翔壽司 (已結業)

日期：平日時間：下午食物：刺身質素OK，醋飯比較有黏性，份量大小適中，整體質素OK但沒有驚喜，以這個價錢期望更好價錢：一般環境：空間狹窄，座位比較細且不太舒適，沒有附設收納籃供客人，所以一直要抱著手袋進餐，如果剛購物完會好狼狽；　　　桌面細小，只容納放置一碟食物，筷子容易碰到其他器具　　　店內音樂聲過大，令人難以放鬆享受服務：師傅頗有禮貌；　　　侍應略差，當同場沒有其他客人時堅持限制用餐時間、要客人離開；　　　即使店內有很多空位時，仍強行安排兩組客人坐在相連位置，令到客人之間接踵摩肩；　　　可能太擠逼，注意不到為客人加茶，更不會主動向你加茶；　　　明明可以直接向師傅落單，但侍應卻由入場直到點餐前一直都站在旁邊看著你，感覺像一直催促你，而且留意著你一舉一動，即使你沒有主動查問產品都會主動搭嘴（不是推銷），令人感到壓力回頭率：低，雖然這店前身是立食，但既然轉型了就該連其他方面都加強，既然定位是以質素作賣點的壽司小店，應該提供一個更好質素的進餐體驗給客人，而不是猶如一間壽司速食，以這個價錢、質素和服務，在同區可以找到更好，最少是服務食物環境都OK 的壽司店

Eatigo 半價，加上天氣熱熱地，一於食下日本野，壽司刺身之類點了3款壽司🍣魷魚壽司$17:魷魚夠新鮮，好味辣味三文魚軍艦壽司：出錯左芥辣八爪魚壽司，算啦照食飛魚籽軍艦壽司$14:滿滿飛魚籽，卜卜脆芥辣八爪魚手卷$18:師父好細心提醒先食手卷，但因為影相遲左少少食，紫色少少淋左，芥辣八爪魚份量好多，好鍾意芥辣，好清新又醒胃，八爪魚彈牙好咬口迷你三色丼：刺身有帶子、三文魚子&海膽，海膽兩片夠厚肥美又鮮味！三文魚子份量多且新鮮，係有d咸，帶子兩片唔太薄夠新鮮食物半價，加一按原價，店員有禮貌常主動加茶，師父有禮貌而出餐物，很滿意

oishi!! 性價比甚高嘅壽司盛盒 誠意推介厚福街呢間翔壽司店員誠意推介特尚壽司盛盒俾我 我仲留意到黑板上面有唔同嘅特選廚師推介食物介紹返呢個壽司盛盒有海膽、三文魚籽、牡丹蝦、帶子、炙燒金線鯛、拖羅、深海池魚、鯖魚、油甘魚、真鯛 10件壽司代表十全十美唔使10分鐘師傅就整好曬 壽司適宜由淡開始食到濃味一件一件開始慢慢品嚐 海膽夠晒海水味入口好鮮甜 實在唔夠喉 勁想encore 三文魚子有漲爆嘅感覺 配埋脆卜卜嘅紫菜簡直令人回味無窮 最特別嘅有炙燒金線鯛經過火燒確實唔同 油香更為出眾 燒焦嘅部份香噴噴 令人齒頰留香 帶子壽司入口滑嘟嘟 鮮甜味極佳 飲埋枱面上杯綠茶同食咗成盒上面嘅姜非常之有滿足感！

午市食好啲系列 對美食有追求嘅我今次嚟到尖沙咀厚福街呢度不嬲多嘢食 行到最篤篤 原來仲有間壽司店 雖然店舖唔太起眼 內裏嘅座位唔多 但係食物勝在食物質素相對高 師傅用心 精湛刀工 切出一片片刺身二人份量嘅精選刺身 價值$178份量十足 有齊三文魚、帶子、池魚、甜蝦同油甘魚 每樣兩片 能夠滿足花心的我賣相好吸引 三文魚夠肥美 帶子又夠新鮮池魚𠝹好晒花連埋青蔥 去晒筋入口鮮甜另外仲有甜蝦 膠質極多 而且蝦身長 一大啖擺落口 非常好食 油甘魚厚切 鮮嫩粉紅色 代表新鮮非常 每人一片確實唔夠喉😋😋

❤️海膽䓤吞拿魚腩丼晤知有無人同我一樣，好鐘意食䓤吞拿魚腩，仲要撈埋啲飯一齊食呢😆😆好耐無食過性價比禁高嘅刺身丼飯，海膽味濃，鮮甜，䓤吞拿魚腩分量好多，足夠撈哂一碗飯食，好軟綿綿，香甜，油脂分布好平均，入口即溶，以呢個分量，呢個價錢，呢個質素黎講，香港真係買少見少，支持小店！呢到坐位晤多，每個位都望到師傅整壽司，好有日本風格，午市堂食都Full Full 地，要食好嘢記得記得book 位喇👍🏻👅翔壽司 (尖沙咀)尖沙咀厚福街5-6號多富閣地下4號舖

厚福街一向多好嘢食～ 不過今日想食壽司，首選當然係✨翔壽司！之前晚市見佢好多人排隊，今次咁啱下午茶時間見到有位～ 諗都唔使諗就入去啦！見到咁多選擇，就不如唔好揀😂叫個特上盛合同至愛嘅拖羅～ 點都滿足到我啦！✧ 刺身✧大吞拿魚腩伴紫菜入口即溶嘅大拖羅同脆脆紫菜形成強烈對比的雙重口感❣️❣️❣️ 令人難以抗拒！✧ 特上壽司盛合✧🐟三文魚籽、帶子、大吞拿魚腩、深海池魚、牡丹蝦、海膽、炙燒金線鯛、鯖魚、油甘魚、真鯛🐟 共10件件件都好鮮味丫！😆而自己就特別鍾情以下幾款～🔺炙燒金線鯛 - 肉質結實有彈性、炙燒後味道更甘香鮮甜。🔺大吞拿魚腩- 油脂豐富、😋入口即溶。🔺 深海池魚 - 肉質鮮嫩肥美，入口質感爽脆。🔺海膽 - 濃厚鮮甜😆。🔺真鯛 -魚肉緊實彈牙，甘爽鮮甜。✧ 麵豉湯 ✧ 和風粟米沙律 ✧店內全部吧枱位，😄睇到師傅即叫即製壽司放係你面前，店員經常主動加茶，即刻好掛住日本的壽司店呢～

行過厚福街見到翔壽司有做🍴午市套餐，幾抵食，做到下晝五點 見時間差唔多，就入去食個午市餐當 early dinner。 店員推介我自選壽司套餐，話比較受歡迎， 而且仲包湯同沙律。🥗明太子沙律 $48叫咗份小食明太子，脆卜卜，口感獨特，十分惹味。🍣 自選壽司12件 $208選了2件火炙三文魚腩、2件油甘魚及火炙左口魚邊火炙金目鯛 吞拿魚深海池魚池魚真鯛魴鮄魚赤蝦刺身厚切，肥美新鮮，飯份量多，每件都幾大舊，所以食完好飽💯😍店舖細細哋，座位吧檯為主，店員服務幾好 ，加水好密，想食壽司嘅時候可以再嚟😍

一段時間無出街食飯，好掛住日本菜！所以呢日喺尖沙咀工作完，就去咗厚福街嘅翔壽司食lunch！據知翔壽司由前米芝蓮推薦餐廳嘅壽司師傅班底開設，店主理念反而係從中高檔改走平價路線，見午市定食定價合理，就一於試下！估唔到2pm多都仍然有唔少客人呢！北海丼($208)北海丼有7款魚生，包括：中吞拿魚腩、油甘魚、三文魚、赤貝、牡丹蝦、海膽、三文魚子。每款刺身都有約兩片，每片都好厚切，口感十足。吞拿魚腩油脂分佈平均，魚脂甘香。赤貝新鮮度足，入口仍然爽口彈牙。三文魚子落得慷慨，充滿鹹香。海膽完整乾身，雖然鮮甜度一般，但無任何腥味，尚算新鮮。牡丹蝦甜美細滑，啖啖肉好滿足！午市定食仲包埋沙律及麵豉湯！店員服務都幾殷勤，不時留意客人需要及主動斟茶！

💖過左blue Monday要食餐好嘅，今日黎尖沙咀呢間出名CP質高嘅壽司店食，聽講師傅👨‍🍳仲係黎自前米芝蓮推薦嘅餐廳🍴添！1️⃣鮪壽司拼盤🍣 $280💖有5款壽司同1隻手卷，有齊吞拿魚唔同部位，包括矜貴嘅拖羅🤩！壽司飯口感緊實，帶酸甜醋香。🔸大拖羅：識食梗係食最矜貴嘅大拖羅🤤！大拖羅油脂最多，肥厚嘅魚生上見到靚靚嘅雪花紋❄️。魚油甘香味濃郁，肉質軟嫩易溶。🔸中拖羅：油香味濃郁，肉質香軟，脂肪含量比大拖羅低。🔸赤身：好鮮豔嘅紅色❤️，肉質緊實，有嚼勁，食落爽口。🔸腦天：係吞拿魚頭頂部味嘅肉，所以產量好少！同樣帶香濃油脂味，入口順滑。🔸炙燒面脥肉：呢款肉質最彈牙、有嚼勁，帶魚筋。🔸蔥吞拿魚腩手卷：紫菜爽脆，吞拿魚腩整成魚蓉，口感香軟綿密。2️⃣拖羅海膽杯🐟 $148💖一次可以食到拖羅、海膽同三文魚籽，好味又高質！最底係壽司飯，再鋪上比飯仲厚嘅拖羅魚蓉，面頭灑上蔥同京蔥，然後擺上幾件大塊嘅海膽同好多粒三文魚籽。💖拖羅蓉肥美油香，口感綿密；海膽肥厚微黏，味道鮮甜；三文魚籽飽滿，咬落好香魚油味，一啖就食到呢3隻味道同口感，好豐富😋！💖餐廳環境偏細，不過就可以近距離睇師傅整壽司，而且侍應做嘢好主動、快手。

特上壽司盛合$268 🍣宜家無晚市，晏就要食好少少😩有日係尖沙咀厚福街揀咗呢間壽司店食lunch。午市定食有自選有丼飯，想豪啲仲有廚師發板，坐係Bar枱睇住師傅整壽司，都幾正。不過我哋就食lunch set算喇，我就揀左呢個特上壽司盛合，唔洗煩食咩，一次過食十件😍午市套餐包埋沙律同麵豉湯，10件壽司包括海膽、三文魚籽、牡丹蝦、帶子、炙燒金線鯛、拖羅、深海池魚、鯖魚、油甘魚、真鯛。整體好新鮮，最滿足係拖羅😍入口即溶，海膽同三文魚籽都好正😋同埋都好大件好厚切，師傅好好😍飲埋麵豉湯，暖晒！📍#翔壽司 (#尖沙咀美食)尖沙咀厚福街5-6號多富閣地下4號舖

📍翔壽司🔗尖沙咀厚福街5-6號多富閣地下4號舖.我地係eatigo見到翔壽司有8折所以尼試一試！.特上壽司盛盒（$250）主打多款壽司，以鮮味為主🥰壽司飯味偏淡，但食材味道突出☺️價錢比較吸引，有大拖羅壽司🥰.鮪壽司拼盤（$280）以大拖羅、中拖羅和赤身為主，食完會有巨大滿足感🥰大拖羅油脂感很重，壽司顏色粉嫩，十分吸引😄❤️中拖羅魚味十分突出，十分有口感🥰赤身肉身較為緊致，有咬口🥰.🔅整體而言🔅食物質素不錯，沒有邊樣令人失望😃店鋪主打食物性價比，人均消費不會太高🤪基於環境偏細和出面多人等候，我們很快吃完就離開🤣如果大家考慮性價比(包括環境服務)，可以選擇10件自選壽司或加多少少食Omakase🤣🌟.美味指數🥰：7/10性價比指數🌟：7.5/10儀式感指數🤎:6/10

今日去咗尖沙咀厚福街搵食，疫情期間太掛住日本喇，搵咗一間叫翔壽司度試吓，店入面座位唔多，絕對係小店經營，據知呢間係前米芝蓮推薦餐廳嘅壽司師傅班底開設，所以都有唔少捧場客。入到店入面店員都幾有禮貌，仲好主動斟茶。我今次揀咗個刺身壽司盛合、拖羅海膽杯。店員會先送上麵豉湯同沙律菜。▪️刺身壽司盛合 $148🔺油甘魚刺身二切🔺三文魚刺身二切刺身全部都係厚切又夠新鮮，好有鮮味，入口啖啖肉好有滿足感。🔺赤蝦 好大隻蝦，啖啖肉好新鮮，食埋個蝦頭好多蝦膏，蝦膏好甘甜，食完有幸福嘅感覺。🔺壽司🍣有赤身、左口魚、真鯛、魴鮄、帶子。壽司全部都好新鮮，食落一啲都唔會腥，其中魴鮄仲係我身一次食到，味道都唔錯；左口魚係我嘅最愛，鍾意油脂味濃，係我每次食壽司都會必點。▪️拖羅海膽杯 $148除左有拖羅同海膽之外，仲有三文魚子，三文魚子味道一啲都唔腥，味道仲好甘香；海膽份量一啲都唔少，海膽好creamy 仲帶點清甜，大大啖食落去好有滿足感；丼飯嘅上面仲有拖羅蓉，誇張啲講配料係多個飯，好滿足好好味。總結：店舖雖少，但都乾淨企理；食物質素高；店員亦都好有禮貌。絕對值得再嚟支持。

小編來到尖沙咀厚福街一間高質壽司小店「翔壽司」🍣曾兩度榮獲米芝蓮推薦，以親民平價路線提供高檔壽司的質素，壽司師傅更是前米芝蓮推薦的高級餐廳出身，經驗豐富👏🏼小店提供Omakase（午市最平由HK$380起)、單點及拼盤壽司，堅持用新鮮日本食材，環境像日本築地壽司的小店，特別有親切感✨推介「特上壽司盛合」，當中有十款壽司包括加拿大海膽、三文魚籽、牡丹蝦、帶子、中拖羅、炙燒金線鯛、深海池魚、油甘魚、真鯛及鯖魚十款壽司！🍣 加拿大海膽夠肥美，呈金黃色味道鮮甜😍 三文魚籽自家漬，超級鮮甜而且無腥味，粒粒都晶瑩飽滿；中拖羅油分和魚味平衡，無筋而且入口即溶，魚味濃郁🐟 金線鯛鮮甜而且口感爽口，經過炙燒的魚皮加上香蔥更加香甜👏🏼 到訪翔壽司的次數不少於十次，「特上壽司拼盤」已經不能滿足小編了😂 所以每次都會單點特別喜愛的壽司，以下列出推介壽司。1️⃣首推的是「北海道海膽壽司」✨ 海膽色澤呈深橙黃色🧡 味道極為鮮甜及香濃，入口即化的口感真是令人銷魂，細緻滑順的口感與甘甜香腴的滋味，交織出充滿和風的奢華氣息，餘香繚繞不散☺️ 海膽控必定要試北海道海膽💯2️⃣ 其次是🐟「大拖羅壽司」及「腦天壽司」，腦天是吞拿魚頭頂

🇭🇰翔壽司·呢間我地之前見夜晚超多人等位 所以難得個日放假就決定黎食個lunch 但係我自己覺得佢壽司質素一般般姐🤭🤭·自選壽司10件 $168佢呢個價錢唔算貴 但係都唔算平既 如果午餐既話呢個價錢附近好似有好多更好既選擇咁🙊佢既油甘魚 真鯛 深海池魚都ok既 不過就淡味少少🤔🤔反而佢既火炙壽司好似做得出色D 佢個金線鯛同左口魚邊魚油都幾香 之後帶子都鮮甜既 但係佢片到好薄 所以無咩口感咁 個赤蝦壽司都係正正常常咁🤭😂·#rbyeat#rby日本菜#rby尖沙咀·📍尖沙咀厚福街5-6號多富閣地下4號舖

耐唔耐就會好想食壽司如果咁啱出開尖沙咀就一定係會幫襯翔壽司有時撞正優惠 性價比超超超高已經唔知到訪過幾多次今日純粹想過下口癮又怕睇戲會餓所以又去食壽司頂頂癮私心最推薦翔壽司嘅蝦同帶子魚類都相當唔錯㗎☺️甜蝦一般出邊食到嘅都係用三隻左右嘅小蝦拼湊但呢度用兩隻中size 嘅蝦身 令人食落去相當滿足！！而且味道鮮甜 絕對係必叫之選唔想要飯嘅話 叫甜蝦刺身一樣掂👍🏻-赤海蝦身為蝦控嘅我呢個都係次次嚟都會叫蝦嘅size 中上 口感爽口彈牙帶子肥美、豐滿、圓滑一咬口感軟彈同樣係cp值高-海膽太取決於時令來貨味道有淡淡海水味 但未算新鮮相對甜味亦未太突出-赤貝肉身厚而爽脆一啖食哂非常有滿足感清甜爽口 絕不簡單