾乎不可能。翠亨的排場，裝潢明顯跟其他中上價酒樓不同，設計很有心思。餐牌選擇超多，我只選了幾款套餐拍照。食品：片皮鴨 一食$498只可以點一隻，我常說只有整設的片皮鴨才好吃，如果看到可以點半隻，基本上可以不用點料理人手勢純熟，厚肉的位置放成一圈，皮厚的部分放置中間，視覺效果一流、皮脆，肉爽而不韌，鴨油香重而不羶，厚度適中，很出色！北京薄餅皮塊塊連著但尚算易撕，既薄又不會韌，上桌時連著蒸籠保持温熱，不俗！唯一可惜是沒有砂糖，中間只有皮的部分沾砂糖效果應該比填鴨醬好吧片皮鴨 二食+$160炒鴨鬆生菜包鴨油香仍在，加了榨菜紅黃椒等同炒，甜而惹味，夾著生菜吃非常好吃！皇牌叉燒$168厚切，肥肉很少瘦肉多，但非常軟稔，帶點豬肉香而無中式豬羶味，外皮微脆而蜜甜，難怪是招牌！南瓜菜苗$128南瓜頗甜滿好吃的，但這菜...好像不是菜苗吧？吃起來比較像菠菜，炒得也不夠乾身，也許分開來吃會不錯吧芝麻糕$42頗甜但沒有蓋過芝麻香，算是不錯合桃糊$42合桃味很香濃，但沒有加入太多的水和米粉，只是輕微有點烤焦的味道，不然這

位於利舞臺廣場二十二樓的翠亨邨，環境低調中透出不經意的典雅，襯托著優雅的樂曲，令客人可以在輕鬆的環境下放慢腳步，慢慢用餐。這𥚃菜式既有傳統和創新的粵菜，還有由米芝蓮一星名㕑梁業遠師傅主理的川菜。其中由梁業遠師傅設計的「遠房良廚」的川粵薈萃的私房菜式，更可供客人預訂。這𥚃的菜式十分多選擇，客人既可單點，亦有多款套餐組合供應。我們選了每人一個超值鮑魚套餐，菜式包括各種名貴材料，有鮑魚、海參、魚翅、燕窩等，$498/位，價錢算是十分合理。餐前小食（$15）茗茶（@$16）超值鮑魚餐（$498/位）蜜汁叉燒👍👍👍👍👍每份有兩件厚切蜜汁叉燒，叉燒肥瘦適中，並帶有少許燶邊，令叉燒帶有微微的焦香的味道，配合甜甜的蜜汁，令味道更討人喜愛。伴在碟旁的蜜汁黃豆，甜甜之餘又帶豆香，最後當然一粒都無得留低。紅燒竹笙雞絲翅👍👍👍👍👍這碗雞絲翅，材料有魚翅，竹笙和雞絲。雞絲翅的湯底鮮甜美味，濃稠適中，令每一口都載著幼滑的雞絲、爽脆的竹笙，彈口的魚翅。配合少許浙醋，更能帶出雞絲翅的滋味。蠔皇原隻湯鮑配海參鵝掌👍👍👍👍👍這道菜包括原隻蠔皇湯鮑，海參、鵝掌和生菜膽。鮑魚入口腍滑又帶點咬口，海參炆至腍度剛合，健康又有益，

今晚身處銅鑼灣想食有質素的中菜，想起利舞台的”翠亨邨”。小食都不錯。《原鼎杏汁燉白肺湯 $88/位》足料豐富，杏汁味濃，十分滋潤。《海鮮酸辣湯 $78/位》濃稠度剛剛好，味道香濃酸中帶微辣，料多豐富，有蝦、元貝、木耳、菌類等，口感豐富。《燒味雙拼 $198》叉燒厚身，肥瘦適中，味道肉質都不錯；油雞質素正常，還配有蜜豆。《脆皮燒乳鴿 $88》乳鴿偏瘦，皮香脆，肉嫩汁潤不會乾。《南瓜枝竹秀珍菌 $148》竹笙、枝竹、秀珍菌、馬蹄都很入味，口感豐富，南瓜肉都可以一齊食，清甜軟腍，這道菜做得很好。《家鄉煎焗魚雲 $188》份量好足，味道正好不會過濃，火喉十足，魚雲外香脆內軟滑汁潤，整體不錯。《大良燉鮮奶 $48》質感滑溜，甜度適中，非常滿足。服務：職員有禮。環境：舒適不焗

朋友推介話翠亨邨係粵菜老字號😌😌主打傳統手藝粵菜及本地經典地道菜式。今次一於同朋友去試下。前菜我地叫左#酸薑皮蛋，皮蛋有流心，加少少白砂糖吃剛剛好。主菜我們叫了#美參帶子煲和#半隻蔥油脆皮雞🐔，脆皮雞外脆內軟，食落雞肉嫩滑雞皮香脆，頗有驚喜。🐷這裏的甜品款式也算頗多，我們分別叫了 #蜂蜜蛋散 、#雙皮奶、#蛋白杏仁茶和芒果布甸。👅👅每樣的質素都不錯，推薦芒果布甸和雙皮奶。.🏠翠亨邨 (銅鑼灣)銅鑼灣波斯富街99號利舞臺廣場22樓

一早book 了一圍幫老人家賀壽, 親身去訂位時講明想食有片皮鴨嘅餐同要壽包, 問訂位阿姐係咪要訂但阿姐話唔洗訂㗎! 到時order就得!訂咗位到今晚去食啦, 俾張係大門口既枱都算啦!(佢大堂另有2張大枱, 1張有人1張全晩吉既)到大人細路坐低晒, 先話乜都冇, 凈係得又貴又難食既母親節餐! 佢個母親節餐好垃圾, 冇片皮鴨, 而且比平時d餐貴50%! 😡😡😡同訂位阿姐講佢竟然話咩都唔知唔係佢攪既!服務差講大話欺騙客最乞人憎! 😡😡😡個經理就淨係o咀扮懵! 😡😡😡星期日晚市得半場客, 係有原因㗎!

今晚同家人因為有優惠，9點才去吃飯既然有優惠。。當然要叫多d嘢啦入到去，5個人坐4人檯，有d逼，放埋2個茶壺，無咩位剩餐酒做特價，叫咗紅酒🍷，不錯，一枝HKD290, CP值高好!叫嘢食! 叉燒，鮮蝦，雞。。。全部賣晒。。。可能太夜啦…在僅有的選擇內叫啦～沙薑雞腳: 完全無味，洗得唔夠乾淨，就算加醬(分開上)都唔得麻醬鮮淮山:唔識欣賞，無咩味。。個醬就幾好香麻海蜇: 如果有埋鼓油點就更好花雕蛋白蒸海斑片:非常好，魚非常鮮味，蛋也滑，味道清淡得嚟夠鮮味蒜片牛柳粒: 牛肉唔難咬，味道一般，不過不失黑松露鮮蟹肉菊花蛋: 有少少油，但松露味夠出，蟹肉夠多，蛋也滑菠蘿咕嚕大蝦球: 蝦夠大，也很開胃菜心炒牛肉: 夠鑊氣🔥風沙脆皮豆腐: 完全唔得!🙄個皮太厚，應該入面溝咗cornstarch, 有d硬，唔係外脆內軟，口感比較硬味道偏鹹上湯魚翅泡飯: 好濃火腿味，泡飯的飯唔係脆的，魚翅份量不少，唔算太熱其實食物質素好參差，例如炒蛋同蒸魚都很好，但雞腳同豆腐就真係好一般。。講完食物講服務。。。真係非常有待改善1 可能人手不夠，好難叫到人，其實大約叫3到5次先有人理吓。。。2 飲晒茶要加水，又係舉幾次手都

朋友都知我愛吃片皮鴨，今晚刻意約我去翠亨邨吃晚飯。地點很便利就在銅鑼灣的利舞台，而且環境寬敞闊落，又不會很嘈吵，更重要的是沒有限時交枱。果然片皮鴨沒有令我失望，切記要趁它熱騰騰時進食！片皮鴨鴨肥油香，未進食已經垂涎三尺！我們還有叫其他小菜，例如椰汁芋頭南瓜、黑松露崧子炒飯等，味道也不錯。特別是那椰汁芋頭南瓜，椰汁味很香甜，非常醒胃。另外老火湯和大良雙皮奶也值得一試！老火湯完全不油膩，並且真材實料！雙皮奶也很幼滑，非常好吃。

昨天拜完年就約左aunt lunch 去飲茶，因過年期間都幾多人去飲茶，好熱鬧！我地點左紫薯豬仔包$58/3個；紫薯都幾多下，好香濃，真係唔捨得食，太可愛了；豬年食番個豬仔樣既紫薯豬仔包，好意頭！椒鹽豆腐方$68 ；熱辣辣炸起外面好鬆脆，裡面豆腐好棉好滑，有即溶既口感，要慢慢食小心燙咀。蟹籽脆魚腸粉$68；第一次食脆魚既腸粉，通常都係用蘿蔔絲做料，所以佢用脆魚更加有新意，脆魚很有鮮味，腸粉都好皮薄Q彈，加上舖左蟹籽係面更加卜卜脆！好正！雖然價錢比其他酒樓較高但也值得一食！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

不歡而散的一次午餐！知客態度糟糕，在我表明兩次已訂座，他仍未能在訂座表中找到我的電話，最後需要我用手指在表上把自己的訂座紀錄指給他看，他才恍然大悟，明顯無心工作！入座後發覺茶杯相當骯髒，充滿污跡茶垢，已令我們食慾減半。試問一家高級酒家豈會容許茶杯如此骯髒？終於換到了雪白無垢的茶杯後，侍應前來詢問我們想喝的茶。我跟侍應說了三次，侍應皆表示聽不懂，反覆詢問我要什麼茶，令我懷疑是自己咬字問題！到最後當經理接手點茶問題時，該侍應以不屑的嘴臉語氣惡劣地向經理道：「唏，你搞掂埋佢地啦！」我就該侍應向經理投訴時，經理未有認真處理，敷衍了事，只回應「哦哦哦，好的」就算了。以上的種種令我們食慾全消，什麼都沒點就離開了。有時候午膳，味道還是其次，吃的還是服務和態度。一家名氣如此大的酒家，態度竟如此差，官威那麼大，真是嚇煞了我們，不敢再去哪！