翠亨邨 (美麗華廣場1期)

營業中

休息中

成班朋友約食飯，有時都幾難唸到邊間係又方便又可以傾到偈兼好味實惠的地方，最近去了尖沙咀翠亨邨，估唔到幾好喎 首先我最鍾意個度環境寬敞舒服，一D都唔嘈，而且訂了枱完全唔駛等位。食物方面，我地5個人order o左份4人自選套餐，都幾精緻有驚喜最鍾意呢個黑魚子香芒蝦球，一上枱即被又多又大粒的魚子所吸引，放入口，外脆內鮮的海蝦與特製的芒果醬簡直是完美的結合番茄海鮮湯魚味十足，清甜不油膩，有朋友平時唔鍾意係街飲湯，都話今次例外甫魚炒飯爽口唔油，好香～～叉燒ok，勝在上枱時仲係暖笠笠例牌加碟菜　埋單發現一D都唔貴，每人二百蚊有找，舒舒服服坐兩個幾鐘，總括來說好滿意，以後聚會又多個好選擇﹗

好耐無來尼處飲茶 對上個次已經是3年前 印象中勁似酒店內一間做遊客生意既酒樓地方依然寬敞舒適 服務也很妥貼 可惜點心水準仍舊停留於一般水準 而賣相精緻 細碟一口 就是賣點 好味既只有蜜汁叉燒 燒出香口 肉質恰到好處 可以話"鬆化" 正其他食物不用多說了.. 叉燒飽 叉燒腸粉 叉燒粉飯麵 都很美味 喜歡叉燒既朋友 不妨一試

brought the coupon from " group buying " on internet . 7 courses . free BBQ pork chop ! tasty I don;t like the lobster seafood soup, wish is thicker the shrimp , so so , fresh the fish , deep fried Japanese fish , my mom didn't finish it crab noodles, nothing special , but good, is not the dish I will order almond tea with bird nest . not that many birds nest and the texture is very thin I like tho , wish could be more thick deep fried dessert . the best in this restaurant . normally is ver

團購幾乎成生活的一部份，就好似每天看新聞般，經過兩、三次不滿意的經驗，便越來越小心選擇。是之團購的是翠亨村的鮑魚海鮮餐，看到前面食友的食評，心不禁涼了截，不過最後卻出奇地滿意。週末下午，店內差不多滿座，都是飲茶的，看到他人的點心，我更感飢腸轆轆。甫坐下，侍者便詢問要哪種茶，雖不知要收費否，總不能連茶錢都吝於付吧~清的香片配味濃的海鮮餐，應是不俗之選。當我期盼鮑魚海鮮羹之際，酒樓竟送上一小碟蜜汁叉燒，因前面其中一篇食評沒提及，我以為只是隨機之禮，現在看來，是予團購客的小心意吧~叉燒外皮燒得香中帶脆，肉質嫩滑豐腴，蜜汁和肉汁充斥口腔，不比六國酒店或者再興的遜色。龍蝦湯鮑魚海鮮羹：龍蝦和上湯味濃，鮑魚彈牙又保持到肉質不乾身，用料充足，沒有因團購而減料，飲完亦不見口乾，開首印象滿分。金盞玉帶子：帶子嫩滑鮮甜，又一具水準之作，只是略嫌茨汁太多，有點油膩。生菜包金蠔鬆：蠔味沒被其他配料掩蓋，反而因加了爽口清甜的馬蹄粒而顯得不單調；生菜新鮮爽脆，平衡整體味道，不錯~當我向侍應確定材料時，她亦很友善、不厭其煩的解答，服務很好~鐵板串燒鱔：鱔外脆內滑，肥美的鱔肉，不好鱔的我都食了半串，附帶的燒汁帶甜，用

多年前結婚在這裏擺酒，這日兒子突然說想來看看，於是便來吃個晚飯事隔多年，這裏已翻新過，裝修間隔不同了，地方好像細了，現在應該不會用來擺酒；這日一家三口叫了：薑䓤魚雲煲：好香口，魚雲好入味，都好多肉西檸雞：檸汁同雞分開上，啲肉比較脆口，不過雞件切得太薄，反而口感差了瑤柱薑米肉崧炒飯：炒得未夠乾身，可以再好啲雖然食物沒有驚喜，但故地重遊，感情分搭夠

apr 19, 11, 4人嚟dinner.........訂枱時想訂埋網油腰肝卷,不過店方最後覆實不能在2日時間內備齊料,所以做唔到,心裡有點不爽.........最後叫咗 : 1) 楓葉蜜餞羊仔鞍-餐牌上這是廚師推介之1-1碟5件-羊仔肉肉質鬆軟,蜜糖令到佢甜甜哋,又唔乾,只喺羊味不重-無諗過佢會伴炸茄子喺旁邊,坦白講個人覺得有點格格不入,幸好個茄子都炸得唔油,而且亦無腍pat pat 2) 香蔥竹煸黃魚 (hk$148)-我都喺第1次食呢個菜-熱乎乎的,所以要趁熱食-整體炸得好鬆,外微脆,肉也不乾-再蘸埋香蔥醬油食,更美味 3) 叠影豆腐 (hk$88)-同menu張相有點出入-豆腐真喺好滑,好滑,也有豆味-中間嘅番茄蛋都好好味因甜甜酸酸 4) 翠亨村招牌炒米粉 (hk$118)-有蛋絲,芽菜,蔥段,肉絲同帶子-炒得爽身,但不乾,不算油,ok的 5) 窩貼牛奶拼均安魚餅 (hk$128)-差點忘了點-先食魚餅,熱辣辣,配上蜆芥汁,更是鮮味-牛奶頂上的實是椰奶,甜甜哋(唔過火),很滑,不過底下嘅麵包不夠脆 6) 大良雙皮奶 x 2 (@hk$28)-這是聞說很好味的-望落的確好滑,

早排友人生日，為了好好地慶祝，又要平衡財政安排，我們就用了早前在某大團購網的優惠，去了尖沙咀美麗華地下的翠亨邨吃晚飯。我們今次吃的是「豪華海鮮套餐」。由於早已訂位，所以即時入座，而當晚入座率不高，幾乎所有人不用等位。叫了茶，首先是酒樓送給我們的叉燒小吃。個人感覺肉質和口感鬆軟，溫度適中，不錯！特有餐牌，唔駛食乜都唔知。龍蝦湯鮑魚海鮮羹：略為細碗，味道和西餐廳的海鮮湯差不多。但勝在用料充足，鮑魚亦有咬感。鐵板串燒鱔：外脆內軟，特別係夠熱！而骨亦很少，小朋友也岩食！金蠔鬆生菜包：開始以為蠔是一整隻，原來是和肉粒一併打碎，所以唔知情的情況下真的感覺不到有蠔的存在...金盞玉帶子：雖然賣相十分不錯，帶子味道很濃，但實在太油了....蟹肉片兒麵：很特別！麵不是一條條，而是一塊塊的，所以感覺新鮮，而蟹肉亦很多！燕窩杏仁茶：杏仁味道充足，但燕窩似乎帶不出甚麼... 甜蜜脆麻花：味道十分麻麻，沒有多大特別。

想食餐好的，環境服務一流的獲獎食府最好不過，不過價錢卻讓人卻步……早前我在團購網上買到以優惠價 $159 享用美麗華集團旗下翠亨邨原價 $320 的豪華海鮮套餐，滿心期待去用餐。看資料介紹，尖沙咀翠亨邨一直以精緻粵菜及地道口味而聞名，多年來都為饗客帶來傳統風味，精心烹調各款新鮮食材，以展現傳統粵菜風味。翠亨邨品牌曾入選為《香港澳門米芝蓮指南》推介餐廳之一、Hong Kong Tatler香港最佳食府及《WOM Guide ！》。是真是假？一食便知有沒有。星期日中午，我們訂了位，所以不用排隊便入座。遞上coupon後，茶樓先送上4片叉燒作開胃菜，只看賣相便知ok，果然放入口中，肥瘦兼備，肉嫩汁多， 已是一個好兆頭。我們買的豪華海鮮套餐包括: 龍蝦湯鮑魚海鮮羹 金盞玉帶子 鐵板串燒鱔 金蠔鬆生菜包 蟹肉片兒麵 燕窩杏仁茶及甜蜜脆麻花。每碟都令我滿意, 我尤其喜歡串燒鱔，配上他們特製的醬汁，香口得來不會覺油膩，口感很新鮮彈牙；另外，龍蝦湯鮑魚海鮮羹的味道不像西式的龍蝦湯那麼濃，但越對是值得推薦的羹湯，雖然鮑魚不大，味道也算不錯!一個套餐吃完後， 真的很飽很滿足呢~吃飽過後，我們還以為要付茶位

好朋友的團年飯，地點由我來定。以前過時過節都是在翠亨村做節，始終對這地方有著情意結，所以今年我仍是選了這裡。有朋友問：「你仲未食厭呀?」咁其實，我又真係仲想食呢度喎。訂檯時沒有刻意表露身份，但去到坐低，還是被認出來。本來，經理Gloria是可以幫我們寫菜，但大家還是想隨便一點，自行揀選喜歡吃的東西便行。打頭炮的是燒味雙拼，燒鵝拼叉燒。燒鵝竟然給予鵝脾，喜出望外，吃起來皮脆肉嫩，甘香好吃；叉燒明顯是兩個不同部份，半肥瘦既梅頭肉鬆軟味美，但搭著幾件切得薄薄的，肉質也韌的出品，扣了點分數。每次到美翠，我都總會點一個餸，就是牛奶鍋貼配均安魚餅。牛奶鍋貼，牛奶味濃郁，卻不會有羶味，入口柔軟，上面鋪著一小片的咸香的火腿和芫茜，夾著香脆的鍋貼，口感和味道都甚佳；至於均安魚餅，都是用上傳統的鯪魚肉，煎得香口，咬落彈牙，有魚肉的香，醮上蜆介，很是美味。再來一味懷舊菜，是紙包骨。大大話話都十多年沒有食過呢味野，打開玻璃紙裝，就是醃得入味，肉質軟熟的腩排，吃得滋味。朋友點了個粗齋煲，材料有紹菜、豆卜、磨菇、草菇、木耳等，挺豐富。而這次放棄了南乳，改用了柱喉醬去炆，更能保持齋的原本味道。清清的一味齋菜，大家也

7點幾~冇咩人~實在太好~環境唔嘈~可能因為係星期三既關係~好多人都一圍圍來食~不過喜歡吃中菜的在尖沙咀的話這間也很不錯呢~!!!叫了雞~排骨同埋冬瓜件~雞很好吃~不過不要奢求在香港能吃上有雞味的雞啦~不過它的沙薑是很夠味啦~我很喜歡!!!!冬瓜件也做得不錯~2個人去也不會被待慢~實在太好~!還有這幾天有月餅預訂優惠~很想快點有得吃~嘻嘻~!!!~

想吃的店子實在是太多，在香港做順德菜的地方很多，但通常的也走粗枝大葉的路線，而此店就走精緻路線，我來吃的目的，都是為在別處吃不到的東西，那味均安魚餅拼鍋貼牛奶，今晚定要一嚐，是夜一行十人，一於就來試多一點其他的東西吧。店子此夜樓下有大囍事，我們靠邊站的就升了去一樓，環境尚算不錯，然後大家開始研究餐牌，大家各選所好，最後大家決定點上一客特色四拼作涼盤打頭陣，然後來個例湯，之後再來小吃均安魚餅拼鍋貼牛奶，加五項主食及兩項單尾，又看看夠不夠吃。先來的竟是是日的例湯，乃蓮藕煲豬展也，湯色澤深而帶點蓮藕的泥紅色，湯濃味美，肉香不斷，也當然隱隱傳出不弱的蓮藕味，果真是火侯不錯的老火湯，湯渣的蓮藕吃了一塊，煲過後仍舊非常爽口，但入口沒有絲絲的感覺，又好像有點失落的感覺。特色四拼是可以自選的，我們選了滷水鴨舌、XO醬海蜇花、蒜泥白肉及尖椒皮蛋。先談滷水鴨舌，鴨舌果真夠涼快，入口軟腍嫩滑，用上廣東鹵水汁煮熟，自然是非常入味，但個人認為，其滷水香如桂皮八角的味道是可以再強一點； XO醬海蜇花用上的是海蜇頭，現今越來越多港人懂吃海蜇頭了，再也不是滬人的專利，吃起來帶爽勁，清涼之中帶XO醬的辛香，也有麻油香，

雜誌的翠亨邨茗茶點心和小菜廣告照片幾吸引, 所以復活節假期和爸媽來試吓.素菜餃 : 我覺得好咸, 媽媽話個皮'痴'牙蟹肉芝蔴腸粉: 得個咸字, 唔講都唔知係蟹肉.蝦燒賣: 偏咸 爽滑芝蔴卷: 有點一pat 的感覺, 唔爽唔滑!馬蹄糕配玉桂香蘭汁: 馬蹄唔多, 唔咬口, 一點玉桂或香蘭的味道也沒有!茉莉花紅豆卷:好甜, 沒有茉莉花味!葱油餅: 最似樣的點心, 夠熱夠香.本來想試吓佢D茗茶小菜, 例如: 玫瑰蝦仁, 龍井双蚌… 食完點心可以慳番: 沒有茶味, 沒有食材本身的味道, 只有咸味... 怪不得星期日早上大把位.

一月下旬與傳媒朋友、主理人及一些公關朋友的團年小局，托有關方面的幫忙，訂了寬敞並設有大電視的廂房，特色盆菜分享將於《惡男的廚．宴光影事》 http://foodxfile.blogspot.com 公映，但一味好吃的窩貼牛乳餅，也值得率先發佈讓喜歡香脆＋甜的朋友試試。午市有供應的小品炸物，多士炸得香脆不膩，配上甜口的濃縮牛乳，還有小片鹹香金腿及蒝荽提味，甜脆香酥配搭得宜，偶嗜甜，自然是吃得滿意了。

今個星期日約左班舊同事飲茶團拜, 大家話搵D新意, 唔去銅鑼灣, 最後訂左美麗華商場個間翠亨村酒樓, 結果不單只食唔到d咩, ....最後仲被激親.......真係嬲到暈呀!!!! 成件事係咁嘅: 我係二月二十五日打電話去訂咗一張16人枱, 諗住週日去一班人飲茶高興下 二月二十八日 12:00 noon - 我地有人準時到達攞檯, d人跟住陸續到達 12:20pm – 見d人到得咁上下, 我地開始叫第一輪點心同其他小食 12:31pm – 個部長落好單, 俾番張電腦紀錄紙我地. 我地就一邊拜年派/收利是, 一邊等野食. 同時, 我地又將第二輪o既點心紙交俾部長 12:42pm – 我地見等得都有一段時間都未有點心, 就叫部長姐姐同我地跟下, 點知部長姐姐話個電腦system lock住左d單, 第一輪個d點心都未出, 佢會連埋第二輪d同我地追 12:55pm - 終於有侍應送食物來我地張檯, 放低左一大碟咁多嘅煎腸粉....我地一檯17人望住碟腸粉…決定等其他野到埋一齊食 1:05pm – 一d動靜都無, 我地再問部長, 佢都係話蒸緊, 會幫我地追. 我決定起身去問同熟客吹緊水o既曾經

媽媽托小女記得記得起2月12日前過美麗華換蘿白糕, 於是一放工, 就標左去翠亨村排隊.排我前面果兩公婆買了幾千蚊卷, 真係咁好食?輪到我喇~原來桂花糕賣斷市喇, 我地好好彩. 不過要等到過年先可以吃~是日賀年食品:- 蘿白糕唔係蝦米仔, 係用大蝦米做架!用料富貴, 買得貴係有原因.一絲絲蘿白, 加上較重味既胡椒粉,聽媽媽講蘿白本身味腥, 要用好多胡椒調味架.恰到好處, 好味! 燕窩杞子桂花糕打開個盒都"嘩"一聲, 好多燕窩呀!!!杞子好大粒, 落重本真係太誇張, 如果100蚊一個真係好抵食~(有優惠的)成個糕好香花味,希望即時見效, 皮膚滑留.