翔壽司 (已結業)

星期日出尖沙咀美麗華附近行街，近傍晚，小朋友開始叫肚餓，於是去厚福街覓食。呢條街全都是食肆小店，當中藏了一間只有約十張吧椅的壽司吧，之前有聽聞過好食，係米芝蓮推介！今次一於試下！點了個"十件寿司"，睇位師傅即時整，感覺十分鲜。尤其我自己至愛的带子寿司，鮮甜美味。另外鱿魚寿司極為鮮甜彈牙，我的推介。小朋友至愛的三文魚。三文魚肥美+肥美。本來仲有三文魚腩寿司，但小朋友一來就K.O.，冇機會影。玉子寿司亦係小朋友至愛之一。手卷也很好味。小朋友既中意紫菜，又中意三文魚籽，每次都必吃！三文魚寿司唔够喉。再追加三文魚卷。再加埋紫菜，小朋友食到 Lam lam脷

又出左尖沙咀搵食🤤想食壽司又唔想幫襯連鎖店，上openrice search到呢間位於厚福街既手握壽司小店，即刻book枱。Book左8點，不過由於真係小店，full晒，都係要等左幾個字位先有得入。非常日式壽司店既格局有散叫亦有set，好似啲set抵食啲，所以我地一人一個set。兩個set嗌既野差唔多。翔壽司比起一般壽司店既手握壽司好食，刺身厚切而且有鮮甜味，特別我地嗌左咁多魚都無腥味。每一舊飯既大小好適中，加左wasabi再夾刺身，而且連埋舊刺身握得好實，唔會一夾就散開👍🏻呢間小店既性價比十分高，可以encore！

今天抽空約了朋友去尖沙咀厚福街食飯，厚福街很多食肆，真的很難選擇，最後我們都決定食壽司。這間壽司店細細，的地方不大，最多只可以坐10人左右。由於是食飯時間，所以我們都等了大概20分鐘才有位進入。我們先食少少，留肚，然後我們要去吃甜品。我和友人先來一碟刺身，現去再叫一點壽司。如圖所見，魚生及壽司都十分新鮮。魚生都厚厚的，而鮮蝦亦，帶子亦不錯。我同海膽也是新鮮的，味道很鮮甜。下次再來的時候一定要試多一點魚生！

今日黎尖沙咀打算行街，點知經過翔壽司阿女就話肚餓，又話要去食壽司。中午成二點先食完午飯，五點幾就肚餓。🙄無計，又要就佢。阿女都算識食，呢度D壽司係廚司手握既，同果D火車壽司差好遠，翔壽司5點幾都要等枱，好彩吾係等好耐。自選壽司十件，點左三文魚腩壽司，油甘魚壽司，真鯛壽司，帶子壽司，飛魚籽軍艦，芥茉魷魚軍艦，深海池魚壽司，魴鮄壽司，火炙帶子壽司，火炙左口裙邊壽司。另外仲 order 左炙燒壽司盛合三文魚籽手卷青瓜卷雖然比平時連鎖壽司店貴少少，但質素完全無得比。濕潤軟熟暖泣泣既手搓飯團，配上新鮮肥美充滿油花既魚生，食落口真係有好幸福既感覺。

今日同frd係尖沙咀睇完戲，就想順便食埋晚飯先返屋企。因為唔想食太耐但又唔想頹食快餐，於是就係openrice 睇下有咩心水，見到呢間立食壽司店幾特別，我之前又無試過，就決定一試。呢間立食餐廳店細細間，座位唔算多，但壽司師傅就企係你面前，即點即整感覺好親近。而且，唔知係咪改進左，入面原來唔洗真係企，有一張張高櫈，所以都唔驚會企到攰。呢間有廚師發板，不過我地唔想等太耐，就決定要兩個set既壽司一齊share。第一set叫左我最鐘意既甜蝦、赤蝦、火炙帶子、火灸三文魚同芥辣八爪魚軍艦。甜蝦大大隻好新鮮，而火灸帶子同三文魚經火輕輕燒過，甘香味道更出。另一set就有吞拿魚同三文魚，同樣食得出肉質鮮味。三文魚脂肪分佈均勻，口感油潤，值得一食。總括黎講，價錢相宜而且廚師即場係你面前整，食日本壽司黎講，相當不錯既體驗。

講到尖沙咀食野，總會諗到厚福街，因為食店集中，親民至中價位也有。今次同男朋友見到一間門口掛著立食的壽司店，like Facebook or IG 仲有折添。入內後發現原來不用企著吃，高櫈已加入~小小的店內，只有一張壽司bar枱，每位客人也對著師傅，略略地看到握壽司的功駕! 加上店內播放的日文歌曲 (當時除了J-pop，也聽到沖繩的三味線歌曲)，也有一股日本的氣息。食物方面，我們每人點了HK$158十件壽司，自由選擇想吃的款式，可以十件不同，喜歡的款式最多可以選兩件。除了一些常見的壽司外，也有些較少有的，如魴鮄、池魚等。下單後大約10分鐘左右，兩板壽司就一齊到。壽司握得恰到好處，飯不會好太實亦不會太散。飯唔算好大舊，大口仔女可以食到一口一件。壽司飯與魚肉中間有少許芥末，完全不吃芥末的朋友要注意囉。壽司看色澤都知鮮度不錯，個人私心推薦是火炙左口魚邊壽司，爽口彈牙，炙過的魚油滲入飯內。好後悔不點多兩件!深海池魚、真鯛和魴鮄也是在香港較少見的，我第一次食，無從比較。三款也要慢慢細味才能感覺其甘甜，建議先吃。香港人至愛三文魚腩相當肥美，火炙後味道更其突顯。帶子鮮甜，質感軟腍，入口即溶的感覺。甜蝦

餐廳：翔壽司 (尖沙咀)地經：尖沙咀厚福街5-6號多富閣地下4號舖相信唔少人都知厚福街係尖沙咀其中一條最出名嘅美食街，近年新開嘅餐廳愈黎愈多，而今晚去食嘅翔壽司亦都只係係厚福街開左業幾個月，既然係新餐廳緊係要去試下質素如何啦餐廳唔算好大，大概有10個座位，但係坐位佈置係近年新興嘅潮流——立食壽司，坐係高櫈上面岩岩好可以望住餐廳師傅整壽司整料理，有得食又有得睇同朋友兩個人叫左幾款刺身，有帶子、深海池魚、三文魚腩同甜蝦，平均$40-50蚊兩件，池魚比較特別同少食，帶有銀銀地色嘅皮，肉質厚實同爽口，有啲魚油香同好重魚味，味道鮮而甜，仲可以配埋子薑一齊食夠哂香辣另外叫左兩個丼飯，分別係迷你三色丼($138)同翔-迷你蔥吞拿魚腩丼($138)，三色丼有白、黃、橙三隻顏色，分別指嘅係帶子、加拿大海膽同三文魚籽，餐廳用上黎自日本嘅馬糞海膽，顏色呈淺橙黃色，海膽味濃而唔會太腥臭，濃厚甘甜。蔥吞拿魚腩丼係將吞拿魚腩手切成肉碎再加上蔥花，呢種食法除左可以品嚐到吞拿魚腩嘅油甘香之外仲唔會因為本身太大舊又或者太多筋而好難咬開，加上芝麻粒同紫菜碎，撈埋飯食真係一流

近排幾流行食日式立食壽司店，尖沙咀又開多左間～雖然客人係需要成餐企喺度食，但係食材絕對唔馬虎，下邊就同大家介紹下我哋食咗啲咩啦。我哋兩個人都選擇咗比較抵食嘅自選10件拼盤套餐，除咗啲吞拿魚腩，海膽依啲比較貴價嘅壽司冇得揀之外，基本上都有齊平時會點嘅壽司。赤蝦，甜蝦，兩款壽司各有特色，平時嘅我比較鍾意食赤蝦，因為大隻啲，啖啖肉。不過依度嘅甜蝦我好推介，食得出好新鮮，亦有特別嘅口感。帆立貝，絕對冇偷工減料切開一半，帶子同壽司飯嘅比例差唔多係一比一，又係推介之一。火炙類壽司我叫咗兩款，三文魚腩同埋左口魚裙邊，兩款都燒得啱啱好，迫晒啲油香出嚟，入口即溶。最後叫嘅深海池魚、吞拿魚，油甘魚都好出色，整體壽司店用嘅食材都好新鮮。如果唔介意企喺度食，好推介大家嚟試吓依間小店😆

雖然生日過左好耐，但仲有朋友同我慶祝生日😚呢間立食見好多人，就去試下，睇落裝修同日本個度既立食店差唔多。-自選10件($138)我揀左火炙三文魚腩壽司、真鯛壽司、深海池魚、火炙金線鯛、火炙左口魚邊、赤蝦壽司辣味呑拿魚軍艦、牛油果沙律軍艦🍣火炙左口魚邊我叫左兩件，本身鍾意食，燒完個份油味好正🤤我自己比較鍾情火炙類，金線鯛就還好，另外叫左火炙三文魚腩，腩位油脂勁啲，食落好軟熟👍🏻最估唔到係辣味呑拿魚軍艦同牛油果沙律軍艦又幾好味喎！雖然有啲辣，但調味好😋牛油果熟度又岩岩好，好creamy !!-我地另外散嗌左幾款海膽手卷，海膽好鮮甜，份量都好多，店員話有半板😮紫菜好脆，咬落好脆口👍🏻大拖羅紫菜，配左啲粗粒海鹽，仲有片紫蘇葉，夾埋哂又出奇地夾，尤其海鹽更加突出拖羅既鮮😋赤貝刺身呢個ok啦，幾爽口和牛蒜片壽司🍣呢個好正！一定要試！和牛啲油出哂黎-🔺但立食真係會有啲攰😂

今日同朋友準備喺諾士佛台飲嘢，未飲之前大家都有啲肚餓，等齊人之際我哋就決定不如喺附近食少少野。係好多嘢食嘅厚福街見到呢一間翔壽司，唔洗等位就入去試下。原來佢係一間有廚師發板食嘅立食壽司店，不過因為我哋都唔算太肚餓，就冇叫廚師發板。我哋首先點左一個刺身五點盛($138)，試下佢材料新唔新鮮，結果我哋大家都認同係新鮮嘅。呢個刺身拼盤分別有帆立貝、甜蝦、秋刀魚、三文魚同鱆紅。當中最令我驚喜嘅係秋刀魚，平時我唔係太鍾意食呢款刺身，感覺上魚味太濃。但呢度呢個秋刀魚刺身係新鮮到有鮮甜味，值得一讚。因為覺得啲刺身都好新鮮，所以我哋就再追加多左一個極上壽司拼盤。10件壽司都係唔同口味，當中非常讚嘅有三文魚子，一啲都唔腥，極新鮮。拖羅應該係中拖，唔算太肥，但油脂分布剛剛好，食落唔會有筋。另外一件非常好食嘅就係海膽壽司，佢呢度用嘅應該係比較大既加拿大海膽，雖然冇北海道海膽咁鮮甜，但海膽味好濃，而且有口感。食得出亦都係一定新鮮，重點係佢一啲都唔吝嗇，份量比得非常多！埋單每人唔洗200，下次一定會嚟試吓佢嘅廚師發板，因為都只係三百幾蚊咋！

星期六又同朋友去尖沙咀食好西，就去左全街都係食既厚福街搵食😆朋友就話呢間立食壽司店想試好耐，見佢門面都幾乾淨企理就去試試👍🏻一入到去，發現原來立食壽司係唔洗立食，而係有得坐既😂咁當然有得座仲好啦😂👍🏻我地點左刺身，幾款都食得出好新鮮，蝦同北海道帶子夠鮮甜，如果厚切啲就更好啦。食完刺身之後就上壽司，我地點左總共5款，最好食係吞拿魚面頰肉，表面輕輕燒過，入口有好香嘅油脂，令人好滿足！同樣較少食到嘅有鯖魚壽司，配埋紫蘇食幾清新。另外我地仲order左辣味三文魚、三文魚籽、牛油果軍艦，三款都唔錯。最後追加左鰻魚壽司，魚肉非常厚身，而且燒得幾香，值得一試。

尖沙咀厚福街多野食就係人都知啦😂😂今次揾到間壽司店🍣，店舖面積不太，大約只容納到十個人圍著坐係魚生師傅的枱前。🧡精選刺身（二人前）$138三文魚肥美帶子：爽口鮮甜，帶有陣陣的檸檬🍋香氣池魚：上面加了碎蔥和薑，入口後慢慢會浸出鮮味肉質細嫩甜蝦：蝦肉爽，蝦頭的蝦膏都甘香油甘魚肉質🧡特上壽司盛盒 $250師傅係每件壽司都加了小量wasabi，所以只需點小小豉油，就可以直接放入口。海膽：壽司上加了好多海膽，超級鮮甜又 creamy三文魚籽、帶子牡丹蝦：蝦肉晶瑩剔透，味道鮮甜炙燒金線鯛：用炙燒方式將油脂迫出黎，魚油甘香，魚肉入口溶化拖羅池魚、深海池魚：油脂厚，非常爽脆，帶有淡淡鮮甜油甘魚真鯛：肉質比較結實

#尖沙咀美食#日本菜#立食文化尖沙咀搵食 當然要去厚福街啦！當中有間小店 小店裹面無位坐 只可以立食 雖然如此 但偶然既立食 唔知係咪心理作用 消化得更好1）自選壽司 （10件）玉子壽司 魷魚壽司火灸三文魚壽司深海池魚壽司-新鮮 色澤均勻魴鮄壽司帶子壽司 -入口即化 好甘甜 新鮮火灸帶子壽司 - 火灸左時既帶子 口感變硬左 但依舊保留鮮甜味甜蝦壽司 -又一件入口即化 火灸左口魚邊壽司飛魚籽軍艦朋友既自選壽司 三文魚壽司火灸三文魚壽司吞拿魚壽司深海池魚壽司火灸帶子壽司火灸金線鯛壽司火灸左口魚邊壽司飛魚籽軍艦芥辣八爪魚軍艦2）海膽手卷 什麼是回甘 食下個海膽就知道啦！ 3）甜蝦刺身 刺身來貨好靚 入口即融化 唔錯！ 4）火灸蒜香鹿兒島A4和牛 火灸剛好到位 牛唔會過熟 肉汁豐富 加上生蒜蓉 即提升和牛既鮮味 一啖食落飽 完全唔想分享比人食

今天約了朋友去尖沙咀睇戱。由於趕住睇7:30 ，我們去了食街中一間立食壽司。原本諗住快食，沒有什麼大的期望，但入到去的時候，卻被他的介紹吸引了。原來這間壽司店是銅鑼灣名店壽司翔太的副店！須知翔太是米芝蓮推介的名店，我一直很喜歡他的壽司，居然這裡是他的副線，真是一次大收穫吧。由於第一次試，我和朋友亦趕時間，侍應姐姐推介了自選十件壽司餐，價錢只是$158 ，齋聽價錢已經很吸引了吧是嗎？我們各自點了自己喜歡的十件自選壽司，款式很多選擇，也有不同的白魚可選，我就盡量每款一件多試幾款不同壽司吧！我的十件壽司，師傅很用心做，大約15分鐘後送到，見到他的樣子你已經流晒口水。尤魚壽司脆卜卜，很彈口Hamachi 油甘魚很鲜嫩ebi甜蝦很鮮甜帆立貝壽司的帶子很鮮甜及彈口深海池魚Shimachi 十分鮮昧左囗魚邊油焾埝的，滿囗甘香Tuna 也很肥美！真是很不錯；全部是水準之上。另外，師傅介紹了一款時令白魚叫魴鮄，口感很特別，那魚味特別鮮甜，真是有彷佛的感覺😬唯一我認為有少少可以給意見的地方，就是軍艦中的紫菜，不夠脆，食的時後已經唸了。但與這個價錢的壽司相比！性格比已經很不錯！順帶一提，這一店的壽司飯是用了

來得厚福街緊係為左搵好嘢食不過今日就係想食壽司-最後搵到黎呢間立食既店鋪由於因為係立食既關係所以店鋪唔大，座位唔多門面唔大所以好容易就miss左😂-今日就黎食一個自選壽司10件啦🥰$158價錢好公道-壽司種類唔少，連池魚、真鯛、甚至係魴鮄都有得點魴鮄其實我見都未睇過呢個字😂咁緊係要點黎試試-現真身了😍刺身既尺寸遠遠大過飯既體積好多🤭-食得出餐廳既材料好新鮮🥰🥰有質素！完全對得住個價錢之餘，簡直係超值❤️❤️❤️-三文魚腩同左口魚邊必點！！炙燒壽司燒得唔錯