翔壽司 (已結業)

💖過左blue Monday要食餐好嘅，今日黎尖沙咀呢間出名CP質高嘅壽司店食，聽講師傅👨‍🍳仲係黎自前米芝蓮推薦嘅餐廳🍴添！1️⃣鮪壽司拼盤🍣 $280💖有5款壽司同1隻手卷，有齊吞拿魚唔同部位，包括矜貴嘅拖羅🤩！壽司飯口感緊實，帶酸甜醋香。🔸大拖羅：識食梗係食最矜貴嘅大拖羅🤤！大拖羅油脂最多，肥厚嘅魚生上見到靚靚嘅雪花紋❄️。魚油甘香味濃郁，肉質軟嫩易溶。🔸中拖羅：油香味濃郁，肉質香軟，脂肪含量比大拖羅低。🔸赤身：好鮮豔嘅紅色❤️，肉質緊實，有嚼勁，食落爽口。🔸腦天：係吞拿魚頭頂部味嘅肉，所以產量好少！同樣帶香濃油脂味，入口順滑。🔸炙燒面脥肉：呢款肉質最彈牙、有嚼勁，帶魚筋。🔸蔥吞拿魚腩手卷：紫菜爽脆，吞拿魚腩整成魚蓉，口感香軟綿密。2️⃣拖羅海膽杯🐟 $148💖一次可以食到拖羅、海膽同三文魚籽，好味又高質！最底係壽司飯，再鋪上比飯仲厚嘅拖羅魚蓉，面頭灑上蔥同京蔥，然後擺上幾件大塊嘅海膽同好多粒三文魚籽。💖拖羅蓉肥美油香，口感綿密；海膽肥厚微黏，味道鮮甜；三文魚籽飽滿，咬落好香魚油味，一啖就食到呢3隻味道同口感，好豐富😋！💖餐廳環境偏細，不過就可以近距離睇師傅整壽司，而且侍應做嘢好主動、快手。